Thuzar

ကိုယ်တွေ့

#ပုရစ်

သူနဲ့မဆုံနိုင်တော့တာ
သေချာပြီးတဲ့နောက်..

သူနဲ့ပတ်သက်သမျှ
ဘာမှမသိရ မမြင်ရ
မကြားရအောင်နေတယ်

သူ့ဘဝအဆင်ပြေ
ပျော်ရွှင်နေသာပဲလို့မှတ်ယူလိုက်တယ်

သူမရှိလည်းပဲ ဘဝက ဆက်မလျှောက်လို့မှ မရတာ

ဒါကြောင့်

အတတ်နိုင်ဆုံး ကိုယ့်စိတ်ကို
ပျော်အောင်ထားတယ်

ရယ်စရာဟာသတွေကြည့်တယ်

ဖတ်ချင်တဲ့စာအုပ်တွေရှာဖတ်တယ်

သီချင်းတွေနားထောင်တယ်

အရမ်းမွန်းကြပ်လာတဲ့အခါ
စိတ်ကို တရားဓမ္မနဲ့ ထုံမွန်းလိုက်တယ်

မတတ်နိုင်တဲ့အခါ ငိုလိုက်တယ်

မနေ့ကထက် ဒီနေ့ပိုပြီး
အဓိပ္ပာယ်ရှိအောင်နေတယ်

သတိရတဲ့အခါ မင်းရှိနေတဲ့အရပ်
မေတ္တာပို့ပေးလိုက်တယ်

အဆင်မပြေရင်တောင်
ကိုယ့်ကိုယ်ကိုအားတင်းရင်း
ဆက်လျှောက်တယ်

လူတွေရဲ့စိတ်ဟာ အပြောင်းအလဲ
မြန်တတ်တယ်လို့ သိရပြီးနောက်
ခွတ့်လွတ်တတ်အောင်ပဲ
ကြိုးစားတော့တယ်

ဒီဘဝတော့ ဝေးကြပြီဆိုတဲ့
အရှိတရားကို ကြိုးစား လက်ခံ
လိုက်တော့တယ်

မထိုက်တန်လို့ ဆုံးရှုံးခဲ့ရတာတွေအတွက်
ပိုင်ဆိုင်ခွင့်ရသူကို မုဒိတာပွါးတယ်

ပျော်ရွှင်ခဲ့ဘူးတဲ့ နေ့ရက်တွေနဲ့
အမှတ်တရတွေကို ရင်ထဲမှာပဲ
တစ်သက်စာ သိမ်းထားလိုက်တော့တယ်

အရမ်းသတိရပြီး အရမ်းလွမ်းတဲ့အကြောင်းတွေ
ဘယ်သူကိုမှထုတ်ပြောမနေတော့ဘူး

မင်းအကြောင်းတွေးမိတိုင်း
ဂျက်ပင်ထိုးမထားပေမယ့်
အခုအချိန်ထိ နှလုံးသားက
ဓာတ်လိုက်နေတုန်းပဲ

ရခဲ့ဘူးတဲ့ ချစ်ခြင်းမေတ္တာဆိုတာ
အခုအချိန်ထိ ကိုယ့်အတွက်ကတော့
အိမ်မက်လိုပါပဲ

ဘာပဲဖြစ်နေနေ ခဏတာ
ပျော်စရာတွေပေးပြီး
တစ်သက်စာ ဝေဒနာတွေပေးလည်း
အချစ်ဆိုတဲ့ ဝေါဟာရကို သိစေခဲ့လို့
တစ်သက်စာကျေးဇူးတင်တယ်

ရာသီတွေ အလီလီပြောင်းပေမယ့်
မပြောင်းလည်းတာတော့ မင်းအပေါ်
ထားခဲ့တဲ့ သံယောဇဉ်တွေပါပဲ...။

ရဲမွန်ဒြာ