We Love Automobile Technology

𝗘𝗙𝗜 စနစ်အင်ဂျင်မှာဘာကြောင့် သာမိုစတက် အရေးကြီးတာလဲ

𝗪𝗵𝘆 𝗶𝘀 𝗮 𝘁𝗵𝗲𝗿𝗺𝗼𝘀𝘁𝗮𝘁 𝗶𝗺𝗽𝗼𝗿𝘁𝗮𝗻𝘁 𝗶𝗻 𝗮𝗻 𝗘𝗙𝗜 𝗲𝗻𝗴𝗶𝗻𝗲?

- အင်ဂျင်အအေးခံစနစ်မှာ အအေးခံရည်လည်ပတ်ဖို့အတွက် ရေလည်အုံက အရေးပါဆုံး အရာ ဖြစ်ပါ တယ်။ အင်ဂျင်အအေးခံစနစ်မှာ နောက်ထပ်အရေးအပါဆုံးအရာက သာမိုစတတ် ပဲဖြစ်ပါတယ်။

- လူစီးကားများ ရေဆူရသောအကြောင်းရင်းများတွင် သာမိုစတတ်ပြစ်ချက်ချို့ယွင်းမှု က အများဆုံး ဖြစ်ပါတယ်။ သာမိုစတတ်အလုပ်လုပ်ပုံမှာ အင်ဂျင်အတွင်းရှိ အအေးခံရည် နှင့် ရေတိုင်ကီ အတွင်းရှိ အအေးခံရည်တို့ကို ခွဲခြားထားပေးပြီး၊ အင်ဂျင်အတွင်းမှ အအေးခံရည်ကို သတ်မှတ် အပူချိန် ရောက် အောင် ပထမဦးစွာထိန်းပေးထားကာ အင်ဂျင်ရဲ့ 𝗢𝗽𝗲𝗿𝗮𝘁𝗶𝗻𝗴 𝗧𝗲𝗺𝗽𝗲𝗿𝗮𝘁𝘂𝗿𝗲 ကို အမြန်ဆုံး ရောက်ရှိစေဖို့ ကူညီပေးပါတယ်။

- အင်ဂျင် သတ်မှတ်အပူချိန် 𝗢𝗽𝗲𝗿𝗮𝘁𝗶𝗻𝗴 𝗧𝗲𝗺𝗽𝗲𝗿𝗮𝘁𝘂𝗿𝗲 ရောက်မှ အင်ဂျင်စွမ်းဆောင်ချက် အ ကောင်း ဆုံးကို လောင်စာဆီကုန်ကျမှုအနည်းဆုံးဖြင့် ရရှိစေမှာဖြစ်ပါတယ်။ သာမိုစတတ် ဗားပွင့်သွား တာကြောင့် ပူနေတဲ့ အအေး ခံရည်တွေကို ရေတိုင်ကီထဲသို့ ဝါးတားပိုက်က နေစီးဝင်သွားစေပါတယ်။ သာမိုစတက်ရဲ့ အဓိကအလုပ်က အင်ဂျင် အမြန်ဆုံးပူနွေးလာအောင် အင်ဂျင်အအေးခံရည်ကို 𝗥𝗮𝗱𝗶𝗮𝘁𝗼𝗿 ထဲမ၀င်စေပဲ အင်ဂျင်ထဲမှာပဲ လည်ပတ် စေတဲ့ တာ၀န် ဖြစ်ပါတယ်။

- သာမိုစတတ်ရဲ့အလုပ်လုပ်ပုံကတော့ သတ်မှတ်ထားတဲ့ ရေအပူချိန်ကိုရောက်ရင် သူ့အလိုလိုဖွင့် ပေးပါ တယ်။ အအေးခံရည် ပြန်အေးသွာရင် သာမိုစတတ်ဗား ပြန်ပိတ်သွားပါတယ်။ အသုံးပြုတဲ့အင်ဂျင် အမျိုး အစားပေါ် မူတည်ပြီး တချို့ဆို ရင် 𝟴𝟬.𝗖 ကျော်ရင်သာမိုစတတ်ပွင့် ပေမယ့် တချို့ အင်ဂျင် တွေ မှာ𝟭𝟬𝟬.𝗖 ရောက်မှပွင့်တာလည်းရှိပါတယ်။ အသုံး ပြုနေတဲ့ အင်ဂျင်အမျိုးအစား ပေါ်မူ တည်ပြီး အပူချိန် အမျိုးမျိုးရှိပါတယ်။ အများဆုံးသုံးစွဲကြသော အအေးခံရည်အပူချိန်သည် 𝟴𝟬°𝗖 မှ 𝟵𝟬°𝗖 အတွင်းထား ရှိလျှင် အင်ဂျင်ရဲ့ စွမ်း ဆောင်မှုကို အကောင်းဆုံးဖြစ်စေပါတယ်။

- သာမိုစတတ် ပိတ်နေတဲ့ အနေအထားမှာ ရေလည်အုံလည်ပတ်နေတာကြောင့် အအေးခံရည်တွေ ဟာ ရေတိုင်ကီကိုစီးမသွားဘဲ 𝗕𝘆 𝗣𝗮𝘀𝘀 လမ်းကြောင်းကနေ အင်ဂျင်ရေလိုင်းထဲပြန်ဝင်သွားပါတယ်။𝗕𝘆 𝗣𝗮𝘀𝘀 𝗩𝗮𝗹𝘃𝗲 ပါတဲ့ စနစ်မှာ သာမိုစတတ်ကို ဖြုတ်ချထားမယ်ဆိုရင် အအေးခံရည်တွေဟာ ရေတိုင်ကီဆီသို့ အားလုံးစီးဝင်မသွားဘဲ 𝗕𝘆 𝗣𝗮𝘀𝘀 လမ်းကြောင်းကနေတဆင့် ရေလည်အုံကိုဖြတ်သန်းကာ အင်ဂျင်ရေ လိုင်း ထဲကို ပြန်ရောက်သွားပါတယ်။အင်ဂျင်အတွင်းက အပူတွေကို သယ်ဆောင်လာတဲ့ အအေးခံရည်တွေဟာ ရေတိုင်ကီမှာ အအေးခံပြီးမှ ပြန်ဝင်လာရမယ့်အစား 𝗕𝘆 𝗣𝗮𝘀𝘀 လမ်းကြောင်းကနေ တဝဲလည်လည် ဖြစ်နေ တာကြောင့် အင်ဂျင် အပူချိန်တတ်လာပြီး ရေဆူလာမယ်။

- အချို့ယာဉ်မောင်းသူများက သာမိုစတတ် သဘောတရားကို နားမလည်ဘဲ အပိုပစ္စည်းတစ်ခုလို့ ယူဆ ထားပြီး သာမိုစတတ်ကို ဖြုတ်ပစ်ထားကြပါတယ်။ လွဲမှားနေတဲ့ လုပ်ဆောင်ချက်ဖြစ်ပါတယ်။ သာမိုစတတ် မကောင်း ပါက အသစ်တစ်လုံး လဲပေးရမည့်အစား လုံးဝထုတ်ပယ်ထားခြင်းက 𝗘𝗙𝗜 စနစ် 𝗘𝗖𝗨 ထိန်းချုပ်တဲ့ ကားတွေမှာ လုံးဝ အဆင်မပြေဖြစ်စေပါတယ်။

- အင်ဂျင်စတင်စက်နိုးစတွင် အပူချိန်မြန်မြန်တတ်လာစေရန် သာမိုစတတ်က အအေးခံရည်ကို အင်ဂျင် အတွင်း မလည်ပတ်စေရန်ပိတ်ပေးထားပါတယ်။ သတ်မှတ်အပူချိန်ရောက်မှ သာမိုစတတ်ဗားက စတင် ဖွင့်ပေးပါတယ်။ သာမိုစတတ်သည် အင်ဂျင်အတွက် အကောင်းဆုံး 𝗢𝗽𝗲𝗿𝗮𝘁𝗶𝗻𝗴 𝗧𝗲𝗺𝗽𝗲𝗿𝗮𝘁𝘂𝗿𝗲 ရှိနေစေရန် အအေးခံရည်များကို အဖွင့်/အပိတ်လုပ်ပေးနေခြင်းဖြစ်ပါတယ်။

သာမိုစတတ် မကောင်းရင် ဘာဖြစ်မလဲ၊

- သာမိုစတတ် မကောင်းရင် သာမိုစတတ်ဗား စပရိန်မဖွင့်ခြင်း၊သတ်မှတ်အပူချိန်ထက်ကျော်မှဖွင့်ပါက ရေတိုင်ကီရေဆူတတ်ပါတယ်။ ရေဆူရာတွင်လည်း သာမိုစတတ်အပြစ်ကို အများဆုံးတွေ့ရပါတယ်။

- သာမိုစတတ် ကောင်း/မကောင်း စမ်းသပ် ပုံမှာ လျှပ်စစ်ရေနွေးအိုး အသေးလေးထဲတွင် သာမိုစတတ် အားထည့်ပြီး သာမိုစတတ်နှင့်အတူ ရေအပူချိန်တိုင်း ဆင်ဆာကြိုးပါသော 𝗗𝗶𝗴𝗶𝘁𝗮𝗹 𝗢𝗵𝗺 𝗠𝗲𝘁𝗲𝗿 မှ အပူချိန်တိုင်း ဆင်ဆာကြိုးနှင့် အတူထည့်ပြုတ်ပါ။ 𝟳𝟵°𝗖 ဟုရေးထားသော သာမိုစတတ်သည် ဒီဂျစ်တယ် မီတာတွင် 𝟳𝟵° 𝗖𝗲𝗹𝘀𝗶𝘂𝘀 ပြပါက သာမိုစတတ်အလုပ်လုပ်သံကိုကြား ရပါသည်။ 𝟴𝟮°𝗖 , 𝟴𝟴°𝗖 အစရှိသော သာမိုစတတ်တွင်ရေး ထားသော အပူချိန်အတိုင်း အတိအကျအလုပ်လုပ်မှသာ သာမိုစတတ်ကောင်း ပါတယ်။ သတ်မှတ် ချက်ထက် အပူချိန်နည်း၍ ဖြစ်စေများ၍ဖြစ်စေ အလုပ်လုပ်ပါက သာမိုစတတ် မကောင်း တော့သဖြင့် အသစ်လဲဖို့လိုအပ်ပါတယ်။ သာမိုစတတ် အသစ်လဲချိန်တွင် သာမိုစတတ် အဟောင်း တွင်ပါသော အပူချိန်အတိုင်းသာ အတိအကျ လဲပေးပါ။
-
- အင်ဂျင်အအေးခံစနစ်မှာ သာမိုစတက်က လုံလောက်တဲ့အပူချိန်ရောက်မှ အအေးခံရည် 𝗖𝗼𝗼𝗹𝗮𝗻𝘁 တွေ ဖြတ်သန်းစီးဆင်းနိုင်အောင်လမ်းဖွင့်ပေးပါတယ်။ အင်ဂျင်စပြီးလည်တဲ့အချိန်မှာ သာမိုစတက်က ပိတ်နေ ရပါတယ်။ သာမိုစတက် မမှန်ရင် အင်ဂျင်ပူလာဖို့ အချိန်ကြာပြီး ဓာတ်ဆီလည်းပိုကုန်ပါတယ်။𝗘𝗙𝗜 စနစ်ကား တွေမှာ သာမိုစတတ် နဲ့ ကျွန်ပျူတာထိန်းချုပ်မှုတွေ ဆက်စပ်နေပါတယ်။ မကောင်းတဲ့ သာမိုစတက်ကို အစားထိုးလဲပေးနိုင်ရင် ဓါတ်ဆီ အပိုကုန်တာ သက်သာစေပါတယ်။

သာမိုစတတ် မကောင်းဘဲ ပြစ်ချက်ရှိနေရင် သိနိုင်တဲ့ လက္ခဏာများမှာ

- အင်ဂျင်အပူချိန် မြင့်တတ်လာမယ်
- အင်ဂျင်အပူချိန် အတတ်/အကျ ပြောင်းလဲမှုမြန်ဆန်လာမယ်
- လောင်ဆီစားနှုန်းမြင့်တတ်လာမယ်
- အင်ဂျင် စတင် စက်နှိုးချိန်မှာ အင်ဂျင်လည်ပတ်မှုကြမ်းတမ်းနေမယ်
- အမြင့်ကားတွေမှာ အင်ဂျင်ချက်မီး (𝗘𝗻𝗴𝗶𝗻𝗲 𝗖𝗵𝗲𝗰𝗸 𝗟𝗶𝗴𝗵𝘁) လင်းလာမယ်။

ကွန်ပျူတာ 𝗘𝗖𝗨 ထိန်းချုပ်တဲ့ 𝗘𝗙𝗜 အင်ဂျင်တွေ မှာ သာမိုစတတ်ဆိုတာ မရှိမဖြစ်ပစ္စည်းကိရိယာဖြစ်ပါတယ်။ သာမိုစတတ်အလုပ် လုပ်ပုံကိုနားလည်သိရှိမှုမရှိဘဲ၊ အင်ဂျင်ရေဆူတာ သာမိုစတတ်ကြောင့်ဆိုပြီး၊ လုံးဝထုတ်ပယ်ပစ် တာမျိုး အယူအဆလွဲမှားနေခြင်းမရှိစေရန် ကားပညာဗဟုသုတ မျှဝေပေးခြင်းဖြစ်ပါတယ်။

မင်းသစ်ထူး(စက်မှု) Min Thit Htoo (𝗠𝗲𝗰𝗵𝗮𝗻𝗶𝗰𝗮𝗹)

𝗘𝗙𝗜 အင်ဂျင် နည်းပညာရပ်များနှင့် 𝗘𝗻𝗴𝗶𝗻𝗲 𝗠𝗮𝗶𝗻𝘁𝗲𝗻𝗮𝗻𝗰𝗲 𝗮𝗻𝗱 𝗥𝗲𝗽𝗮𝗶𝗿𝗶𝗻𝗴 ပညာရပ်များကို အဆင့်မြင့် သင်ယူလေ့လာလိုသောလူငယ်များ ဆရာ မင်းသစ်ထူး(စက်မှု) ဦးစီးသင်ကြားသော
𝗘𝗙𝗜 𝗘𝗻𝗴𝗶𝗻𝗲 𝗥𝗲𝗽𝗮𝗶𝗿 𝗮𝗻𝗱 𝗠𝗮𝗶𝗻𝘁𝗲𝗻𝗮𝗻𝗰𝗲 𝗦𝗲𝗿𝘃𝗶𝗰𝗲𝘀 𝗧𝗿𝗮𝗶𝗻𝗶𝗻𝗴 (𝗔𝗱𝘃𝗮𝗻𝗰𝗲𝗱 𝗟𝗲𝘃𝗲𝗹 𝗢𝗻𝗹𝗶𝗻𝗲 𝗧𝗿𝗮𝗶𝗻𝗶𝗻𝗴)သင်တန်းသို့ ဆက်သွယ် တတ်ရောက်နိုင်ပါသည်။