Aoi Management

အလုပ်အကိုင်များအတွက် ဝန်ဆောင်မှု မပေးနိုင်တော့ပါခင်ဗျား

မှတ်မိကြပါလိမ့်မယ်
ဂျပန်မှာ အလုပ်လုပ်ဖို့ ဘာတွေလိုအပ်ပါသလဲလို့ လာမေးရင် ဂျပန်အစိုးရက နှစ်စဉ်ထုတ်ဝေတဲ့ နိုင်ငံခြားအလုပ်အကိုင်နှင့် အလုပ်သမားလမ်းညွှန် ထဲက အချက်အလက်တွေနဲ့ မြန်မာနိုင်ငံက လမ်းညွှန်သတ်မှတ်ချက်များကိုပဲ ပြောပြတတ်ပါတယ်

အားလုံးအတွက် လေးစားခံရသော အဆင့်အတန်းတခုကို မျှော်လင့်ခဲ့ပါတယ်
အလုပ်သမားများ အနေနဲ့လည်း အရည်အချင်းသတ်မှတ်ချက်များ တင်းပြည့်ကျပ်ပြည့် ရှိနေရမည့်အပြင် စိတ်စေတနာကောင်းများ ရှိနေမယ်
အလုပ်ရှင်များကလည်း စာချုပ်ပါအချက်များအပြင် ဂရုတစိုက် စောင့်ရှောက်မယ်
ဝန်ဆောင်သူများကလည်း မေတ္တာထားပြီး ကူညီမယ် လိုပါ

ဒါပေမယ့် လုပ်သားများက ဟိုရောက်ရင် ပိုအဆင်ပြေတဲ့ အခြေအနေကို ရှာဖွေဖန်တီးဖို့ ကြံရွယ်ကြတယ်
သတ်မှတ်ချက် မပြည့်မှီတာတွေကိုလည်း အဆင်ပြေသလို ကြည့်လုပ်လိုကြတယ်
အလုပ်သမားရှာဖွေ စုဆောင်းသူများကလည်း ဂျပန်ရော မြန်မာရောက မိမိတို့ ကုမ္ပဏီ/လုပ်ငန်းစုက ဈေးကွက်စိုးမိုးနိုင်ဖို့ပဲ ကြိုးစား‌ကြတယ်
အလုပ်ရှင်များကလည်း ဈေးသက်သာတဲ့ အလုပ်သမားတွေဆီက နိမ့်ကျတဲ့ အရည်အသွေးကို မျှော်လင့်ထားကြပါတယ် လေးစားမှု အားနည်းတယ်

ကျနော်တို့ ရည်ရွယ်ထားတဲ့ လေးစားမှုနှင့် ချစ်ကြည်ရင်းနှီးမှုဆိုတာကြီးက ဘယ်သူ့အတွက်မှ မလို‌အပ်သော ဖြစ်နေပါတော့တယ်

သက်ဆိုင်ရာမှ သတ်မှတ်ချက် ပေးထားတဲ့ အချက်အလက်များနှင့် မကိုက်ညီရင် အလုပ်ဆက်မလုပ်ဘဲ ပယ်ချခဲ့ပါတယ် အားလုံးအတွက် စိတ်ညစ်စရာ ဖြစ်ခဲ့တယ်ဆို ဒီနေရာကနေပဲ ခွင့်လွှတ်ပေးပါလို့ တောင်းပန်ပါရ‌စေ

သူများမကောင်းကြောင်း ကိုယ့်ကောင်းကြောင်းပြောသလို ဖြစ်နေရင်လည်း ထပ်မံခွင့်လွှတ်ပေးကြပါဦးဗျ တကယ်ပြောချင်တာက ဒီအလုပ်အကိုင်လောကမှာ ကျနော် ဘယ်လိုတောင် ဝင်ရှုပ်နေမိသလဲဆိုတာ ပြောပြချင်တာပါဗျ

အလုပ်ဖြစ်အောင် လုပ်နိုင်မည့် နည်းလမ်း ရှိတဲ့အခါ ပြန်လည် အသိပေး ကြေငြာပါမည် ခင်ဗျား

ကျန်းမာ ချမ်းသာရှိကြပါစေ

မျိုးမြင့်သူ
(တာဝန်ခံ)

https://www.facebook.com/100064754674315/posts/858131339688681/?mibextid=lOuIew

ဟီရာ့ဂါ့နာ - အက္ခရာ | လွယ်ကူသော ဂျပန်စကား | NHK WORLD-JAPAN ဂျပန်ဘာသာရဲ့ အခြေခံ အက္ခရာတစ်မျိုးဖြစ်တဲ့ ဟီရာ့ဂါ့နာ ရေးဖတ်နည်းကို လေ့လာပါ။ ဟီရာ့ဂါ့နာ ဇယား PDF ကို အခမဲ့ ဒေါ....