Kinetic Micro Technology

EV ကား မဝယ်ခင် ထည့်သွင်းစဉ်းစားရမည့် အဓိကအချက်များ
​၁။ ဘက်ထရီနှင့် မောင်းနှင်နိုင်မှု အကွာအဝေး (Battery & Range)
​Range (မောင်းနှင်နိုင်သည့် အကွာအဝေး): တစ်ခါအားအပြည့်သွင်းရင် ဘယ်လောက် ကီလိုမီတာ (km) အထိ မောင်းနှင်နိုင်လဲဆိုတာ အရေးကြီးဆုံးပါပဲ။ သင်ရဲ့ တစ်နေ့တာ မောင်းနှင်မှု ပုံစံ (အလုပ်သွား၊ အပြန်၊ မြို့တွင်း၊ ခရီးတို) ကို သုံးသပ်ပြီး သင့်လျော်တဲ့ Range ရှိတဲ့ ကားကို ရွေးချယ်သင့်ပါတယ်။ များသောအားဖြင့် EV အသစ်တွေဟာ 300 km ကနေ 400 km ဝန်းကျင် Range ရှိကြပါတယ်။
​ဘက်ထရီ နည်းပညာနှင့် အာမခံ (Battery Technology & Warranty): EV ရဲ့ ဈေးအကြီးဆုံး အစိတ်အပိုင်းဖြစ်တဲ့ ဘက်ထရီ နည်းပညာ (ဥပမာ- BYD ရဲ့ Blade Battery လို LFP အမျိုးအစားက ပိုမိုလုံခြုံပြီး သက်တမ်းရှည်နိုင်ပါတယ်) ကို စစ်ဆေးပါ။ ထုတ်လုပ်သူက ပေးတဲ့ ဘက်ထရီ အာမခံ (8 နှစ် သို့မဟုတ် ကီလိုမီတာ ၁၆၀,၀၀၀ ဝန်းကျင်) ကို သေချာလေ့လာပါ။ ဘက်ထရီ ပြုပြင်ထိန်းသိမ်းမှု၊ အစားထိုးလဲလှယ်မှု ကုန်ကျစရိတ်တွေကိုလည်း မေးမြန်းထားပါ။
​ဘက်ထရီ သက်တမ်းကျဆင်းမှု (Degradation): အချိန်ကြာလာတာနဲ့အမျှ ဘက်ထရီ စွမ်းဆောင်ရည် အနည်းငယ် ကျဆင်းသွားမှာ ဖြစ်ပါတယ်။ ပုံမှန်အားဖြင့် ၈ နှစ်ကြာပြီးနောက် မူရင်းစွမ်းဆောင်ရည်ရဲ့ 70% မှ 80% ဝန်းကျင် ကျန်ရှိပါတယ်။
​၂။ အားသွင်းခြင်း အခြေခံအဆောက်အအုံ (Charging Infrastructure)
​အိမ်မှာ အားသွင်းခြင်း: ကိုယ့်အိမ်မှာ အားသွင်းနိုင်တဲ့ အခြေအနေရှိ/မရှိကို စစ်ဆေးပါ။ AC Home Charger (Slow Charging) တပ်ဆင်ခွင့် ရနိုင်/မရနိုင်၊ လျှပ်စစ်မီး စနစ်က EV အားသွင်းဖို့ သင့်တော်/မတော် လေ့လာပါ။ မြန်မာနိုင်ငံမှာ လျှပ်စစ်မီး တည်ငြိမ်မှု အခြေအနေကိုပါ ထည့်သွင်းစဉ်းစားပြီး မီးမလာချိန်အတွက် အရန်သင့် ထားရမယ့် စီမံခန့်ခွဲမှုကိုပါ ကြိုတွက်ထားသင့်ပါတယ်။
​အများသုံး အားသွင်းစခန်းများ (Public Charging): သင် မကြာခဏ သွားလာတဲ့ လမ်းကြောင်းတစ်လျှောက်၊ အလုပ်နေရာတွေမှာ DC Fast Charger တွေ ဘယ်လောက်များများ ရှိနေပြီလဲဆိုတာ စစ်ဆေးပါ။ လက်ရှိ မြန်မာနိုင်ငံမှာ အားသွင်းစခန်းတွေ တဖြည်းဖြည်း တိုးချဲ့နေပေမဲ့ မြို့ပြအပြင်ဘက် ခရီးဝေးအတွက် အဆင်ပြေစေဖို့ အခြေအနေကို စောင့်ကြည့်သင့်ပါတယ်။
​အားသွင်းချိန် (Charging Time): Fast Charging နဲ့ဆို ဘယ်လောက်ကြာမလဲ (ဥပမာ- 30 မိနစ်အတွင်း 30% ကနေ 80% အထိ)၊ Home Charging နဲ့ဆို ဘယ်လောက်ကြာမလဲဆိုတာကို သိထားပါ။
​၃။ ကုန်ကျစရိတ်နှင့် စီးပွားရေးဆိုင်ရာများ (Cost & Financials)
​ဝယ်ယူသည့် စျေးနှုန်း (Upfront Cost): EV များသည် ဓာတ်ဆီကားများထက် မူလဈေးနှုန်း ပိုမိုမြင့်မားတတ်ပါသည်။
​လည်ပတ်မှု စရိတ် (Running Cost): ဓာတ်ဆီဖိုးထက် လျှပ်စစ်အားသွင်းခက သက်သာတာကြောင့် ရေရှည်မှာ ငွေကုန်သက်သာပါတယ်။ ပြုပြင်ထိန်းသိမ်းစရိတ် လည်း ဓာတ်ဆီကားတွေထက် နည်းပါတယ်။ (အင်ဂျင်ဆီလဲစရာမလို၊ စက်ပစ္စည်း အစိတ်အပိုင်း နည်းပါး)
​အပိုဆောင်း အခွန်အခများနှင့် မက်လုံးများ (Taxes & Incentives): နိုင်ငံတော်မှ ပေးထားသည့် EV မက်လုံးများ၊ သက်သာခွင့်များ (အကောက်ခွန်၊ လမ်းခွန် စသည်) ရှိပါက လေ့လာပြီး ဝယ်ယူမှုကုန်ကျစရိတ်မှာ ဘယ်လောက် လျှော့ချနိုင်မလဲ တွက်ချက်ပါ။
​၄။ ကား၏ အင်္ဂါရပ်များနှင့် အရည်အသွေး (Features & Quality)
​ကား အမျိုးအစား (EV Type): Hatchback, Sedan, SUV စတဲ့ ကိုယ်နဲ့ သင့်တော်တဲ့ ကားအမျိုးအစားကို ရွေးချယ်ပါ။
​နည်းပညာများ (Technology): ကားအတွင်းပိုင်းမှာပါဝင်တဲ့ Infotainment စနစ်၊ ယာဉ်မောင်းအကူအညီပေးတဲ့ စနစ်များ (ADAS)၊ လုံခြုံရေး စနစ်တွေက သင့်အတွက် အသုံးဝင်ရဲ့လားဆိုတာ စစ်ဆေးပါ။
​မောင်းနှင်မှု ခံစားချက် (Driving Experience): Test Drive လုပ်ကြည့်ပြီး ကားရဲ့ အရှိန်အဟုန်၊ အသံတိတ်ဆိတ်မှု၊ ဘရိတ်ဆွဲအား (Regenerative Braking) တွေက ကိုယ်ကြိုက်နှစ်သက်တဲ့ ပုံစံ ဟုတ်/မဟုတ် ဆုံးဖြတ်ပါ။
​နောက်ကြည့်မှန် အရည်အသွေး: မြန်မာနိုင်ငံရဲ့ ယာဉ်မောင်းလက်ဝဲဘက် (Right-Hand Drive) စနစ်အတွက် ဒီဇိုင်းထုတ်ထားတဲ့ ကားဟုတ်/မဟုတ် (သို့မဟုတ် ပြောင်းလဲထားတဲ့ ကားဟုတ်/မဟုတ်)၊ နောက်ကြည့်မှန်၊ ရှေ့မီး စတဲ့ စံနှုန်းတွေကို သေချာစစ်ဆေးပါ။
​၅။ ရောင်းချပြီးနောက် ဝန်ဆောင်မှု (After-Sales Service)
​ပြုပြင်ထိန်းသိမ်းရေးနှင့် အပိုပစ္စည်း (Maintenance & Spare Parts): သင် ဝယ်ယူမယ့် EV Brand ဟာ မြန်မာနိုင်ငံမှာ တရားဝင် ကိုယ်စားလှယ် (သို့မဟုတ်) ယုံကြည်စိတ်ချရတဲ့ ပြင်ပ Service Center ရှိ/မရှိ စုံစမ်းပါ။ EV များကို ကျွမ်းကျင်တဲ့ နည်းပညာရှင် ရှိမရှိနဲ့ အပိုပစ္စည်း လွယ်လွယ်ကူကူ ရနိုင်/မရနိုင်ကို သေချာမေးမြန်းပါ။ (အထူးသဖြင့် ဘက်ထရီနဲ့ လျှပ်စစ်စနစ်ဆိုင်ရာ အပိုပစ္စည်းများ)
​ပြန်လည်ရောင်းချသည့် စျေးနှုန်း (Resale Value): နည်းပညာ အလျင်အမြန် တိုးတက်ပြောင်းလဲနေတဲ့အတွက် EV ရဲ့ Resale Value ဟာ ဓာတ်ဆီကားတွေထက် မခန့်မှန်းနိုင်ပါဘူး။ အချိန်တိုအတွင်း ပြန်ရောင်းဖို့ စဉ်းစားရင် ဒီအချက်ကို ထည့်တွက်သင့်ပါတယ်။
​EV ကားဝယ်ယူခြင်းဟာ ရေရှည်အတွက် ရင်းနှီးမြှုပ်နှံမှုဖြစ်လို့ အပေါ်က အချက်တွေကို သေချာလေ့လာပြီးမှ ဝယ်ယူဖို့ အကြံပြုလိုပါတယ်။ အကောင်းဆုံးကတော့ စိတ်ဝင်စားတဲ့ မော်ဒယ်ကို Test Drive လုပ်ကြည့်ဖို့နဲ့ ဘက်ထရီ အာမခံ အသေးစိတ်ကို ရှင်းရှင်းလင်းလင်းသိအောင် မေးမြန်းထားဖို့ပဲ ဖြစ်ပါတယ်။
#လျှပ်စစ်ကား

Only few can understand 😍

YITဆင်း အင်ဂျင်နီယာကြီးပေးသွားတဲ့ပညာ (ချစ်လို့ပြောပြတာ ဆရာကွက်တေ) ++++++++++++++++++++++ Electronics လောကမှာ inductor လို့ခေါ်တဲ့ ပစ္စည်းလေးတွေရှိပါတယ် Current Changes ဖြစ်ပေါ်တဲ့အခါ ပြောင်းလဲမှုကို ဆန့်ကျင်တဲ့ ဂုဏ်သတ္တိ reactance (X) ထွက်ပေါ်လေ့ရှိပါတယ် ဒီလို ပြောင်းလဲမှုကို ဆန့်ကျင်တဲ့ ဂုဏ်သတ္တိကြောင့်ပဲ current စီးဆင်းမှုကို ဟန့်တားဆန့်ကျင်ရင်း current lagging ဆိုတဲ့ စီးဆင်းမှုနှောင့်နှေးကြန့်ကြာခြင်း သဘောတရား ဖြစ်ပေါ်လာရတာပါပဲ ဥပမာ ကျွန်တော်တို့ လူသားတွေဟာ ပုံမှန်ဝင်ငွေလေးနဲ့ ဘဝဟာ အဆင်ပြေပြေရပ်တည် လည်ပတ်နေနိုင်ချိန်မှာ အဲ့ဒီ comfort zone လေးထဲမှာ သာယာကျေနပ်ကာ နောက်ထပ် ပညာတွေကြိုးစားရှာဖွေဖို့ လက်ရှိအလုပ် အဆင်မပြေ မချောမွေ့တော့ရင် Backup Plan အနေနဲ့ နောက်ထပ်အလုပ်အကိုင်တစ်ခုကို ကြိုတင်ကြိုးစားတည်ဆောက်ထားဖို့ အား မထုတ်ချင်ကြပါဘူး လက်ရှိလည်း သာယာနေတာကို ဘာလို့ ပင်ပင်ပန်းပန်းတွေ လိုက်လုပ်နေရဦးမှာလဲ....ဆိုပြီး Comfort Zone ကနေ ရုန်းမထွက်ချင်ကြပါဘူး ဒီလို ပြောင်းလဲ ရုန်းကန်ကြိုးစားရမှာကို မလိုလားတဲ့ ဆန့်ကျင်တဲ့ အဲ့ ကျွန်တော်တို့ရဲ့ စိတ်ဓာတ်လေးကြောင့်(ဂုဏ်သတ္တိကြောင့်)ပဲ သူများတွေ တိုးတက်ကြီးပွားနေကြချိန်မှာ နောက်ကျန်နေခဲ့ကြရတာပါပဲ Comfort Zone ကနေ ရုန်းမထွက်ချင်တဲ့အတွက်ကြောင့် တစ်နည်းအားဖြင့် ပြောင်းလဲရမှာကို ဆန့်ကျင်တဲ့ ဂုဏ်သတ္တိကြောင့် ကျွန်တော်တို့တွေ စီးပွားဖြစ်နောက်ကြနေကြတာပါ ဒါဟာ ပြောင်းလဲမှုကို ဆန့်ကျင်လို့ နောက်ကျရတဲ့ သဘော Inductor မှာ Current ပြောင်းလဲမှုကို ဆန့်ကျင်ရင်း အစီး နောက်ကျရတဲ့ သဘော Current Lagging ဆိုတာကို ခံစားနားလည်လို့ရဖို့ ဥပမာပေးတာပါ Inductor တွေမှာ အဲ့ #reactance ကြောင့် current changes ဖြစ်ပေါ်စဉ် အခိုက်အတန့်တိုင်းမှာ #Voltage_across ဖြစ်ပေါ်ပါတယ် Resistor တွေမှာ သူ့ရဲ့ #resistance ကြောင့် current အစီးခံရစဉ် ဖြစ်ပေါ်တာကိုကြတော့ #Voltage_Drop လို့ခေါ်ပါတယ် မတူပါဘူး Voltage Across ဆိုတာက Inductor ရဲ့အစွန်းနှစ်ဖက်မှာ ခြားနားဖြစ်ပေါ်သော ဗို့အားဖြစ်ပြီး Heat အနေနဲ့ ဆုံးရှုံးသွားစေမယ့် ပါဝါမျိုး မဟုတ်ပါဘူး Current ကို Magnetic Field အသွင်နဲ့ သိုလှောင်ရင်း ပေါ်လာတဲ့ #Storage_Power ပါ Voltage Drop ဆိုတာကတော့ resistor ရဲ့ အစွန်းနှစ်ဖက်မှာ ခြားနားဖြစ်ပေါ်သော ဗို့အား ပါပဲ ဒါပေမယ့် ဒီဗို့အားနဲ့ ဖြတ်စီး current မြောက်လာဒ် ပါဝါဟာ ပါဝါပြုန်းတီးမှု #Losses_Power ဖြစ်ပါတယ် ဒါကြောင့် ဆုံးရှုံးတဲ့ ကောင်ရဲ့ Voltage ကို drop လို့သုံးနှုန်းပြီး သိုလှောင်တဲ့ ကောင်ရဲ့ Voltage ကို across လို့ပဲ သုံးထားတာပါ 👉Voltage across👈 ပမာဏက သူ့တန်ဖိုး 💥Inductance ပမာဏ 💥current changes တို့နဲ့ တိုက်ရိုက်အချိုးကျပြီး 👉Voltage Drop👈 ပမာဏက သူ့တန်ဖိုး 💥resistance ပမာဏ 💥current value တို့နဲ့ တိုက်ရိုက်အချိုးကျပါတယ် Inductor ရဲ့ ဒီလိုပြောင်းလဲမှုကို ဆန့်ကျင်တဲ့ဂုဏ်သတ္တိကို အသုံးချပြီး 💥DC Circuit 💥တွေမှာ Sudden Load တွေရဲ့ Current Spike တွေကို suppress လုပ်ဖို့ သုံးကြပါတယ် 💥AC Circuit 💥တွေမှာ High Frequency တွေကို Filter လုပ်ဖို့ Block လုပ်ဖို့ သုံးပါတယ် #Frequency_မြင့်တယ် ဆိုတာကလည်း #ပြောင်းလဲမှုမြန်ဆန်တယ်ဆိုတဲ့ သဘောတရားတစ်မျိုးပါပဲ High Frequency Driving စနစ်နဲ့မောင်းတဲ့ SMPS တွေမှာ LC Filter RC Filter π Filter T Filter ......စသဖြင့် LPF (low pass filter)တွေဟာ အရေးပါတဲ့ အခန်းကဏ္ဍမှာ ပါဝင်နေကြတာ တွေ့ရမှာပါ ဒါဟာ inductor ရဲ့ Current Changes ကို ခုခံတဲ့ Inductive reactance ကို အသုံးချထားတဲ့ ဆားကစ်တွေပါပဲ AC ဆားကစ်တွေမှာ inductor ကို Frequency ပေါ်မူတည်ပြီး တန်ဖိုးပြောင်းတဲ့ variable resistor လို့ ကျွန်တော်ကတော့ အလွယ်မြင်ပါတယ် အဲ့အမြင်က Filtering Circuit တွေမှာ Cutoff Frequency တွေကို တွက်ချက်တဲ့အခါ လွန်စွာမှ ခံစားရလွယ်ကူစေပါတယ် Inductive Load တွေကို Triac တွေနဲ့ မောင်းတဲ့အခါ startup time မှာဆွဲတဲ့ ရုတ်ခြည်းဆွဲငင်မှု Surge Current တွေကို သက်သာစေဖို့ Smooth ဖြစ်စေဖို့ Load နဲ့ Series ဆက်သုံးလေ့ရှိပါတယ် Industrial ဆားကစ်တွေမှာတော့ တစ်ခါတစ်ရံ #Reactor ကွိုင်လို့ ခေါ်တတ်ပါသေးတယ် #Chock ကွိုင် လို့ခေါ်ကြတာကတော့ လူသိများ တွင်ကျယ်ပါတယ် ပြောမယ်ဆိုပြီး စရေးလိုက်တာက အခုမှ စပါမယ်😊😊 (လက်တန်းရေးတဲ့ post တွေက ဒီလိုပါပဲ ဟိုရောက်ဒီရောက်) +++++++++++++++++++++ 👇👇👇👇👇👇👇👇👇😔 AC မီးအဝင်ကို DC ပြောင်းတဲ့ နေရာမှာ π Filter သုံးထားပြီး တန်ဖိုးတူ သုံးထားတဲ့(သုံးကိုသုံးရမှာ) ပထမ Filter နဲ့ ဒုတိယ Filter တို့က နေရာချထားမှု အလှမ်းဝေးတာကြောင့် ရုတ်တရက် မသိနိုင်တဲ့ အနေအထားမှာ အဲ့ inductor လေးက လောင်ကျွမ်းသွားတာမို့ ပြုပြင်သူက #resistorအမှတ်နဲ့ ပြန်ထည့်ထားတာပါ အဲ့ resistor က ပြန် မီးခိုးထွက်လာတော့ မူရင်း ဆိုဒ်နဲ့ Watt ကွာတယ် အထင်နဲ့ အလုံးဆိုဒ် တူတာ ပြန်ထည့်လည်း မီးခိုးပြန်ထွက်လာတာပါပဲ အာ့နဲ့ ပိုကြီး watt များတဲ့ အလုံးကြီးကြီး လိုက်ရှာပြီးထည့်လည်း မရပါဘူး ပူခြစ်ပြီး ကိုင်လို့တောင် မရပါဘူး နည်းနည်းတော့ သံသယ စဖြစ်လာပါပြီ မူရင်း Colour Code အရ တန်ဖိုးတူလည်း ထည့်တယ် မူရင်း watt ထက်ပိုများတဲ့ အလုံးကြီးတာလည်း ထည့်တာတောင် မရဘူး....ဆိုတော့ သူ့ မူလ အလုံးသေးသေး resistor လေးက ကျတော့ ဘာလို့ မလောင်သွားဘဲ ခံနိုင်လဲပေါ့💫💫 ရှေ့ပိုင်းတွေ Overload ဖြစ်နေမနေလည်း တိုင်းကြည့် စမ်းကြည့်ရတာ မောလာပြီ နောက်ဆုံး Theory အရတွေးမြင်သိရှိတဲ့အတိုင်း ရှေ့ပိုင်း ထိလည်း ထိစေတော့ ဆိုပြီး #ဒဲ့ဆက်လိုက်တယ် ဝါယာကြိုးနဲ့ အဲ့တော့မှ ဆားကစ်က ကောင်းသွားတော့တယ် 1K နေရာ Jumper ကျော်ရတာ ဆိုတော့ ဘယ်လို ရင်ခုန်ရတယ်ဆိုတာ စက်ဆရာတွေပဲ သိလိမ့်မယ် ကိုယ့်အတွေးသာ တကယ်မှားခဲ့မယ်ဆိုရင် ရှေ့ပိုင်းဆားကစ် တကယ် လစ်ပြီ အဲ့တော့မှ ပညာသိ သိလိုက်ရတာက Inductor နေရာမှာ resistor ကိုထည့်တော့ load ဆွဲတဲ့ အမ်ပီယာက voltage drop ကိုဖြစ်စေပြီး အလုံးတော်တော် ကြီးကြီး watt များများရှာထည့်တာတောင် မခံနိုင်ဘူး ဆိုလိုတာက ဆားကစ်ရဲ့ ပုံမှန် အမ်ပီယာကိုက resistor ဘာ watt ခံခံ 💥over rating💥 ဖြစ်နေတာ သူ့ မူလ inductor ပြန်ထည့်လိုက်တော့ Filtering Process မှာ Inductive reactance ကလည်း နည်းတော့ Voltage Across ကလည်း မသိသာဘူး Resistor ထည့်လိုက်တော့ continuous current ကြောင့် ပေါ်လာတဲ့ Voltage drop ဟာ အတော်များတာမို့ Load ဆားကစ်နဲ့ Voltage Sharing ဖြစ်သွားပြီး ဆားကစ်အလုပ်လုပ်ဖို့ ဗို့ကလည်း လောက်လောက်ငှငှ မရပြန်ဘူးပေါ့ အဓိက ပြဿနာက ဘာမှားတာလည်း ဆိုတော့ Resistor ပုံစံ 💥ကာလာ ကုဒ်နဲ့ လာတဲ့ Inductor💥 ကို သူ့ Code သူ့ တန်ဖိုးအတိုင်းပဲ ပြန်ထည့်တာပဲ ဆိုပြီး 👉resistor ကြီး ပြန်ထည့်မိနေတာ😆😆 ဘယ်လိုမှ အဖြေရှာ မရ နောက်တော့မှ သူ့ရဲ့အသွင်အပြင်က Inductor ပဲဖြစ်မှာပါ ဆိုပြီး ရဲတင်းယူဆ Risk ယူကြည့်မှပဲ အောင်မြင်သွားတော့တယ် Resistor ယောင်ဆောင်ထားတဲ့ Inductor ဟာ #ကျီးယောင်ဆောင်ထားတဲ့ဒေါင်း လိုပါပဲ အဲ့မှာ အောင်မြင်သွားလို့ ဆိုပြီး ရိုက်ထားတဲ့ပုံ စားပွဲပေါ်မှာ ပစ္စည်းလည်းရှုပ် ခေါင်းလည်း ရှုပ်ပဲ ....အတော်စားတဲ့သူ😓😓 Credit #နေဝင်းဆားကစ်အမျိုးမျိုးပြုပြင်ရေးနှင့်သင်တန်းကျောင်း