One personal Vlog

အမေ
ခေါ်ရတာသာစကားလုံး၂လုံး ထဲပါဘဲ
ဒါပေမယ့် တန်ဖိုးရှိမှုက သိန်းပေါင်းမက တန်လွန်းပါတယ်
အရာရာအစားထိုးလို့ရတဲ့အရာတွေထဲမှာ အမေ ဆိုတာ ပါမနေဘူး
ကိုယ့်အတွက် အမေ ဆိုတာ သူငယ်ချင်း‌ေကာင်းတစ်ယောက် မောင်နှမ တစ်ယောက် မိခင်ကောင်းတစ်ယောက်ပါဘဲ
ကိုယ်မုန်းတဲ့သူဆို သူလည်းမုန်းသလို
ကိုယ်ချစ်တဲ့သူဆို သူလည်းချစ်တယ်
တစ်လောကလုံးမှာ ပြေးကြည့်စရာဆိုလို့ အမေ ‌တစ်ယောက်ဘဲရှိနေခဲ့တော့
တခါတလေ ငါ့မှာငါ့အမေ ရှိနေသေးတယ်ဆိုတဲ့ အသိနဲ့အားအင်ပြန်ဖြည့်ရလောက်အောင် အမေ က ကျွန်မအတွက် ခွန်အားဖြစ်စေတဲ့ အရာတစ်ခုပါဘဲ
သူမက သာ ကျွန်မ ကို အညိုအမဲစွဲအောင်ရိုက်ချင်ရိုက်လိမ့်မယ် အဖေက လေသံမာမာပြောရင်တောင်မကြိုက်တာလည်းသူမ ပါဘဲ
သူမက သာ ကျွန်မကို မကောင်းပြောရင်သာပြောမယ်
တခြားသူတွေဝေဖန်လာရင်တော့သူမ မကြိုက်ဘူး
မိသားစုနဲ့ အဝေးမှာ နေရတော့ မိသားစုရဲ့တန်ဖိုးကိုသိလာသလို အထူးသဖြင့် အမေရဲ့တန်ဖိုးကို ပိုသိလာတယ်
အယူ မရှိဘဲ အပေးသာရှိတဲ့ မေတ္တာဟာလည်း အမေဆီကပါဘဲ
အမေ ရေ ဆိုတာနဲ့
မပျော်ရင်ပြန်ခဲ့လေတဲ့
ဘာလိုအပ်လို့လဲနဲ့မေးရှာတယ်
အခုထိ တာဝန်မကျေသေးသရ်ျ အမေနဲ့သမီး ခွဲနေရအုံးမယ်
ကိုယ်ငယ်ငယ်လေးကတည်းက အရမ်းဆိုးတယ်
တစ်ယောက်ထဲမလို့လည်း ဖြစ်မယ်
၇နှစ်၈နှစ် ထိ နို့စို့တုန်း (ရယ်စရာတော့ကောင်းသား)
တခြားသူတွေက စုစု တို့က ကြီးနေပြီနို့စို့တုန်းလားမေးရင်
ကျုပ်ကလေးဒီတစ်ယောက်ရှိတာ စို့ပါစေတဲ့လေ
၁၇နှစ် ၁၈နှစ် ကိုယ်တိုင်ထမင်းခူးမစားချင်ရင်
အမေ့ကိုခွံ့ကျွေးခိုင်းတုန်း အမေ့ပါးစပ်နဲ့ကိုက်ပြီးတဲ့ထည့်ခွံ့ကျွေးတဲ့ကြက်သား ထက် ဘယ်အရာမှ အရသာမရှိဘူး အမေ
အသက် ၂၁နှစ်ကိုယ့်ကိုမွေးခဲ့တဲ့အမေ အသက်၂၈မှာလောကဓံ ကို သမီး ကြောင့် ကြံ့ကြံ့ခံခဲ့တယ်လို့ အမေ ရေးထားဖူးတဲ့ မှတ်စုတစ်ခုမှာဖတ်ခဲ့ဖူးတယ်
အခုသမီးလည်း ၂၈နှစ်မှာ အမေ့အတွက်လောကဓံကိုကြံ့ကြံ့ခံနိုင်ရည်ရှိအောင်ကြိုးစားနေတယ် အမေ
ငယ်ငယ်က ကျန်းမာရေးချူချာတဲ့သမီးတစ်ယောက်က
အမေပေးတဲ့အသက်နဲ့ခုထိနေနေရတာမလို့ ကျေးဇူးတင်တယ် အမေ
သွေးလွန်တုပ်ကွေးဆိုလည်း အရေးပေါ်ထိကိုယ်ရောက်တယ် အမေနေ့ညမအိပ် လိုက်လုပ်ပေးရှာတယ် မသောက်ချင်တဲ့ဓာတ်ဆား‌ရေကိုအတင်းတိုက်လို့ အမေ့ကိုစိတ်ဆိုးမိခဲ့သေးတယ် အမေသာ ဓာတ်ဆားရေတွေ အတင်းမတိုက်ခဲ့ရင် သမီးခုချိန်ထိအသက်ရှိအုံးမထင်
တီဘီရောဂါ ဖြစ်တယ် ကိုယ်က လူစွမ်းကောင်း
၆လနဲ့မပျောက်လို့ ၂နှစ်နီးပါး ဆေးစွဲသောက်ခဲ့ရတယ်
အမေသာဆေးပုံမှန်မတိုက်ခဲ့ရင် သမီးအခုချိန်ထိအသက်ရှိအုံးမယ် မထင်
တီဘီ ရောဂါ ဖြစ်ပြီးပျောက်တော့နောက်ဆက်တွဲရောဂါ ထပ်ဖြစ်တယ် ပန်းနာရင်ကျပ်ရောဂါတဲ့
‌ဆေးခန်းခဏခဏသွားရတယ်
ခဏခဏ အမောဖောက်တယ်
ညဘက်ကြီး အသက်ရှုကြပ်တော့ ၂၄နာရီ ဆေးရုံပြေးရတယ်
အဲ့ဒီညကသာ အမေ မနိုးနေခဲ့ရင် သမီး သေလောက်ပြီ
အမေပေးခဲ့တဲ့အသက်တွေအရမ်းများတယ်
အမေ အပေါ်ဆိုးခဲ့သလို သမီး ဘယ်သူ့အပေါ်မှာ ဆိုးမရဘူး
အမေ့အချစ် လောက် သမီးကိုဘယ်သူမှမချစ်နိုင်ဘူး
ဆုတောင်းရတာတွေမကြိုက်ပေမယ့်
အမေ့ကိုတော့ အမေပေးဆပ်သလိုသမီးပြန်ပေးဆပ်ချင်သေးတယ်
အမေလို မိခင်ကောင်းဖြစ်ဖို့ သမီး အဆင်သင့်မဖြစ်သေးသလို
သမီးကိုချစ်သလို အမေ့ကို ချစ်မယ့်မိသားစုတစ်ယောက်ရှာဖွေဖို့သမီး အဆင့်သင့်မဖြစ်သေးဘူး အမေ
ကောင်းမွန်ပျော်ရွှင်စွာနေထိုင်ပါ အမေ
ပျော်အောင်သာနေထိုင်ပါ လုပ်ချင်ရာတွေလည်းလုပ်ပါ
အခုထိတော့ အမေ့ရဲ့မပြ ည့်စုံသေးတဲ့အိုးကိုရေ($)မဖြည့်နိုင်သေးပေမယ့်🤭🤭
ဖြည့်နိုင်တဲ့အခါ အမေ့စိတ်ကြိုက်ကြိုက်တာသာလုပ်
မေမေ
ကျုပ်နဲ့ခင်ဗျားချင်း‌ေထွး‌ေနအောင်ရန်ဖြစ်ခဲ့တဲ့ခင်ဗျားကြီးကိုအရမ်းသတိရနေတယ်
#မေမေ