MMA Mobile Phone Repair Service Center

🦋"ငွေ၏ လှည့်စားခြင်းများ"🦋
*****************

သေရင် ယူသွားလို့ မရပေမယ့်
ငွေ မရှိရင် သေတော့မည့် အတိုင်းပါပဲ။

မေတ္တာစစ်ကို ဝယ်ယူလို့ မရပေမယ့်
ငွေ မရှိရင် ဘယ်သူမှ
အနား မကပ်ချင်ကြပြန်ဘူး။

ကောင်းမွန်တဲ့ အိပ်စက်ခြင်းမျိုးကို
ငွေက မဖန်တီးပေးနိုင်ပေမယ့်
မကျန်းမာတဲ့ အချိန်မှာ
ငွေကို အလိုရှိ ရပြန်တယ်။

အတတ်ပညာ၊ အသိပညာများစွာကို
ငွေနဲ့ ဝယ်ယူလို့ မရပေမယ့်
ပညာတတ်ဖို့အတွက် ငွေကို
အသုံးပြုကြ ရပြန်တယ်။

ငွေ ရှိနေရင် လူအ က
လူတော် ဖြစ်သွားနိူင်ပေမယ့်
ငွေ မရှိရင် လူတော်တွေက
လူအ ဖြစ်သွားကြ ရပြန်တယ်။

လူတကာ ကို ခေါင်းမော့ ရင်ကော့အောင်
လုပ် မပေးနိုင်ပေမယ့်
ငွေ ကြောင့် လူတစ်ချို့ကို
ဒူးထောက်၊အောက်ကြို့လိုက်ရ ပြန်တယ်။

လူတိုင်းရဲ့ မျက်ရည်ကို
သုတ် မပေးနိုင်ပေမယ့်
ငွေ ကြောင့်ပဲ လူတစ်ချို့
မျက်ရည် ကျခဲ့ရ ပြန်တယ်။

နွေးထွေးတဲ့ မိသားစုကို
ဖန်တီး မပေးနိုင်ပေမယ့်
ငွေရဖို့ လူတစ်ချို့က
မိဘရင်ခွင်/မိသားစု အသိုက်မြုံ ကနေ
ရေခြား၊ မြေခြားအဝေးကြီးကို
ထွက်ခွာသွားကြရ ပြန်တယ်။

ငွေကြေးကြောင့်ပဲ အတ္တသမား၊
လောဘသား ဖြစ်စေတယ်။
များများ ချမ်းသာ လာတော့လဲ
အာဏာ၊ပါဝါကို မက်မောလာအောင်
စိတ်ကိုပြောင်းလဲ စေပြန်တယ်။

အာဏာ၊ပါဝါ ရထားသူကိုလည်း
သူ့အား ပြန်လည် မက်မော လာအောင်
ပြုပြင် ပြောင်းလည်း နိုင်ပြန်တယ်။

ငွေ က ဖန်ဆင်းရှင် မဟုတ်ပေမယ့်
ငွေကပဲ လူပေါင်းများစွာရဲ့ ဘဝကို
ပြုပြင် ပြောင်းလဲ ပြစ်နေတယ်။


#မူရင်းရေးသားဖော်ပြသူအားလေးစားစွာဖြင့်
ေးပါသည်

တရားကို တေးဆို ၊ အဖေကိုသားကဆဲ

ဆွေမျိုးထဲက ဓါးပြတိုက် ၊ မိုက်လျှင်သောတာပန်

မကောင်းကြံလျှင် သမာဓိ ၊ရွှေရှိမှ လူလိမ္မာ

လိမ်နိုင်မှ သစ္စာရှင် ၊ပညာရှင်ကို ပယ်၍ထား

အချစ်ဆုံးက သစ္စာပျက် ၊ရိုးသားသူကို အရူးဆို

အပျိုငယ်က လင်နေစော ၊အင်္ကျီပါးနဲ့ ဥပုသ်သည်ဇရပ်အလယ် ကို့ယို့ကားယား ၊အမျိုးသမီးကောင်းက ပိုက်ဆံရှာ

အပျိုမဖြစ်ခင်က ရည်းစားထား ၊ဆင်းရဲသားက သူဌေးယောင်ဆောင်

အဝတ်ပြောင်မှ လူရိုသေ ၊လင်ရှိမယားက အပျိုလုပ်

မသာပို့ရင်း အပျိုလှည့် ၊အလှူပေးရင်း ထမင်းရောင်း

ဆယ်နှစ်သမီးက အိမ်ထောင်ကျ ၊ဆယ်အိမ်ခေါင်းက စိတ်ကြီးဝင်

ပွဲသဘင်ပါမှ အလှူဖြစ် ၊စာမတတ်သူက တရားပြ

ဇာတ်သမားမှ လူခေါ်ချင် ၊သူတော်စင်ကို ပယ်၍ထား

ကြွေးပေးသူက ကျွန်နဲ့တူ ၊ကြွေးယူသူက သခင်ဖြစ်

မုန့်ပေးလျှင် ကျမ်းဂန်တတ် ၊ရွှေကပ်သည့်ဘုရားမှ လူရိုသေ

အဖေ အမေက ကျွန်နဲ့တူ ၊သားသမီးက သခင်ဖြစ်

ခေတ်ကြီးကိုတော့ အပြစ်ဆို ၊မိမိကိုယ်တော့ အကောင်းပြော

ဂုံံးတိုက်လျှင် ကျေးဇူးရှင် ၊ဖြောင့်မတ်လျှင် လူမသုံး

သီလယူရင်း မျက်စပစ်သူတော်ကောင်းတို့တရားပျက်ကြလေပြီ ။

*ရှေးစာဆို အတိတ်တဘောင် ပြန်လည်မျှဝေသည်။

Crd

ပြန်လည်မျှဝေလိုက်ပါတယ်ဖတ်ဖြစ်အောင်ဖတ်ပါနော်

အတွေ့အကြုံက စျေးကြီးတယ်
""""""""""""""""""""""""""""""""""""""""""
ဧရာမသင်္ဘောကြီးတစ်စင်း၏ အင်ဂျင်ပျက်သွားသည်။
မည်သူမျှ မပြုပြင်နိုင်ကြ။
ထို့ကြောင့် အတွေ့အကြုံ နှစ် ၄၀ ကျော်ရှိသော စက်ပြင်အင်ဂျင်နီယာထံ ပို့လိုက်ကြလေသည်။

စက်ပြင်ဆရာက အင်ဂျင်ကို အပေါ်ကနေ အောက်အထိ သေသေချာချာစစ်ဆေးသည်။

အားလုံးကိုစစ်ပြီးနောက် အင်ဂျင်နီယာသည် အိတ်ထဲမှ တူလေးတစ်ချောင်းကို ဆွဲထုတ်လိုက်သည်။

အင်ဂျင်စက် တစ်နေရာကို ကို ညင်သာစွာ ခေါက်လိုက်သည်။ မကြာခင်မှာ အင်ဂျင်ပြန်အသက်ဝင်လာသည်။ အားလုံးကောင်းသွားလေပြီ။

အင်ဂျင်နီယာက ဧရာမသင်္ဘောကြီးကို ပြုပြင်ရန် စုစုပေါင်းကုန်ကျစရိတ်မှာ ဒေါ်လာ 10,000 - တစ်သောင်း ဖြစ်ကြောင်း ပိုင်ရှင်ကို ပြောကြားခဲ့ပါသည်။

"ဘယ်လို....?" ဟု ပိုင်ရှင်က မကြေမနပ်နှင့် မေးသည်။

"မင်း ဘာမှ ပြင်ရတာလဲမဟုတ်ဘူ။ ငါ့ကို အသေးစိတ် ဘေလ်ရေးပေးပါ။"

စက်ပြင်ဆရာက
ဘောလ်ထဲမှာ ဤကဲ့သို့ ရေးလိုက်ပါတယ်..
- တူဖြင့် ခေါက်ခက- $2 နှစ်ဒေါ်လာ။
ဘယ်နေရာကိုခေါက်ရမယ် နှင့် ဘယ်နှစ်ချက် ခေါက်ရမယ်ဆိုတာ အတွက် ပညာကြေးက - $9,998 ( ကိုးထောင်ကိုးရာကိုးဆယ့်ရှစ်ဒေါ်လာ ) ဟူ၍ဖြစ်သည်။

သတိပြုစရာ.....

တစ်ခါတလေမှာ -
"လွယ်လွယ်လေး " နဲ့ "ဒါလေးပဲဟာ" ဆိုတဲ့ စကားလုံးတွေကို ဘေးဖယ်ထားသင့်ပါတယ်။
ပညာရှင်တယောက်ဟာ အတွေ့အကြုံနှင့် ကျွမ်းကျင်မူရရန် အများကြီး ကြိုးစားခဲ့ရပါတယ်။

(အလုပ်တစ်ခုကို မိနစ် 30 နှင့် ပြီးလျင်၊ ဤကဲ့သို့ မိနစ် 30 နဲ့ ပြီးသွားအောင် 10 နှစ်လောက် အချိန်ပေး လေ့လာ သင်ယူခဲ့ရခြင်းဖြစ်သည်။
ဒါကြောင့်ပေးရတဲ့လုပ်ခဟာ ဆယ်နှစ် လောက်လေ့လာခဲ့ရတဲ့ ပညာကြေးပါ။မိနစ် 30 ရဲ့ ကြာချိန် အတွက်မဟုတ်ပါဘူး။ )

ကျွမ်းကျင်မှုနဲ့ အတွေ့အကြုံက ဈေးကြီးပါတယ်။

ကံမကောင်းစွာပဲ၊ ကျွန်တော်တို့ဟာ အခုချိန်ထိ လူတယောက်ရဲ့ လုပ်အားခကို ကြာချိန်နဲ့ တွက်ဆနေကြတုန်းပါပဲ။

-To Original Writer
လေးစားစွာဖြင့် ပြန်လည်မျှဝေသည်.....

-MMA

နာကျင်လို့ ဆေးထည့်မယ်ဆိုရင်တောင်
လောကဓံကကြမ်းလွန်းလို့
ဘယ်ဒဏ်ရာက
ပိုနာ လည်းဆိုတာ... မမှတ်မိတော့ဘူး။

သူငယ်ချင်း
လောကမှာလေ
ဒုက္ခဆိုတာ လူတိုင်းရှိတယ်
နာကျင်မှု တွေကြားမှာပဲ
ရစ်မူးပြီး ကူမယ့်သူကို မျှော်မနေနဲ့...

ဆေးပေးလို့ ဖေးကူမယ့်သူထက်
ဆားပေးလို့ တွန်းချင်သူက ပိုများလိမ့်မယ်...။

ဒဏ်ရာဆိုတာ ဆေးထည့်ရင်ပျောက်တယ်
ဒါပေမယ့် အဲ့ဒီ ဆေးကို
မင်းကိုယ်တိုင်ဖော်မှရလိမ့်မယ်...
မင်းကိုယ်တိုင် ထူမှ
မင်းဘဝကို မင်းရပ်တည်နိူင်လိမ့်မယ်။

ဒဏ်ရာပြပြီး လောကကြီးကို
အသနားခံ မနေနဲ့
ဘဝမှာ လူတိုင်းက
ဒုက္ခကိုယ်စီနဲ့ပါ ...။

Credit