Yoon.Precious Y

ဘဝမှာ အရေးအကြီးဆုံးလို့
သတ်မှတ်ထားတဲ့အရာက
၁။ မိဘကို စိတ်ချမ်းသာ ကိုယ်ကျန်းမာအောင် ထားနိုင်ဖို့
၂။ ငွေရှာနိုင်ဖို့
၃။ အချစ်
၄။ ဂုဏ်သိက္ခာ
၅။ ထင်ရှားကျော်ကြားမှု
၆။ ရိုးသားမှု
၇။ ကျန်းမာရေး
၈။ ယုံကြည်စိတ်ချရမှု
၉။ ကိုယ်ချင်းစာတရား
၁၀။ လွတ်လပ်ခြင်း
၁၁။ စိတ်ချမ်းသာခြင်း
ဘယ်အရာတွေ ဖြစ်မလဲဆိုတာ နံပါတ်စဥ်လေးတွေနဲ့ ပြောပြခဲ့ပေးဦးနော် ချစ်ရသူတို့ရေ

မွန်းကြပ်ပင်ပန်းရလွန်းစွာ အသက်ရှူမဝတဲ့ နေ့စွဲများပါပဲ။

ဝေ့ဝဲနေတဲ့ရွက်ခြောက်ကြွေတွေကို အဓိပ္ပာယ်မဲ့စွာငေးရင်း ဒီရွက်ခြောက်တွေ ဆက်မလွင့်တော့တဲ့အခါ ‌‌ မြေကြီးနဲ့ တသားတည်း ဖြစ်သွားမှာလား ဆိုတဲ့ အဓိပ္ပာယ်မဲ့ အတွေးတွေရဲ့နောက်မှာ

ကိုယ်ရော ဆက်မလျှောက်တော့ရင်၊
ဒီနေရာမှာပဲ ရပ်တန့်လိုက်ရင် ဘယ်ကမ်းမှာ
သောင်တင်နေမှာလဲ သိချင်လိုက်တာ...

တစ်ခါတရံမှာ စိတ်လွတ်ကိုယ်လွတ်
ပြိုကျပစ်လိုက်ချင်သလို
တစ်ခါတ‌ရံမှာ အရာအားလုံး လက်လွှတ်ပစ်လိုက်ပြီး
လေနှင်ရာသာ တိမ်တွေနှင့်အတူ လွင့်မြော
လိုက်ပါသွားလိုက်ချင်မိတော့တယ်။

ပြိုကျလာတဲ့ ချော်ရည်ပူမြစ်တစ်စင်းက ပါးပြင်ပေါ်ကတဆင့် အေးစက်ခါးသက်တဲ့ ကော်ဖီခွက်ထဲ ခုန်ချသွားတဲ့အခါ ကိုယ့်ရဲ့ မွန်းကြပ်ခြင်း၊ အဆင်မပြေခြင်းတွေကိုလည်း ကိုယ်တိုင်ပဲပြန်လည် သောက်သုံးရင်း တိတ်တိတ်လေး မျိုချပစ်ရ‌ဦးမယ်။

ဒီညလည်း ခါတိုင်းညတွေလိုပဲ ကြယ်ရောင်ကင်းတဲ့ ငါ့ကောင်းကင်ဟာ မှောင်မည်းတိတ်ဆိတ်ခြင်းတွေသာ ကြီးစိုး နေရာယူဦးမယ် ထင်ပါရဲ့လေ။

#ယွန်း @ Precious Y

ကိုယ့်ရဲ့ပျော်ရွှင်ခြင်းဟာသူ့နှုတ်ခမ်းဖျားမှာ တွဲခိုဖြတ်ပြေးသွားတဲ့ အပြုံးတွေလို့ ခံယူရင်း တစ်ယောက်ကိုတစ်ယောက်က ပျော်ရွှင်စေလိုတဲ့စိတ်ကလေး အရင်းခံထားတဲ့အခါ သူထိခိုက်စေမယ့်ဘယ်လို အရာမျိုးကိုမှ မလုပ်ဖြစ်တော့တာလည်း သူ့ကို ကိုယ် ဘယ်လောက်ချစ် ကြောင်းပြတဲ့ ချစ်နည်းချစ်ဟန် တစ်မျိုးပါပဲ။

#ယွန်း @ Precious Y