GS1 Myanmar

Yangon! May 12, 2026
မြန်မာနိုင်ငံဘားကုဒ်အသင်း (GS1 Myanmar) (4/2026) အမှုဆောင်ကော်မတီ အစည်းအဝေးကျင်းပ။
မြန်မာနိုင်ငံဘားကုဒ်အသင်း၏ 2026 ခုနှစ်အတွက် အမှုဆောင်ကော်မတီအစဉ်းအဝေးအမှတ်(4/2026) အား အသင်းရုံးတွင်းရှိ အစည်းအဝေးခန်းမတွင် ဥက္ကဌ ဒေါ်စန်းစန်းရီ ဦးဆောင်သော ​ကော်မတီအဖွဲ့ဝင်များ Hybrid အစီအစဉ်ဖြင့် အစည်းအ​ဝေး ကျင်းပပြုလုပ်ခဲ့ပါသည်။ အစည်းအဝေးတွင် ရှေ့ဆက်သွားမည့် လုပ်ငန်းစဥ် များအား အသေးစိတ်ဆွေးနွေးညှိုနှိုင်းပြီး အစည်းအ​ဝေး အောင်မြင်စွာရုတ်သိမ်းခဲ့ပါသည်။
Myanmar Barcode Association (GS1 Myanmar)
☎️ 09 - 446868002
🏠 No.(29) Room (502), (5th) Floor, UMFCCI TOWER, Min Ye Kyaw Swar Street, Yangon, Myanmar
📧 [email protected]

GS1-128 နှင့် Application Identifier (AI)
GS1-128 သည် ယနေ့ခေတ် supply chain နှင့် logistics လုပ်ငန်းများတွင် အလွန်အရေးကြီးသော barcode standard တစ်ခုဖြစ်ပြီး၊ data အမျိုးမျိုးကို စနစ်တကျ encode လုပ်နိုင်ရန် အသုံးပြုပါသည်။ Barcode တစ်ခုအတွင်း product အချက်အလက်များကို အဓိပ္ပါယ်ပြည့်စုံစွာ ထည့်သွင်းနိုင်ရန် Application Identifier (AI) များကို အသုံးပြုထားသည်။
Application Identifier (AI) ဆိုသည်မှာ barcode ထဲတွင် ပါဝင်သော data အမျိုးအစားကို ခွဲခြားသတ်မှတ်ပေးသည့် code တစ်ခုဖြစ်သည်။ ဥပမာအားဖြင့် (01) သည် GTIN (Global Trade Item Number) ကို ကိုယ်စားပြုသော်လည်း (17) သည် expiry date ကို ဖော်ပြသည်။ ထို့ကြောင့် scanner သည် AI ကို ဖတ်ရှုပြီးနောက် ထို data ၏ အဓိပ္ပါယ်ကို အလိုအလျောက် ခွဲခြားနိုင်သည်။
GS1-128 တွင် data format များကို အဓိကအားဖြင့် Fixed Length နှင့် Variable Length ဟူ၍ နှစ်မျိုးခွဲနိုင်သည်။ Fixed Length format သည် data အရှည်တိတိရှိပြီး အများအားဖြင့် numeric (ဂဏန်း) များဖြင့်သာ ဖွဲ့စည်းထားသည်။ ဥပမာအားဖြင့် (01) GTIN သည် N2 + N14 format ဖြစ်ပြီး AI နှစ်လုံးနှင့် 14 digits ပါဝင်သည်။ ထို့အပြင် (17) expiry date သည် N2 + N6 format ဖြစ်ပြီး YYMMDD ပုံစံဖြင့် ရက်စွဲကို ဖော်ပြသည်။ ဤသို့သော fixed length data များတွင် separator မလိုအပ်ပါ။
တစ်ဖက်တွင် Variable Length format သည် အရှည်မတည်ငြိမ်သော data များကို ကိုယ်စားပြုသည်။ ဤ data များတွင် အက္ခရာနှင့် ဂဏန်း နှစ်မျိုးလုံးပါဝင်နိုင်ပြီး (10) batch number သို့မဟုတ် (21) serial number ကဲ့သို့သော AI များတွင် တွေ့ရသည်။ Variable length data များတွင် field တစ်ခုနှင့် တစ်ခု ခွဲခြားရန် FNC1 separator ကို အသုံးပြုရတတ်သည်။
ထို့အပြင် GS1-128 တွင် အလေးချိန်၊ အရွယ်အစား စသည့် measurement data များကိုလည်း encode လုပ်နိုင်သည်။ ဥပမာ (310x) သည် kilogram အလေးချိန်ကို ဖော်ပြပြီး x သည် decimal place ကို ကိုယ်စားပြုသည်။ ဥပမာ (3103)000500 ဟုရေးသားပါက 0.500 kg ဟု အဓိပ္ပါယ်ရသည်။ ထို့အပြင် location data များအတွက် (410) သို့မဟုတ် (414) ကဲ့သို့သော AI များကို အသုံးပြုကာ GLN (Global Location Number) ကို ဖော်ပြနိုင်သည်။
GS1-128 ၏ အရေးပါသော အားသာချက်မှာ barcode တစ်ခုအတွင်း data အမျိုးမျိုးကို ပေါင်းစည်း ထည့်သွင်းနိုင်ခြင်းဖြစ်သည်။ ဥပမာအားဖြင့် (01)09506000134352(17)250101(10)ABC123(21)SN01 ဟူသော data တစ်ကြောင်းတွင် product code, expiry date, batch number နှင့် serial number တို့ကို တစ်ပြိုင်နက် ဖော်ပြနိုင်သည်။ ဤသို့သော structured data encoding ကြောင့် traceability (နောက်ကြောင်းလိုက်စစ်ဆေးမှု) ပိုမိုတိကျလာပြီး inventory management နှင့် logistics process များကို အထောက်အကူပြုသည်။
နိဂုံးချုပ်အနေဖြင့် GS1-128 AI system သည် data များကို စနစ်တကျ၊ အဓိပ္ပါယ်ရှင်းလင်းစွာ encode လုပ်နိုင်ရန် အရေးကြီးသောစံနှုန်းတစ်ခုဖြစ်ပြီး၊ နိုင်ငံတကာ supply chain များတွင် အသုံးပြုမှု အလွန်ကျယ်ပြန့်လာနေသည်။ ၎င်း၏ structured format နှင့် flexibility ကြောင့် လုပ်ငန်းများအတွက် data accuracy နှင့် operational efficiency ကို မြှင့်တင်ပေးနိုင်သည်။

ရုံးပိတ်ရက်အသိပေးကြေညာခြင်း...
လေးစားချစ်ခင်ရပါသော မြန်မာနိုင်ငံဘားကုဒ်အသင်းဝင်များနှင့် လုပ်ငန်းရှင်များခင်ဗျာ
၂၀၂၆ ခုနှစ် ၊ ဧပြီလ (၁၁) ရက် (စနေနေ့) မှ ဧပြီလ (၁၉) ရက် (တနင်္ဂနွေနေ့) အထိသည် မြန်မာနှစ်သစ်ကူးရုံးပိတ်ရက်များဖြစ်သည့်အတွက် အဆိုပါနေ့များတွင် မြန်မာနိုင်ငံဘားကုဒ်အသင်း (GS1 Myanmar) ရုံးခန်းအား ပိတ်ထားမည်ဖြစ်ပါကြောင်း အသင်းဝင်များအား လေးစားစွာဖြင့် ကြိုတင်အသိပေးအကြောင်းကြားအပ်ပါသည်...
လာမည့်မြန်မာနှစ်သစ်တွင် မြန်မာနိုင်ငံဘားကုဒ်(GS1 Myanmar) အသင်းဝင်များအားလုံး မင်္ဂလာအပေါင်းနှင့်ပြည့်စုံပြီး ကိုယ်စိတ်နှစ်ဖြာရွှင်လန်းချမ်းမြေ့ကာ ဘေးအန္တရာယ်များကင်းရှင်း၍ စီးပွားလာဘ်လာဘများ တိုးတက်ကြီးပွားကြပါစေကြောင်း ဆုမွန်ကောင်းတောင်းအပ်ပါသည်..

#မြန်မာနိုင်ငံဘားကဒ်အသင်းအလုပ်အမှုဆောင်