Khaing Legal Service

စာချုပ်စာတမ်းများကို မှတ်ပုံတင်ရန်လိုကြောင်း ပြောနေကြပါတယ် ။ စာချုပ်တိုင်းကို မှတ်ပုံတင်ရန် လိုပါ သလား ။ ဘယ်ရုံးမှာ မှတ်ပုံတင်ရမလဲ ။ စာချုပ်စာချုပ်ရုံးဆိုတာ ဘယ်ရုံးကို ပြောတာပါလဲ ။
============================

စာချုပ်စာတမ်းတွေကို မှတ်ပုံတင်ရန် လိုအပ်ပါတယ်။ လိုတယ်ဆိုတဲ့အကြောင်းကို ၂၀၁၈ ခုနှစ် မတ်လ ၁၀ ရက်နေ့မှာ ပြည်ထောင်စုလွှတ်တော်က အတည်ပြုပြဌာန်းလိုက်တဲ့ စာချုပ်စာတမ်းများမှတ်ပုံတင်ဥပဒေပေါ့ ။ အဲ့ဒီမှာ ပုဒ်မ ( ၁၆ ) ဆိုလို့ရှိရင် အောက်ပါ စာချုပ်စာတမ်းများကို ဥပဒေနဲ့အညီမှတ်ပုံတင်ရမည်ဆိုရင် မရွှေ့ မပြောင်းနိုင်တဲ့ ပစ္စည်းတွေကို အပိုင်ပေးတဲ့စာချုပ်၊ အရောင်းအဝယ်လုပ်တဲ့စာချုပ်၊ ကြော်ငြာတဲ့စာချုပ် စသည် အားဖြင့်ပေါ့ ။ နောက်ကတ္တိမမွေးစားတဲ့စာချုပ် စသည်အားဖြင့် အဲ့ဒီစာချုပ်တွေအားလုံးကို မှတ်ပုံတင်ရမယ်လို့ ( က ) နေ( ဆ ) အထိ ပြဋ္ဌာန်းထားပါတယ်။

နောက်တစ်ချက်က အဲ့ဒီဥပဒေပုဒ်မ ( ၁၇ ) မှာပဲ စာချုပ်စာတမ်းများကို မှတ်ပုံတင်လိုက တင်နိုင်ပါတယ်။ မတင်ပဲလည်း နေနိုင်တယ်ဆိုတဲ့ စာချုပ်မျိုးပေါ့ ။ အဲ့ဒါတွေက ဘယ်လိုစာချုပ်မျိုးလဲဆိုတော့ တန်ဖိုးငွေ ကျပ် တစ်သိန်းအောက် မရွှေ့ပြောင်းနိုင်တဲ့ပစ္စည်းတွေကို ရောင်းချတဲ့စာချုပ်တွေဟာ မှတ်ပုံတင်ရုံးမှာ တင်နိုင်ပါ တယ်။ မတင်ဘဲလည်း နေနိုင်ပါတယ်။ နောက် အပေါင်တန်ဖိုးငွေ ကျပ်တစ်သိန်းအောက်မှာရှိတဲ့ ပေါင်နှံတဲ့ စာချုပ်စာတမ်းတွေဆိုရင်လည်း မှတ်ပုံမတင်ဘဲ နေနိုင်ပါတယ်။

နောက်တစ်ခါ မရွှေ့ပြောင်းနိင်တဲ့ပစ္စည်းတွေကို တစ်နှစ်ပဲငှားရမ်းတယ်ဆိုရင် မှတ်ပုံမတင်ပဲနေနိုင်ပါတယ်။ သေတမ်းစာတွေကို မှတ်ပုံမတင်ပဲ နေနိုင်ပါတယ်၊ နောက်တစ်ခါ မိသားစုစီမံခန့်ခွဲမှု စာချုပ်စာတမ်းတွေကို လည်း မှတ်ပုံမတင်ပဲနေလို့ရပါတယ်။တင်လိုကလဲတင်နိုင်တယ်။

တရားရုံးက ချမှတ်တဲ့ ဒီဂရီတွေ၊ အမိန့်တွေ အနုညာတခုံလူကြီးက ဆုံးဖြတ်တဲ့ ဆုံးဖြတ်ချက်တွေကို မှတ်ပုံတင်တင်လိုက တင်နိုင်ပါတယ်။ မတင်ဘဲ လည်း နေနိုင်ပါတယ်ဆိုပြီးတော့ပေါ့။ ပုဒ်မခွဲ ( က ) နေ ( ည ) အထိ အချက် ( ၁၀ ) ချက်ပြဋ္ဌာန်းထားတာရှိပါတယ်။

စာချုပ်စာတမ်းတွေကို မှတ်ပုံတင်ဖို့ကတော့ အခုကတော့ သက်ဆိုင်ရာမြို့နယ် လယ်ယာမြေစီမံခန့်ခွဲရေးနဲ့ စာရင်းအင်းဦးစီးဌာန။ မြို့နယ်တွေမှာတော့အဲ့ဒီအတိုင်းပဲ စာချုပ်စာတမ်းမှတ်ပုံတင်ရုံးကို တာဝန်ပေးထားပါ တယ်။ ဥပမာ- ရန်ကုန်တိုင်းဆိုရင်တော့ ရန်ကင်းမြို့နယ်မှာရှိတဲ့ ရန်ကုန်မြို့စာချုပ်စာတမ်းများ မှတ်ပုံတင်ရုံး ဆိုတာရှိပါတယ်။ အဲ့ဒီရုံးမှာ သွားပြီးတော့တင်ရမှာပါ။ နယ်တွေမှာကတော့ လယ်ယာမြေစီမံခန့်ခွဲရေးနဲ့ စာရင်း အင်းဦးစီးဌာနတွေကို စာချုပ်စာတမ်းမှတ်ပုံတင်ရုံးအဖြစ် တာဝန်ပေးထားတာရှိပါတယ်။ အဲ့ဒါကြောင့်မို့လို့ သက်ဆိုင်ရာမြို့နယ်တွေက လယ်ယာမြေစီမံခန့်ခွဲရေးနဲ့ စာရင်းအင်းဦးစီးဌာနမှာ သွားပြီးတော့ မှတ်ပုံတင်နိုင် ပါတယ် ။

#စာချုပ်စာတမ်းမှတ်ပုံတင်ဥပဒေ

(Zawgyi)

စာချုပ်စာတမ်းများကို မှတ်ပုံတင်ရန်လိုကြောင်း ပြောနေကြပါတယ် ။ စာချုပ်တိုင်းကို မှတ်ပုံတင်ရန် လိုပါ သလား ။ ဘယ်ရုံးမှာ မှတ်ပုံတင်ရမလဲ ။ စာချုပ်စာချုပ်ရုံးဆိုတာ ဘယ်ရုံးကို ပြောတာပါလဲ ။
============================

စာချုပ်စာတမ်းတွေကို မှတ်ပုံတင်ရန် လိုအပ်ပါတယ်။ လိုတယ်ဆိုတဲ့အကြောင်းကို ၂၀၁၈ ခုနှစ် မတ်လ ၁၀ ရက်နေ့မှာ ပြည်ထောင်စုလွှတ်တော်က အတည်ပြုပြဌာန်းလိုက်တဲ့ စာချုပ်စာတမ်းများမှတ်ပုံတင်ဥပဒေပေါ့ ။ အဲ့ဒီမှာ ပုဒ်မ ( ၁၆ ) ဆိုလို့ရှိရင် အောက်ပါ စာချုပ်စာတမ်းများကို ဥပဒေနဲ့အညီမှတ်ပုံတင်ရမည်ဆိုရင် မရွှေ့ မပြောင်းနိုင်တဲ့ ပစ္စည်းတွေကို အပိုင်ပေးတဲ့စာချုပ်၊ အရောင်းအဝယ်လုပ်တဲ့စာချုပ်၊ ကြော်ငြာတဲ့စာချုပ် စသည် အားဖြင့်ပေါ့ ။ နောက်ကတ္တိမမွေးစားတဲ့စာချုပ် စသည်အားဖြင့် အဲ့ဒီစာချုပ်တွေအားလုံးကို မှတ်ပုံတင်ရမယ်လို့ ( က ) နေ( ဆ ) အထိ ပြဋ္ဌာန်းထားပါတယ်။

နောက်တစ်ချက်က အဲ့ဒီဥပဒေပုဒ်မ ( ၁၇ ) မှာပဲ စာချုပ်စာတမ်းများကို မှတ်ပုံတင်လိုက တင်နိုင်ပါတယ်။ မတင်ပဲလည်း နေနိုင်တယ်ဆိုတဲ့ စာချုပ်မျိုးပေါ့ ။ အဲ့ဒါတွေက ဘယ်လိုစာချုပ်မျိုးလဲဆိုတော့ တန်ဖိုးငွေ ကျပ် တစ်သိန်းအောက် မရွှေ့ပြောင်းနိုင်တဲ့ပစ္စည်းတွေကို ရောင်းချတဲ့စာချုပ်တွေဟာ မှတ်ပုံတင်ရုံးမှာ တင်နိုင်ပါ တယ်။ မတင်ဘဲလည်း နေနိုင်ပါတယ်။ နောက် အပေါင်တန်ဖိုးငွေ ကျပ်တစ်သိန်းအောက်မှာရှိတဲ့ ပေါင်နှံတဲ့ စာချုပ်စာတမ်းတွေဆိုရင်လည်း မှတ်ပုံမတင်ဘဲ နေနိုင်ပါတယ်။

နောက်တစ်ခါ မရွှေ့ပြောင်းနိင်တဲ့ပစ္စည်းတွေကို တစ်နှစ်ပဲငှားရမ်းတယ်ဆိုရင် မှတ်ပုံမတင်ပဲနေနိုင်ပါတယ်။ သေတမ်းစာတွေကို မှတ်ပုံမတင်ပဲ နေနိုင်ပါတယ်၊ နောက်တစ်ခါ မိသားစုစီမံခန့်ခွဲမှု စာချုပ်စာတမ်းတွေကို လည်း မှတ်ပုံမတင်ပဲနေလို့ရပါတယ်။တင်လိုကလဲတင်နိုင်တယ်။

တရားရုံးက ချမှတ်တဲ့ ဒီဂရီတွေ၊ အမိန့်တွေ အနုညာတခုံလူကြီးက ဆုံးဖြတ်တဲ့ ဆုံးဖြတ်ချက်တွေကို မှတ်ပုံတင်တင်လိုက တင်နိုင်ပါတယ်။ မတင်ဘဲ လည်း နေနိုင်ပါတယ်ဆိုပြီးတော့ပေါ့။ ပုဒ်မခွဲ ( က ) နေ ( ည ) အထိ အချက် ( ၁၀ ) ချက်ပြဋ္ဌာန်းထားတာရှိပါတယ်။

စာချုပ်စာတမ်းတွေကို မှတ်ပုံတင်ဖို့ကတော့ အခုကတော့ သက်ဆိုင်ရာမြို့နယ် လယ်ယာမြေစီမံခန့်ခွဲရေးနဲ့ စာရင်းအင်းဦးစီးဌာန။ မြို့နယ်တွေမှာတော့အဲ့ဒီအတိုင်းပဲ စာချုပ်စာတမ်းမှတ်ပုံတင်ရုံးကို တာဝန်ပေးထားပါ တယ်။ ဥပမာ- ရန်ကုန်တိုင်းဆိုရင်တော့ ရန်ကင်းမြို့နယ်မှာရှိတဲ့ ရန်ကုန်မြို့စာချုပ်စာတမ်းများ မှတ်ပုံတင်ရုံး ဆိုတာရှိပါတယ်။ အဲ့ဒီရုံးမှာ သွားပြီးတော့တင်ရမှာပါ။ နယ်တွေမှာကတော့ လယ်ယာမြေစီမံခန့်ခွဲရေးနဲ့ စာရင်း အင်းဦးစီးဌာနတွေကို စာချုပ်စာတမ်းမှတ်ပုံတင်ရုံးအဖြစ် တာဝန်ပေးထားတာရှိ်ပါတယ်။ အဲ့ဒါကြောင့်မို့လို့ သက်ဆိုင်ရာမြို့နယ်တွေက လယ်ယာမြေစီမံခန့်ခွဲရေးနဲ့ စာရင်းအင်းဦးစီးဌာနမှာ သွားပြီးတော့ မှတ်ပုံတင်နိုင် ပါတယ် ။

Crd # DVBLawLab # DVBtvnews
#စာချုပ်စာတမ်းမှတ်ပုံတင်ဥပဒေ

EC စာချုပ်ချုပ်တော့မယ်ဆိုရင်

EC စာချုပ်နဲ့ပတ်သက်ရင် ဝန်ထမ်းအများစုက ဗဟုသုတ အားနည်းနေကြတာတွေ့ရပါတယ်။စာချုပ်ကို လက်မှတ်သာ ထိုးလိုက်တယ် သေချာမဖတ်ဖြစ်ကြတာတွေရှိသလို စာချုပ်ကို ဝန်ထမ်းကိုပေးမထားဘဲ ပြဿနာတစ်စုံတစ်ရာ တက်တဲ့အခါ စာချုပ်မှာ ဘယ်လိုထိုးခဲ့တယ် ဒါ့ကြောင့် ဘယ်လိုတော့လုပ်ခွင့်မရှိဘူးလို့အလုပ်ရှင်ဘက်က ပြောပေမယ့် ဝန်ထမ်းဘက်က ဂဃနဏ မသိရတာတွေ အများကြီးတွေ့နေရပါတယ် ။ ဒါ့ကြောင့် EC စာချုပ်နဲ့ပတ်သက်ပြီး သိထားသင့်တာလေးတွေကို မျှဝေပေးချင်ပါတယ်။
EC စာချုပ်ဆိုတာ Employment Contract မြန်မာလို အလုပ်ခန့်ထားမှုဆိုင်ရာသဘောတူညီမှုစာချုပ်ကို ဆိုလိုတာ ဖြစ်ပါ တယ်။ ၂၀၁၃ ခုနှစ် အလုပ်အကိုင်နှင့် ကျွမ်းကျင်မှုဖွံ့ဖြိုးတိုးတက်ရေးဥပဒေအရ ဝန်ထမ်းတစ်ဦးကို အမြဲတမ်းဝန်ထမ်းအဖြစ် အလုပ်ခန့်ပြီးတာနဲ့ရက်ပေါင်း ၃၀ အတွင်း အလုပ်ရှင်နဲ့ အလုပ်သမား အပြန်အလှန် စာချုပ်ချုပ်ဆို ရမယ်လို့ ပြဌာန်းထား ပါတယ်။
စာချုပ်မှာဘာတွေပါဝင်ရမလဲ?
စာချုပ်မှာ
(၁)အလုပ်အကိုင်အမျိုးအစား
(၂)အစမ်းခန့်ကာလ
(၃)လုပ်ခ၊လစာ
(၄)လုပ်ငန်းတည်နေရာနှင့်အမျိုးအစား
(၅)စာချုပ်သက်တမ်း
(၆)အလုပ်ချိန်
(၇)နားရက်၊အလုပ်ပိတ်ရက်၊နှင့်ခွင့်ရက်
(၈)အချိန်ပိုလုပ်ကိုင်ခြင်း
(၉)အလုပ်ချိန်အတွင်း အစားအသောက်အစီအစဉ်
(၁၀)နေရာထိုင်ခင်းနှင့်ဝတ်စုံ
(၁၁)ဆေးဝါးကုသခြင်း
(၁၂)အလုပ်ခွင်သို့ကြို၊ပို့ယာဉ်စီစဉ်ပေးခြင်းနှင့် ခရီးသွားလာခြင်း
(၁၃)သင်တန်း
(၁၄) အလုပ်မှနုတ်ထွက်ခြင်းနှင့်အလုပ်မှရပ်စဲခြင်း
(၁၅)စာချုပ်ရပ်စဲခြင်း
(၁၆)အလုပ်ရှင်၏တာဝန်ဝတ္တရားများ
(၁၇)အလုပ်သမားများ၏တာဝန်ဝတ္တရားများ
(၁၈)အလုပ်ခန့်ထားမှုသဘောတူညီချက် စာချုပ်အား အလုပ်ရှင်၊အလုပ်သမားနှစ်ဦး သဘောတူဖျက်သိမ်းခြင်း
(၁၉)အလုပ်ရှင်နှင့်အလုပ်သမားအငြင်းပွားမှုများကို ဖြေရှင်းခြင်း
(၂၀) စာချုပ်စည်းကမ်းများကို ပြင်ဆင်ခြင်းနှင့် ဖြည့်စွက်ခြင်း၊
(၂၁)စာချုပ်အသက်ဝင်သည့်ရက်စွဲ
(၂၂)တာဝန်ရှိမှုများ
(၂၃)အထွေထွေ
လုပ်ငန်းခွင်စည်းကမ်းများ(နောက်ဆက်တွဲအဖြစ်ထည့်သွင်းရန်) စတဲ့အချက်တွေပါဝင်ရမှာဖြစ်ပါတယ် ။

စာချုပ်ချုပ်တဲ့အခါ အလုပ်ရှင်၊အလုပ်သမား တစ်ဖက်စီ လက်မှတ်ထိုးရမှာဖြစ်သလို အလုပ်ရှင်ဘက်က အသိသက်သေတစ်ဦး ၊အလုပ်သမားဘက်က အသိသက်သေ တစ်ဦးတို့လည်းပါဝင်လက်မှတ်ရေးထိုးရမှာပါ ။ စာချုပ်ကို မူရင်း ၃ စုံ ချုပ်ဆိုရမှာဖြစ်ပြီး အလုပ်ရှင်တစ်စုံ၊အလုပ်သမားတစ်စုံ၊အလုပ်သမားညွှန်ကြားရေးဦးစီးဌာန တစ်စုံဖြန့်ဝေပေးရမှာပါ ၊

စာချုပ်ပါစည်းကမ်းတွေက တည်ဆဲဥပဒေတစ်ရပ်ရပ်နဲ့ညီညွတ်မှုရှိရမယ့်အပြင် အလုပ်သမားရဲ့အကျိုး ခံစားခွင့် တွေက လည်း တည်ဆဲဥပဒေ ပါ ခံစားခွင့်တွေအောက်ယုတ်လျော့လို့မရပါဘူး။ အကြောင်းအမျိုးမျိုးကြောင့် အလုပ်ရပ်စဲရမယ့်အခြေအနေ‌ပေါ်ပေါက်လာတယ်ဆိုရင် အလုပ်သမားကို သတ်မှတ်ထားတဲ့ နစ်နာကြေးပေးရမှာဖြစ်ပါတယ်

မိမိသဘောအရ အလုပ်ကနှုတ်ထွက်မယ်ဆိုရင် ?

စာချုပ်သက်တမ်းမပြည့်ခင် အလုပ်သမားဘက်က မိမိသဘောဆန္ဒအရ အလုပ်ကနှုတ်ထွက်မယ်ဆိုရင် အနည်းဆုံး တစ်လကြိုအသိပေးရမှာဖြစ်ပြီး ဒီလိုအခြေအနေမှာတော့ အလုပ်ရှင်ဘက်က နစ်နာကြေးပေးစရာမလိုပါဘူး။ပေးဖို့ကျန်တဲ့ လုပ်ခကျန်ငွေနဲ့ လုပ်သက်ခွင့်အတွက်ခံစားခွင့်ငွေကြေးတွေကိုသာ ပေးပြီး နှုတ်ထွက်ခွင့်ပြုရမှာဖြစ်ပါတယ်။ဒါပေမယ့် အလုပ်ရှင်ရဲ့ကျခံမှုနဲ့သင်တန်းတွေတက်ရောက်ခဲ့မယ်ဆိုရင် တက်ရောက်ခဲ့တဲ့သင်တန်းကြေးတွေကို ပေးလျော်ပြီးမှသာ နှုတ်ထွက်ခွင့်ရှိမှာပါ ။ လုပ်သက် ၃ နှစ် အထက် ထမ်းဆောင်ခဲ့သူဆိုရင်တော့ သင်တန်းကုန်ကျစရိတ်ပြန်ပေးစရာမလိုပါဘူး။

ပြစ်မှုကြောင့် အလုပ်မှရပ်စဲခံရမယ်ဆိုရင် ?

ပြစ်မှုကျူးလွန်ပြီးအလုပ်ကရပ်စဲခံရမယ်ဆိုရင် အလုပ်ထုတ်နစ်နာကြေးရရှိမှာမဟုတ်ပါဘူး ။ လုပ်ခကျန်ငွေကို သာရရှိမှာဖြစ်ပါတယ်။

ဒီလောက်ဆို EC စာချုပ်နဲ့ပတ်သက်ပြီး အတော်လေးသိလောက်ပြီထင်ပါတယ်။

#ဥပဒေရေးရာ
#အလုပ်အကိုင်ခန့်ထားမှူဆိုင်ရာသဘောတူစာချုပ်

ငွေကြေးခဝါချမှုတိုက်ဖျက်ရေးဥပဒေနှင့်သက်ဆိုင်သော ပြစ်မှူများအား စုံစမ်းစစ်ဆေးဖော်ထုတ်ရာတွင်လိုက်နာဆောင်ရွက်ရမည့် အထောက်အကူပြုလမ်းညွှန်ချက် ညွှန်ကြားချက်အမှတ် ၁/၂၀၂၀