Vanila Sega

အိမ်

ငယ်ငယ်တုန်းက
အိမ်ဆိုတာ အမေ
အမေဆိုတာ အိမ်လို့ပဲ ထင်တယ်။

အမေ မရှိရင်
အိမ်ဆိုတာ ဘယ်ရှိလိမ့်မလဲ
အိမ်ပြန်မယ်လို့သာပြောတယ်
တကယ်တော့ အမေ့ကို ရှာတာပါ။

အမေ ဘယ်မှာလဲ
အမေရှိတဲ့ အရပ်က အိမ်ပေါ့။
အမေမရှိတဲ့ အရပ်က အိမ်မရှိဘူး။

ကြီးလာတော့လည်း
အမေဆိုတာ အိမ်
အိမ်ဆိုတာ အမေလို့ ထင်နေတုန်းပဲ။
အမေ မရှိရင် အိမ်မရှိဘူး။

အိမ်ကို လွမ်းတယ်လို့သာ ပြောတယ်
တကယ်တော့ အမေ့ကို လွမ်းတာပါ။

အမေ့ကို မတွေ့ရင်
အမေ့ကို ရှာတယ်။
အမေ့ကို တွေ့မှ
အော်...အိမ်ပြန်ရောက်တယ်။

အင်း...ဘာဖြစ်လို့
လူတွေက အခက်အခဲနဲ့ကြုံတဲ့အခါ
အိမ်ပြန်ချင်ကြပါလိမ့်။
အကြပ်အတည်းဆုံးနဲ့ ကြုံတဲ့အခါ
အမေ့ကိုအရင် သတိရကြပါလိမ့်။
ဘာမှမတတ်နိုင်ကြတဲ့အခါ
"အမေ့" လို့ တကြပါလိမ့်။

တစ်သက်ရှိခဲ့ပါပြီ
တမ်းတရင်း လွမ်းဆွတ်ရင်း
ဘယ်နေရာမှာ
လောကရဲ့အလှဆုံးအိမ်ရှိသလဲလို့
တမ်းတလွမ်းဆွတ်လာတာ တစ်သက်ရှိပါပြီ။

ကျွန်တော်အကျယ်ကြီးပြောပါရစေ

အမေ

အမေရဲ့နွေးထွေးတဲ့ရင်ခွင်ကမှ
ကျွန်တော်တစ်သက်တာအတွက်
အလုံးခြုံ အပျော်ရွှင်ဆုံး အိမ်ပါအမေ။❤