Ayar Shwe Pyi

ရန်ကုန်တိုင်းအတွင်း ကိုဗစ်အတည်ပြုလူနာ လျော့နည်းလာတဲ့အတွက် ကုသရေးစင်တာအချို့ကို Stand by အနေအထားဖြင့် ပိတ်ထားရန် စီစဉ်ထား
------------------------------------------------------------
ရန်ကုန်တိုင်းဒေသကြီး၌ COVID-19 လူနာများ တဖြည်းဖြည်း လျော့နည်းလာ၍ ကုသရေးစင်တာအချို့ကို Stand By အဆင်သင့် အနေအထားဖြင့် ပိတ်ထားရန် စီစဉ်နေကြောင်း ရန်ကုန်တိုင်းဒေသကြီး၊ COVID-19 ကာကွယ်ထိန်းချုပ် ကုသရေးအတွက် ပေါင်းစပ်ညှိနှိုင်းရေး ကော်မတီ ဒုတိယဥက္ကဋ္ဌ ပါမောက္ခ ဒေါက်တာဇော်ဝေစိုးက နိုင်ငံပိုင်မီဒီယာ၌ ပြောကြားခဲ့သည်။
အကယ်၍လိုအပ်လာခဲ့ရင် ပြန်လည်ဖွင့်လှစ်နိုင်ဖို့ Stand by ရှိနေမှာဖြစ်ပြီး ကူးစက်မှုလျော့ကျလာခဲ့တဲ့အတွင်း ကျန်းမာရေးဝန်ထမ်း၊ စေတနာ့ဝန်ထမ်းတွေ နားခွင့်ရရှိဖို့လည်း ရည်ရွယ်တယ်လို့ ဆိုပါတယ်။
ဒါ့အပြင် ကိုဗစ်ရှိမရှိ စစ်ဆေးမှုနှင့် ကုသမှုတို့ကို ပန်းလှိုင်ဆေးရုံမှာ ဒီဇင်ဘာ ၂၄ ရက်နေ့ကစတင်ပြီး လက်ခံသွားမယ်လို့ သိရပါတယ်။

ဝီခါ မူဆလင်တွေအပါ် ကျူးလွန်မှုတွေနဲ့ ပတ်သက်ပြီး တရုတ်ကို တိုင်ကြားချက် ICC ပယ်ချ
-----------------------------------------------------
တရုတ်နိုင်ငံအရှေ့ပိုင်း မူဆလင်အများစုနေထိုင်ရာ ရှန်ကျင်းဒေသမှာ ဝီခါမူဆလင်တွေအပေါ် တရုတ်ရဲ့ ကျူးလွန်မှုတွေကို နိုင်ငံတကာပြစ်မှုဆိုင်ရာတရားရုံး ICC ကို တိုင်ကြားရာမှာ ပယ်ချခံရတာဖြစ်ပါတယ်။
ပြည်ပရောက် ဝီခါမူဆလင်တွေက တရုတ်ရဲ့ ပြစ်မှုကျူးလွန်မှုတွေက သက်သေအခိုင်အမာ အများအပြားရှိတယ်လို့ ဖော်ပြခဲ့ပြီး ICC ထံကို စွဲချက်တင်နိုင်ဖို့ လုပ်ဆောင်ခဲ့ကြတာဖြစ်ပါတယ်။
ဝီခါမူဆလင် တစ်သန်းကျော်ကို တရုတ်အစိုးရက ထိန်းသိမ်းရေးစခန်းတွေကို ပို့ဆောင်ခဲ့ပြီး လူ့အခွင့်အရေးချိုးဖောက်မှုအများအပြားရှိခဲ့တယ်လို့ ပြည်ပရောက် ဝီခါတွေက ဆိုပါတယ်။
ထိန်းသိမ်းရေးစခန်းတွေမှာ ဘာသာရေး နဲ့ လူအခွင့်အရေးဆိုင်ရာ အတင်းအကျပ်ဖိအားပေး ချိုးဖောက်မှုတွေအပြင် ဖိအားပေးအလုပ်ခိုင်းစေမှုကိုလည်း ပြုလုပ်ခဲ့တယ်လို့ ဆိုပါတယ်။
ဒါပေမဲ့ တရုတ်နိုင်ငံက ICC မှာ လက်မှတ်ရေးထိုးထားခြင်းမရှိတဲ့အတွက် သူ့နိုင်ငံအတွင်းမှာဖြစ်ခဲ့တာတွေကို အရေးယူစွဲချက်တင်လို့ မရဘူးလို့ ICC က ပြန်လည်တုန့်ပြန်ခဲ့ပါတယ်။
ဒါ့ကြောင့်လည်း ICC က အင်အားနည်းတဲ့ နိုင်ငံသေးလေးတွေကိုသာ စွဲချက်တင်ဖိအားပေးနိုင်ပြီး နိုင်ငံကြီးတွေဆိုရင်တော့ ထိတောင်မထိရဲဘူးလို့ ဝေဖန်နေကြပါတယ်။

အင်္ဂလန်အသင်းတွေ ကြီးစိုးထားမဲ့ ယူရိုပါလိဂ် ၃၂ သင်းရှုံးထွက်အဆင့်
---------------------------------------------
ယူရိုပါလိဂ် ၃၂ အသင်းအဆင့် ပွဲစဉ်တွေအတွက် မဲခွဲဆုံးဖြတ်ခဲ့ပြီး လာမဲ့နှစ်ဖေဖော်ဝါရီလ ၁၉ ရက်နေ့မှာ ပြန်လည်စတင်ကစားသွားမှာဖြစ်ပါတယ်။

၃၂ သင်းအဆင့်မှာတော့ အင်္ဂလန်အသင်းတွေထဲက မန်ချက်စတာယူနိုက်တက်၊ အာဆင်နယ်၊ စပါး၊ လက်စတာ တို့ ပါဝင်လာခဲ့ပါတယ်။

လက်ရှိယူရိုပါလိဂ်အနေအထားအရ အင်အားတောင့်တင်းတဲ့ အင်္ဂလန်အသင်းတွေက ဗိုလ်ဆွဲနိုင်ဖို့ ရေပန်းစားနေခဲ့သလို ချန်ပီယံလိဂ်ကနေဆင်းလာတဲ့ မန်ယူအသင်းလည်း ပါဝင်လာခဲ့ပါတယ်။

မန်ယူ၊ လက်စတာ၊ အာဆင်နယ် နဲ့ စပါးအသင်းတို့ကို ယှဉ်ပြိုင်နိုင်မဲ့အသင်းတွေဆိုလို့ သိပ်များများစားစားမရှိဘဲ အေစီမီလန်၊ နာပိုလီ၊ ရိုးမား၊ အေဂျက်၊ လေဗာကူဆင် နဲ့ ဗီလာရီးရဲ တို့လောက်ပဲ ရှိတယ်လို့ ဆိုနေကြပါတယ်။

ဘုရားဖူးတွေနဲ့ စည်ကားလာတဲ့ ရခိုင်၊ ကျောက်တော်က မဟာမြတ်မုနိဘုရား
--------------------------------------------
စစ်ပွဲတွေ နှစ်နှစ်ကျော်ကြာဖြစ်ပွားနေတဲ့ရခိုင်ပြည်နယ်ဟာ ကမ္ဘာ့ကပ်ရောဂါကိုဗစ်ဒဏ်ကိုပါ ခံစားခဲ့ရတာကြောင့် လုံခြုံရေးအရရော၊ ကပ်ရောဂါကူးစက်မှုထိန်းချုပ်ရေးအတွက်ပါ ခရီးသွားလာခွင့်ပိတ်ထားတာ၊ ကန့်သတ်ထားတာတွေရှိခဲ့ပါတယ်။
ဒါကြောင့် ရခိုင်ပြည်နယ်၊ မြောက်ဦးခရိုင်၊ ကျော်တော်မြို့၊ ရန်ကုန်စစ်တွေကားလမ်းပေါ်မှာတည်ရှိနေတဲ့ မဟာမြတ်မုနိဘုရားကြီးဟာလည်း တိတ်ဆိတ်ခြောက်ကပ်နေခဲ့တာ အချိန်အတန်ကြာနေခဲ့တာဖြစ်ပါတယ်။
ဒါပေမဲ့ ပြီးခဲ့တဲ့ တန်ဆောင်တိုင်လပြည့်နေ့ကစလို့ မဟာမြတ်မုနိဘုရားကြီးမှာ ဘုရားဖူးတွေနဲ့စည်ကားစပြုလာနေပြီဖြစ်ပါတယ်။
"လပြည့်နေ့ကစပြီး ပြန်စည်ကားလာတာပါ။ အဲဒီနေ့ကတော့ ဘုရားဖူးတော်တော်များများရောက်ပါတယ်။ ခုရက်ပိုင်းလည်း တစ်နေ့ကို ဘုရားဖူးကား အစီးတစ်ရာကျော်လောက်တော့ ရောက်နေတုန်းပါပဲ''လို့ ဘုရားဂေါပကတစ်ဦးက ဆိုပါတယ်။
ဒီဘုရားကို ဓညဝတီခေတ်မှာ ရခိုင်ဘုရင် စန္ဒသူရိယမင်းက သွန်းလုပ်ပူဇော်ကိုးကွယ်ခဲ့တာလို့ ဘုရားသမိုင်းမှာ ဖော်ပြထားပါတယ်။
"တစ်နှစ်ကျော် နှစ်နှစ်လောက် ဘာမှမရောင်းရတာ ခုမှပဲပြန်စည်ကားလာလို့ပြန်ရောင်းရတာပါ။ဒီလိုပဲ အမြဲတမ်းအေးအေးချမ်းချမ်းဖြစ်နေစေချင်ပါတယ်''လို့ ထမင်းဆိုင်ပိုင်ရှင် အမျိုးသမီးတစ်ဦးက ဆိုပါတယ်။
-ဘီဘီစီမြန်မာပိုင်း-