Tech For Free

မြတ်ဘုရားနဲ့ ရေကုသိုလ်
~~~~~~~~~~~~~~
မြတ်ဘုရားကို
သောက်တော်ရေ ကပ်သူတွေများပေမယ့်
ရေသပ္ပါယ်ပေးခြင်းကိုတော့
တစ်နှစ်မှာ တစ်ခါသကြ်န်
ရက်တွေမှ ရေသပ္ပါယ်ပေး
ကြတာများ၏။
အမှန်က အဲလိုမဖြစ်သင့်ပေ။နေ့စဥ်ရေသပ္ပါယ်မပေးဖြစ်တောင်မှ တပါတ်တခါ
လောက်ဖြစ်ဖြစ် မကြာမကြာ ရေသပ္ပါယ်ပေးသင့်၏။အခုလို ပူလွန်းတဲ့
နွေရာသီမှာဆို မကြာခဏ ရေသပ္ပါယ်ပေးခြင်းဟာ
အင်မတန် ကုသိုလ်ထူး၏။
ရေသပ္ပါယ်ပေးနေစဥ်မှာ
သက်တော်ထင်ရှား မြတ်ဘုရားကို ရေသပ္ပါယ်ပေးနေတယ်လို့ စိတ်ထဲက ရည်မှန်းပြီး နံ့သာရေဖြင့်
သို့မဟုတ် ဆပ်ပြာအမွှေး
ဖြင့်ရိုသေစွာ ရေသပ္ပါယ်ပေးခြင်းဟာ ပီတိကို များစွာဖြစ်စေ၏။
စျေးထဲက ဆပ်ပြာအမွှေးအသစ်ဝယ်လာတိုင်း
ကိုယ်အရင်မသုံးပဲ
မြတ်ဘုရားရေသပ္ပါယ်ပေးရာမှာ သုံးပြီးမှ ပြန်စွန့်ပီး
ကိုယ်သုံးခြင်းအလေ့အကျင့်ပြုသင့်၏။
ထို့အတူ စျေးထဲက ပန်းသီး လိမ္မော်သီး မုန့်စသဖြင့်
စားစရာဝယ်လာတိုင်း
ကိုယ်အရင် မစားပဲ
မြတ်ဘုရားကို အရင်ကပ်ပြီးမှ ပြန်စွန့်ပီး စားခြင်းဟာ ကုသိုလ်လည်းရ ဝမ်းလည်းဝ နှစ်ဖက်လှတဲ့
အင်မတန်ကောင်းသော
အလေ့အကျင့်ဖြစ်၏။
အခြေအနေရ မိမိတို့မှာ
စေတနာရှိပေမယ့် ငွေအားမတတ်နိုင်လို့ သိန်းပေါင်းများစွာ မလှူနိုင်ခဲ့လည်း အားမငယ်ပါနဲ့။
လှူနိုင်သူတွေကို ဝမ်းသာစွာနဲ့ သာဓုခေါ်ပြီး ကုသိုလ်ယူပါ။မိမိမှာ ငွေမရှိခဲ့လည်း
ရေတော့ရှိပါတယ်။
နေ့စဥ် မြတ်ဘုရားကို
သောက်တော်ရေ ကပ်လှူခြင်း မကြာမကြာ ရေသပ္ပါယ်ပေးခြင်း
ကိုယ်မစားခင် စားဦးလေးတွေလှူခြင်းဖြင့် ယူတတ်ရင်ရတဲ့ ကုသိုလ်လေးတွေ
ကြိုးစားပြီး ယူသွားကြမယ်..