August Language Hill

အမေများနေ့
=========

( ဖတ်ရန် ကြာချိန် - ၂ မိနစ် )

ကျွန်တော်တို့ လူသားတွေရဲ့ဘဝမှာ တခြားသော ဆက်ဆံရေးတွေထက် အမြဲသာလွန်နေတဲ့ ဆက်နွှယ်မှုတစ်ခု ရှိနေပါတယ်။ အဲဒါဟာ သူမရဲ့မိသားစုအပေါ်မှာထားတဲ့ မရေတွက်နိုင်သောချစ်ခြင်းတရားတွေ၊ စူးစိုက်နှစ်မြှုပ်မှုတွေ၊ သံယောဇဉ်တွေနဲ့အတူ အဖိုးမဖြတ်နိုင်တဲ့ မိခင်တစ်ယောက်ရဲ့ ဆက်ဆံရေးပဲ
ဖြစ်ပါတယ်။

မိခင်တွေရဲ့ ဖြစ်တည်ခြင်းအပေါ် အသိအမှတ်ပြုနိုင်ဖို့
အမေများနေ့ကို နိုင်ငံပေါင်း ၄၆ နိုင်ငံထက်ပိုပြီး ကမ္ဘာတစ်ဝှမ်း ကျင်းပလျက်ရှိပါတယ်။ ဒါဟာ အမျိုးသားဝါဒလွှမ်းမိုးတဲ့
ယနေ့ခေတ်လူ့အဖွဲ့အစည်းမှာ မိခင်တွေအတွက်တော့
တကယ့်ကိုနေ့ထူးနေ့မြတ်တစ်ခု ဖြစ်နေပါတယ်။ ဒီအကြောင်းကို ကျွန်တော်တို့ အသေးစိတ် လေ့လာကြည့်ကြရအောင်။

👩‍👧‍👦အမေများနေ့ မူလအစ

ယနေ့ခေတ် ကျင်းပလျက်ရှိတဲ့ အမေများနေ့ဟာ ၁၉၀၈ ခုနှစ်မှာ Anna Jarvis ဆိုတဲ့အမျိုးသမီးဟာ သူ့မိခင်အတွက်အထိမ်းအမှတ်နေ့ကို ကျင်းပရင်း စတင်ခဲ့တာ ဖြစ်ပါတယ်။ မိခင်ဖြစ်သူ Ann Jarvis ဟာအမေရိကန်ပြည်တွင်းစစ်အတွင်း ဒဏ်ရာရစစ်သားတွေကို ပြုစုစောင့်ရှောက်ပေးခဲ့တဲ့ ငြိမ်းချမ်းရေး လှုပ်ရှားသူတစ်ဦးဖြစ်ပါတယ်။ အထိမ်းအမှတ်ပွဲကို
အနောက်ဗာဂျီးနီးယား၊ ဂရက်ဖ်တွန်မြို့မှာရှိတဲ့ St Andrew Methodist ဘုရားဝတ်ပြုကျောင်းမှာ ကျင်းပခဲ့ပြီး ယခုအခါမှာ နိုင်ငံတကာအမေများနေ့ဗိမာန်ထားရှိပါတယ်။ Anna Jarvis ဟာ တစ်ကမ္ဘာလုံးမှာရှိတဲ့ မိခင်များရဲ့ မိသားစုနဲ့လူ့အဖွဲ့အစည်းအပေါ် ပေးဆပ်ခဲ့တာတွေကို လေးစားဂုဏ်ပြုချင်ခဲ့တာပဲ
ဖြစ်ပါတယ်။

သူမရဲ့ အားထုတ်မှုတွေကြောင့် အမေရိကန်ပြည်နယ်အများစုဟာ ၁၉၁၁ ခုနှစ်မှာ အမေများနေ့ကို ဒေသတွင်းအားလပ်ရက််အဖြစ် စတင်သတ်မှတ်ခဲ့ကြပြီး သူမရဲ့ မွေးရပ်ဖြစ်တဲ့
အနောက်ဗာဂျီးနီးယားဟာလည်း ၁၉၁၀ ခုနှစ်မှာ အားလပ်ရက်အဖြစ်ကြေညာခဲ့တဲ့ ပထမဆုံးပြည်နယ်ဖြစ်လာပါတယ်။ နောက်ဆုံးမှာတော့ မေလရဲ့ ဒုတိယမြောက်တနင်္ဂနွေနေ့ကို
အမေများနေ့အဖြစ် အမေရိကားမှာ သတ်မှတ်ခဲ့ကြပြီး၊
၂၈ ယောက်မြောက် အမေရိကန်သမ္မတ Woodrow Wilson လက်ထက် ၁၉၁၄ ခုနှစ်မှာတော့ အမျိုးသားအားလပ်ရက်အဖြစ် တရားဝင်ထုတ်ပြန်ခဲ့ပါတယ်။ ဒီလိုနဲ့ အမေများနေ့ဟာ
အမေရိကားကနေစပြီး အိန္ဒိယ၊ ဘင်္ဂလားဒေ့ချ်၊ ပါကစ္စတန်၊
အီတလီ၊ စင်္ကာပူ၊ ဘယ်လ်ဂျီယံနဲ့ အခြားသောနိုင်ငံများမှာပါ တစ်နေ့တည်း ကျင်းပလာခဲ့ကြပါတယ်။

👩‍👧‍👦ဘာလို့ အမေများနေ့ကို ကျင်းပကြတာလဲ.?

အမေများနေ့ဟာ ကမ္ဘာတစ်ဝှမ်းမှာရှိတဲ့ မိခင်တွေကို လေးစားခြင်း၊ ဂုဏ်ပြုခြင်းနဲ့ ချစ်ခင်ခြင်းတို့အတွက် အလေးထားပြီး
ဆင်နွှဲတဲ့ နေ့ထူးနေ့မြတ်တစ်ခုဖြစ်ပါတယ်။ ဒီနေ့ဟာ လူ့အဖွဲ့အစည်းအတွက် မိခင်တွေရဲ့ ဆောင်ရွက်မှုတွေ၊ မိခင်နဲ့ကလေးအကြား နှောင်ဖွဲ့အားထုတ်မှုတွေနဲ့ မိခင်တစ်ယောက်ရဲ့ အခန်းကဏ္ဍကို ဂုဏ်ပြုတဲ့နေ့တစ်နေ့ဖြစ်ပါတယ်။ အမေများနေ့ကို နိုင်ငံအသီးသီးက မတူညီတဲ့ရက်စွဲတွေမှာ ကျင်းပကြပေမယ့် ယေဘုယျအားဖြင့်တော့ မတ်လနဲ့ မေလမှာ ကျင်းပလေ့ရှိကြပါတယ်။ အမေများနေ့ဟာ အခြားနေ့ထူးနေ့မြတ်တွေဖြစ်တဲ့
အဖေများနေ့၊ မောင်နှမသွေးချင်းများနေ့နဲ့ ဘိုးဘွားများနေ့ကဲ့သို့ ထူးခြားတဲ့နေ့တစ်နေ့လည်းဖြစ်ပါတယ်။

ဒီနေ့လေးမှာ ကျွန်တော်တို့ဘဝကိုယ်စီမှာကြရှိတဲ့ အမေတွေရဲ့ အရေးကြီးပုံနဲ့ အရေးပါပုံကို အမှတ်ရပြီး မိခင်တစ်ရပ်လုံးအတွက် အလေးထားလှုံ့ဆော်ပေးတဲ့ အရေးပါသောနေ့လေးတစ်နေ့အဖြစ် ဂုဏ်ပြုလိုက်ကြရအောင် ။ ။

ဘာသာပြန် - August
၂၀၂၂၊ မေလ ၈ရက်နေ့မှာ ကျရောက်မယ့်
အမေများနေ့ကို ဂုဏ်ပြုသောအားဖြင့်.. 🤍

ပြင်သစ် နဲ့ စပိန် ဘာသာစကားအတွက်
အတန်းသားအသစ်တွေ စတင်ပြီးလက်ခံနေပါပြီ 🇫🇷 🇪🇸

ယခု Batch မှာတော့
ရုံးသမားများပါ တက်ရောက်လို့ရအောင်
စနေ၊တနင်္ဂနွေ နဲ့ ရုံးချိန်လွတ် စီစဉ်ပေးထားပါတယ်။

ပြင်သစ်ဘာသာနဲ့ စပိန်ဘာသာ ၂မျိုးလုံးဟာ
ဥရောပတိုက်မှာဆိုရင် အင်္ဂလိပ်ဘာသာစကားထက်တောင်
လူသုံးများတဲ့ ဘာသာရပ်တွေ ဖြစ်တဲ့အတွက်

Europe ဖက်တွေမှာ ကျောင်းသွားတက်/အလုပ်သွားလုပ်မယ့်သူတွေအနေနဲ့ အခြားသူတွေထက်ပိုပြီး အခွင့်အလမ်းတွေ
အများကြီးရှိနိုင်တာကို တွေ့ရမှာပါ။

သင်ကြားတဲ့အခါ နိုင်ငံတကာကျောင်းတွေမှာ အသုံးပြုနေတဲ့ သင်ရိုးစာအုပ်ကို အသုံးပြုထားပြီး
အတန်းတစ်တန်းကို လူ ၈ ယောက်အထိသာ လက်ခံမှာ ဖြစ်လို့ ကျောင်းသားတွေအနေနဲ့ လစ်ဟာမှု မရှိဘဲ
သက်တောင့်သက်သာ သင်ယူနိုင်မှာ ဖြစ်ပါတယ်။

ဒါ့အပြင် ဒီဘာသာရပ်တွေကို ၂၀၁၅ ခုနှစ်ကနေ ယခုထက်ထိ လက်တွေ့သင်ကြားလာတဲ့၊ သင်ကြားရေးအတွေ့အကြုံတွေများစွာရှိတဲ့ YUFL ကျောင်းဆင်း ဆရာကိုယ်တိုင် သင်ကြားပေးမှာဖြစ်လို့ မိနစ်တိုင်းဟာ ကိုယ့်အတွက် အကျိုးရှိစေမှာပါ။

တစ်ယောက်ချင်းစီ သီးသန့်အတန်းများလည်း စီစဉ်ပေးပါတယ်။
—————————

သင်တန်းအကြောင်းနဲ့ ပတ်သက်ပြီး
အသေးစိတ် သိချင်တယ်ဆိုရင်တော့…

Page ရဲ့ Messenger သို့မဟုတ် 09 75 24 65 840 ကို
တိုက်ရိုက်ဆက်သွယ် စုံစမ်းမေးမြန်းနိုင်ပါတယ် ။