MedLab

🔸🔸ခုချိန်မှာ COVID-19 vaccine လေးတွေနဲ့ပတ်သက်ပြီး လူတွေပိုပြီး စိတ်ဝင်စားလာတဲ့အတွက် ဒါလေးကိုပြန်ပြီး sharing လေးလုပ်ပေးချင်ပါတယ်ရှင့်🔸🔸

Credit to original uploader~

💉မြန်မာနိုင်ငံအတွက် လက်လှမ်းမီနိုင်ချေများတဲ့ တရုတ်နှင့် အိန္ဒိယနိုင်ငံထုတ် ကာကွယ်ဆေးများကို နှိုင်းယှဉ်ချိန်ဆနိုင်ကြဖို့ ပိုမိုဦးစားပေး ဖော်ပြထားပါတယ်ရှင်။

💉တရုတ်နိုင်ငံထုတ် ကာကွယ်ဆေးများ💉
(၁) SINOPHARM
သေဆုံးပြီးသား ဗိုင်းရပ်စ်ကို ပြန်လည်ပြုပြင်ပြီး ထုတ်လုပ်ထားတဲ့ Inactivated vaccine အမျိုးအစား ဖြစ်ပါတယ်။ ခန္ဓာကိုယ်ထဲ ရောက်လာရင် ကိုယ်ခံအားစနစ်က ဒီဗိုင်းရပ်ရဲ့ပုံစံကို သတိထားမိပြီး ခုခံဓာတ်တွေ ထွက်လာအောင် လှုံ့ဆော်ပေးတဲ့နည်း ဖြစ်ပါတယ်။ WHOက ဒီဆေးကို ယခုနှစ်မေလတွင် စတင်အသုံးပြုခွင့် ပေးထားပြီး နိုင်ငံပေါင်း ၈၀ကျော်မှာ အသုံးပြုလျက် ရှိပါတယ်။ ကာကွယ်နိုင်စွမ်း ၇၉.၃% ရှိပါတယ်။

(၂) SINOVAC/ CORONAVAC
Inactivated virus vaccine ပဲဖြစ်ပြီး ကာကွယ်နိုင်စွမ်း ၄၉.၆%မှ ၅၀.၇% ရှိပါတယ်။ ရောဂါကူးခံရပါက ဆိုးဆိုးရွားရွား မဖြစ်ဖို့ ၈၅%မှ၁၀၀% ကာကွယ်နိုင်တဲ့ဆေးပါ။ WHOက ယခုနှစ် ဇွန်လတွင် စတင်အသုံးပြုခွင့် ပေးထားပြီး ဖြစ်ပါတယ်။
💉SINOPHARM နဲ့ SINOVAC ဆေးနှစ်မျိုးလုံးဟာ 0.5mlဆေး၂ကြိမ်ကို ၃ပတ်မှ၄ပတ်ခြား ထိုးရမှာဖြစ်ပြီး အသက်၁၈နှစ်နှင့် အထက်ဆိုရင် ဆေးထိုးလို့ရပါပြီ။ ရောဂါအခံရှိသူများ၊ ကိုယ်ဝန်ဆောင်၊ နို့တိုက်မိခင်တွေပါ ထိုးလို့ရပါတယ်။ ဆေးမထိုးခင်တော့ ဆရာဝန်နှင့် ကြိုတင် တိုင်ပင်ဖို့ လိုပါတယ်။
😷ကိုယ်အပူချိန် 38.5°Cထက် မြင့်နေသူ၊ ကိုဗစ်လက္ခဏာများ ရှိနေသူ၊ ကာကွယ်ဆေးထိုးစဉ် ဓာတ်မတည့်မှု ဖြစ်ဖူးသူများကတော့ ဆေးမထိုးသင့်သေးပါဘူး။
💡ဒီဆေးများမှာ အပူချိန်2-8°C ပုံမှန်အအေးခန်းတွင် သိုလှောင်နိုင်တဲ့ အားသာချက်ရှိပြီး စစ်တမ်းများအရ ဘေးထွက်ဆိုးကျိုး ကြီးကြီးမားမား မတွေ့ရတတ်ပါဘူး။ ဆေးထိုးထားတဲ့ နေရာမှာနာခြင်း၊ အဖျားငွေ့ငွေ့ရှိခြင်း၊ နုန်းခြင်း၊ ခေါင်းကိုက်ခြင်း၊ ကြွက်သားနာကျင်ခြင်းတို့ ဖြစ်တတ်ပြီး ၂ရက်အကြာမှာ အလိုလို ပျောက်ကင်းပါတယ်။

💉အိန္ဒိယနိုင်ငံထုတ် ကာကွယ်ဆေးများ💉
(၁) COVISHIELD
ဗြိတိန်နိုင်ငံထုတ် AstraZeneca ဆေးရဲ့ Adenovirus vector vaccine နည်းပညာကိုယူပြီး အိန္ဒိယနိုင်ငံမှာ Covishield အမည်ဖြင့် ကာကွယ်ဆေး ထုတ်ထားခြင်း ဖြစ်ပါတယ်။ ဆေးကို 2-8°C မှာပဲ ထားလို့ရပါတယ်။ ၁၈နှစ်ကျော်လျှင် ထိုးလို့ရပြီး 0.5ml ဆေး၂ကြိမ်ကို ၄ပတ်မှ၁၂ပတ်ခြားပြီး ထိုးရပါမယ်။ ပထမအကြိမ် ဆေးထိုးပြီးရင် ၇၀.၄%၊ ဆေး၂ကြိမ်ထိုးပြီးရင် ၈၂.၄% ကာကွယ်မှုရပြီး ၆၅နှစ်ကျော်သူတွေမှာ ကိုဗစ်ကြောင့် သေဆုံးနှုန်းကို ၉၄%အထိ ကာကွယ်နိုင်တဲ့ဆေး ဖြစ်ပါတယ်။ အများအားဖြင့် သာမန်ဘေးထွက် ဆိုးကျိုးများသာ ရှိတတ်ပါတယ်။ ရောဂါအခံရှိသူ၊ ကိုယ်ဝန်ဆောင်နှင့် နို့တိုက်မိခင်များ ဆေးမထိုးမီ ဆရာဝန်နှင့် တိုင်ပင်သင့်ပါမယ်။

(၂) COVAXIN
အိန္ဒိယဆေးသုတေသနနဲ့ Bharat Biotech ကုမ္ပဏီတို့ ပူးပေါင်းထုတ်လုပ်တဲ့ ဒီဆေးကလည်း (Inactivated vaccine)ပဲ ဖြစ်ပါတယ်။ 0.5mlဆေး၂ကြိမ်ကို ၄ပတ်မှ၆ပတ်ခြားပြီး ထိုးရပါမယ်။ ဆေးနှစ်ကြိမ် ထိုးပြီးရင် ကာကွယ်နိုင်စွမ်း ၇၈%(Delta မျိုးကွဲအတွက် ၆၅%)၊ ရောဂါပြင်းထန်နိုင်ချေ ၉၃.၄%အထိ ရပါတယ်။ ကိုယ်ဝန်ဆောင်၊ နို့တိုက်မိခင်နှင့် သွေးယိုစီးမှု ပြဿနာ ရှိသူများက ဒီဆေးကို မထိုးသင့်ဘူးလို့ သိရပါတယ်။

💉ရုရှားနိုင်ငံထုတ် ကာကွယ်ဆေးများ💉
(၁) SPUTNIK V
ဒီဆေးက ပြုပြင်ထားတဲ့ တုပ်ကွေးရောဂါပိုး Adenovirus နှစ်မျိုးကို ထပ်မံပွားများခြင်း မရှိအောင် ပြုလုပ်ပြီး ထည့်သွင်းထားတာ ဖြစ်ပါတယ်။ ဆေး၂ကြိမ်ကို ၃ပတ်ခြားပြီး ထိုးရပါမယ်။ ကာကွယ်နိုင်စွမ်း ၉၁.၆% ရှိပြီး နိုင်ငံပေါင်း ၆၄နိုင်ငံမှာ အသုံးပြုနေ ကြပါတယ်။ ဘေးထွက် ဆိုးကျိုးများအဖြစ် ပင်ပန်းနွမ်းနယ်ခြင်း၊ ခေါင်းကိုက်ခြင်း၊ ကြွက်သား၊ အဆစ်များ နာကျင်ခြင်း၊ ချမ်းတုန်ခြင်းများ အဖြစ်များပါတယ်။

(၂) SPUTNIK LIGHT
ရုရှားနိုင်ငံမှာ ယခုနှစ်မေလအတွင်းက စတင်အသုံးပြုခွင့် ရထားပြီး လက်ရှိမှာ နိုင်ငံပေါင်း ၁၃နိုင်ငံမှာ အသုံးပြုနေကြပြီ ဖြစ်ပါတယ်။ အားသာချက်က ဆေးကိုတစ်ကြိမ်ပဲ ထိုးဖို့လိုအပ်ပြီး ထိုးပြီးလေးပတ်အကြာမှာ ခုခံအားဓာတ် ၉၀%ကျော်ကို ပြည့်စုံစေပါတယ်။ ရောဂါကာကွယ် နိုင်စွမ်းကတော့ ၇၉.၄% ရှိပါတယ်။
(ရုရှားနိုင်ငံထုတ် ကာကွယ်ဆေးများက WHO ရဲ့အသိအမှတ်ပြုမှုတော့ မရရှိသေးပါဘူး။)

💉အမေရိကန်နိုင်ငံထုတ် ကာကွယ်ဆေးများ💉
(၁) Pfizer
ပထမဦးဆုံး ထုတ်လုပ်နိုင်တဲ့ ကိုဗစ်ကာကွယ်ဆေးဖြစ်ပြီး ၈၁.၈% မှ ၉၅%အထိ ကာကွယ်နိုင်စွမ်း ရှိပါတယ်။ အသက်၁၂နှစ်နှင့် အထက်ဆိုရင် ဆေးထိုးလို့ ရပါတယ်။ Pfizer-BioNTech ဟာ mRNA နည်းပညာသုံး ကာကွယ်ဆေးဖြစ်ပြီး အပူချိန် -80 to -60°C မှာ သိမ်းဆည်းရပြီး ဆေးထိုးဖို့ normal saline နဲ့ရောစပ်ပြီးရင် အခန်းတွင်း အပူချိန်မှာ ၆နာရီသာ အထားခံပါတယ်။

(၂) MODERNA
လက်ရှိအချိန်အထိ အကောင်းဆုံး ကိုဗစ်ကာကွယ်ဆေးအဖြစ် သတ်မှတ်ထားကြပြီး ၉၄.၁% ကာကွယ်နိုင်စွမ်း ရှိပါတယ်။ အပူချိန် -25 to -15°C မှာ အချိန်တစ်လသာ အထားခံတဲ့ ဆေးဖြစ်ပါတယ်။ mRNA နည်းပည သုံးထားတဲ့ဆေးဖြစ်ပြီး ဆေး၂ကြိမ်ကို ၄ပတ်ခြားပြီး ထိုးရမှာ ဖြစ်ပါတယ်။

😷Pfizer နှင့် Moderna နှစ်မျိုးလုံး ဘေးထွက်ဆိုးကျိုးများ ဆင်တူကြပါတယ်။ ဆေးထိုးတဲ့ နေရာမှာ နာကျင်ခြင်း၊ ကြွက်သားများနာခြင်း၊ ခေါင်းကိုက်ခြင်း၊ နုန်းခြင်းတို့ အဖြစ်များတတ်ပြီး ဒုတိယဆေး ထိုးပြီးချိန်မှာ ပိုဖြစ်လေ့ ရှိပါတယ်။ ရှားပါးတဲ့ ဘေးထွက်ဆိုးကျိုးအဖြစ် နှလုံးအမြှေးပါးရောင်ခြင်း၊ နှလုံးကြွက်သား ရောင်ခြင်းများကို တွေ့ရပါတယ်။

💉နယ်သာလန်နိုင်ငံထုတ် ကာကွယ်ဆေး💉
💉Johnson & Johnson COVID-19 Vaccine
Janssen ကုမ္ပဏီထုတ် ဒီဆေးကို အသက်၁၈နှစ် ပြည့်သူတွေ ထိုးနှံနိုင်ပြီး ကာကွယ်နိုင်စွမ်း ၆၆.၉% ရရှိပါတယ်။ ဆေးထိုးပြီး ၂၈ရက်အကြာမှာ ရောဂါပြင်းထန်နိုင်ချေ ၈၅.၄%နဲ့ ရောဂါကြောင့် ဆေးရုံတက် ရနိုင်ချေကို ၁၀၀%ကာကွယ်ပေးနိုင်တဲ့ ဆေးဖြစ်ပါတယ်။

🚨COVID-19 ကာကွယ်ဆေးတွေဟာ အရေးတကြီး လိုအပ်ချက်ကြောင့် ၁နှစ်ကျော်အတွင်း အမြန်ထုတ်ရပေမယ့် လိုအပ်တဲ့ စမ်းသပ်စစ်ဆေးမှု အဆင့်များကို များစွာကျော်ဖြတ်ခဲ့ပြီး ဖြစ်ပါတယ်။ ဆေးတိုင်းမှာ ကာကွယ်နိုင်စွမ်း ၅၀%အထက်ရှိမှသာ ထုတ်လုပ်ခွင့်နှင့် အသိအမှတ်ပြုခြင်းကို ရရှိနိုင်ကြပါတယ်။ ဆေးမထိုးထားသူနဲ့ယှဉ်ရင် ဆေးတခုခုထိုးထားသူက ကာကွယ်နိုင်စွမ်း၊ ရောဂါပြင်းထန်မှု လျော့ကျနိုင်စွမ်းများ အတိုင်းအတာတခုအထိ သေချာပေါက် ပိုရှိပါတယ်။ ဒါကြောင့်မို့ လက်လှမ်းမီမယ့် ကာကွယ်ဆေးကို အမြန်ဆုံးထိုးနှံထားပြီး COVID-19 ကို ကာကွယ်ကြဖို့ တိုက်တွန်းအပ် ပါတယ်ရှင်။

Reference:
https://www.cdc.gov/coronavirus/2019-ncov/vaccines/different-vaccines.html

✅ Customerများ​၏ ယုံကြည်စိတ်ချစွာဝယ်ယူအားပေးမှုအား ကျွန်တော်တို့ MedLab မိသားစုမှ အထူးကျေးဇူးတင်ပါခင်ဗျာ

✅ အရေအတွက်လိုသလောက် လက်လီလက်ကားဝယ်ယူရရှိနိုင်ပါပြီ

✅ တရက် ကြိုတင်မှာခြင်းဖြင့် အိမ််အရောက်ပို့ ပေးနေပါပီ

☎️ 095502770

သတိထား ကြပါနော် တညထဲ ၁၄ယောက် တောင် တဲ့ 😞😞😞