MMDoc

🚨 အပျော်စီးသင်္ဘောပေါ်ကနေ စတင်တွေ့ရှိလာတဲ့ Hantavirus သတိပေးချက် 🚨

၂၀၂၆ ခုနှစ် မေလအစပိုင်းမှာ အပျော်စီးသင်္ဘောတစ်စီးပေါ်ရှိ ခရီးသည်အချို့တွင် Hantavirus ကူးစက်မှုတွေ တွေ့ရှိလာခဲ့ပြီး WHO နှင့် ECDC တို့က outbreak အခြေအနေကို အရေးပေါ် စောင့်ကြည့်နေပါတယ်။

🦠 Hantavirus ဆိုတာဘာလဲ?
Hantavirus ဟာ ပုံမှန်အားဖြင့် ကြွက်များနှင့် အချို့တိရစ္ဆာန်များမှ လူသို့ ကူးစက်နိုင်တဲ့ ဗိုင်းရပ်စ်အမျိုးအစားတစ်ခုဖြစ်ပါတယ်။ အဓိကအားဖြင့် —
• ကြွက်ဆီး၊ ကြွက်မစင် အမှုန်များကို ရှူမိခြင်း
• ပိုးရှိသော အရာဝတ္ထုများကို ကိုင်တွယ်ပြီး မျက်နှာ၊ နှာခေါင်း၊ ပါးစပ်တို့ကို ထိမိခြင်း
တို့မှတစ်ဆင့် ကူးစက်နိုင်ပါတယ်။

⚠️ ဘယ်သူတွေ ပိုသတိထားသင့်လဲ?
• လေဝင်လေထွက်မကောင်းသောနေရာများ သန့်ရှင်းရေးလုပ်သူများ
• ဂိုဒေါင်၊ သိုလှောင်ရုံများတွင် အလုပ်လုပ်သူများ
• စိုက်ခင်းလုပ်သားများ
• ကြွက်ပေါများသောနေရာများတွင် နေထိုင်သူများ

🤒 တွေ့ရနိုင်တဲ့ လက္ခဏာများ
• ဖျားခြင်း၊ ခေါင်းကိုက်ခြင်း
• ကြွက်သားများ နာကျင်ခြင်း
• အသက်ရှူရခက်ခြင်း၊ ချောင်းဆိုးခြင်း
• ပျို့အန်ခြင်း၊ ဗိုက်နာခြင်း
• မျက်လုံးနီခြင်း၊ အမြင်ဝေဝါးခြင်း
• အရေပြားပေါ် အနီစက်များထွက်ခြင်း

ပြင်းထန်လာပါက —
• အဆုတ်တွင် အရည်ပြည့်လာခြင်း
• သွေးပေါင်ကျခြင်း
• ကျောက်ကပ်နှင့် ကိုယ်တွင်းအင်္ဂါ ထိခိုက်ခြင်း တို့ ဖြစ်နိုင်ပါတယ်။

🛡️ ဘယ်လိုကာကွယ်မလဲ?
✔️ လက်ကို မကြာခဏ ဆပ်ပြာဖြင့်ဆေးကြောပါ
✔️ ကြွက်များ မခိုအောင်းနိုင်အောင် ပတ်ဝန်းကျင်သန့်ရှင်းထားပါ
✔️ လေဝင်လေထွက်မကောင်းသောနေရာများ သန့်ရှင်းရေးလုပ်ရာတွင် Mask တပ်ဆင်ပါ
✔️ ခရီးသွားပြီးနောက် ဖျားနာမှုရှိပါက ဆေးရုံ၊ ဆေးခန်းသို့ အမြန်ပြသပါ

လက်ရှိအချိန်အထိ Hantavirus အတွက် တိတိကျကျကုသနိုင်သော ဆေးမရှိသေးသောကြောင့် ကြိုတင်ကာကွယ်ခြင်းနှင့် အချိန်မီ ဆေးကုသမှုခံယူခြင်းက အရေးကြီးပါတယ်။

“Prevention is better than cure” ဆိုတဲ့အတိုင်း ရောဂါဖြစ်ပြီးမှ ကုသတာထက်
မဖြစ်အောင် ကြိုတင်ကာကွယ်ထားခြင်းက ပိုပြီး အရေးကြီးပါတယ်။
ကာကွယ်ဆေးထိုးခြင်းဟာ ကျွန်တော်တို့ရဲ့ကျန်းမာရေးကိုသာမက မိသားစုဝင်များ၊ ချစ်ရေသူများအားလုံးကိုပါ ရောဂါကြီးကြီးမားမားတွေမှ ကာကွယ်ပေးနိုင်တဲ့ အထိရောက်ဆုံးနည်းလမ်းတစ်ခုပါ။

💉 ကာကွယ်ဆေးရဲ့ အရေးပါမှု
• ရောဂါကြီးတွေမဖြစ်အောင် ကာကွယ်ပေးနိုင်ခြင်း
• ဆေးရုံတက်ရမှုနှုန်း လျှော့ချပေးနိုင်ခြင်း
• ရောဂါကူးစက်မှု လျှော့ချပေးနိုင်ခြင်း

မွေးကင်းစကတည်းက WHO နှင့် CDC မှ သတ်မှတ်ထားတဲ့အတိုင်း အချိန်မှန်ကာကွယ်ဆေးထိုးပေးခြင်းဟာ သူတို့ရဲ့ ကျန်းမာရေးအနာဂတ်အတွက် အရေးကြီးဆုံး လက်ဆောင်တစ်ခုပါ။
နေ့စဉ် လူမှုဘဝထဲမှာ ထိတွေ့မှုများတဲ့အတွက် ရာသီတုတ်ကွေး၊ အသည်းရောင်အသားဝါ၊ အဆုတ်ရောင်စတဲ့ ကူးစက်ရောဂါတွေကို ကာကွယ်နိုင်ရန် လိုအပ်တဲ့ ကာကွယ်ဆေးများကို ထိုးထားသင့်ပါတယ်။

ကာကွယ်ဆေးထိုးခြင်းဟာ ကိုယ့်ကိုယ်တင်မကဘဲ ကိုယ်ချစ်တဲ့သူတွေကိုပါ ကာကွယ်ပေးနေတာပါ။

📞Call us now: 𝟎𝟏 𝟒𝟕𝟎𝟎 𝟏𝟒𝟕, 09 767994386

📍Visit us at: 𝐒𝐡𝐨𝐩-𝟑𝟖(𝐀), 𝐓𝐡𝐞 𝐂𝐞𝐧𝐭𝐫𝐚𝐥 𝐁𝐨𝐮𝐥𝐞𝐯𝐚𝐫𝐝, 𝐊𝐚𝐛𝐚𝐫 𝐀𝐲𝐞 𝐏𝐚𝐠𝐨𝐝𝐚 𝐑𝐨𝐚𝐝, 𝐘𝐚𝐧𝐤𝐢𝐧 𝐓𝐨𝐰𝐧𝐬𝐡𝐢𝐩, 𝐘𝐚𝐧𝐠𝐨𝐧.

#ကျန်းမာရေး #ကာကွယ်ဆေး