Interim University Council PTU

ပြည်သူလူထုအားလုံး၏ လိုလားချက်ဖြစ်သော အာဏာရှင်စနစ်ချုပ်ငြိမ်းရေးအတွက် တိုက်ပွဲဆင်နွှဲနေသည့် တော်လှန်ရေး အဖွဲ့အစည်းများအား ကြားကာလတက္ကသိုလ်ကောင်စီများက ထောက်ခံကြောင်း သဘောထားထုတ်ပြန်ချက်

နေ့စွဲ။ ။၂၀၂၃ ခုနှစ် ၊ ဒီဇင်ဘာလ (၉) ရက်။

​နွေဦးတော်လှန်ရေးတွင် လက်နက်ကိုင် တော်လှန်နေသော နိုင်ငံအဝှမ်းရှိ စစ်အာဏာရှင် စနစ်ကို တိုက်ဖျက်နေသည့် မဟာမိတ် တိုင်းရင်းသားတော်လှန်ရေးတပ်ဖွဲ့များ (EROs)၊ အမျိုးသား ညီညွတ်ရေးအစိုးရ၊ကာကွယ်ရေးဝန်ကြီးဌာန၊ ပြည်သူ့ကာကွယ်ရေးတပ်မတော် (PDFs)၊ ဒေသခံ ပြည်သူ့ကာကွယ်ရေးတပ်ဖွဲ့များ (LPDFs)များမှ ဟန်ချက်ညီညီ ဆောင်ရွက်နေခြင်း၏ ရလဒ် များ ကြောင့် ပြည်သူလူထုလိုလားချက်ဖြစ်သော စစ်အာဏာရှင်စနစ်ချုပ်ငြိမ်းရေးနှင့်ဖက်ဒရယ်ဒီမိုကရေစီ ပြည်ထောင်စုတည်ဆောက်ရေးပန်းတိုင်သို့ မုချ ရောက်ရမည်ဟု မိမိတို့ယုံကြည်ပါသည်။

သို့ဖြစ်ပါသောကြောင့် ၂၀၂၁ ခုနှစ်၊ ဖေဖော်ဝါရီလ (၁)ရက်နေ့မှစ၍ ယနေ့အချိန်ထိ ပြည်သူ လူထုနှင့်အတူ အကြမ်းဖက်စစ်အုပ်စုအား တစ်နိုင်ငံလုံးအတိုင်းအတာဖြင့် တိုက်ပွဲဆင်နွှဲ နေကြသော တော်လှန်ရေးအဖွဲ့အစည်းများနှင့် Operation ၁၀၂၇ အပါအဝင် စစ်ဆင်ရေးအားလုံးကို မိမိတို့ တက္ကသိုလ်ကောင်စီများမှ အပြည့်အဝကြိုဆိုထောက်ခံပါကြောင်းနှင့် စစ်အာဏာရှင် စနစ်ဆိုးကြောင့် စစ်ဘေးဒဏ်သင့်ဒေသများ၊ ပဋိပက္ခဇုန်များ၊ ဖွံ့ဖြိုးမှုနောက်ကျခဲ့ရသောနယ်မြေများ၏ ပညာရေး အကျိုးအတွက် မိမိတို့တက္ကသိုလ်ကောင်စီများက ဒေသခံပြည်သူများနှင့်အတူ လက်တွဲပူးပေါင်း ပါဝင် သွားမည်ဖြစ်ပါကြောင်း ထုတ်ပြန် ကြေညာအပ်ပါသည်။

ကြားကာလတက္ကသိုလ်/ဒီဂရီကောလိပ်/ကောလိပ်/သိပ္ပံကျောင်း ကောင်စီများ

ကျောင်းသားကျောင်းသူများသို့ အသိပေးကြေညာချက်
__________________________📣📣📣📣📣
နည်းပညာနှင့်နှီးနွှယ်ယာယီတက္ကသိုလ် ကောင်စီများကွန်ရက်မှ ဖော်ဆောင်နေသည့် ကြားကာလပညာရေးအစီအစဥ်များသည် ကွန်ရက်အဖွဲ့ဝင်တက္ကသိုလ်(၃၃)ခုရှိ စစ်ကျွန်ပညာရေးသပိတ်မှောက် CDM ကျောင်းသားကျောင်းသူများအတွက်သာ ဖြစ်ပါသည်။

၂၀၁၉-၂၀၂၀ ပညာသင်နှစ်ကာလ ပထမနှစ်ဝက်ဖြေဆိုနေစဥ်အတွင်း Covid 19 ကြောင့် ကျောင်းများရပ်နားခဲ့ရပြီး၊ ၂၀၂၁ခုနှစ် စစ်အာဏာသိမ်းမှုနောက်ပိုင်းတွင်လည်း စစ်ကျွန်ပညာရေးကို ဆက်လက် သပိတ်မှောက်လျက်ရှိသော CDM ကျောင်းသားကျောင်းသူများအတွက်သာ ရည်ရွယ်ဖွင့်လှစ်ခြင်းဖြစ်ပါသည်။

သို့ဖြစ်ပါ၍ လက်ရှိခေါ်ယူလျက်ရှိသော ဒုတိယအကြိမ်ဖွင့်လှစ်မည့် ပညာရေးအစီအစဉ်တွင် လျှောက်ထားကြသော CDM ကျောင်းသားကျောင်းသူများသည် ဒုတိယနှစ်ဝက်သင်ခန်းစာများကို သင်ယူလေ့လာကြမည်ဖြစ်သည်။

သက်ဆိုင်ရာ သင်တန်းနှစ်အလိုက် ဖြေဆိုရန်ကျန်ရှိနေသော ပထမနှစ်ဝက်မှ ဘာသာရပ်များနှင့်ပတ်သက်၍ ယာယီတက္ကသိုလ်ကောင်စီများနှင့် ဘာသာရပ်ဘုတ်အဖွဲ့များ ညှိနှိုင်း၍ ဆက်လက်ဆောင်ရွက်သွားမည် ဖြစ်သည်။

နည်းပညာနှင့်နှီးနွှယ်ယာယီတက္ကသိုလ်ကောင်စီများကွန်ရက်အနေဖြင့် သင်တန်းနှစ်များ စုံလင်စွာ ဖွင့်လှစ်နိုင်ရေးကြိုးပမ်းလျက်ရှိပါသည်။ ကျန်ရှိနေသောသင်တန်းနှစ်များနှင့် မေဂျာများအား နောက်အကြိမ်ခေါ်ယူမည့်အစီအစဥ်များတွင် ဖွင့်လှစ်နိုင်ရေးအတွက် အားထုတ်လျက်ရှိကြောင်း အသိပေးကြေညာအပ်ပါသည်။

#နည်းပညာနှင့်နှီးနွှယ်ယာယီတက္ကသိုလ်ကောင်စီများကွန်ရက်
'CouncilNetwork