Jack Auto Detailing

ရန်ကုန်လမ်းပေါ်မှာ ရှောင်ရမယ့်ကားများ 🤣✌️

၁။ ဘက်စ်ကား
ရှောင်ကိုရှောင်ရမယ့် ကားတွေထဲမှာ ထိပ်ဆုံးက ပါ၀င်တယ်ဆိုတာကိုတော့ အကြောင်းပြချက်ရေးဖို့ လိုမယ် မထင်ပါဘူး။ လူတိုင်းသိပြီးသားကိုး။ မရှောင်လည်း ကိုယ့်ထိုက်နဲ့ ကိုယ်ပဲ။ အကြောင်းမသင့်ရင် ကားလည်း အတိုက်ခံရမယ် လူလည်း အရိုက်ခံရမယ်။

၂။ ခရီးသည်မဲ့ တက္ကစီ
ကျွန်တော့်ကားရှေ့မှာ တက္ကစီရှိပြီဆိုပါစို့။ သူ့ကားထဲကို လှမ်းရှိုးရပါတယ်။ ခရီးသည် ပါ မပါ။
ခရီးသည် မပါရင်တော့ သတိကို ထိပ်ဆုံးမှာ ကပ်ရပါတယ်။ သစ်ပင်နောက်မှာ ကွယ်ရပ်နေတဲ့ လူအရိပ်တွေ့ရင်လည်း ကျွိကနဲ့ ရပ်ပြီး လက်ညှိူးထောင်ရင် ထောင်ပါမယ်။ ကျော်ဖို့ ခက်တဲ့ လမ်းကြောတစ်ခုတည်းရှိတဲ့ လမ်းတွေမှာလည်း တောင်ကြည့် မြောက်ကြည့် ခရီးသည်ရှာပြီး အေးဆေးမောင်းနေတက်ပါတယ်။
လမ်းတစ်ဖက်မှာ ခရီးသည်တွေ့ရင်လည်း မထင်ရင် မထင်သလို ကွေ့တက်ပါတယ်။ တက်စီကားတွေကို ကျော်မယ်၊ နောက်က လိုက်မယ်ဆိုရင်တော့ ခရီးသည် ပါ မပါ သေချာကြည့်ပါ။

၃။ ညထွက် အမှိူက်ကား
မိတ်ဆွေတို့ကို Rest in Peace သွားစေမယ့် ကားတွေပါ။
မောင်းတဲ့ကောင်တွေက ဘာကောင်တွေမှန်းမသိပါဘူး။
ချာတိတ်တွေများပါတယ်။ မောင်းတဲ့သူတွေမှာ လိုင်စင်မရှိတဲ့သူတွေများသလို ကားမီးတွေကလည်း မလင်းတာများပါတယ်။ တချို့ဆို သောက်မောင်းလေးတွေတောင် ရှိပါသေးတယ်။
(သောက်မောင်းဆိုတာ အရက်လေးသောက်လိုက် ကားလေးမောင်းလိုက်ကို ပြောတာပါ။ ဘီယာဘူးနီလေးမော့ပြီး မောင်းနေတာ ကိုယ်တွေ့ တွေ့ဖူးလို့ပါ)

၄။ ခွေးဘီလူး ကုမ္မဏီကား
ရုံးတက် ရုံးဆင်းချိန်တိုင်း စိတ်ညစ်ရတဲ့ ကားတွေပါ။ သူတို့က ပိစီလေးတွေဆိုတော့ အဝိုင်းတွေမှာ ဦးစားပေးရင် ကိုစောင့်နေတဲ့အချိန်မျိုးတွေ၊ မီးပွိုင့်တွေမှာ စောင့်နေတဲ့အချိန်မျိုးဆိုရင် နှစ်စီးကြားထဲ ကပ်သီးကပ်ဖဲ့၀င်တယ်။
ကားနည်းနည်းရှင်းတာနဲ့ ဖာရာရီကားအလား ဗျင်းတယ်။ နောက်ကြည့်မှန်ထဲမှာ ခွေးဘီလူးကားလေး ခေါင်းခန်းမှာ ကောင်မလေးပုံပေါ် လာရင်တော့ မြန်မြန်သာ ပေးကျော်လိုက်ပါ။ ဘေးကင်းလုံခြုံပါလိမ့်မယ်။
ဒင်းတို့က ဘေးက ကောင်မလေးတွေကို သိပ်အစွမ်းပြလွန်းလို့ပါ။ ကုမ္မဏီတွေကလည်း ၀န်ထမ်းရှားတော့ အဲ့ဒီလို ခွေးဘီလူးလေးတွေဆို ဂွေကိုင်တက်တဲ့ကောင်တိုင်းကို ပေးမောင်းတော့တာပါပဲ။

၅။ အရစ်ကျ ကားသစ်များ
သူတို့ကြတော့ တစ်မျိုး။ ကားမောင်းတာ မရမ်းကားဘူး။ ဒါပေမယ့် အရစ်ကျခေတ်မှာမှ ကားစီးဖူးတော့ စည်ကမ်းလည်းမသိ၊ လမ်းကြောလည်း မသိ၊ ဦးစားပေးယဉ်ဆိုတာလည်း နားမလည်။
အဝိုင်းမှာ အဝိုင်းပတ်နေရင် အတင်ကြီးတိုး၀င်၊ မကွေ့ရမယ့် နေရာတွေကွေ့၊ မ၀င်ရတဲ့လမ်းတွေ၀င် သူတို့ဘာသာသူတို့ တိုင်ပတ်နေတက်လို့ ရှောင်သင့်တဲ့ကားတွေပါ။
မြို့ထဲ လမ်းကျဉ်းတွေမှာ ပါကင် တစ်ခါထိုးရင် ရှေ့တိုးနောက်ဆုတ် အခါ နှစ်ဆယ်လောက်လုပ်၊ လူငါးယောက်လောက်က ဝိုင်းကြည့်ပေး၊ ဂီယာထိုးရင် ဂီယာတံကို ငုံ့ကြည့်ပြီး ထိုး အရပ်ကူပါ လူဝိုင်းပါ ကားမျိုးတွေ။
အထူးသဖြင့် P နံပါတ်တွေ Q တွေဆို ပိုသတိထား။

၆။ ဘုန်းကြီးကား
ကျေးဇူးရှင်ဆရာတော်ဘုရားကြီးများရဲ့ ကားတော်ကြီးများကိုလည်း ဂရုတစိုက်ရှောင်ရှားရင်း ကုသိုလ်ပွားများကြပါ။
ဘုန်းကြီးကျောင်းသားတွေ၊ ကိုယ်တော်တွေကိုယ်တိုင် ပညာစွမ်းပြလွန်းပြီး အတိုက်ခံရရင်လည်း အလျှော်မရတဲ့အပြင် ထိုင်ရှိခိုးရမယ်၊ ရေစက်ချလှူရမယ်ဆိုတော့ ဝေးဝေးကသာ ရှောင်ကြပါ။...
ဟာ ဒီလောက်တောင် ရှောင်နေရတယ်ဆိုရင် ရန်ကုန်မှာ ကားဘယ်လိုမောင်းမလဲ။
ဟုတ်ကဲ့ ဒီလိုပဲမောင်းပါတယ်။ ကျွန်တော်ဆို အနည်းဆုံး တစ်နေ့ကို ရုံးသွား ရုံးပြန် နှစ်ကြိမ်မောင်းရပါတယ်။
မျက်လွှာလေး အသာချ၊ မာန်လေးတွေလျှော့၊ စိတ်ကိုဖြူအောင်ထားပြီး ကားမောင်းရပါတယ်။
ဒီကြားထဲ ညီမလေးတွေ မောင်းလာလို့ဆိုပြီး လျှော့ပေးရတာတွေ၊ အနှေးယဉ်မို့ ဦးစားပေးရတာတွေ၊ ဆိုင်ကယ်တက္ကစီတွေကို ကြောက်လို့ ရှောင်ရတာတွေတောင် ထည့်မရေးရသေးဘူး။
ဘာပဲ ပြောပြော နေ့စဉ်ကားမောင်းအတွေ့အကြုံအရ ခန္ဓီပါရမီတော့ အတော်လေး ပြည့်ခဲ့ပါပြီ။
အခါအခွင့်သင့်လို့ တခြား ပါရမီတွေပါ ဖြည့်နိုင်ရင် နိဗ္ဗာန်ကို တစ်ဘ၀အတွင်း မျက်မှောက်ပြုနိုင်ပါတယ်။

Source : Okka Kyi Win

Discussion Comment ပဲဖြစ်ဖြစ်
ပေါက်တက်ကရ Comment ပဲပေးပေး ကျေနပ်မိမှာပါ ..
Crd

မိုးရေထဲတွင် ဘေးအန္တရာယ်ကင်းစွာ မောင်းနှင်နိုင်ရန် !!!

"""အကြံပြုချက်___ { ၇ }___ ချက်"""

၁။ မိုးအရမ်းသည်းနေရင် မိုးတိတ်အောင် စောင့်ပါ။
မိုးအရမ်းသည်းတဲ့အချိန်၊ ရေအရမ်းကြီးနေတဲ့အချိန်တွေမှာ ကားမောင်းတာကို ရှောင်ကြဉ်သင့်ပါတယ်။ အထူးသဖြင့် တာယာလဲဖို့ လိုအပ်နေချိန်၊ တာယာပန်းတွေ ပါးနေချိန်မှာ သတိထားရပါတယ်။ တာယာတွေ ပွန်းပဲ့နေတဲ့အချိန်မှာ ရေထဲ မောင်းတဲ့အခါ လျင်လျင်မြန်မြန် မသွားနိုင်ပါဘူး။

၂။ ပန်းပါးနေသော တာယာများကို အသုံးမပြုပါနဲ့။
အသုံးပြုမယ်ဆိုရင် တာယာရဲ့ လမ်းမပေါ်ကုတ်အားက လျော့ကျနေတဲ့အတွက် စိုစွတ်တဲ့လမ်းတွေမှာ အန္တရာယ်ရှိနိုင်ပါတယ်။

၃။ လိုအပ်ရင် ရှေ့မီးကိုဖွင့်ပါ။
ကိုယ်တိုင်လည်း ကိုယ့်လမ်းကြောင်းကို ပိုမိုကောင်းမွန်စွာမြင်နိုင်ပြီး အခြားယာဉ်မောင်းများကလည်း မိမိကို မြင်နိုင်စေပါသည်။

၄။ အရှိန်လျော့ မောင်းပါ။
တစ်နာရီ ၃၅ မိုင်အောက် သွားနေရင် ကားကိုထိန်းရလွယ်ကူစေပါတယ်။ ကိုယ်သွားမယ့် ယဉ်လမ်းကြောင်း အတိုင်းသွားနေဖို့နဲ့ လိုအပ်တဲ့အခါ လမ်းရဲ့ညာဘက်ကို အရှိန်လျော့ချမောင်းမယ်ဆိုရင် အန္တရာယ်ကို လျော့ကျစေပါတယ်။

၅။ ရှေ့ကကားနဲ့ အရမ်း ကပ်မလိုက်ပါနဲ့။
စိုစွတ်နေတဲ့လမ်းမတွေပေါ်မှာ ကိုယ့်ကားနဲ့ သူများကားကြားမှာ နေရာအလုံအလောက် ခြားထားဖို့ အရေးကြီးပါတယ်။ မြင်နိုင်တဲ့ အကွာအဝေးနဲ့ ဘရိတ်အကွာအဝေးကြောင့် ဖြစ်လာနိုင်တဲ့ ပြဿနာတွေကို ရှောင်ရှားနိုင်ဖို့ အတွက်ပါ။

၆။ စီးဆင်းနေတဲ့ ရေ၊ ဗွက်အိုင်များနှင့် ရေအိုင်များကို ရှောင်ပါ။
စီးဆင်းနေတဲ့ ရေက နက်ပုံမရပေမယ့် ရွေ့လျားနေတဲ့ရေက 12 လက်မလောက်ရှိတာနဲ့ ကားကို ရွေ့သွားအောင် တွန်းနိုင်ပါတယ်။ ဗွက်အိုင်နဲ့ရေအိုင်တွေရဲ့ တကယ့် အနက်ကို မသိရလို့ မြောင်းတွေ၊ တွင်းတွေ၊ ချိုင့်ခွက်တွေထဲ ကျွံကျတာတွေ ဖြစ်နိုင်ပါတယ်။ အခြားလမ်းကြောင်းတစ်ခုကို ရှာပါ ဒါမှမဟုတ် မိုးတိတ်ပြီး လမ်းအခြေအနေကိုကြည့်လို့ရအောင် စောင့်ပါ။

၇။ ပုံမှန်ထက် ပိုသတိထား ပြီးမောင်းပါ။
စိုစွတ်သောလမ်းတွေ မောင်းတဲ့အခါ မိုးရွာထဲမောင်းတဲ့အခါ ဘရိတ်ကို ကြမ်းကြမ်းအုပ်တာ၊ ရုတ်တရက်အရှိန်မြှင့်တာ၊ ဆက်ခနဲကွေ့တာတို့ကို ရှောင်ကြဉ်ပါ။ လမ်းအခြေအနေကြောင့် ထိန်းချုပ်မှုက အရင်လို မဟုတ်နိုင်တဲ့ အတွက်ကြောင့်ပါ။

Credit Original Uploader

သတိသည် ပိုသည်မရှိ☢️☢️☢️

ဧပြီလ ၂၇ ရက်နှင့် ၂၈ ရက် လာမည့် စနေ+တနင်္ဂနွေနေ့တွင် စစ်ကိုင်းတိုင်း၊ မန္တလေးတိုင်း၊ ရှမ်းပြည်နယ်၊ မကွေးတိုင်း၊ ပဲခူးတိုင်း၊ ဧရာဝတီတိုင်း၊ ရန်ကုန်တိုင်း၊ ကယားပြည်နယ်၊ ကရင်ပြည်နယ်နှင့် မွန်ပြည်နယ်များ၌ နေ့အပူချိန်များ ထပ်မံတိုးလာနိုင်ပါသည်။

(BASED ON 22nd APR 1230 METEOBLUE ICON MODEL RESULTS)

ကားတစ်စီးတွင်ပါဝင်သည့်
သိထားသင့်သော အချက်ပြသင်္ကေတ များ
( မြန်မာလို )

Ref - ရွှေနန်းတော်