ACM commestics

ိမ်းပဲနူးညံ့ချောမွေ့တဲ့အသားအရေလေးရရှိဖို့ဆိုတာ

မိတ်ကပ် လိမ်းကျံထားခြင်းမရှိဘဲ အမျိုးသမီးတိုင်း သဘာဝလှပမှု ကိုယ်စီ ရှိကြပါတယ်။ ဒါပေမယ့် အသားအရေကို ထိန်းသိမ်းစောင့်ရှောက်ပြီး ကျန်းမာအောင် ဆောင်ရွက်ပေးဖို့တော့ အရေးကြီးပါတယ်။ Foundation မသုံးဘဲ နူးညံ့ချောမွေ့တဲ့ အသားအရေလေး ရရှိဖို့ဆိုရင်တော့ ဖော်ပြပါ နည်းလမ်းလေးတွေ လိုက်နာဖို့တော့ လိုအပ်ပါတယ်။

၁) ရေသောက်ပါ

လူသားများရဲ့ ခန္ဓာကိုယ်မှာ ရေဓာတ် ၆ဝ% ဝန်းကျင် ရှိပါတယ်။ ရေကို တစ်နေ့ ၂လီတာခန့် သောက်သုံးပေးခြင်းဟာ ကျန်းမာခြင်းကို ဖြစ်စေရုံသာမကဘဲ ကိုယ့်ရဲ့အသားအရေကိုလည်း စိုပြေစေမှာပဲ ဖြစ်ပါတယ်။ အသားအရေအတွက် လိုအပ်တဲ့ အဆီများရရှိစေဖို့ ရေအလုံအလောက်သောက်ပေးခြင်းဖြင့်လည်း ရေဓာတ်ခမ်းခြောက်ခြင်းနဲ့ ဝက်ခြံထွက်ခြင်းတို့ကို ရှောင်ရှားနိုင်မှာဖြစ်ပါတယ်။

၂) အသားအရေစိုပြေစေသော အစားအစာများ စားပါ

Anti-oxidant ကြွယ်ဝတဲ့ အစားအစာများ စားသုံးပေးခြင်းမှ ရရှိလာတဲ့ အကျိုးကျေးဇူးတွေက အများအပြားပါပဲ။ ဒီအကျိုးကျေးဇူးတွေထဲမှာ အသားအရေကြည်လင်တောက်ပစေခြင်းလည်း အပါအဝင် ဖြစ်ပါတယ်။ ဟင်းနုနွယ်၊ သံပရိုသီး၊ ဘလူးဘာ်ရီသီးများ၊ မက်မွန်သီး နဲ့ ငါးတို့ပဲ ဖြစ်ကြပါတယ်။ သင့်ရဲ့ diet plan ထဲမှာ အသီးအရွက်များကို ဖြည့်စွက်ချက်တစ်ခုအနေနဲ့ ထပ်ပေါင်းထည့်ပေးသင့်ပါတယ်။

၃) မိမိရဲ့အသားအရေအကြောင်းကို နားလည်ပါ

မိမိရဲ့ အသားအရေဟာ ဘယ်လိုအသားအရေ အမျိုးအစားဖြစ်ပြီး ဘယ်လိုတုံ့ပြန်မှုတွေ ရှိတတ်တယ်ဆိုတာကို နားလည်သဘောပေါက်ပါစေ။ ရေဓာတ်ဖြည့်ချင်တာပဲ ဖြစ်စေ၊ အဆီပြန်တဲ့ အသားအရေကို ဖယ်ရှားရှင်းလင်း ချင်တာပဲဖြစ်စေ၊ အရေးအကြောင်းတွေကို လျော့နည်းချင်တာပဲ ဖြစ်စေ မိမိရဲ့အသားအရေနဲ့ သင့်လျော် လိုက်ဖက်အဆင်ပြေစေတဲ့ ကုန်ပစ္စည်းကို ရှာဖွေသင့်ပါတယ်။

၄) Exfoliation ပြုလုပ်ပါ

Foundation အသုံးပြုရခြင်းရဲ့ အကောင်းဆုံး အချက်တွေထဲက တစ်ခုကတော့ အသားအရေကို ညီညာအောင် ဆောင်ရွက်ပေးခြင်း ဖြစ်ပါတယ်။ အသားအရေဟာ ညီညာမှု မရှိဘဲ ဟိုတစ်ကွက် ဒီတစ်ကွက်ဖြစ်နေမယ် ဆိုရင်တော့ မိတ်ကပ်နဲ့ ဖုံးအပ်ခြင်းဟာ လုပ်ဆောင်သင့်တဲ့ အချက်တစ်ခု မဟုတ်ပါဘူး။ မနက်ခင်းတိုင်းမှာ exfoliation ပြုလုပ်ပေးမယ်ဆိုရင်တော့ အသားအရေ ညီညာခြင်းကို ရရှိစေတဲ့အပြင်အသားအရေကိုလည်း နူးညံ့ချောမွေ့စေပါတယ်။

၅) skin care ပြုလုပ်ခြင်းကို နေ့စဉ် အလေ့အထတစ်ခုအနေနဲ့ ဆောင်ရွက်ပါ

မိမိရဲ့အသားအရေအတွက် အကောင်းဆုံး Cleanser ကို ရှာတွေ့ပြီဆိုရင်တော့ နေ့စဉ် အလေ့အထတစ်ခု အနေနဲ့ ဆောင်ရွက်ပေးသင့်ပါတယ်။ မနက်ခင်း အိပ်ရာထချိန်နဲ့ ညဘက် အိပ်ရာမဝင်ခင် တစ်နေ့နှစ်ကြိမ် မိမိရဲ့ အသားအရေကို cleansing လုပ်ပေးသင့်ပါတယ်။ နေ့စဉ်အလေ့အထ တစ်ခုအနေနဲ့ ပြုလုပ်ပေးခြင်းဟာ အသားအရေ ရောင်ရမ်းခြင်းကို ကာကွယ်ပေးပြီး အညစ်အကြေးများနဲ့ အမည်းကွက်တွေကို ဖြစ်စေတဲ့ အဆီပိုတွေကို ဖယ်ရှားရှင်းလင်းပေးပါတယ်


အလှအပနဲ့ ဆိုင်ရာ ဗဟုသုတ တွေကိုမျှဝေပေးမှာမို့ page ကို like&follow လေးလုပ်ထားပါရှင့်

🥰 Collagen သောက်ချင်ပေမယ့် collagen အကြောင်း သေချာမသိသေးတဲ့ သဲလေးတို့အတွက်

Collagen အကြောင်းသိကောင်းစရာ
----------------------------------------------------
🍓Collagen ဆိုသည်မှာ လူတိုင်းအတွက်
တကယ့် ကိုမရှိမဖြစ် လိုအပ်တဲ့
Protein အမျိုးအစားတစ်ခုဖြစ်ပါတယ်။

🍓မိန်းကလေးသာမက ယောကျာ်းလေးတွေပါ အသက် ၂၀ကျော်ရင် Collagen ဓာတ်ဆုံးရှုံးလို့ အသားရေနှင့် ခန္ဓာကိုယ် အရိုးအဆစ်တွေ
ပျက်စီးစေပါတယ်။

🍓ဒါအပြင် လေဒဏ် /နေဒဏ်တို့ နှင့်
အခြား chemical ပါသောပစ္စည်းများ
သုံးစွဲလိမ်းခြယ် မှုကြောင့် အသားရေဟာ
ပျက်စီးသထက် ပိုမိုပျက်စီးလာပါတယ်။
ဒါတွေကို အကောင်းထိရောက်စွာ
ပြန်လည် ပြုပြင်ပေးဖို့ Collagen ဓာတ်
ပြန်လည် ဖြည့်တင်းပေးဖို့ လိုအပ်လှပါတယ်။

🧉Collagen သောက်သုံးခြင်းဖြင့် ရလဒ်တွေကတော့..

👩‍🦰Collagenဟာ အသားရေကို တင်းရင်းကာ ကျစ်လစ်သွယ်လှ စေရုံသာမက
ကိုယ်ခန္ဓာရှိအရိုး အဆစ် Joint လေးများ
တစ်ခုစီကိုသန်မာစေပြီး ကြံ့ခိုင်စေပြီး
ဆံပင်ပျက်စီးနေခြင်း။ ဆံပင် အရှည်နှေးခြင်းတို့ကိုပါ
ထိရောက်စွာကောင်းမွန်စေပါတယ်။ဒါ့အပြင်
ဆံပင် ပျက်စီးပြီး နှစ်ခွဖြစ်ခြင်းကိုလည်း
သက်သာစေပါတယ်။

💅ဆံပင်သာမကလက်သည်း။
ခြေသည်းလေးတွေကိုပါ အားဖြည့်ပေးလို့
အမြဲပန်းရောင်သန်းပြီးကျန်းမာတဲ့
လက်သည်းလေးတွေပိုင်ဆိုင်စေပါတယ်။

👱‍♀️မျက်နှာ အသားရေပေါ်ရှိ မှဲ့ခြောက် နဲ့
အမဲစက်များကိုလည်း သိသိသာသာ ပျောက်ကင်းလာစေပြီး ဝင်းမွတ်ဖြူစင်လာစေပါတယ်။
နေလောင်လို့ အသားရေ မညီညာခြင်း နှင့်
အသက်အရွယ်ကြောင့် ဖြစ်ပေါ်လာသော အရေးအကြောင်းများနှင့် အိပ်ရေး ပျက်ခြင်းကြောင့်
မျက်ကွင်းညိုခြင်းတို့ကိုပါ ပျောက်ကင်းစေပါတယ်။

🍓Collagen သောက်သုံးခြင်းဟာ
Plastic Surgery လုပ်သလိုပင် အသားရေကိုတင်းရင်းလှပစေ နိုင်သောတစ်ခုတည်းသော အန္တရာယ်ကင်းလှတဲ့ နည်းလမ်းတစ်ခုပါ
အသားရေတင်းရင်းလာတဲ့ အတွက်
မျက်နှာ မေးရိုးရှိ ကြွက်သားများတင်းရင်း လို့
ပိုမို နုပျိုလှပသော V-Shape မျက်နှာ
အနေအထား ကို ရရှိစေပါတယ်။

🌺Collagen ကို အခြား မိမိစားသုံးသော အစားအစာ / အဖျော်ရည် တို့နှင့်လည်း
တွဲဖက်စားသောက် နိုင်လို့ အချိန်ပေးပြီး
သောက်စရာမလိုပါဘူး။

⏰ဘယ်အချိန်တွေ သောက်ရင်
ပိုသင့်တော်မလဲ❓
----------------------------------------------------

💥Collagen ဟာ အသားရေကောင်းမွန်
လှပဖို့ သာမက ကျန်းမာရေးကိုလည်း
အထောက်အကူပြုလို့ နေ့ ။ည အချိန်မရွေး
သောက်သုံးနိုင်ပါတယ်
မနက်ပိုင်း အစာနဲ့အတူ သောက်ခြင်းဖြင့်
ကျန်းမာသန်စွမ်း ပြီး တစ်နေ့လုံး လန်းဆန်း
တတ်ကြွမှုရှိစေပါတယ်။

💥ညပိုင်းအိပ်ခါနီး အစာစားပြီး
သောက်ရင်တော့ တစ်ညလုံး မျက်နှာ နှင့့်
ကိုယ်ခန္ဓာအသား အတွက်အထိရောက်ဆုံး
ပြုပြင်ပေးလို့ မနက်မိုးလင်းတာနဲ့
ကြည်လင် ဝင်းမွတ်နေတဲ့ အသားလေးကို
ရရှိစေမှာပါ။

💥 လစဉ် ပုံမှန် Collagen သောက်တဲ့သူတိုင်းအမြဲနုပျိုကျန်းမာနေရုံသာမက အစဉ်လန်းဆန်းတက်ကြွ နေလို့ နဂိုရှိရင်းစွဲအသက်ထက်
၁၀နှစ်နီးပါးငယ်ရွယ်နုပျိုနေသလို
ထင်ဟပ်စေပါတယ်။

💥ဒါကြောင့် Collagen ကို အသက် ၂၀ ကျော်မှ စပြီး လစဉ် သောက်သုံးသွားမယ် ဆိုရင်
စိုပြေ တင်းရင်းသော အသားရေကို
အမြဲ ပိုင်ဆိုင်နိုင်မှာ ဖြစ်လို့ သောက်ဖို့
အကြံပေးလိုက်ပါတယ်နော်

💓Collagenက စွဲသောက်သင့်လား ???🤔

အနဲဆုံး ၃လလောက် သောက်ပေးသင့်ပါတယ်။ ၃လပြီးရင် ၂လလောက်ခြား ပြန်သောက်
အဲ့လိုလုပ်ပေးရပါမယ် ၃လလောက်သောက် ပြီးရင်တော်တော်သိသာသွားပါပြီ ၂လလောက် ကြာတဲ့ထိ အသားအရည်လှနေမှာပါရှင့်

💦💦Scrub လုပ်တိုင်း ကောင်းသလား…????

😊အသားအရေကို ကြည်လင်စေဖို့ Scrub လုပ်ကြတယ်နော်။ Scrub လုပ်တာက အရေပြားပေါ်က ဆဲလ်သေတွေကို အထိရောက်ဆုံး ဖယ်ရှားနိုင်တဲ့ နည်းလမ်းတစ်ခုပါ။ 💦💦ဒါပေမယ့် Scrub ကို နည်းစနစ် မှန်မှန်လေး လုပ်တတ်မှလည်း အသားအရေက ကျန်းမာကြည်လင်မယ်ဆိုတာ မမေ့ပါနဲ့။

💦💦Scrub လုပ်တာ အသားအရေကို ဘယ်လို အထောက်အကူပြုလဲ

အသားအရေကို ပုံမှန် Scrub လုပ်တာက အရေပြားပေါ်က ဆဲလ်သေတွေကို အထိရောက်ဆုံး ဖယ်ရှားနိုင်မှာပါ။ ဆဲလ်သေတွေက အရေပြားပေါ်မှာ အလွှာတစ်ခုအနေနဲ့ ရှိနေကြပြီး အရေပြားရဲ့ အာဟာရစုပ်ယူနိုင်စွမ်းကို အဟန့်အတားဖြစ်စေနေပါတယ်။

ဆဲလ်သေတွေ အရေပြားပေါ်မှာ များလာတဲ့အခါ အသားအရေက ရေဓာတ်မပြည့်ဝတာ၊ အရွယ်မတိုင်ခင် အိုမင်းတာတွေ ဖြစ်လာနိုင်သလို အရေပြား ပိုးဝင်ကူးစက်လွယ်တာမျိုး ဖြစ်လာနိုင်ပါတယ်။

အရေပြား အပေါ်ယံလွှာ ကျန်းမာဖို့က အရေးကြီးပါတယ်။ ဒီလိုပြောရတာက အရေပြား အပေါ်ယံလွှာက ခန္ဓာကိုယ်ရဲ့ ရှေ့တန်းခံတပ်ပါ။ အရေပြားက အသက်အရွယ် ကြီးရင့်လာတာနဲ့အမျှ ခံနိုင်ရည် နည်းလာပါတယ်။ ဒီလိုအခြေအနေမှာ အရေပြားက လိုအပ်တဲ့ အာဟာရတွေ စုပ်ယူနိုင်စေဖို့ အရေပြားကို သေချာလေး Scrub လုပ်ဖို့ လိုပါမယ်။

💦အရေပြားကို Scrub လုပ်တဲ့အခါ အသားအရေက

ချောမွေ့မယ်

နူးညံ့မယ်

အာဟာရစုပ်ယူမှု ကောင်းမယ်

သက်တောင့်သက်သာ ရှိမယ်

ချွေးပေါက်တွေ ပွင့်မယ်

အစိုဓာတ် ထိန်းပေးတယ် စတဲ့ အသားအရေကို အထောက်အကူပြုနိုင်တဲ့ အကျိုးကျေးဇူးကောင်း များစွာကို ရရှိစေနိုင်ပါတယ်။

💦💦Scrub လုပ်တိုင်းကောင်းရဲ့လား……….

Scrub က တစ်ပတ်ကို နှစ်ကြိမ်ဆိုတာက အများဆုံး လုပ်သင့်တဲ့အကြိမ်ပါ။ အသားကြည်တယ်ဆိုပြီး နေ့တိုင်းလုပ်တာက အသားအရေ ကြည်လင် ကျန်းမာစေဖို့ထက် အသားအရေကို ထိခိုက်စေဖို့ ပိုဖြစ်စေနိုင်ပါတယ်။

💦နောက်တစ်ချက် သတိထားရမှာက Scrub လုပ်ပြီးတိုင်း အသားအရေကို ပြန်လည် ရေဓာတ်ဖြည့်ဖို့ပါ။ ဒါမှ ဘေးကင်းပြီး အသားအရေကို ကျန်းမာစေနိုင်တဲ့ Scrub လေးဖြစ်တော့မှာပါ။ Scrub လုပ်တဲ့အခါမှာလည်း သဘာဝ ပစ္စည်းတွေနဲ့ လုပ်တဲ့ Scrub ရှိသလို ဓာတုပစ္စည်းတွေ ပါဝင်နေတဲ့ Scrub တွေလည်းရှိပါတယ်။ ဘယ်လို Scrub အမျိုးအစားဖြစ်ဖြစ် တစ်ပတ်ကို အနည်းဆုံး တစ်ကြိမ် အများဆုံး ၂ ကြိမ်က အလွန်ဆုံးပါ။ ဓာတုပစ္စည်းတွေပါဝင်တဲ့ Scrub တွေဆိုရင် တစ်ပတ်ကို တစ်ကြိမ် သူတို့ညွှန်တဲ့ အညွှန်းအတိုင်း လုပ်တာ အဆင်အပြေဆုံးပါ။

💦💦Scrub လုပ်တာက အရေပြားပေါ်က ဆဲလ်သေတွေကို ဖယ်ရှားရာရောက်သလို ချွေးပေါက်တွေကို ပွင့်စေပြီး အသားအရေကို ကြည်လင်စေမှာပါ။ အသားအရေကို လိုအပ်တဲ့ အာဟာရတွေကို အကောင်းဆုံး စုပ်ယူနိုင်အောင် ထောက်ပံ့ပေးမှာ ဖြစ်တာကြောင့် အသားအရေကို ကျန်းမာစေမှာပါ။ 💦💦ဒါပေမယ့် ထပ်တစ်ခေါက်ပြောချင်တာက အသားအရေ ထိခိုက်မှုကင်းစေဖို့ တစ်ပတ်ကို ၂ ကြိမ်ထက်ပိုပြီး Scrub မလုပ်ကြပါနဲ့။

💦💦💦Scrub ကို လိုတာထက် ပိုလုပ်မိတဲ့အခါ

Scrub လုပ်တာက အသားအရေအတွက် အထောက်အကူပြုတယ် မှန်ပေမယ့် လိုတာထက် ပိုလုပ်မိတဲ့အခါ အရေပြားက ခံနိုင်ရည် နည်းသွားတာမျိုးဖြစ်နိုင်ပါတယ်။ ခန္ဓာကိုယ်ရဲ့ ရှေ့တန်းခံတပ်ဖြစ်တဲ့ အရေပြားကို ထိခိုက်စေမှာပါ။ တန်ဆေး လွန်ဘေးဆိုတဲ့အတိုင်း Scrub ကို အသားဖြူချင်ဇောနဲ့ နေ့တိုင်းနီးပါး လုပ်နေမယ်ဆိုရင်

အရေပြား ပါးတာ

အသားအရေ လောင်တာ

အရေပြား နီမြန်းတာ

စပ်ဖျဉ်းဖျဉ်း ဖြစ်တာ

ခြောက်သွေ့တာ

အဖက်တွေ ကွာတာ

အရွယ်မတိုင်ခင် အိုမင်းတာ

ဝက်ခြံတွေ ထွက်တာ

ရှိပြီးသား ဝက်ခြံတွေ ပိုဆိုးလာတာ

💦💦အရေပြား ပိုးဝင်ကူးစက်တာ လိုမျိုး အရေပြားပြဿနာတွေ ဖြစ်လာနိုင်သလို အသားအရောင် ပြောင်းတာ၊ အမဲကွက်တွေ ဖြစ်တာလိုမျိုး ပြင်းထန်တဲ့ အရေပြား ထိခိုက်မှုတွေကို ဖြစ်စေနိုင်ပါတယ်။

ဒါကြောင့် ကျန်းမာတဲ့ အသားအရေကို ပိုင်ဆိုင်ချင်တယ်ဆိုရင် တစ်ပတ်ကို တစ်ကြိမ် ဒါမှမဟုတ် နှစ်ကြိမ်သာ Scrub လုပ်ပါ။ Scrub လုပ်တဲ့အခါ လက်ချောင်းထိပ်လေးတွေ သုံးလို့ ခပ်ဖွဖွလေး နှိပ်နယ်ပေးပါ။ ကြမ်းကြမ်းတမ်းတမ်း ပွတ်တာမျိုး မလုပ်ပါနဲ့။ Scrub လုပ်ပြီးတိုင်း အစိုဓာတ်ထိန်းခရင်မ် လိမ်းပေးဖို့ သတိရပါ။
😊သိပြီဆိုတော့ ဆောင်စရာရှိတာ ဆောင်ပြီး ရှောင်စရာရှိတာရှောင်ကြမယ်နော်

photo crd #