National Unity Media - NUM

ရေကြီးရေလျှံ သဘာဝဘေးအန္တရာယ်ကြုံတွေ့ချိန်မှာ မဖြစ်မနေ ဘာတွေ လိုက်နာ ဆောင်ရွက်သင့်ပါသလဲ။

- ရေကြီးရေလျှံ သဘာဝဘေးအန္တရာယ်ကြုံတွေ့ချိန်မှာ အဓိက အနေနဲ့ သောက်ရေ ကို ရေသန့် သောက်သုံးပေးပါ(သို့) ရေကို ကျိုချက်သောက်သုံးပေးပါ ။လိုအပ်ပါက ရေကို ကလိုရင်း ခတ်ပြီး သောက်သုံးပေးပါ။

- အစား အစာကို ပြင်ဆင်ချက်ပြုတ်ခြင်းဖြစ်စေ စားသောက်တဲ့ အခါမှာဖြစ်စေ သန့်ရှင်းသော အစားအစာကို ချက်ပြုတ်စားသောက်ပေးပါ..
ယင်နားစာ စတာတွေကို ရှောင်ကျဉ်ပေးပါ။

- လက်ကို မကြာခဏ ဆေးကြောပေးဖို့လိုပါတယ်…

- အစားမစားခင် အစားအစာ မပြင်ဆင်မချက်ပြုတ်ခင် နဲ့ အိမ်သာ တတ်ပြီးတိုင်း လက်ကို ဆပ်ပြာ နဲ့ သေချာ စနစ်တကျ ဆေးကြောပေးပါ။

- ကြုံတွေ့နေရတဲ့ ရာသီဥတုနဲ့ သင့်တော်မဲ့ အဝတ်အစားများ ဝတ်ဆင်ပေးပါ။

- ခြင်မကိုက်အောင် အဝတ်အစားများ လုံ လုံခြုံခြုံ ဝတ်ဆင်ပေးပါ။

- တစ်ကိုယ်ရည်သန့်ရှင်းမှု ကို ဂရုစိုက်ပေးပါ။

- သန့်ရှင်းခြောက်သွေ့သော အဝတ်အစားများ ကို ဝတ်ဆင်ပေးပါ။

- နောက်ပြီး ရေကြီးခြင်းနဲ့ အတူ ဖြစ်တတ်တဲ့ အဆိပ်ရှိသော အကောင်များ မြွေဆိုးများ အန္တရာယ် ၊နေအိမ်အဆောက်အအုံပြိုကျမှု အန္တရာယ်၊ လျှပ်စစ်အန္တရာယ် ထိခိုက်မှု အန္တရာယ် စတာတွေ ကို အထူးသတိပြုပေးပါ။