BEST SOLAR POWER

🚿 ဆိုလာပြားတွေကို ရေဆေးဖို့ လိုပြီလား ?
🙅 မဆေးပဲနေရင်ကော မရဘူးလား ?
🤷 ရေဆေးရင်ကော ဆပ်ပြာတွေသုံးဖို့လိုသလား ?
💁 ကို့ဘာသာကိုယ် ဆေးလို့ရလား ?
🧜‍♂️ ရေဆေးဖို့ ဆိုရင် ဘယ်လိုရေနဲ့ဆေးရမလဲ ?
🕖 ဘယ်လိုအချိန်တွေဆေးရမလဲ
🧨 ဘာတွေထပ်သတိထားရမလဲ
စတဲ့ စတဲ့ မေးခွန်းတွေလာနေပါပြီ။
မီးပျက်တုန်းက တစ်တပ်တစ်အား တပ်လိုက်ကြတဲ့ ဆိုလာတွေ performance ကောင်းနေစေရန် အတွက် ဆိုလာပြားမျက်နှာပြင်ကို သန့်ရှင်းနေဖို့လိုပါတယ်။
မျက်နှာပြင်သန့်ရှင်းနေမှ နေရောင်ခြည်ကနေပါလာတဲ့ irradiance တွေကိုကောင်းမွန်စွာ ဖမ်းယူပြီး လျှပ်စစ်စွမ်းအင်ကို ထုတ်ပေးနိုင်မှာပါ။
ဆိုလာပြားမျက်နှာပြင်က ဖုံမှုန့်တွေ၊ချေးညော်တွေ၊ငှက်ချေးတွေ၊ စတာတွေ ကျနေရင် ဆိုလာပြားအလုပ်လုပ်နိုင်နှုန်းက ကျဆင်းသွားပါတယ်။
ဒါကြောင့် ဆိုလာပြားကို သန့်ရှင်းရေလုပ်ပေးဖို့လိုအပ်တာပါ။
ဒါဆိုရင် အပေါ်ကမေးခွန်းတွေကိုတစ်ခုချင်းအဖြေပေးမယ်။

🚿 ဆိုလာပြားတွေကို ရေဆေးဖို့ လိုပြီလား ?
ဒီလိုရာသီဥတုဆိုရင် လိုပါပြီ။ နေ့ခင်းဘက် လေထုထဲမှာပါဝင်လွင့်မျောနေတဲ့ ဖုံမှန့်တွေ၊ ဆောက်လုပ်ရေးလုပ်ငန်းခွင်တွေကထွက်တဲ့ ပတ်တီးမှုန့်၊ သဲမှုန်တွေ၊ ဘိလပ်မြေမှုန့်တွေ၊ စက်မှုဇုံထဲ (သို့) နီးတဲ့နေရာတွေဆိုရင် စက်ရုံ အလုပ်ရုံတွေရဲ့ မီးခိုးခေါင်းတိုင် အနိမ့် အမြင့်ကထွက်တဲ့ grease ပါတဲ့ကြပ်ခိုးမဲဖတ်တွေ၊ စတာတွေဟာ ဆိုလာပြားမျက်နှာပြင်တွေပေါ်မှာ တင်ကျန်ကပ်ညှိနေကြပါတယ်။ မနက်စောစောမြူကျတော့ ရေလေးတွေသီးကျန်တဲ့အခါ နေ့ခင်းကကျထားတဲ့ အမှုန့်ပေါင်းစုံနဲ့ မနက်စောစော တင်လာတဲ့ရေနဲ့ ရောပြီး ဂျပ်ပြင်ကြီးဖြစ်ပါလေရောဗျာ။
အဲဒီလိုဆိုတော့ ရာသီဥတုအခြေအနေအရဆေးဖို့လိုအပ်လာတာပါ။
နောက်တစ်ခုက အခြားရာသီတွေမှာလဲ ငှက်တွေများတဲ့ ဒေသတွေမှာ ငှက်ချေးတွေကလဲ ဒုက္ခပေးပါတယ်။ အဲဒါတွေကို တစ်လတစ်ခါလောက်တက်စစ်ကြည့်သင့်ပါတယ်။
နောက်တစ်ခုက solar output power နဲတယ်လို့ monitoring စနစ်ကနေပြနေရင်လဲ တက်စစ်ကြည့်သင့်ပါတယ်။ ဆိုလာပြားတွေ falling object ကြောင့် ကွဲအက်နေလား စသဖြင့်ပါ။
ကဲ့မိတ်ဆွေတို့ကော ဆေးသင့်တယ်ထင်လား ?

🙅 မဆေးပဲနေရင်ကော မရဘူးလား ?
မဆေးပဲလဲနေလို့ရပါတယ်၊ ဆိုလာပြားကတော့သူ့အလုပ်သူရသလောက်လုပ်နေမှာပဲ။ ROI တွေဘာတွေ နဲ့ run နေတဲ့ system တွေနဲ့ တစ်ကယ့်ကို solar ကိုအားကိုးပြီး operated လုပ်နေတဲ့ စက်ရုံ၊ အလုပ်ရုံ၊ လျှပ်စစ်မီးမမှန်လို့တပ်ထားရတဲ့ အိမ်တွေဆိုရင်တော့ဆေးသင့်တာပေါ့။

🤷 ရေဆေးရင်ကော ဆပ်ပြာတွေသုံးဖို့လိုသလား ?
Manufacturer တွေရဲ့ cleaning guide တွေမှာတော့ အားပျော့ တဲ့ detergent တွေကိုသုံးနိုင်တယ်လို့ဆိုထားတယ်။ ကျွန်တော်ကတော့တတ်နိုင်သလောက် ဆပ်ပြာမသုံးဘူးခင်ဗျ။ ဆပ်ပြာကြောင့် ဆိုလာပြားမှာရှိတဲ့ seal တွေအချိန်မတန်ခင်ပျက်ပြီး ရေဝင် ရှော့ဖြစ်ကုန်မှာစိုးတယ်။ ကိုယ့် ကိုယ်ပိုင်ပစ္စည်းမဟုတ်ပေမယ့် ကိုယ့် Customer ကို ဂရုစိုက်ပေးတာပါ။
ဒါပေမယ့် ဆိုလာပြားကိုကြည့်လိုက် ဖုန်တွေကပ်ပြီးဖွေးစိန်ဖြစ်နေရင် ဆပ်ပြာသုံးစရာမလိုဘူးလို့ အကြမ်းဖျင်းမှတ်လို့ရတယ်။
အကယ်၍ ဆိုလာပြားမျက်နှာပြင်က ကျပ်ခိုးတွေလိုမဲနေရင် ဆီညော်ပါဝင်နိုင်တော့ ဆပ်ပြာပျော့ပျော့ကိုတော့သုံးရလိမ့်မယ်ဗျ။
နောက်မှ ရှာတွေ့ထားတာလေးတွေဝေမျှပါဦးမယ်။

💁 ကို့ဘာသာကိုယ် ဆေးလို့ရလား ?
ရပါတယ်။ ဒါပေမယ့် safety အတွက်တော့သတိထားရလိမ့်မယ်။
ရေစိုမှာဖြစ်တဲ့အတွက် အဓိက ရာဘာလည်ရှည်ဖိနပ်စီးထားသင့်တယ်၊ ရာဘာလက်အိပ်စွပ်နိုင်ရင်ပိုကောင်းတယ်။
ဒါက safety အတွက်၊ နောက်ပြီး ဆောင်ရန်၊ ရှောင်ရန်လေးတွေရှိသေးတယ်။
အဲဒါတွေသိချင်ရင် မန့်မှာပြောထားဗျာ တင်ပေးမယ်။

🧜‍♂️ ရေဆေးဖို့ ဆိုရင် ဘယ်လိုရေနဲ့ဆေးရမလဲ ?
ဆိုလာပြားထုတ်လုပ်သူတွေ ရဲ့ cleaning guide တွေထဲမှာတော့ low mineral content and a total hardness less than 75 mg/L ကိုသုံးသင့်တယ်လို့ရေထားတယ်။ ideal option ကတော့ RO water ပါပဲ။

ကျွန်တော်ကတော့ဖတ်ပြီး ဒီမှာနဲဲ့အသင့်တော်ဆုံး ကိုစဉ်းစားရွေးထုတ်ထားတယ်။
RO water ကတော့ဦးစားပေးပါပဲ။
နောက် plan B အနေနဲ့ က RO မရောက်ခင်အဆင့်ရှိတဲ့ filtration လုပ်ထားတဲ့ ရေပါ။
အလွယ်ဆုံးက ရေသန့်ပါပဲ။
မသုံးသင့်ဆုံးက အဝီစိတွင်းရေ နဲ့ ကန်ရေပါပဲ။ သူတို့က ရေမှာပျော်ဝင်ပစ္စည်းတွေကသဘာဝအတိုင်းရှိနေတာ။ ဆိုလာပြားကရေဆေးပြီး သဘာဝလေနဲ့ပဲခြောက်သွားရင် အဲဒီရေမှာပျော်ဝင်နေတဲ့ အရာတွေက ဆိုလာပြားပေါ်မှာကျန်ခဲ့တာ ဆိုတော့ ဆေးကား ဆေး၏ မရ ဖြစ်ရောပေါ့ဗျာ။

🕖 ဘယ်လိုအချိန်တွေဆေးရမလဲ
နေရောင်ချည်ကျရောက်မှုနဲတဲ့ အချိန်ကိုရွေးချယ် ရင်အကောင်းဆုံးပါ။ ဥပမာ မနက်စောစော သို့ ည နေဝင်ခါနီး အချိန်တို့ပေါ့ဗျာ။

🧨 ဘာတွေထပ်သတိထားရမလဲ
ရှိသေးတာပေါ့ဗျာ
ဆိုလာဆေးရင် ဘာ tools တွေသုံးပြီးဆေးရမလဲ ?
တတ်နိုင်သမျှတော့ non conductive brush တို့၊ ကားတွေမှာသုံးတဲ့ ရေစုပ်ယူအားကောင်းပြီး ကားမှန်တွေအစင်းကြောင်းမထင်စေတဲ့ microfibers cloth တွေနဲ့လုပ်ထားတဲ့ ကြမ်းတိုက်တံ တို့နဲ့က သင့်တော်ပါတယ်။
အကောင်းဆုံးကတော့ solar ပြား cleaning အတွက်သီးသန့်ထုတ်ထားတဲ့ manual တိုက်ဆေးရတဲ့ brush တွေ၊ motor ပါလာပြီး လူကိုင်ဆေးရတဲ့ brush တွေ၊လူမပါပဲ robots နဲ့ဆေးတာတို့ပေါ့ဗျာ။

နောက်သတိထားရဦးမှာ က ပါတ်ဝန်းကျင်အပူချိန်ပါ။
ကိုယ်ဆေးမယ့်အချိန်က temperature မြင့်နေတဲ့အချိန် ဆိုရင်မဆေးသင့်ဘူးဗျ။ အကြောင်းက ဆိုလာပြားရဲ့ အပူချိန်မြင်နေတဲ့အချိန်မှာ ရေအေးနဲ့ထိသွားရင် ဆိုလာပြားရဲ့ အပေါ်ဆုံးအလွှာ tempered glass က temperature different ကြောင့် ကွဲအက်သွားနိုင်လို့ပါပဲ။ ဆိုလာပြားအပူချိန်နဲ့ ရေရဲ့အပူချိန် ကွာခြားမှုမရှိရင်တော့ အဲဒီပြဿနာမဖြစ်တော့ဘူးပေါ့ဗျာ။

⬇️ အောက်မှာ ရေဆေးပြီးဆိုလာ output အခြေအနေလေးပြထားတယ်။

✨ ဒီ post မှာကျန်နေတဲ့အချက်လေးများ မိတ်ဆွေတို့သတိပြုမိတာလေးရှိရင် မှတ်ချက်ပေးထားဖို့ တောင်းဆိုပါတယ် ခင်ဗျ။
နောက်ဆုံးက Solar cleaning services ယူမယ်ဆိုရင် booking လေးတင်ထားပေးပါ။ လုပ်ငန်းရမယ့် အချိန်လေး ညှိနှိုင်း ပေးပါမယ်ခင်ဗျ။
PH / Viber 09942848612

မင်္ဂလာပါမိတ်ဆွေတို့ရေ။
ဒီတစ်ခေါက် တော့ System relocation လေးပါ။
Customer ကအိမ်ပြောင်းတော့ solar system ပါပြောင်းရတာပေါ့။
မှတ်မိကြဦးမလား တော့မသိဘူး Bluesun set လေးတစ်စုံလေ။
Bluesun Solar,
Bluesun inverter,
Bluesun LFP Battery.
ဒီတစ်ကြိမ်တော့ Customer က Engineering Field ကမို့လားမသိ regular maintenance access အတွက် ကိုတစ်ခါတည်းဆောင်ရွက်စေတာတွေ့ရပါတယ်။