Nebwin Tour

“ပြိုင်မယ်ဆိုရင် ခိုညည်း ညည်းလို့မရဘူး” — ရောင်းမကောင်းဘူးလို့ ညည်းနေသူတွေ ဖတ်ဖို့ အမှန်တရား

အချို့သူတွေက Product ရောင်းမကောင်းတာနဲ့ ပတ်သက်ပြီး...
“မရဘူး၊ လူတွေ မဝယ်ဘူး၊ Marketing လုပ်ရတာ မလွယ်ဘူး၊ အခြေအနေက မကောင်းဘူး” လို့ အမြဲ ညည်းတွားနေကြတယ်။

ဒါပေမဲ့ အမှန်တရားတစ်ခုရှိပါတယ်။
“ပြိုင်ပွဲထဲဝင်ပြီး ပြိုင်မယ်ဆိုရင်**ခိုညည်း ညည်း**နေလို့ မအောင်မြင်နိုင်ပါဘူး”

ရောင်းမကောင်းတာဟာ ကံတရားကြောင့်မဟုတ်ဘဲ ပျော်မွေ့နေတဲ့ "ဆင်ခြေ" (Excuses) တွေနဲ့ လက်ရှိ Mindset ကြောင့်သာ ဖြစ်ပါတယ်။

---

💡 ဘာကြောင့် အလုပ်မဖြစ်တာလဲ?

၁။ Excuse = Progress Killer (ဆင်ခြေက တိုးတက်မှုကို သတ်တာ)
"Facebook မှာ Reach မရဘူး၊ Ad ပေးတာ အလကားပဲ" လို့ ငြီးနေမယ့်အစား...
ကိုယ်ပို့လိုက်တဲ့ Message က မှန်ရဲ့လား? Target Audience က မှန်ရဲ့လား? ဒါကို Optimize လုပ်ဖို့ ကြိုးစားခဲ့ရဲ့လား? ကိုယ့်ရဲ့ကြော်ငြာတွေကဆွဲဆောင်မှုရှိရဲ့လား ။ " ဆိုတာ အရင်ပြန်မေးပါ။

၂။ Action vs. Reaction
ရောင်းချင်ရင် ပြိုင်ဘက်တွေ ဘာလုပ်နေလဲ ကြည့်ရုံနဲ့မပြီးဘူး၊ အချက်အလက် (Data) ကို ကြည့်ရမယ်။ အောင်မြင်နေသူတွေဆီမှာ Strategy + Ex*****on + Timing ဆိုတဲ့ ညီမျှခြင်းတစ်ခု အမြဲရှိပါတယ်။

၃။ Mindset Shift (အတွေးအခေါ် ပြောင်းလဲခြင်း)
“မရဘူး” ဆိုတာ စိတ်ကူးယဉ်စကား မဟုတ်ပါဘူး။ ကိုယ်တိုင်က "ငါမလုပ်နိုင်ဘူး" လို့ သတ်မှတ်ထားတဲ့ Perception သာ ဖြစ်ပါတယ်။ အောင်မြင်တဲ့လုပ်ငန်းရှင်တွေဟာ "ဘာလို့မရတာလဲ" လို့ မမေးဘဲ "ဘယ်လိုလုပ်ရင် ရမလဲ" လို့ပဲ မေးကြပါတယ်။

---

“ခိုညည်း ညည်းနေရုံနဲ့တော့ ဘာမှဖြစ်မလာပါဘူး။”
Strategy + Ex*****on + Consistency ဒီသုံးခု ပေါင်းစပ်နိုင်မှသာ ရလဒ်ထွက်မှာပါ။

ဆင်ခြေတွေကြားမှာ ဆက်နေမှာလား? ဒါမှမဟုတ် အခုပဲ ပြောင်းလဲတော့မှာလား?

"ဆက်ဆံရခက်ခဲတဲ့ Customer" တွေ နဲ့ကြုံတွေ့ရတဲ့အခါ …..
ကျွန်တော်တို့ လုပ်ငန်းလုပ်တဲ့အခါ ငွေကြေးအကျိုးအမြတ်တင်မကဘဲ Mental Energy စီမံခန့်ခွဲမှုလည်း ပါဝင်ပါတယ်။ ဆက်ဆံရခက်တဲ့ Customer တစ်ယောက်ကို အနိုင်ယူဖို့ မကြိုးစားပါနဲ့။ ကိုယ့်ရဲ့ Professional Standard ကို မကျအောင် ထိန်းထားနိုင်ခြင်းကသာ အစစ်အမှန် အောင်မြင်မှုပါ။

Customer တိုင်းနဲ့ စိတ်သဘောထားချင်း တိုက်ဆိုင်မှာမဟုတ်သလို၊ အမြဲတမ်းလည်း ပြေပြစ်နေမှာ မဟုတ်ပါဘူး။ တချို့က စကားအပြောအဆို ကြမ်းတမ်းတတ်တယ်၊ တစ်ဖက်သားအပေါ် လေးစားမှု အားနည်းတတ်ကြပါတယ်။ အတော်များများ အဆင်မပြေနေကျတဲ့ ဒီလိုအခြေနေမျိုးဆိုပိုဆိုးပါတယ် ။

ဒါပေမဲ့ Professional တစ်ယောက်အနေနဲ့ ကိုယ့်ရဲ့ Reaction ကို ထိန်းချုပ်နိုင်ဖို့က အရေးကြီးပါတယ်။

ကျွန်တော်နောက်ပိုင်းအတွေ့အကြုံဲတွေရကျင့်သုံးမိတဲ့နည်းလမ်းထဲမှာအကောင်းဆုံးနည်းကတော့
Clear Rule ချလိုက်တာပါပဲ ။ ဆိုပါစို့ Pacakge ရောင်းတဲ့အခါ အစကတည်းက ကျွန်တော်တို့ဖက်က ဒါမျိုးလေးတော့ လုပ်ပေးလို့ရပါတယ် ။ Rule ရဲ့အပြင်ဖက်ကိုကျော်လာတဲ့ကိစ္စမျိုးဆိုရင်တော့မရတဲ့အကြောင်း လုပ်ငန်းစမလုပ်ခင်ကတည်းက သေချာရှင်းပြပါတယ် ။

အချို့အခြေနေတွေ ကိုယ်တိုင်ကစိတ်ခံစားမှုမကောင်းနေတာမျိုးကျရင် တဖက်ကဘာပြောပြော Don’t take it personally ပါပဲ။ ကိုယ့်စိတ်ခံစားမှုထက် လုပ်ငန်းမျက်နှာကြည့်လိုက်တာပိုကောင်းတယ် ။ ရပ်တည်နေတာကိုယ်တစ်ယောက်တည်းမဟုတ်ဘဲ Brand အပြင် လုပ်ငန်းမှာ မှီခိုနေတဲ့သူတွေရဲ့မျက်နှာပါကြည့်ဖို့လိုအပ်ပါတယ် ။

နောက်ဆုံးတစ်ခုကတော့ Professional Boundary ထားဖို့ပါပဲ။ Customer ဆိုတိုင်း ဘာမဆို ခံရမယ်လို့ မဆိုလိုပါဘူး။ လေးစားမှုမရှိတဲ့ အပြုအမူတွေအတွက် ကိုယ့်ဖက်က ယဥ်ယဥ်ကျေးကျေးတုံ့ပြန်တာအပြင် ပြတ်သားတဲ့ Boundary တစ်ခု ထားရှိဖို့ လိုပါတယ်။ ကိုယ့်ရဲ့ ဂုဏ်သိက္ခာကို Professional ကျကျ ကာကွယ်ပါ။

"No" ကို Professional ပီသစွာ ပြောတတ်ပါစေ

လိုက်လျောပေးလို့ မရတဲ့အရာတွေကို ငြင်းဆိုတဲ့အခါ:
- Soft Tone: နူးညံ့တဲ့ လေသံသုံးပါ။
- Clear Reason: ခိုင်လုံတဲ့ အကြောင်းပြချက် ပေးပါ။
- No Argument: ငြင်းခုံခြင်းကို ရှောင်ကြဉ်ပါ။
ဆက်ဆံရတဲ့ခက်တဲ့ customer တစ်ယောက်ကို အနိုင်ယူဖို့ မလိုဘူး ။
ကိုယ့် standard ကို မကျအောင် ထိန်းထားရုံပါပဲ။