Seed Studio

🟡🍅 ချယ်ရီ ခရမ်းချဉ်သီး (Cherry Tomato) ကို အိမ်မှာပဲ အလွယ်တကူ စိုက်ပျိုးကြမယ်🪴🍅🟡

ချယ်ရီခရမ်းချဉ်ကို အလှစိုက်မလား၊ စားဖို့စိုက်မလား... တစ်ပင်လုံး နီနီရဲရဲ-ဝါဝါဝင်းဝင်းရှိတဲ့ ချယ်ရီခရမ်းချဉ်သီးလေးတွေကို အိမ်မှာတင်အောင်မြင်အောင် စိုက်ပျိုးနိုင်ဖို့ ဒီ Tips လေးတွေကို ဖတ်ကြည့်ပေးနော်…✨

🌱 မျိုးစေ့ပျိုးနည်း (Sowing)
• ပျိုးထောင်ခြင်း: မျိုးစေ့ကို ပျိုးဗန်း သို့မဟုတ် ခွက်ငယ်လေးများတွင် ပျိုးမြေ/အုန်းဆံမှုန့်တို့ဖြင့် အရင်ပျိုးပါ။

💧 အစိုဓာတ်ထိန်းခြင်း: ရေကို ဖျန်းရုံသာ ပေးပြီး အစိုဓာတ်ရှိအောင် ထားပါ။ (၃-၇) ရက်အတွင်း အပင်ပေါက်လာပါလိမ့်မယ်။

🪴 ရွှေ့ပြောင်းစိုက်ခြင်း
အပင်ပေါက်လေးတွေမှာ အရွက်စစ် (၄) ရွက်ခန့် ထွက်လာပြီဆိုရင်တော့ (ပျိုးသက် ၂၀-၂၅ ရက်) စိုက်မည့် အိုး သို့မဟုတ် မြေကျင်းထဲသို့ ရွှေ့ပြောင်းစိုက်နိုင်ပါပြီ။

☀️ ပြုစုစောင့်ရှောက်နည်း
• နေရောင်ခြည်: ခရမ်းချဉ်ပင်ဟာ နေရောင်ခြည်ကို အလွန်နှစ်သက်ပါတယ်။ တစ်နေ့ကို အနည်းဆုံး နေရောင် (၆-၈) နာရီ ရရှိဖို့ လိုအပ်ပါတယ်။

💧 ရေလောင်းခြင်း
ခြေရင်းမြေကြီး ခြောက်သွေ့နေမှ ရေလောင်းပါ။ အရွက်တွေပေါ် ရေမကျအောင် သတိထားပြီး လောင်းပေးခြင်းက မှိုရောဂါကို ကာကွယ်ပေးပါတယ်။

🪧 တိုင်ထောင်ပေးခြင်း
ချယ်ရီခရမ်းချဉ်ပင်တွေဟာ အသီးသီးတဲ့အခါ အကိုင်းတွေ လေးလာတတ်လို့ ဝါးလုံး သို့မဟုတ် ပိုက်ကွန်လေးများဖြင့် တိုင်ထောင်ပေးပါ။

💊မြေသြဇာ
အပင်စိုက်ပြီး ၂ ပတ်တစ်ကြိမ် သဘာဝမြေသြဇာ သို့မဟုတ် ပိုတက်စီယမ်ပါဝင်မှုများတဲ့ မြေသြဇာကို ကျွေးပေးရင် အသီးပိုထွက်ပါတယ်။

🧺 ရိတ်သိမ်းချိန်
• အချိန်ကာလ: စိုက်ပျိုးပြီး ရက်ပေါင်း 70 ခန့်မှာစတင်ခူးဆွတ်နိုင်ပါပြီ။

• အကြံပြုချက်: အသီးကို ခူးတဲ့အခါ လက်နဲ့ မဆွဲဘဲ ကတ်ကြေးလေးနဲ့ ညှပ်ပေးရင် အပင်ကို မထိခိုက်စေပါဘူး

🌟💥 Extra Tip🌟💥
ချယ်ရီခရမ်းချဉ်ဟာ အိုးလေးတွေနဲ့ စိုက်ရင်လည်း အလှဆင်ပြီးသားဖြစ်သလို ဟင်းချက်တာပဲဖြစ်ဖြစ်၊ Salad လုပ်စားတာပဲဖြစ်ဖြစ် အရမ်းအဆင်ပြေပါတယ်။

မိုးရာသီမှာ အဖြစ်များဆုံးက "မှိုရောဂါ" ပါ။ အပင်ခြေက အရွက်တွေ မြေကြီးနဲ့ ထိမနေအောင် အောက်ခြေအရွက်တွေကို ဖယ်ရှားပေးပါ။ ဒါမှ လေဝင်လေထွက်ကောင်းပြီး မှိုတက်တာကို လျှော့ချနိုင်မှာပါ။

🟡🍅 Seed Studio မှာ မျိုးစေ့တစ်ထုပ်ကို 4400 ks ဖြင့်မှာယူနိုင်ပါတယ်။

ဒီ Post လေးက စိုက်ပျိုးရေး ဝါသနာပါသူတွေအတွက် အကျိုးရှိမယ်ဆိုရင် Like & Share လုပ်ဖို့ မမေ့နဲ့ဦးနော်။ 🌿🍅

#စိုက်ပျိုးရေး #ချယ်ရီခရမ်းချဉ်