Zun Store

အသံတွေထွက်လာကြပြီ 😁💥🇲🇲🇲🇲

လက်ရှိဗန်ကိုစိန်ခေါ်နေတဲ့ဖိုက်တာတွေ အများကြီးပေါ်ထွက်လာနေပါပြီ၊ အဲဒီထဲမှာ ဖြစ်နိုင်တဲ့သူတွေရော မဖြစ်နိုင်သေးတဲ့သူတွေရော ပါဝင်နေပါတယ်၊

ဂျော်ရှုဝါဗန်ကိုအမှောက်သိပ်ပြထားတဲ့ ချားစ်ဂျွန်ဆင်ကလည်း ဗန်နဲ့ချန်ပီယံခါးပတ်လုပွဲ ကစားချင်နေပါတယ်၊ ခက်တာက လက်ရှိသူက Ranking- 13 နေရာမှာ ရောက်ရှိနေပါတယ်၊ ချက်ချင်းစိန်ခေါ်ခွင့်ရဖို့ မဖြစ်နိုင်ပါဘူး၊ ဗန်ဘက်ကတော့ နှစ်ပွဲလောက် နိုင်ပွဲအရင်ရှာလိုက်ဦး ပြီးမှထပ်တွေ့ကြတာပေါ့ ဆိုပြီး အချက်ပြထားပါတယ်၊😁😆

နောက်တစ်ယောက်ကတော့ ခရိုဂျီဟိုရီဂူချီပါ၊ ခါးဘစ်ရဲ့တပည့် အူလန်ဘဲခေါ့ကို အနိုင်ယူထားသူပါ၊
ခရိုဂျီဟိုရီဂူချီက လက်ရှိ Ranking -8 နေရာမှာရှိနေပါတယ်၊ ချန်ပီယံစိန်ခေါ်ခွင့်ကိုတောင်းဆိုထားသူဖြစ်သလို ပန်တိုဂျာဘက်ကလည်း သူ့သူငယ်ချင်းဖြစ်တဲ့ ခရိုဂျီဟိုရီဂူချီကို ချန်ပီယံစိန်ခေါ်ခွင့် ရရှိစေချင်နေပါတယ်၊ ဒါပေမဲ့ တစ်ဆင့်လောက်တော့ ကျော်ဖြတ်ပြရဦးမယ်လို့မြင်ပါတယ်ဗျ၊

နောက်ထပ် ဂျပန်ဖိုက်တာတစ်ယောက်က တက်ဆူရိုတိုင်ရာဖြစ်ပါတယ်၊ ဥက္ကဌကြီးဒေနာဝှိုက်ကိုယ်တိုင် ဗန်နဲ့ပွဲတည်ပေးချင်နေသူဖြစ်ပါတယ်၊ ဒါပေမဲ့ ဂျပန်မှာမဟုတ်ရင် အခြားအာရှနိုင်ငံမှာ ကျင်းပတဲ့ပွဲစဉ်မျိုးမှာပဲ ပိုပြီးပွဲတည်ပေးချင်နေတာပါ၊ အဲဒီတော့ ဘယ်အချိန်မှဖြစ်လာနိုင်မလဲဆိုတာ မပြောတတ်ပါဘူး၊

နောက်ဆုံးတစ်ယောက်ကတော့ ဗန်ကိုရှုံးထားတဲ့ ဂျပန်ဖိုက်တာ ရေဆူရိုရာပဲဖြစ်ပါတယ်၊ သူကတော့ ဒဲ့ပဲစိန်ခေါ်ထားပါတယ်၊ ကျွန်တော် Ranking တက်လာတဲ့အထိ ချန်ပီယံကာကွယ်နေစေချင်တယ် ဆိုပြီး ဗန်ကိုစိန်ခေါ်ထားတာဖြစ်ပါတယ်၊ ချန်ပီယံလုပွဲမှာ ဗန်နဲ့တွေ့ချင်နေတဲ့ သဘောပါ၊ ဒါပေမဲ့ သူကလည်း လက်ရှိ Ranking 1 to 15 မှာတောင်မဝင်သေးတဲ့အတွက် အကြာကြီးစောင့်ပေးရပါဦးမှာဖြစ်ပါတယ်၊

ဒီတစ်ပတ်မှာယှဉ်ပြိုင်သွားကြမယ့် ဘရန်ဒန်ရွယ်ဝေါနဲ့ မာနေးကေ့ကတော့ အသံတိတ်နေပါသေးတယ်၊ ဘာလို့လဲဆိုရင် သူတို့နှစ်ယောက်စလုံးက ပန်တိုဂျာကို ရှုံးထားဖူးလို့ပါ၊😆💥အခု ချန်ပီယံကပန်တိုဂျာမဟုတ်တော့ဘူးဆိုတော့ ဗန်ကိုစိန်ခေါ်ချင်နေကြမှာအမှန်ပါပဲ၊ ဒါပေမဲ့ ချက်ချင်းတော့ အသံမထွက်ကြသေးပါဘူး၊ သူများလှောင်ပြောင်ကြမှာစိုးလို့လည်း ဖြစ်နိုင်ပါတယ်၊😆

ဗန်ဘက်ကတော့ UFC တည်ပေးတဲ့ပြိုင်ဘက်နဲ့ ထိုးဖို့အဆင်သင့်ပဲ ဆိုပြီးတော့ ပြောဆိုထားပါတယ်၊ ဒါပေမဲ့ သူကစားချင်တာက ပန်တိုဂျာနဲ့ပါ၊ သူချန်ပီယံစိန်‌ခေါ်ဖို့ အခွင့်အရေးထပ်ရသင့်တယ် ဆိုပြီးပြောဆိုထားတာဖြစ်ပါတယ်၊ ပန်တိုဂျာကတော့ ဘယ်နှစ်လအနားယူရမယ်ဆိုတာ ထုတ်ပြန်လာခြင်း မရှိသေးပါဘူး၊

ထပ်ပြီးစောင့်ကြည့်သွားရမှာဖြစ်ပါတယ်၊💥🇲🇲🙏

#ဂျော်ရှုဝါဗန်

💪💪💪