NILAR GAYA

ကားမူးတတ်သူတွေအတွက် အသုံးဝင်တဲ့ နည်းလမ်း ၅ မျိုး
ခရီးသွားတဲ့အခါ ကားမူးတတ်သူတွေကို ကြုံတွေ့ဖူးကြမှာပါ။ သာမန်လူတွေအတွက်တော့ ကားစီးတာဟာ ရေးကြီးခွင်ကျယ်ကိစ္စ မဟုတ်ပေမယ့် ကားမူးတတ်သူတွေ အနေနဲ့တော့ ကားစီးရမှာကို ကြောက်တဲ့အဆင့်ထိ ဖြစ်နေတတ်ပါတယ်။ ဒါကြောင့်မို့လို့ ကားမူးတတ်သူတွေအတွက် အသုံးဝင်စေမယ့် နည်းလမ်းကောင်းအချို့ကို ပြန်လည် မျှဝေပေးလိုက်ပါတယ်။

(၁) ဂျင်း

ဂျင်းဟာ ကားမူးခြင်းကြောင့် ဖြစ်ပေါ်တဲ့ ပျို့အန်ခြင်း၊ ခေါင်းမူးခြင်းစတာတွေကို အလျင်အမြန် သက်သာ ပျောက်ကင်းစေနိုင်ပါတယ်။ ဂျင်းအနည်းငယ်ကို ဝါးစားတာမျိုးဖြစ်ဖြစ် ဂျင်းအနံ့ရှူလိုက်တာမျိုးဖြစ်ဖြစ်ပြုလုပ်တာက ခေါင်းမူးခြင်းကို သက်သာစေပါတယ်။

(၂) သကြားလုံးငုံခြင်း
ဒီနည်းလမ်းတော့ တော်တော်များများ သိကြပါတယ်။ အချဉ်ဓါတ်ပါတဲ့ သကြားလုံးငုံထားတာက ကားမူပြီး အန်ချင်တဲ့ စိတ်ကို သက်သာစေပါတယ်။

(၃) အစားမစားဘဲ နေခြင်းကို ရှောင်ကြဉ်ပါ

ကားမူးတတ်သူအများစုဟာ ကားမူးတဲ့အခါ ပျို့အန်မှာကို စိုးရိမ်တာကြောင့် ဘာမှမစားဘဲ နေတတ်ကြပါတယ်။ ဘာမှ မစားဘဲ နေခြင်းဟာ ပျို့အန်တာကို သက်သာစေပေမယ့် မူးဝေခြင်းကိုတော့ မသက်သာစေနိုင်ပါဘူး။ ဒါကြောင့်မို့လို့ ဆီကြော် အစားအစာတွေကိုတော့ ရှောင်ကြဉ်ပြီး အသီးအနှံနဲ့ ရေများများ သောက်ခြင်းကိုတော့ ပြုလုပ်ပေးသင့်ပါတယ်။

(၄) ကားစီးတဲ့အခါ နေရာကို ဂရုတစိုက် ရွေးချယ်ပါ

ကားမူးတတ်သူတွေအနေနဲ့ ကားစီးတဲ့အခါ နေရာ ရွေးချယ်တတ်မှုကလည်း အရေးကြီးပါတယ်။ အိမ်ကားစီးသူတွေ အနေနဲ့ကတော့ ကားနောက်ခန်းရဲ့ အလယ်တည့်တည့်လောက်မှာ ထိုင်ခြင်းက ကားမူးခြင်းကို သက်သာစေနိုင်ပြီး Express ကားစီးသူတွေအနေနဲ့တော့ ကားရဲ့အနောက်ပိုင်းကျလွန်းတဲ့ ခုံနေရာတွေအစား အလယ်နားလောက်မှာ ထိုင်ခြင်းက ကားမူးတတ်သူတွေအတွက် အဆင်ပြေစေပါတယ်။

(၅) ကားမူးတတ်ခြင်းကို အာရုံ လွှဲထားပါ

ကားမူးတတ်သူတွေအနေနဲ့ ကားမူးခြင်းကို အာရုံစိုက်လွန်းရင်လည်း ပိုမိုဆိုးရွားနိုင်ပါတယ်။ ကားစီးတဲ့အခါ ဖုန်းအသုံးပြုတာမျိုးဟာ ကားမူးခြင်းကို ပိုမိုဆိုးရွားစေနိုင်တာကြောင့် သီချင်း နားထောင်ပြီး အသာအယာ မှေးစက်နေတာမျိုးက သက်သာစေနိုင်ပါတယ်။

အေးတဲ့နိုင်ငံတွေသွားတော့မယ်ဆိုရင် ………

မြန်မာနိုင်ငံက ရာသီဥတုက ပူတဲ့အတွက် အေးတဲ့နိုင်ငံတွေကိုခရီးထွက်တဲ့အခါ အဆင်မပြေမှုလေးတွေဖြစ်တက်ပါတယ် ။ ဒီလိုမျိုးတွေမဖြစ်ရအောင် ကြိုတင်ပြင်ဆင်ရမယ့်အချက်လေးတွေပြောပြပေးသွားပါမယ်။

၁။ အနွေးထည် ထူထူ အနည်းဆုံး ၂ ထည်လောက်ယူသွားပါ။
အနွေးထည်တွေက အရမ်းအေးတဲ့နေရောမှာ အထောက်အကူပေးပါတယ်။ပေကျန်တက်တာကြောင့် အနည်းဆုံး၂ ထည်တော့ဆောင်သွားသင့်ပါတယ်။

၂။ မာဖလာယူသွားပါ။
လည်ပင်းတွေနဲ့ နားရွက်တွေကို နွေးထွေးအောင်ပြုလုပ်ဖို့ အကူအညီပေးပါလိမ့်မယ် ။

၃။ ခြေအိတ်ထူထူတွေထည့်သွားပါ။
ညဘက်အရမ်းအေးတဲ့အခါ ခြေအိတ်တွေက နွေးနွေးထွေးထွေး ဖြစ်စေပါတယ်။

၄။ ရေဘူးအသေးလေးယူသွားပါ။
ရေမသောက်ဖြစ်တဲ့အခါ လည်ချောင်းတွေပိုပြီးခြောက်သွေ့တက်တာကြောင့် ရေဘူးဆောင်ထားပြီး မကြာခဏ အနည်းငယ်စီသောက်ပေးဖို့လိုပါတယ်။

၅။ လိမ်းစရာ အဆီ(Body Oil)တစ်ခုခု ယူသွားပါ။
အသားအရည်တွေခြောက်သွေ့အက်ကွဲတက်တာကြောင့် Body Oil တစ်ခုခု ကို လိမ်းပေးသင့်ပါတယ်။