TRI STAR

၉ နှစ်တာခရီး
Founder တယောက်ရဲ့ရင်တွင်းစကား

ယခု ဧပြီလ ကျွန်မတို့အဖွဲ့ကို တည်ထောင်ခဲ့တာ ၉ နှစ်ပြည့်ပါပြီ။
ဒီ ၉ နှစ်တာခရီးကို ပြန်ကြည့်လိုက်ရင် လွယ်ကူခဲ့တာတော့ မဟုတ်ခဲ့ပါဘူး။ အစမှာတော့ volunteer တွေနဲ့ပဲ စခဲ့ကြတယ်။ တချို့အလုပ်တွေကို volunteer fees လောက်ပဲ ရခဲ့ကြပေမယ့် မြေပြင်မှာ အကူအညီလိုအပ်နေတဲ့ လူတွေကို ကူညီပေးနိုင်တာနဲ့တင် ကျွန်မတို့အတွက် အဓိပ္ပာယ်ရှိခဲ့ပါတယ်။
ဒီအဖွဲ့​လေးနာမည်တစ်လုံးနဲ့ ရပ်တည်နိုင်ဖို့ အချိန်၊အင်အားနဲ့ စိတ်ဓာတ်တွေအများကြီးပေးပြီး ရုန်းကန်ခဲ့ရပါတယ်။ တခါတလေ အခက်အခဲတွေကြုံခဲ့ရတယ်၊ တခါတလေ မျှော်လင့်ချက်တွေ လျော့နည်းသွားတဲ့အချိန်တွေလည်း ရှိခဲ့ပါတယ်။ ဒါပေမယ့် လိုအပ်နေတဲ့လူတွေဘေးမှာ ရပ်တည်ပေးချင်တဲ့စိတ် က ကျွန်မတို့ကို ရှေ့ဆက်နိုင်အောင် လှုံ့ဆော်ပေးခဲ့ပါတယ်။
နှစ်တွေကြာလာတဲ့အခါ ကျွန်မတို့ရဲ့ ကြိုးစားမှုနဲ့ စေတနာကို လူတွေ မြင်လာကြတယ်။ Donor တွေလည်း ယုံကြည်လာကြတယ်။ Project တွေရလာတယ်။ အဖွဲ့ကိုတိုးချဲ့ဖို့ ဝန်ထမ်းတွေခန့်အပ်ရတဲ့အဆင့်ကိုလည်း ရောက်လာခဲ့ပါတယ်။
ဒါပေမယ့် တခါတလေ ဝမ်းနည်းစရာတခုရှိပါတယ်။
ဒီအဖွဲ့ကို ဘာကြောင့် စတင်ခဲ့တယ်ဆိုတဲ့ အဓိပ္ပာယ်ကို လူတိုင်း မနားလည်နိုင်တဲ့အချိန်တွေရှိပါတယ်။
Social Work ဆိုတာ အလုပ်တစ်ခုထက်ပိုပါတယ်။
ဒါဟာ လူတွေဘဝအခက်အခဲတွေကြားမှာ မင်းတစ်ယောက်တည်းမဟုတ်ဘူး လို့ ပြောပေးနိုင်တဲ့ အလုပ်ပါ။
ဒီအဖွဲ့ကို တည်ထောင်ခဲ့တဲ့ရည်ရွယ်ချက်က ပိုက်ဆံရှာဖို့ မဟုတ်ပါဘူး။
လိုအပ်နေတဲ့ လူတွေဘေးမှာ ရပ်တည်ပေးဖို့ပါ။
၉ နှစ်ဆိုတဲ့အချိန်ဟာ ကျွန်မတို့အတွက် ဂုဏ်ယူစရာလည်းဖြစ်သလို တာဝန်ကြီးတစ်ခုလည်း ဖြစ်ပါတယ်။ ဒီအဖွဲ့ရဲ့တန်ဖိုးနဲ့ ရည်ရွယ်ချက်ကို နားလည်တဲ့သူတွေနဲ့အတူ ရှေ့ဆက်သွားချင်ပါတယ်။
ဒီခရီးမှာ ကျွန်မတို့ကို ယုံကြည်ပြီး လက်တွဲခဲ့ကြတဲ့ မိတ်ဖက်များ၊ donor များ၊ မိတ်ဆွေများနဲ့ အသိုင်းအဝိုင်းအားလုံးကို ကျေးဇူးတင်ပါတယ်။
ရှေ့ဆက်လမ်းကလည်း လွယ်ကူမယ် မဟုတ်ပေမယ့်
ကျွန်မတို့ရဲ့ ရည်ရွယ်ချက်ကိုမသွေဖီပဲ ဆက်လက်လျှောက်လှမ်းသွားနေဦး
မှာပါ။

@ :ဒီလိုအမျိုးသမီးဖြစ်နေပါစေ..
1 . ဘယ်လောက်ပဲ နာကျင်ပါစေ၊ ဘယ်တော့မှ အရှုံးမပေးဘဲ အမြဲတမ်း ပြန်ထနိုင်တဲ့ အမျိုးသမီးတစ်ယောက်ဖြစ်ပါစေ။
2. အမြဲတမ်း မိမိကိုယ်မိမိ အခြားသူများထက် ပိုချစ်သော အမျိုးသမီးဖြစ်ပါစေ။
3.ဘယ်နှစ်ခါကျရှုံးနေပါစေ ပြန်စဖို့မကြောက်တဲ့ အမျိုးသမီးတစ်ယောက်ဖြစ်ပါစေ။
4. အထီးကျန်မှုကြောင့်မဟုတ်ပဲ မိမိကို တန်ဖိုးထားသူနဲ့သာ အတူရှိနေရန် ရွေးချယ်သော အမျိုးသမီးဖြစ်ပါ စေ။
5.ကိုယ်မဟုတ်တဲ့အရာတွေကို ငြင်းပယ်ရဲတဲ့ အမျိုးသမီးတစ်ယောက်ဖြစ်လာတဲ့အထိနေပါ။
6.ကိုယ့်ကိုယ်ကို ဂရုစိုက်နိုင်လောက်အောင် သန်မာပြီး သူတပါးကို ပွေ့ဖက်နိုင်လောက်တဲ့အထိ နူးညံ့သိမ်မွေ့ သော အမျိုးသမီးတစ်ယောက်ဖြစ်ပါစေ။
7.အပြုံးရဲ့နောက်ကွယ်မှာ မျက်ရည်တွေကို ဘယ်လိုထိန်းထားရမလဲဆိုတာ သိတဲ့ အမျိုးသမီးတစ်ယောက်ဖြစ် နေပါစေ၊
8. မိမိကိုယ်မိမိ အမြဲတိုးတက်နေစေပြီး တစ်နေရာတည်းမှာပဲရပ်မ နေပဲ မရပ်မနားတိုးတက်ဖို့ကြိုးစားနေတဲ့အမျိုးသမီးတစ်ဦးဖြစ်နေပါစေ။
9.ပြီးပြည့်စုံမှုမရှိရင်တောင်မှ ယုံကြည်မှုအပြည့်ရှိတဲ့ အမျိုးသမီးတစ်ယောက်ဖြစ်ပါစေ။
10 .အပြင် အပေါ်ယံတင်မဟုတ်ပဲ အတွင်းထဲကပါ လှပတဲ့ အမျိုးသမီးတစ်ယောက်ဖြစ်ပါစေ။
11.ကိုယ့်ကိုယ်ကို ဘယ်သူနဲ့မှ မနှိုင်းယှဥ်တတ်တဲ့ အမျိုးသမီးတစ်ယောက်ဖြစ်ပါစေ။
12.မိမိတန်ဖိုးဘယ်သူကမှ တန်ဖိုးမထားရင်တောင်မှ သင်ဟာ မိမိတန်ဖိုးကိုယ်မြင်တတ်တဲ့ အမျိုးသမီးတစ်ယောက် ဖြစ်လာတဲ့အထိ နေပါ။
13.သင့်ခန္ဓာကိုယ်က အဖိုးတန်တာကြောင့် သင့်ကျန်းမာရေးကို ဂရုစိုက်တဲ့ အမျိုးသမီးတစ်ယောက်ဖြစ်ပါစေ။
14.သင့်ခံစားချက်တွေကို ထိခိုက်စေတဲ့အရာတွေကို "No" လို့ပြောရဲတဲ့ အမျိုးသမီးဖြစ်လာတဲ့အထိ နေပါ။
15. ငွေရှာတော်ပြီး ငွေကြေးကို သေချာစွာ စီမံခန့်ခွဲနိုင်သော အမျိုးသမီးတစ်ဦးဖြစ်ပါစေ။
16. ကိုယ့်ရဲ့အိမ်မက်တွေခံစားချက်တွေအတွက် ရိုးသားစွာအလုပ်လုပ်တဲ့ အမျိုးသမီးတစ်ယောက်ဖြစ်ပါ စေ။
17.အသစ်အဆန်းတွေကို သင်ယူဖို့ မကြောက်တဲ့ အမျိုးသမီးတစ်ယောက်ဖြစ်ပါစေ။
18.ကိုယ့်အနားမှာဘယ်သူမှမရှိလည်း တစ်ယောက်တည်း ဦးဆောင်ထားနိုင်လောက်အောင် သန်မာတဲ့ အမျိုးသမီးတစ်ယောက်ဖြစ်ပါစေ။
19.သင့်ရဲ့ ဟန်ဆောင်မှုကြောင့်မဟုတ်ဘဲ သင့်ရဲ့ရိုးသားမှုကြောင့် ချစ်စရာကောင်းတဲ့ မိန်းကလေးတစ်ယောက်ဖြစ်ပါစေ။
20.ခက်ခဲတဲ့နေ့ရက်တွေမှာလည်းပြုံးပြနိုင်တဲ့ အမျိုးသမီးတစ်ယောက်ဖြစ်ပါစေ။
21.ပိုကောင်းတဲ့ အရာတွေကို ဆုပ်ကိုင်ထားနိုင်ဖို့ အတွက် မမှန်ကန်တဲ့အရာတွေကို စွန့်လွှတ်ရဲတဲ့ အမျိုးသမီးတစ်ယောက်ဖြစ်ပါစေ။
22.တခြားသူတွေအတွက်ထက် သင့်ကိုယ်သင်အတွက်ကတိတွေကို ပိုစောင့်ထိန်းတဲ့ အမျိုးသမီးတစ်ယောက်ဖြစ်ပါစေ။

🌂☂🌂☂🌂☂ မိုးရာသီအတွက်လူတိုင်း၊အိမ်

တိုင်းအလိုအပ်ဆုံးအရာ🌂☂🌂☂🌂☂

💞💙 " မိတ်ဆွေတို့နဲ့အတူရှိနေတယ်နော် " 💙💕

အမြဲအတူရှိနေသော ❣❣ TRI STAR ❣❣

ချမ်းေအးသာစံ​မြို့နယ်ဒေး​ဝန်းအနောက်
(ထင်းဝင်းရပ်ကွက်) ရှိငလျင်ဘေးသင့်အိမ်ထောင်စု (၄၃)စုအတွက်

၁။ဆန်
၂။ဆီ
၃။ကုလားပဲ
၄။​ခြင်ဆေး
၅။လက်ဖက် + ပဲကြော်
၆။သီးစုံဓာတ်ဆား
၇။ကိုယ်တိုက်ဆပ်ပြာခဲ
၈။ဆပ်ပြာမှုန့်
၉။ ခေါက်ဆွဲခြောက်
၁၀။အသင့်စားငပိဘူး
၁၁။ဖော့ဖျာ

တို့ကိုအလှူရှင်များကိုယ်စားသွားရောက်လှူဒါန်းပေးခဲ့ပါသည်။

💛💛💛အလှူရှင်များလည်းထပ်တူဝမ်းသာပီတိဖြစ်​နိုင်ကြပါစေ💛💛💛

💚💚💚ဒီထပ်မကလှူဒါန်မှုများပြုလုပ်နိုင်ပါစေ၊စိတ်နှလုံးရွှင်လန်းချ​မ်းမြေ့ပါစေလို့ဆုမွန်ကောင်းများတောင်းဆုပြုပါတယ်💚💚💚

မန္တလေး ( ၇ ) မြို့နယ် အတွင်း မှာ နေထိုင်ကြသော ငလျင်ဘေးသင့် အိမ်ထောင်စု (၁၈၂)စု အတွက်
၁။ ဆန်
၂။ဆီ
၃။ကုလားပဲ
၄။ခေါက်ဆွဲခြောက်
၅။လက်ဖက် + ပဲကြော်
၆။ကိုယ်တိုက်ဆပ်ပြာခဲ
၇။ဆပ်ပြာမှုန့်
၈။သီးစုံဓာတ်ဆား
၉။အမျိုးသမီးလစဥ်သုံး
၁၀။အသင့်စားငပိဘူး
၁၁။ခြင်ဆေး တို့ကို အလှူရှင်များကိုယ်စား သွားရောက်လှူဒါန်ခဲ့ပါသည်။

နေရာအစုံမှလူများကို အနီးဆုံးနေရာ၊နေထိုင်နေ
သည့်အိမ်ရှေ့သို့သွားရောက်ခဲ့ရသည့်အတွက် မတူညီ​ေသာအခက်ခဲမျိုးစုံကို ကိုယ်တိုင်မျက်​မြင်တွေကြုံခဲ့ရသည့်အတွက်လည်းထပ်တူစိတ်မကောင်းဖြစ်ခဲ့ရပါတယ်။

💗💗💗 အမြဲတမ်းထပ်တူခံစားပေးပြီးအတူတူရှိနေတယ်ဆိုတဲ့စိတ်ခံစားချက်လေးတွေရရှိစေရန်ရည်ရွယ်ပြီး TRI STAR အဖွဲ့သားများမှစီစဥ်ဆောင်ရွက်ခဲ့သည်မှာလည်းအစီစဥ်ကောင်းတစ်ခုဖြစ်ခဲ့သည့်အတွက်ဝမ်းသာပီတိဖြစ်ရပါတယ်💗💗

💕💕💕အလှူရှင်များကိုလည်းအထူးပင်ကျေးဇူးတင်ရှိပါတယ်ဒီထပ်မကတိုးပွားလှူဒါန်းနိုင်ပါစေ၊စိတ်နှလုံးရွှင်လန်းချမ်းမြေ့ကြပါစေလို့ဆုမွန်ကောင်းတောင်းပေးလိုက်ပါတယ်💕💕💕