Sayar Win 2D

စိတ်မကောင်းစရာ နေ့စွဲတခုကို သိလိုက်ရလို့ ရေးလိုက်အုံးမယ်
လက်ရှိတာဝန်ထမ်းဆောင်နေတဲ့ အဖွဲ့အစည်းမှာ ကျွန်တော်တို့ သူနာပြုတွေဟာ လိုအပ်ချက်ကြောင့် တာဝန်ထမ်းဆောင်စေတာလား အရေးပါလို့ တာဝန်ထမ်းဆောင်စေတာလား ဆိုတာ ကွဲကွဲပြားပြား သိဖို့လိုအပ်လာတယ်
သဆတ(MINP) ဆင်းတွေဆိုတာ လွန်ခဲ့သော ၂၀၀၀ ခုနှစ်မှာ စတင်ခဲ့ပြီး ၂၀၀၄ မှာ အမှတ်စဥ် ( ၁) ကျောင်းစတင်ဆင်းခဲ့တယ် ပေးအပ်တဲ့တာဝန်ကို အသက်ပေးပြီး တာဝန်ထမ်းဆောင်ခဲ့တဲ့သူတွေရှိသလို အကြောင်းအမျိုးမျိုးကြောင့် နှုတ်ထွက်ခဲ့ရတဲ့သူတွေလည်း ရှိကြတယ် လွန်ခဲ့သော ၁၉ ၃ ၂၀၁၄ နေ့မှာ သဆတဆင်းတွေဟာ ပြန်တမ်းဝင်အရာရှိစတင်ခန့်အပ်ခံခဲ့ရတယ် ယနေ့အထိလည်း နိုင်ငံ့တာဝန်ကို အသက်ပေးပြီး ကျေပွန်စွာ ထမ်းဆောင်နေကြတယ်
တက္ကသိုလ် အဆင့်တခုက ကျောင်းအဆင့်ထက် နောက်ကျပြီးမှ ကျောင်းဆင်းပွဲ ပြန်တမ်းဝင်ခန့်အပ်ခြင်းတွေက အဆင့်ကို အတန်းခွဲခြားတာလား သို့တည်းမဟုတ် ပညာရပ်တခုအပေါ်မှာ ဖိနှိပ်တာလားဆိုတာတော့ စီမံခန့်ခွဲနေကြတဲ့ သူတွေနဲ့ ဆုံးဖြတ်ချက်ချတဲ့သူရဲ့ အဲဒီပညာရပ်အပေါ်မှာထားတဲ့ သဘောထားလို့ပဲ မှတ်ယူရမှာပဲ
စီနီယာဆိုတာ အဆင့်တူနေရင် ကိုယ်ပိုင်အမှတ်ကစပြီး စကားပြောသလို အဆင့်တူနေရင်လည်း ရာထူးဆိုတာက စကားပြောတယ်ဆိုတာ အကြီးအကဲတွေသိပြီးသားပါပဲ ။ ။
မေးချင်တဲ့မေးခွန်းက လိုအပ်ချက်ကြောင့် or အရေးပါလို့ တာဝန်ထမ်းဆောင်စေတာလားဆိုတာ လစာ ရာထူး ပေးထားတဲ့ ခံစားခွင့်တွေက တာဝန်ထမ်းဆောင်နေရတဲ့ သူတွေရဲ့ ရင်ထဲမှာ ပြောမထွက်လို့ မပြောကြတာဆိုတာ သိစေချင်တယ်။
ကိုယ် အနေသာဖို့ အသာနေတဲ့ သူတွေထဲမှာ ကျွန်တော် မပါဘူးဆိုတာတော့ ဘယ်နေရာပဲ ရောက်နေပါစေ လိပ်ပြာလုံတယ်။

ဖြစ်ချင်တိုင်းဖြစ်ခွင့်မရတဲ့ ဘဝအခြေအနေကို ခံနိုင်ရည်ရှိဖို့ ရွတ်ဖတ်ပွားများပါ

မြတ်စွာဘုရားရှင်ကိုယ်တော်မြတ်ကြီးက သဗ္ဗညုတရွှေဥာဏ်တော်ရအပြီးမှာ မျက်စိတမှိတ်အတွင်းမှာ စကြာဝဠာ အနတ္တမှာ ဘာတွေဖြစ်လိမ့်အုံးမယ်ဆိုတာ သိတော်မူတယ်
အဲဒါကိုသိတော်မူပေမယ့် ရှင်ဒေဝတ်ကြောင့် အဇာတသတ်က အဖကိုသတ်မှာကို မတားမြစ်ပေးဘူးလားလို့ စောဒကတက်ရင်လည်း တက်လို့ရတယ်
ဘာဖြစ်လို့ မတားမြစ်တာလဲဆိုတော့ အဲဒီအချိန်မှာ အဇာတသတ်က လောဘကြီးမားပြီး ရာဇဂြိုလ်ပြည်ရဲ့ဘုရင်ဖြစ်ချင်နေတာလေ အဲဒီခေတ်မှာလည်း မြတ်စွာဘုရားကို မယုံကြည် မကိုးကွယ်တဲ့သူတွေလည်းရှိနေတာကိုး
အဲဒါကိုအခွင့်ကောင်းယူပြီး ရှင်ဒေဝတ်က သူ့ရဲ့ တန်ခိုးအစွမ်းအနည်းငယ်ပြပြီး အဇာတသတ်ကို စည်းရုံး နောက်ဆုံး အဖေကို သတ်မယ့်အထိအကြံပေးတာကို မြတ်စွာဘုရားက မသိပဲ ဘယ်နေပါ့မလဲ
ကျွန်တော်ရဲ့ ဥာဏ်လေးနဲ့ပြောရရင် နှောင်းလူတွေ အဇာတသတ်လို ဆရာမှားပြီး မိဘသတ်ရင် မဂ်ဖိုလ်ဝေး ငရဲကျလိမ့်မယ်လို့ သက်သေပြဖို့ ထားခဲ့လိုက်တာ ဒါပေမယ့် နှစ်ဦးစလုံးက မြတ်စွာဘုရားရှင်ကို ယုံကြည်ကန်တော့သွားလို့ ငရဲက လွတ်လို့ ကမ္ဘာတခုစီမှာ ပစ္စေကဗုဒ္ဓဖြစ်လိမ့်မယ်လို့ ဗျာဒိတ်ပေးခဲ့တယ် ။ ။