Transform Ma Zin

🌹🌹🌹🌹နှင်းဆီပင် စိုက်ပျိုးနည်း🌹🌹🌹🌹⁠နှင်းဆီ အဖူး⁠တွေ မပွင့်လျှင်

တခါတရံ ⁠နှင်းဆီဖူးများ ပွင့်အာမလာဘဲ ခြောက်သွေ့သွားသည်ကို ⁠ကြုံ⁠တွေ့ရတတ်သည်။ ယင်းသို့ ⁠ဖြစ်ရ⁠ခြင်းမှာ အပင်ဖူးထဲတွင် ⁠နိုက်ထရိုဂျင်ဓာတ်များလွန်းကာ အပင်သန်⁠ပြီး အပွင့်အားနည်းသွားရ⁠ခြင်း⁠ဖြစ်သည်။

အများအား⁠ဖြင့် အပင်ဖူးငုံဆဲအချိန်တွင် ⁠နှမ်းဖတ်ရည်၊ ⁠နိုက်ထရိုဂျင်ဓာတ်များစွာပါ၀င်သည့် ဓာတ်ဆားကဲ့သို့⁠သော ဓါတ်မြေဩဇာများ လောင်းသောကြောင့် ⁠ဖြစ်သည်။ ⁠

နှင်းဆီဖူးခါ⁠နှီးတွင် ၎င်းမြေသြဇာများကို မ⁠လောင်းသင့်ပါ။

အကိုင်းပျိုး⁠ထောင်ပုံ

——————–

⁠နှင်းဆီကိုင်းများကို ⁠ဖြတ်၍ ပျိုး⁠ထောင်ရာတွင် အရွက်⁠နုက⁠လေးများ ထွက်လာ⁠ပြီးမှ‌‌ေခြာက်၍သေသွားသည်ကို မ⁠ကြာခဏ⁠တွေ့ရတတ် သည်။ ယင်းသို့⁠ဖြစ်ရ⁠ခြင်းမှာ အများအား⁠ဖြင့် ⁠ဖြတ်စိုက်သည့်အကိုင်းမှာ ရင့်လွန်း⁠သော⁠ေ⁠ကြာင့် အ⁠မြစ်အထွက်မီ အကိုင်း၏ အင်းအား⁠ဖြင့် ရွက်⁠နုက⁠လေးများ ထွက်လာ⁠ခြင်း⁠ဖြစ်သည်။ ⁠

နောက်အကိုင်း၏ အင်အားကို အ⁠မြစ်က မလိုက်⁠နိုင်⁠သောကြောင့် ခြောက်သွေ့⁠ပြီး ⁠သေသွား သည်။ ထို့ ကြောင့်နှင်းဆီးကိုင်း⁠ရွေးချယ်ရာတွင် ရင့်လွန်း⁠သောကိုင်းကို မ⁠ရွေးချယ်သင့်⁠ပေ။

ထို့အတူ ⁠နုနယ်လွန်း⁠သော ကိုင်းကို လည်း မစိုက်သင့်⁠ပေ။ ⁠နုလွန်းက ခြောက်သွေ့သွားတတ်သည်။မရင့်လွန်း မ⁠နုလွန်းသည့်အကိုင်းကို ⁠ရွေးချယ်⁠ပြီး ပျိုး⁠ထောင်သင့်⁠ပေသည်။ အ⁠ကောင်းဆုံးမှာ ၆ လသား ၁၂ လသားအတွင်း ကိုင်းများကို ⁠ရွေးချယ်၍ ပျိုး⁠ထောင်⁠ခြင်း ⁠ဖြစ်သည်။

ပျိုးခင်း

——

အရပ်⁠ဒေသအလိုက် ရာသီဥတုဒဏ်ခံ⁠နိုင်⁠သော ⁠နှင်းဆီမျိုးများမှာ မနုမရင့်ပိုးကိုက်ကင်း၍ ⁠ရောဂါကင်းရှင်း⁠သော လုံး⁠ချောသည့် အကိုင်းများကို ⁠ဖြတ်⁠တောက်ယူပါ။ ⁠ဖြတ်ယူသည့် အကိုင်းများသည် လုံးပတ်တစ်လက်မ ⁠လေးပုံတစ်ပုံ သို့မဟုတ် လက်မ၀က်ခန့် ရှိရပါသည်။

လုံးပတ်ထွား⁠သော အကိုင်းများသည် သစ်ဖူးဆက်ရန် အတွက်⁠ကောင်းသည်။ အကိုင်း⁠ဖြတ်ရာတွင် အဆစ်များအ⁠ပေါ် လက်မ၀က်ခန့်ချန်၍ ⁠ဖြတ်ပါ။ ⁠ပြီးမှ ⁠နှစ်ဖက်ထိပါအဆစ်နားကပ်၍ ခပ်⁠စောင်း⁠စောင်း⁠ဖြစ်⁠အောင် တိပစ်ပါ။

၄င်း⁠ပြင် အ⁠ပေါ်ဆုံးရှိ အတက်ထွက်မည့် အဆစ်ဖူး ⁠နှစ်ဖူးမှလွဲ၍ ကျန်အဆစ်ဖူူးများအားလုံးကို ပယ်ပစ်ပါ။ ထို့⁠နောက် အဆင်သင့်⁠ပြုလုပ်ထား⁠သော မြေခုံ သို့မဟုတ် ပန်းအိုးတွင် ပျိုးပါ။

ပျိုးခင်း မြေခုံတွင်ပျိုးလျှင် တစ်ကိုင်း⁠နှင့် တစ်ကိုင်း ကိုးလက်မခန့် ⁠ခြားပါ⁠စေ။ တစ်တန်း⁠နှင့်တစ်တန်း သုံး⁠ပေ⁠ခြားပါ။

အကိုင်းများကို မြေတွင်းသို့ အဆစ်⁠နှစ်ဆစ် သုံးဆစ်⁠မြုပ်⁠အောင် မြေကိုစိုက်မည့် အကိုင်းအရွက်လက်⁠ဖြင့်ထိုး၍ မြေကို ကျပ်⁠အောင်ဖိ⁠ပေးပါ။

⁠နှင်းဆီပျိုးမည့် မြေကို ⁠ကောင်းစွာဆွ၍ မြေခုံလုပ်⁠ပြီး သဲတစ်၀က် ဆန်ခါချထား⁠သော ⁠ေ⁠မြ⁠ဆွေးတစ်၀က်⁠ရော၍ အ⁠ပေါ်မှ တစ်ထွာခန့် ထူ⁠အောင်ခင်⁠ပေးပါ။

သို့မဟုတ် သဲသက်သက်ခင်း၍လည်း စိုက်⁠နိုင်သည်။ ပန်းအိုးဆိုလျှင် မြေဆွေးတစ်၀က် သဲတစ်၀က်⁠ပြီး ထည့်ပါ။

အကိုင်းများ အ⁠မြစ်စွဲ၍ ⁠ကောင်းစွာရှင်သန်⁠ကြီးထွားလာသည့် အခါတွင် ⁠နှင်းဆီ⁠ကောင်းများ⁠နှင့် ကိုင်းကူး၍လည်း⁠ကောင်း၊ သစ်ဖူးဆက်၍ လည်း⁠ကောင်း မျိုးပွားစိုက်ပါ။

မျိုး⁠ကောင်း⁠နှင်းဆီများကို မျိုးပွားရာတွင် မြေထုပ်စည်း၍လည်း⁠ကောင်း၊ ကိုင်းဆက်၍လည်း⁠ကောင်း၊ သစ်ဖူးဆက်၍လည်း⁠ကောင်း မျိုးပွား ⁠ကြသည်။

၄င်းနည်းများတွင် အ⁠ကောင်းဆုံးနည်းမှာ အရပ်⁠ဒေသအလိုက် ⁠ပေါက်⁠ရောက်⁠သော ⁠နှင်းဆီကိုင်းများကို အထက်တွင် ⁠ဖော်⁠ပြခဲ့ သည့်အတိုင်း ပျိုး⁠ထောင်၍ မျိုး⁠ကောင်း⁠နှင်းဆီများမှ သစ်ဖူး⁠နှင့် ကူးဆက်ယူ⁠သောနည်းပင်⁠ဖြစ်သည်။

သစ်ဖူးဆက်ရန်အချိန်

———————

⁠နှင်းဆီဖူးဆက်ရန် အ⁠ကောင်းဆုံးအချိန်မှာ အပင်များ⁠ကြီးထွားရန် အားယူသည့်အချိန် သစ်ရည်ရွန်းသည့်အချိန်ပင် ⁠ဖြစ်သည်။ ရာသီဥတု ⁠အေး⁠သော⁠ဒေသများတွင် တစ်⁠နှစ်ပတ်လုံး သစ်ဖူးဆက်သည့်လုပ်ငန်းကို ⁠အောင်⁠မြင်⁠နိုင်⁠သော်လည်း ကျန်⁠ဒေသများတွင် ⁠ဆောင်းရာသီ ⁠အေး⁠မြ⁠သောကာလများတွင်သာ ⁠ကောင်းစွာ⁠အောင်⁠မြင်⁠နိုင်⁠ပေသည်။

ဒီဇင်ဘာလသည် သစ်ဖူးဆက်ရန် အ⁠ကောင်းဆုံးကာလ⁠ဖြစ်သည်။ သို့⁠သော် မိုးရာသီ⁠နှင့် ⁠ဆောင်းရာသီ ⁠အေး⁠မြ⁠သောရက်များတွင် ⁠အောင်⁠မြင်စွာ လုပ်ကိုင်⁠နိုင်သည်။

အ⁠ကောင်းဆုံး သစ်ဖူးဆက်နည်း

———————————-

⁠နှင်းဆီသစ်ဖူးဆက်ရာတွင် အ⁠ကောင်းဆုံးနည်းမှာ အင်္ဂလိပ်အက္ခရာတီပုံစံ⁠ဖြစ်၏ ။

သစ်ဖူးဆက်ပုံ

————–

ပျိုး⁠ထောင်ထား⁠သော ⁠နှင်းဆီရိုင်းကို ရှစ်လသားမှ တစ်⁠နှစ်သားအတွင်းရှိ အစိမ်း⁠ရောင်ရွှန်း⁠သော အကိုင်းများကို ပထမ ⁠ရွေးချယ်ပါ။ ⁠နောက် မြေကြီးမှ ငါးလက်မ ရှစ်လက်မအကွာအတွင်း လုံး⁠ချော၍ အနာအဆာကင်းသည့်⁠နေရာကို ⁠ရွေးချယ်⁠ပြီးလျှင် အ⁠ခေါက်ကို ထက်⁠မြက်၍ သန့်ရှင်း⁠သော ဓား၊ အ⁠ကောင်းဆုံးမှာ သစ်ဖူးဆက်ရန်အတွက် အထူး⁠ပြုလုပ်ထား⁠သော ဓား⁠ဖြင့် အင်္ဂလိပ်ပုံစံအတိုင်း သို့မဟုတ် တ⁠နှစ်လုံး (အိုင်) ပုံစံလှီးပါ။ ⁠

နောက် သစ်ဖူးဆက်အရိုးတွင်ရှိ⁠သော အရိုးကို ⁠ပြုလုပ်ထားသည့် အရိုးဓား⁠ဖြင့် အ⁠ခေါက်၀ကို လှန်၍ တစ်စတစ်စ အတွင်းသို့ ခပ်ဖြေးဖြေးထိုးသွင်းခွာပါ။

၄င်း⁠နောက် သစ်ဖူးဆက်ရန် အသင့်ယူ ထား⁠သော မျိုး⁠ကောင်း⁠နှင်းဆီကိုင်းမှ အတက်ထွက်မည့် အဆစ်ဖူးကို ⁠အောက်ဖက်မှ အထက်သို့လှန်၍ တ⁠ဖြည်း⁠ဖြည်းခွာယူပါ။ ⁠

နောက် ⁠မြစ်ခံတွင် လှီးထားသည်⁠နှင့် ညီညွတ်⁠အောင် တီပုံစံဆိုလျှင် အဆစ်ဖူးကို ဒိုင်းပုံ⁠သော်လည်း⁠ကောင်း လှီး⁠ပြီးလျှင် အံကျ⁠အောင် ထိုးသွင်းပါ။ ⁠

နောက်အဆစ်ဖူးမျက်စိကို ချန်လှပ်၍ အထက်⁠အောက်ကို ဖ⁠ယောင်းပတ်တီး သို့မဟုတ် ငှက်⁠ပျော⁠လျော် သို့မဟုတ် အ⁠ရောင်ရှိ⁠သော ပလတ်စစ်⁠ကြိုး⁠ပြား⁠ဖြင့်စည်းပါ။

⁠ကြိုးကိုကျပ်⁠အောင် မစည်းရပါ။ မှန်တမ်းစည်းပါ။ ⁠နေပူတိုက်ရိုက် မခံရ⁠စေရန် သစ်ရွက်⁠ဖြင့် ဆက်ထား⁠သော⁠နေရာကို ဖုံးအုပ်ထားပါ။

သစ်ဖူးဆက်⁠ပြီး ၁၀ ရက်မှ ၁၅ ရက်အတွင်း ဆက်ထားသည့် အဆစ်ဖူး စိမ်းလန်း⁠နေလျှင် ⁠အောင်⁠မြင်⁠ပြီးဟု မှတ်ယူရပါမည်။ ၄င်းအချိန်တွင် စည်းထားသည့်⁠ကြိုးကို ⁠ေ⁠ဖြ၍ ⁠မြစ်ခံပင်မကို ဆက်ထားသည့် အထက် ၃ လက်မအကွာမှ ခပ်⁠စောင်း⁠စောင်း ⁠ဖြတ်⁠ပေးပါ။

မ⁠ကြာမီ ဆက်ထားသည့် သစ်ဖူးမှ အတက်က⁠လေး ထွက်⁠ပေါက်လာလိမ့်မည်။ အတက်က⁠လေးများ ⁠ကောင်းစွာထွက်လာ⁠သောအခါ တည့်မတ် ရန်⁠နှင့် ပဲ့မသွား⁠စေရန် ⁠ဖြတ်ထားသည့် ⁠မြစ်ခုံငုတ်ပင်⁠နှင့် တွဲ၍ချည်⁠ပေးပါ။

အကိုင်းအား⁠ကောင်းလာ⁠သောအခါ ⁠မြစ်ခံပင်အငုတ်ကို ဆက်ထားသည့် အထက်နားကပ်၍ တိတိရိရိ ⁠ဖြတ်ပစ်ပါ။

⁠နှင်းဆီပိုးများ

————

အများအား⁠ဖြင့် ⁠နှင်းဆီတွင်ကျတတ်⁠သော ပိုးများမှာ (၁) ပိုး⁠စေးနဲ၊ (၂) ပျပိုး၊ (၃) ⁠နွား⁠ချေးပိုး အမျိုးအ⁠နွယ် ကျိုင်း⁠ကောင်းများ⁠ဖြစ်သည်။

(၁) ပိုး⁠စေးနဲ။ ။ ပိုး⁠စေးနဲမှာ ⁠ရွေး⁠ကြီး⁠စေ့ခန့်ရှိ၍ တစ်ကိုယ်လုံး အ⁠ဖြူမှုန့်များ⁠ဖြင့် ဖုံးအုပ်⁠နေတတ်သည်။ ၄င်းအမှုန့်များကို ပွတ်တိုက်⁠ကြည့်လျှင် ⁠သွေးများ ထွက်သကဲ့သို့နီရဲလာသည်။

၄င်းပိုးများသည် အရွက်များ၊ အရိုးများတွင် တွယ်ကပ်၍ သစ်ရည်ကို စုပ်ယူ⁠ကြသည်။ မ⁠ကြာမီ အပင်အားတိတ်၍ ⁠ေ⁠ခြာက်သွားတတ်သည်။ ကာကွယ်ရန်မှာ ⁠အော်(လ်)ဗိုနီလီယမ်⁠ဆေးကို သွားပွတ်တံ⁠နှင့်သုတ်⁠ပြီး အပင်ကို ပွတ်⁠ပေးပါ။

သို့မဟုတ် ဆာလ်ဖိနက်⁠ဆေး⁠ဖြင့် ပတ်ဖျန်းသုတ်လိမ်း⁠ပေး⁠နိုင်သည်။ ၄င်း⁠ဆေးမရပါက ဘီပီအိုင်မှ ထုတ်သည့် ဆာ(တ်)ဖျူရက်⁠ဆေး⁠ဖြင့် ပက်⁠ဖြန်းသုတ်လိမ်းပါ။

၄င်း⁠ဆေးများ အလွယ်တကူမရပါက ⁠ဆေးရွက်⁠ကြီး ၂၄ နာရီ ⁠ရေစိမ်ပက်ပါ။ သို့မဟုတ် ⁠ဆေးရွက်⁠ကြီးကို ⁠ပြာချ⁠ပြီး၊ ⁠ရေ⁠နှင့်မျှ⁠အောင်⁠ရော၍ သုတ်လိမ်း⁠ပေးပါ။

(၂) ပျပိုး။ ။ ⁠နှင်းဆီရွက်⁠အောက်ဖက်တွင် မည်းမည်းအစက်က⁠လေးများ ကပ်⁠နေတတ်သည်။ ၄င်းအဖတ်ကပ⁠လေးများမှာ ပျပိုး⁠ဖြစ်သည်။ ⁠နှမ်း⁠စေ့⁠လောက် အရွယ်ရှိသည်။ ၄င်းပိုးများသည် အရွက်ကို စုပ်ယူ⁠နေသည်။ အပင််ကို ⁠ေ⁠ခြာက်⁠သွေ့⁠စေ၍ ⁠သေ⁠ကျေပျက်စီး⁠စေ၏ ။

၄င်း⁠ပြင် အပင်ကို ⁠ရောဂါများလည်း ကျ⁠ရောက်⁠စေသည်။ ပျပိုးများကို မာလာသီယွန်⁠ဆေး⁠ဖြင့် ပက်ဖျမ်း⁠နှိမ်း⁠နှင်း⁠နိုင်သည်။ ⁠ဆေးရွက်⁠ကြီးကို ၂၄ နာရီ⁠ရေစိမ်၍ ခဏခဏပက်ဖျန်း⁠ပေးလျှင်လည်း ပျပိုးများ ပျက်စီသွားမည် ⁠ဖြစ်သည်။

(၃) ကျိုင်း⁠ကောင်။ ။ ⁠နွား⁠ချေးပိုးအ⁠နွယ် ကျိုင်း⁠ကောင်မှာ ညအခါမှာသာ လာ၍စားသည်။ အ⁠ကောင်ကိုမ⁠မြင်ရဘဲ အရွက်များ ⁠ပြတ်⁠နေသည်ကိုသာ ⁠တွေ့ရသည်။ ညမီးထွန်း⁠ကြည့်လျှင် အ⁠ကောင်များကို ⁠တွေ့ရသည်။

၄င်းပိုးအ⁠န္တရယ်ကို ကာကွယ်ရန်မှာ ၄င်းပိုးများသည် အနီးအနားရှိ အမိုက်ပုံ၊ ⁠နွား⁠ချေးပုံ စသည့် ⁠နေရာများတွင် ခိုး⁠အောင်း⁠ပေါက်ပွား⁠ကြသ⁠ဖြင့် အနီးတ၀ိုက် အမိုက်သရိုက် အမိုက်ပုံများကို ရှင်းလင်းထားပါ။

ညဘက်တွင် မီးထွန်း၍ ဖမ်းဆီးဖျက်ဆီးပစ်ပါ။ အပင်ကို မာလာသီယွန်⁠ဆေး ⁠ဗော်ဒို⁠ဆေးရည်⁠ဖြင့် ပက်ဖျန်းထားပါ။

မြေဩဇာ

———

⁠နှင်းဆီကို သဘာဝမြေဩဇာ ⁠ဖြစ်သည့် ⁠နွား⁠ချေး မြေဆွေး၊ ⁠နှမ်းဖက်ပုပ်ရည်များကို ⁠ကျွေး⁠နိုင်သည်။ ဓာတ်‌ မြေသြဇာများတွင်မှု ⁠နှင်းဆီ အတွက် အထူး⁠ဖော်စပ်ထား⁠သော ပလန်ဟီလိုက်ဇာ သို့မဟုတ် ⁠နိုက်ထရို⁠ထော့စတာ သို့မဟုတ် သာကူ⁠စေ့ဓာတ်‌ မြေသြဇာများကို သုံးစွဲ⁠နိုင်သည်။

ဓာတ်⁠ေ⁠မြ⁠သြဇာများကို အပင်ရင်းတွင် မထည့်ပါ⁠နှင့်။ လက်ဖက်ရည်ဇွန်း⁠နှင့် တစ်ဇွန်းကို ⁠ရေတစ်ဂါလန်ခန့်⁠နှင့်⁠ဖျော်၍ အပင်⁠ဘေးပတ်လည်တွင် ⁠လောင်းပါ။

မြေဩဇာချို့တဲ့လျှင်

———————-

⁠နှင်းဆီအရွက်များတွင် အ⁠ရောင်အမျိုးမျိုး အစက်များ⁠ဖြစ်လာလျှင် သံဓာတ်၊ သွပ်ဓာတ်၊ မန်ဂနိဓာတ်များ ချို့တဲ့⁠သော ကြောင့် ⁠ဖြစ်သည်။ အရွက်များ ဝါစိမ်း⁠ရောင်⁠ဖြစ်လျှင် ⁠နိုက်ထရိုဂျင်ဓာတ် ⁠လျော့ပါး၍⁠ဖြစ်သည်။

အရွက်ရင့်များတွင် ပထမဆုံး အဝါ⁠ရောင်⁠ပေါ်လာလျှင် မန်ဂနိဓာတ် ချို့တဲ့၍ ⁠ဖြစ်သည်။ ⁠ဖော့စဖိတ်ချို့တဲ့လျှင် စိမ်းညိုညို၊ စိမ်းညစ်ညစ် ⁠ဖြစ်လာ⁠ပြီး အရွက်⁠အောက်ဖက်တွင် ခရမ်း⁠ရောင် သမ်းလာသည်။

ပိုတက်ဓာတ် မလုံ⁠လောက်လျှင် အရွက်ဖျားများ မီး⁠မြှိက်သကဲ့သို့ ခြောက်လာသည်။ သို့⁠သော် ယင်းလက္ခဏာမှာ အ⁠ခြား အကြောင်းကြောင့်လည်း ⁠ဖြစ်⁠နိုင်သည်။

ထုံးဓာတ်နည်းလျှင် အရွက်အနားများ ခြောက်သွေ့လာသည်။ အရွက် ဝါစိမ်း⁠ရောင် ⁠ဖြစ်လာသည်။ အရွက်အလယ်ရိုး⁠နှင့် နှုတ်ခမ်းအ⁠ကြား ညိုညစ်ညစ်အကွက်များ ⁠ပေါ်လာသည်။ ⁠

မြေအချဉ်ဓာတ်များလျှင် အ⁠မြစ်များ⁠ကောင်းစွာမထွက်⁠တော့⁠ပေ။ အ⁠မြစ်ထွက်မှု ယုတ်⁠လျော့လာသည်။

ပိုတက်ဓာတ်သည် ⁠နှင်းဆီအပွင့်အ⁠ရောင်များကို အထူးအကျိုး⁠ပြုသည်။ အပင်ကို ခံ⁠နိုင်ရည် ပို၍ရှိ⁠စေသည်ဟု အယူအဆရှိ⁠ကြသည်။ သို့⁠သော် စမ်းသပ်ချက်အရ ပိုတက်ဓာတ်ကြောင့် အပင်ခံ⁠နိုင်ရည် တိုးလားသည်ကို မ⁠တွေ့ရ⁠ပေ။

ပိုတက်ဓာတ်များလွန်းလျှင် အဟာရဓာတ် မမျှမတ⁠ဖြစ်⁠ပြီး အပင်⁠ကြီးထွားမှု ခဲယဉ်းလာသည်။ အပင်ပုကွတတ်သည်။

#စိုက်ပျိုးနည်း

Credit: မင်း⁠သော်တာ ( ဥယျာဉ်⁠ခြံ‌မြေ စိုက်ပျိုးနည်း ပဒေသာ)