icon 7

■ ပွဲပယ်ပြစ်ဒဏ် ပယ်ဖျက်ပေးခံရလို့ မောင်မောင်လွင် လက်ရွေးစင်အသင်းနဲ့ ပူးပေါင်းနေ

မြန်မာ့လက်ရွေးစင် တောင်ပံတိုက်စစ်ကစားသမား မောင်မောင်လွင်ဟာ မြန်မာနိုင်ငံဘောလုံးအဖွဲ့ချုပ် အယူခံကော်မတီက ပွဲပယ်ပြစ်ဒဏ် ပယ်ဖျက်ပေးလိုက်လို့ ဖိလစ်ပိုင် ဖိတ်ခေါ်ပြိုင်ပွဲ ယှဉ်ပြိုင်မယ့် မြန်မာ့လက်ရွေးစင်အသင်းနဲ့ ပူးပေါင်းလေ့ကျင့်နေပါတယ်။

မောင်မောင်လွင်ဟာ ကလပ်အသင်းပွဲဖြစ်တဲ့ ရန်ကုန်ယူနိုက်တက်-ရတနာပုံပွဲမှာ အမျိုးသမီးပရိသတ်တစ်ဦးကို ပွဲကြည့်စင်ပေါ်တက်ပြီး ကိုယ်ထိလက်ရောက်ကျူးလွန်ခဲ့လို့ ခြောက်လပွဲပယ်နဲ့ ဒဏ်ကြေးကျပ်သိန်း ၃၀ ချမှတ်ခံထားရတာပါ။ ပွဲပယ်ပြစ်ဒဏ်ခံရပြီး ရက်ပိုင်းအကြာမှာ အကာအကွယ်မရဟု ဆိုကာ သူ၏လူမှုကွန်ရက်မှတစ်ဆင့် လက်ရွေးစင်ကစားသမားဘဝမှ အနားယူကြောင်း ထုတ်ပြန်ခဲ့သူပါ။

ဒါပေမဲ့ မေလဒုတိယပတ်မှာ ထိုင်းကလပ် လမ်ဖွန်ဝါရီယာအသင်းနဲ့ လမ်းခွဲပြီးနောက် လက်ရွေးစင်အသင်းမှာ ပြန်ကစားလိုကြောင်း MFF ထံ အသနားခံစာ တင်ပြခဲ့ပြီး ပွဲပယ်ပြစ်ဒဏ်ကနေ လွတ်မြောက်သွားတာဖြစ်ပါတယ်။