MV Private 3D Mini Cinema In Yangon

Hoppers (2026)
+++++++++++

IMDb Rating (7.4) / Rotten Tomatoes (94%)

ဒီနေ့တော့ ၂၀၂၆ ခုနှစ်မှာ အသစ်ထွက်ထားတဲ့ Pixar ရဲ့ အန်နီမေးရှင်းကားသစ်လေး Hoppers တင်ပေးထားပါတယ်။

ဒီကားကို ဒါရိုက်တာ ဒယ်နီယယ် ချောင်း က ရိုက်ကူးထားပြီး အဓိက အသံသရုပ်ဆောင်တွေကတော့ ပိုက်ပါ ကာဒါ၊ ဘော်ဘီ မွိုင်နီဟန် နဲ့

ဂျွန် ဟမ်း တို့က ပါဝင်ထားပါတယ်။

ဇာတ်လမ်းလေးကတော့
++++++++++

မေဘယ်လ် ဆိုတဲ့ အသက် ၁၉ နှစ်အရွယ် တိရစ္ဆာန်ချစ်တဲ့ ကောလိပ်ကျောင်းသူလေး အကြောင်းပါ။

သူ့အဖွားနဲ့ အတူနေခဲ့တဲ့ တောအုပ်လေးကို မြို့တော်ဝန် ဂျယ်ရီ က ဖျက်ဆီးပြီး အဝေးပြေးလမ်းမ ဖောက်ဖို့ လုပ်လာတဲ့အခါ

မေဘယ်လ် တစ်ယောက် အဲဒီတောအုပ်လေးကို ကာကွယ်ဖို့ ကြိုးစားပါတော့တယ်။

အဲဒီအချိန်မှာပဲ လူတွေရဲ့ စိတ်ကို စက်ရုပ်တိရစ္ဆာန်တွေဆီ ပြောင်းထည့်လို့ရတဲ့ နည်းပညာအသစ် တစ်ခုကို သူ တွေ့သွားတယ်။

ဒါနဲ့ မေဘယ်လ် လည်း သူ့စိတ်ကို ဗီဗာစက်ရုပ်လေးဆီ ပြောင်းထည့်ပြီး တိရစ္ဆာန်လောကထဲကို ဝင်သွားခဲ့တယ်။

အဲဒီမှာ ဗီဗာဘုရင် ဂျော့ချ် အပါအဝင် တခြား တိရစ္ဆာန်တွေနဲ့ မိတ်ဆွေဖြစ်သွားပြီး သူတို့ရဲ့ နေရာလေးကို ကာကွယ်ဖို့ လူတွေကို

ဘယ်လို ပြန်ရင်ဆိုင်မလဲ ဆိုတာကို စိတ်ဝင်စားဖို့ကောင်းအောင် ရိုက်ကူးထားတာပါ။

အန်နီမေးရှင်းဆိုပေမယ့် ဟာသတွေ၊ အက်ရှင်တွေ အပြင် သိပ္ပံရုပ်ရှင်ဆန်ဆန် စိတ်လှုပ်ရှားစရာ အခန်းတွေလည်း အများကြီး ပါတယ်။

သဘာဝပတ်ဝန်းကျင်ကို ကာကွယ်ဖို့ အသိပေးတာတွေလည်း ပါသလို မိသားစု သံယောဇဉ်ကိုလည်း သေသေချာချာ ပုံဖော်ပေးထားတယ်။

Pixar ကားပီပီ ရုပ်ထွက်ကလည်း အရမ်းလှပြီး ကြည့်ရတာ တကယ်ကို တန်စေရမယ်။

တိရစ္ဆာန်လေးတွေအကြောင်းကို ပေါ့ပေါ့ပါးပါးနဲ့ ရယ်ရယ်မောမော ကြည့်ချင်တဲ့သူတွေ လက်မလွှတ်သင့်တဲ့ ကားကောင်းလေး တစ်ကားပါပဲ။

MV cinema
(စမ်းချောင်း မြေနီကုန်း)
0943334777
09753468385

The Daemon

IMDb Rating (5.8)

ဇာတ်လမ်းကတော့ Tom ဆိုတဲ့ လူငယ်တစ်ယောက် သူ့ဖခင် ကိုယ့်ကိုယ်ကိုယ် သေကြောင်းကြံစည်သွားပြီးနောက်မှာ ဖခင်ဖြစ်သူရဲ့ ဝေးလံခေါင်ဖျားတဲ့ ရေကန်ဘေးက အိမ်လေးဆီကို ထွက်ပြေးတိမ်းရှောင်လာရာက စတင်ပါတယ်။

အဲဒီအိမ်ဟာ သူ့ရဲ့ ကလေးဘဝ အမှတ်တရတွေ ရှိခဲ့တဲ့နေရာဖြစ်သလို၊ အခုတော့ နာကျင်စရာတွေနဲ့ ပြည့်နှက်နေတဲ့ နေရာလည်း ဖြစ်ပါတယ်။ Tom ဟာ အဲဒီမှာနေထိုင်ရင်း သူ့ဖခင်ကို သေကြောင်းကြံစည်အောင် တွန်းပို့ခဲ့တဲ့ အရာဟာ ရိုးရိုးစိတ်ဝေဒနာတင် မဟုတ်ဘဲ ရေကန်အောက်ခြေမှာ ခိုအောင်းနေတဲ့ ရှေးဟောင်းမိစ္ဆာဆိုးကြီး တစ်ခု ဖြစ်နေမှန်း သိလာရပါတယ်။

အဲဒီအရာက Tom ကိုပါ ရူးသွပ်သွားအောင် စတင်ခြောက်လှန့်လာတဲ့အခါမှာတော့...

သူ့ရဲ့ဇနီး Kathy၊ ခဲအိုဖြစ်သူ Mark နဲ့ Mark ရဲ့ ဇနီး Jess တို့ဟာ Tom ကို ကယ်တင်ဖို့ ရောက်ရှိလာကြပါတယ်။

ဒါပေမဲ့ သူတို့အားလုံးဟာ မမြင်ရတဲ့ အမှောင်ထုရဲ့ ကျော့ကွင်းထဲကို တဖြည်းဖြည်း ရောက်ရှိသွားတဲ့အခါမှာတော့ ဘာတွေဆက်ဖြစ်သွားမလဲကြည့်ရမယ့် စိတ်ပိုင်းဆိုင်ရာ ခြောက်လှန့်မှုနဲ့ သဘာဝလွန် ထူးဆန်းဖြစ်ရပ်တွေကို ပေါင်းစပ်ထားတဲ့ Psychological Horror ကားကောင်းတစ်ကား ဖြစ်ပါတယ်။

MV cinema
(စမ်းချောင်း မြေနီကုန်း)
0943334777
09753468385

Wolf Hunter 2 ဆိုတဲ့ အက်ရှင်မှုခင်းရုပ်ရှင်ကို ဘာသာပြန်တင်ဆက်ပေးမှာ ဖြစ်ပါတယ်။ ဇာတ်လမ်းအကျဉ်းကတော့- 1999 ခုနှစ် အနောက်တောင်ပိုင်းနယ်စပ်မှာ
သစ်တောရဲလျိုကျောင်း၊ လောင်ကျောက်နဲ့ ဝမ်လေတို့ဟာ တာဝန်အရ ကင်းလှည့်ချိန်မှာ ဂျပန်သူလျှိုခေါင်းဆောင်အန်စန်းကျဲ့သယ်ကို ပြည်ပအဖွဲ့အစည်းတွေကို
ဦးဆောင်ပြီး တရုတ်နိုင်ငံရဲ့ NSSU သွေးအမျိုးအစားသန့်စင်ရေးနမူနာလျှို့ဝှက်ချက်ကို ခိုးယူကာ ထောင်ဖောက်ထွက်ပြေးပြီးနောက် တာ့လျန့်တောင်မှတစ်ဆင့်
တိုင်းပြည်နယ်နိမိတ်ကို ကျော်ဖြတ်ဖို့ ကြိုးစားနေတာကို တွေ့ရှိခဲ့ပါတယ်။

သာမန်ကင်းလှည့်မှုကနေ အလွန်ရက်စက်ကြမ်းကြုတ်လှတဲ့ ဓားပြတွေနဲ့ ကြုံတွေ့ရတဲ့အခါ ရဲသား ၃ ဦးဟာ ပြည်သူ့လုံခြုံရေးအတွက် တိုက်ပွဲကို စတင်ခဲ့ရပါတယ်။
အသွေးအသားနဲ့ နိုင်ငံတော်ရဲ့ နယ်နိမိတ်ကို ကာကွယ်ပြီး လျှို့ဝှက်ချက်ပေါက်ကြားနိုင်ခြေရှိတဲ့ ဒုစရိုက်ဂိုဏ်းနဲ့ သေရေးရှင်ရေးတိုက်ပွဲတစ်ပွဲကို ကျင်းပခဲ့ကြမှာ ဖြစ်ပါတယ်

MV cinema
(စမ်းချောင်း မြေနီကုန်း)
0943334777
09753468385

Method Acting (2026)

**********************

ဒီတစ်ခေါက်မှာတော့ Reply 1988 ထဲက မင်းသား Lee Dong-Hwi, My Daughter is a Zombie ထဲက

မင်းသား Yoon Kyung-Ho နဲ့ SF9 အဖွဲ့ဝင် Chani တို့ အဓိက ပါဝင်သရုပ်ဆောင်ထားတဲ့

ရုံတင်ဟာသကားသစ်လေးကို တင်ဆက်ပေးလိုက်ပါတယ်။

- ဇာတ်လမ်းအကျဉ်း -

အီဒုံဟွီ (Lee Dong-Hwi) ကတော့ "အရက်စွဲဂြိုဟ်သား"ဆိုတဲ့ ဟာသဇာတ်ကားနဲ့ နာမည်ကြီးလာတဲ့ မင်းသားတစ်လက်ပါ။

အဲဒီနောက်ပိုင်း သူ့ဆီ ရောက်လာသမျှ ဇာတ်ညွှန်းတိုင်းကလည်း ဟာသဇာတ်ရုပ်တွေချည်းပဲ ဖြစ်နေတာကြောင့်

ဒုံဟွီက အနုပညာလှုပ်ရှားမှုတွေကို ခေတ္တရပ်နားပြီး တည်ကြည်လေးနက်တဲ့ သရုပ်ဆောင်ချက်တွေကို

ပြောင်းလဲပြသနိုင်မဲ့ အခွင့်အရေးကို စောင့်ဆိုင်းနေခဲ့ပါတယ်။

အဲဒီလိုနဲ့ ၂ နှစ်အကြာမှာ ထိပ်တန်းမင်းသား ဂျောင်ထယ်မင်း (Chani) ရဲ့ ကမ်းလှမ်းမှုနဲ့အတူ

"မှန်ထဲက ပန်း၊ ရေပြင်ထက်က လမင်း" ဆိုတဲ့ နန်းတွင်းဇာတ်ကားမှာ တိုင်းသူပြည်သားတွေအတွက်

အစာငတ်မွတ်ခံတဲ့ ဘုရင်အဖြစ် သရုပ်ဆောင်ဖို့ အခွင့်အရေးရလာပါတော့တယ်။

ဒုံဟွီဟာ Method Acting လို့ ခေါ်တဲ့ ဇာတ်ကောင်ထဲ အပြည့်အဝ လိုက်ပါစီးမျောပြီး သရုပ်ဆောင်တဲ့

နည်းစနစ်နဲ့အတူ သူ့ရဲ့ အရည်အချင်းကို သက်သေပြနိုင်ဖို့အတွက် လူသိရှင်ကြား အစာငတ်ခံတာမျိုးတောင်

လုပ်ပြခဲ့ပေမဲ့ လက်တွေ့ရိုက်ကူးရေးမှာတော့ ထင်သလို ဖြစ်မလာဘဲ အလွဲအချော်တွေနဲ့ ကြုံတွေ့ရတဲ့အခါ...

တကယ်ပဲ အီဒုံဟွီက Method Acting ကို ပိုင်ပိုင်နိုင်နိုင် သရုပ်ဖော်ပြပြီး ဟာသမင်းသားဆိုတဲ့ ပုံရိပ်ကို

ဖျောက်ပစ်နိုင်ပါ့မလားဆိုတာကိုတော့ ဒီဇာတ်ကားလေးထဲမှာ ဆက်လက် ကြည့်ရှုပေးကြပါနော်။

MV cinema
(စမ်းချောင်း မြေနီကုန်း)
0943334777
09753468385