Bright Future - Training School

ကဲကဲ ဘယ်အတန်းကိုစိတ်ဝင်စားကြလဲ။

‘‘ကလေးနဲ့အတူ ယုံကြည်မှုတည်ဆောက်ပါ’’
________________________________

*ယုံကြည်မှု* = ဒီစကားသုံးခွန်းက တကယ့်ကိုမှ
အရေးကြီးပါတယ်။

-မိဘနဲ့သားသမီးကြားမှာ ယုံကြည်မှုမရှိရင်ဘာတွေ
ဖြစ်လာမလဲ???
(ကလေးပဲ ဒုက္ခပင်လယ်ဝေသွားမှာပေါ့)

:ဥပမာတစ်ခုကိုကြည့်ကြရအောင်နော်:

ကလေးတစ်ယောက်က ကျောင်းမှာ သူငယ်ချင်းတွေနဲ့ဆော့ရင်း ရှုံးသွားတဲ့အခါ မုန့်ဝယ်ကျွေးရတော့မယ်။ ဒါပေမယ့် သူ့ဆီမှာရှိတဲ့ မုန့်ဖိုးနဲ့ဝယ်ဖို့ကမလောက်ဘူး။ အဲဒီအခါမှာ သူ့အမေကို ဖွင့်ပြောပြီးတိုင်ပင်ဖို့ သူ့အမေဆူမှာကြောက်တယ်။ သူ့အမေက မကူညီဘူးလို့ သူ့စိတ်ထဲမှာ ထင်နေတယ်။ အဲဒါနဲ့ သူ့အမေ မသိအောင် မုန့်ဖိုးတွေကိုယူတော့တယ်။

☝️☝️☝️☝️☝️

ဒီလိုအဖြစ်မျိုး ကလေးတော်တော်များများဖြစ်ဖူးပါတယ်။

-တကယ်လို့သာ ကလေးရဲ့စိတ်ထဲမှာ မေမေ့ကိုဖွင့်ပြောရမယ်။ ဆူတယ်ဆိုတာလဲ ငါလိမ္မာအောင်လို့ဆိုတဲ့ စိတ်ဓာတ်မျိုးကို မိဘက ရိုက်သွင်းပေးထားရင် အဲဒီကလေးဟာ ဘယ်တော့မှ လမ်းမှားမရောက် ဒုက္ခမရောက်ပါဘူး။

-အဲဒီလိုစိတ်ဓာတ်မျိုးရှိအောင် ဘယ်လိုလုပ်ရမလဲဆိုတာကတော့ နည်းနည်းလေးတော့ခက်မယ်။
ကျွန်မတို့ဟာ လူသားတွေဖြစ်တာမလို့ လူတိုင်းစိတ်တိုကြပါတယ်။ ဒါပေမယ့် သတိကပ်ပြီးထိန်းပါ။ ပြီးရင် မိမိရဲ့ စိတ်ထဲမှာ ငါ့ကလေးလမ်းမှန်ရောက်အောင် ငါဆုံးမပေးရမယ်။ သူနားလည်အောင်ဆုံးမရမယ် ။ဘယ်လိုဆုံးမရမလဲဆိုတာတွေကို ဒေါသထိန်းတဲ့အနေနဲ့ လက်လေးပိုက်ပြီး စဉ်းစားနေလိုက်ပါ။ အဲအချိန်မှာ ဒေါသလေး လျော့သွားပါလိမ့်မယ်။ လျော့သွားပြီဆိုရင်တော့

( "ဒီလိုလေးလုပ်မယ့်အစား ဒီလိုလေးက ပိုမကောင်းဘူးလားကလေးရေ''
မိမိရဲ့ကလေးကို မှားခွင့်ရှိတယ်။ ဒါပေမယ့် ဒီလိုအမှားမျိုးမဖြစ်အောင် ပြုပြင်ရမယ်။)

ကောင်းတဲ့အလုပ်နဲ့ မကောင်းတဲ့အလုပ်ကို ခွဲခြားပြီးသိအောင် မိမိက ပြောပြပေးရမယ်။
ဒီနေ့ပြော ဒီနေ့ရမှာတော့ မဟုတ်ဘူး။ စိတ်ရှည်ပါ။ စိတ်ထိန်းပါ။ ကလေးအမှန်တကယ် မသိသေးမချင်း ငါပြောဖို့လိုသေးတယ်။ ငါထပ်ပြောမယ်။ ငါပြောနိုင်မယ်ဆိုတာ ယုံကြည်တယ်။ ငါ့ကလေးလဲ လိမ္မာမယ်ဆိုတာ ယုံကြည်တယ်။ အဲဒီလိုမျိုး စိတ်ဓာတ်မွေးပါ။
မေမေဖေဖေတို့‌ေရ သားသားမီးမီးတို့အတွက် စိတ်ဓာတ်ခိုင်မာ ရဲရင့်ပြီး သားသမီးတွေအားကိုးယုံကြည်ရတဲ့မိဘများ ဖြစ်ကြပါစေ။🙏

နောက်တစ်နေ့မှာ ကလေးတို့ကို အမှားအမှန်ခွဲခြားနိုင်အောင် ယခုခေတ်နဲ့အညီသင်ပေးနည်းလေးကို ဝေမျှပေးပါဦးမယ်။