ShweNote

ကျွန်တော်တို့ဘဝမှာ တစ်ခါတလေမှာ အပြင်ပန်းကကြည့်ရင်တော့ အရာရာ အဆင်ပြေချောမွေ့နေပါလျက်နဲ့ ကိုယ့်ရင်ထဲမှာတော့ တစ်ခုခုလိုနေသလို၊ အကြောင်းပြချက်ကလည်း တိတိကျကျမရှိဘဲနဲ့ လေးလံနေသလိုမျိုး ခံစားဖူးကြပါလိမ့်မယ်။ မနက်ဆိုရင် အိပ်ရာထတယ်၊ အလုပ်သွားတယ်၊ လူတွေနဲ့တွေ့တယ်၊ စကားပြောတယ် စိတ်အပန်းပြေဖို့ဆိုပြီး ဖုန်းသုံးတယ်၊ ဒါပေမဲ့ ညဘက်အိပ်ရာဝင်တဲ့အခါ ဘာကြောင့်မှန်းမသိဘဲ ရင်ထဲမှာ တအုံနွေးနွေး ရှိနေပြန်ရော။

ပြီးတော့ ကျွန်တော်တို့တွေဟာ ဆယ်စုနှစ်ပေါင်းများစွာ စိတ်ဓာတ်ကျတယ်ဆိုတာ ဦးနှောက်ထဲက ဓာတ်မညီမျှမှုကြောင့်လို့ပဲ တရားသေ ယုံကြည်ခဲ့ကြပါသေးတယ်။ ဒါကြောင့် စိတ်ကျရောဂါခံစားနေရပြီဆို ဆရာဝန်သွားတွေ့မယ်၊ ပေးတဲ့ဆေးသောက်ရုံနဲ့ ပျောက်ကင်းမယ်လို့ ထင်ခဲ့ကြတာပေါ့။ ဒါပေမဲ့... တကယ့်ပြဿနာက ဦးနှောက်ထဲမှာတင် ရှိနေတာမဟုတ်ဘဲ ကျွန်တော်တို့ရဲ့ နေထိုင်ပုံ၊ အလုပ်လုပ်ပုံနဲ့ လူမှုဆက်ဆံရေးတွေ ပြိုလဲနေတာကြောင့်ဆိုရင်ရော?

ကမ္ဘာကျော်စာရေးဆရာ Johann Hari ကတော့ သူ့ရဲ့ နာမည်ကြီးစာအုပ်ဖြစ်တဲ့ "Lost Connections" စာအုပ်မှာတော့ လူတွေရဲ့ဘဝကို အဓိပ္ပာယ်မဲ့စေတဲ့ ကင်းကွာပြတ်တောက်မှု (Disconnection) ပုံစံ ၉ မျိုး ရှိပါတယ်တဲ့။

ဒီစာအုပ်ထဲမှာ ကိုယ်လုပ်နေတဲ့အလုပ်က ဘယ်သူ့အတွက်မှ အကျိုးမရှိတော့ဘူးလို့ ခံစားရတာတွေ၊ ဆိုရှယ်မီဒီယာပေါ်မှာ Follower တွေထောင်ချီရှိပေမဲ့ စစ်မှန်တဲ့ ရင်ဖွင့်ဖော်မရှိလို့ အထီးကျန်ခံစားရတာတွေ၊ မြို့ပြရဲ့ ပုံစံခွက်တွေထဲမှာ စိတ်ဝိညာဉ်တွေ နာကျင် မွန်းကျပ်ရတာတွေ၊ မနက်ဖြန်အတွက် မျှော်လင့်ချက်တွေ မရှိတော့သလို ခံစားရတာတွေအကြောင်းကို အားလုံးသတိထားမိအောင် ကွက်ကွက်ကွင်းကွင်း ဖော်ထုတ်ပြထားပါတယ်။

ဒီလို ခံစားရတာတွေ၊ နာကျင်မှုတွေအားလုံးဟာ ကိုယ်တစ်ယောက်တည်း ဖြစ်နေတဲ့အားနည်းချက်၊ ချို့ယွင်းချက်တစ်ခုတော့ မဟုတ်ပါဘူး။ တကယ်တော့ ဒါဟာ လူ့အဖွဲ့အစည်းကြီးတစ်ခုလုံးမှာ အရေးကြီးတဲ့အရာတစ်ခုတော့ ပျောက်ဆုံးနေပြီလို့ အချက်ပေးနေတာပါ။ ဒါကြောင့် ကိုယ့်စိတ်မှာ အခုလို နာကျင်ပြီး စိတ်သောကတွေရောက်၊ စိတ်ဓာတ်တွေကျနေပြီဆိုရင် ဒါကို ရောဂါတစ်ခုလို မမြင်ဘဲ ဘဝရဲ့ အဓိပ္ပာယ်ရှိတဲ့အရာတွေနဲ့ ပြန်လည်ချိတ်ဆက်ဖို့ လမ်းပြပေးနေတဲ့ 'လမ်းညွှန်ချက်' တစ်ခုလို မြင်ပေးဖို့ စာရေးသူက အလေးအနက် ထောက်ပြထားပါတယ်။

တကယ်တော့ လူတွေအထင်မှားနေတာတစ်ခုက စိတ်ဓာတ်ကျခြင်းရဲ့ ဆန့်ကျင်ဘက်မှာ ပျော်ရွှင်ခြင်း ရှိတယ်လို့ ထင်နေကြတာပါ။ တကယ်တမ်းက ပျော်ရွှင်မှုဆိုတာထက် သူတို့ဘဝအတွက် အဓိပ္ပာယ်ရှိတဲ့အရာတွေ ပြန်လည်ရှာဖွေတွေ့ရှိဖို့သာ အဓိကပါ။ ဒီစာအုပ်က စာဖတ်သူတို့ဘဝမှာ ပျော်စရာတွေဆိတ်သုန်းပြီး ဘာတစ်ခုမှ စိတ်မဝင်စားတော့ဘူးဆိုရင် အဲဒီ ကင်းကွာပြတ်တောက်နေတဲ့ အချိတ်အဆက် (၉)ခုနဲ့ တစ်ခုချင်းစီ ပြန်လည်ချိတ်ဆက်နိုင်စေဖို့ မျှော်လင့်ချက် လမ်းပြမြေပုံတစ်ခုဖြစ်လာမှာ ဧကန်မုချပါ။

ဒီစာအုပ်က ShweNote ရဲ့ (၆၄၈) အုပ်မြောက် အနှစ်ချုပ်စာအုပ်ပါ။ ကိုယ့်ဘဝမှာ ဘာတွေ လမ်းပျောက်နေတယ်၊ ကင်းကွာပျောက်ဆုံးနေတယ်၊ ဘဝအဓိပ္ပာယ်ကို ပြန်လည်ရှာဖွေချင်တယ်ဆိုရင်တော့ အခုပဲ ShweNote App ထဲမှာ "Lost Connections" စာအုပ်ကို ဝင်ရောက်ဖတ်ရှု/နားဆင်လိုက်ပါ။

📌ဒါနဲ့ တန်ခူးလက်ဆောင်အကြောင်းသိပြီးပြီလား
April (၁) ရက်နေ့ကနေ (၂၀) ရက်နေ့အထိ ShweNote ရဲ့ (၁) နှစ်စာ Summary Subscription ဝယ်ယူသူတွေအတွက် ၅၀% လျှော့ဈေးပေးသွားမှာဖြစ်ပါတယ်။ တစ်နှစ်မှ တစ်ခါပဲရမဲ့ တန်ခူးလက်ဆောင်မို့ အခုပဲ ShweNote FB Page Messenger (သို့) ဖုန်းနံပါတ် 09 940084444 ကိုအခုပဲ ဆက်သွယ်ပြီး ဝယ်ယူဖို့တိုက်တွန်းလိုက်ပါတယ်✨


#သင့်ဖုန်းထဲကဒစ်ဂျစ်တယ်စာကြည့်တိုက်


#ရွှေနုတ်ရဲ့ရွှေတန်ခူးလက်ဆောင်