Friend Bookshop

"မင်း အချိန်မရွေးသေဆုံးနိုင်တယ်ဆိုတာကို
လက်သင့်ခံထားရင်…မင်း ခုလောက်
ရည်မှန်းချက်တွေ မြင့်မြင့်မားမား
ထားချင်မှထားတော့မယ်။
မင်း အချိန်တွေအများကြီးပေးခဲ့တဲ့ကိစ္စတွေ...
မင်း အခုလုပ်နေတဲ့အလုပ်တွေအားလုံးဟာ
သိပ်ပြီးအရေးကြီးလှတယ်လို့ မထင်ရတော့ဘူး။
မင်း ဝိညာဉ်ပိုင်းဆိုင်ရာကိစ္စတွေအတွက်
အချိန်ပေးကောင်းပေးလာလိမ့်မယ်။"

#မြတ်ငြိမ်း၏ 'ဆရာအို၏ ဘဝနေဝင်ချိန်သင်တန်း' စာအုပ်မှ (Tuesdays with Morrie by MITCH ALBOM)

🟣 ပန်းစကား ပျားစကား

(၄)

တချို့က
သူရဲကောင်းကိုမျှော်ကြတယ်
ကိုယ့်ရဲ့အားထုတ်မှု တစုံတရာမထည့်ဝင်ပဲ
အောင်ပွဲကို စိတ်ကူးယဉ်ချင်လို့

တချို့က
မေတ္တာအကြောင်း များများပြောကြတယ်
တခြားသူတွေရဲ့ ပွေ့ဖက်မှုမှာ
သူ့ဘဝကို လုံခြုံချင်လို့

တချို့က
အာဏာရှင်စနစ်ကို လိုလားကြတယ်
သူ့ကိုယ်သူ အုပ်ချုပ်သူနေရာကနေ ဝင်ကြည့်နေလို့
(သူ့ကိုယ်သူ အုပ်ချုပ်ခံနေရာကနေ ဝင်မကြည့်ဖူးလို့)

တချို့က
ကွန်မြူနစ်စနစ်အပေါ် မျှော်လင့်ကြတယ်
(၁၉၆၀ကျော်က တောင်ကိုရီးယားနိုင်ငံလို)
သူတို့ကိုယ်တိုင် အရင်းရှင်ဖြစ်နေတဲ့
ချွန်ဒူးဝွမ်တို့ ဝိုတေဝူးတို့လို ဗိုလ်ချုပ်တွေရဲ့
ရက်စက်တဲ့အုပ်ချုပ်မှုကို တော်လှန်ချင်လို့
အဲ့ဒီအချိန်တုန်းက
ကွန်မြူနစ်ဝါဒဟာ အဖိနှိပ်ခံတွေဘက်က ရဲရဲရင့်ရင့်ရပ်နေသေးလို့

တချို့က
အရင်းရှင်စနစ်ကို ကြိုက်ကြတယ်
လူတယောက်ရဲ့တဏှာကို အလိုလိုက်အကြိုက်ဆောင်လို့
ဒီစနစ်ကိုကြိုက်ဖို့ရာ အမြှော်အမြင်သိပ်ရှိစရာမလိုလို့
အနေချောင်လို့

တချို့က
ဘုရင်စနစ်ကို ကြိုက်ကြတယ်
ထိုင်းဗိုလ်ချုပ်တွေလို
အရင်းရှင်တွေနဲ့ ဝေစားမျှစားလုပ်သမျှ
ဘုရင့်အကာအကွယ် ရနေလို့

ကျနော်ကတော့
အုပ်ချုပ်သူနေရာက မစဉ်းစားတတ်ဘူး
အုပ်ချုပ်ခံ သာမန်ပြည်သူလူထု အများစုကြီးကို
ပညာတူတူတန်တန် တတ်စေချင်တာတခုပါပဲ

ဘယ်လိုစနစ်အမျိုးမျိုးအောက်မှာပဲ ဖြစ်ဖြစ်
ငါတို့ဟာ မလုံခြုံခဲ့ပါလားလို့
ကြေကွဲနေချင်ရုံမျှပါပဲ…

#ကိုသန်းထွန်း

🟣 စိတ်ကူးချိုချို ဈေးပွဲကာလအတွင်း
မှာယူသူများ ၂၅ ရာခိုင်နှုန်း လျှော့ဈေး ရှိပါတယ်။

စာအုပ်မှာယူလိုပါက
မန္တလေးမြို့တွင်း ပစ္စည်းရောက် ငွေချေ ရပါတယ်။
တခြားမြို့တွေဆို Kpayနဲ့ ငွေကြိုလွှဲရပါမယ်။
Wepozt, Ninja Van, Royal Express Delivery Service တွေနဲ့ ပို့ပေးပါတယ်။ ပို့ခ ဝယ်သူဘက်က ကျခံရပါမယ်ဗျ။ ကားဂိတ်တင်ပေးရမယ်ဆိုလည်း တင်ပေးပါတယ်။ ဂိတ်တင်ခတော့ ယူပါတယ်။
_ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _

လူသည် အစုအဝေးနှင့်နေသောသတ္တဝါ ဖြစ်သည်။ ယင်းသို့ နေထိုင်နိုင်ခြင်းသည် လူ၌ အတ္တစိတ်သာမက ပရစိတ်ပါ ရှိသောကြောင့် ဖြစ်သည်ဟု ပညာရှင်တို့က ဆိုကြသည်။
သို့သော် လူ့အသိုက်အဝန်းထဲတွင် လေ့လာစူးစမ်းကြည့်လျှင် အတ္တဟိတကဲသောလုပ်ရပ်များကိုသာ ထင်ထင်ရှားရှား တွေ့ရလေ့ရှိသည်။ ပရဟိတစိတ် ပရဟိတလုပ်ရပ်များကား မြင်ရခဲသည်။ မြင်ရလျှင်လည်း မထင်မရှား မှေးမှေးမှိန်မှိန်မျှသာ။
ထိုအခါ “လူတွေကား တစ်ကိုယ်ကောင်း သမားများသာတည်း”ဟု ကျွန်တော်တို့ စိတ်ပျက်အားလျော့မိတတ်ကြပါသည်။
သို့သော် ကျွန် တော်တို့သည် လူသားနှင့်ပတ်သက်၍ အကောင်းမြင်စိတ်များ ကုန်ခန်းမသွားသေးသည့်အားလျော်စွာ ပစ္စုပ္ပန်ကာလ အတိတ်ကာလထဲတွင် ကျွန်တော်တို့ လေးစား ကြည်ညိုနိုင်မည့်သူ၊ လိုလားအားကျနိုင်မည့်သူများကို လိုက်လံရှာဖွေကြည့်မိကြသည်။ ကျွန်တော်တို့ ရှာဖွေရာနယ်ပယ်ကား အတ္ထုပ္ပတ္တိကျမ်းများ ဖြစ်သည်။

#ဖေမြင့်
#မဟာကရုဏာရှင်များ
_ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _

🟣 မှာယူနိုင်သော စာအုပ်များ

စာအုပ်မှာယူလိုပါက မန္တလေးမြို့တွင်း ပစ္စည်းရောက် ငွေချေ ရပါတယ်။ တခြားမြို့တွေဆို Kpayနဲ့ ငွေကြိုလွှဲရပါမယ်။ Wepozt, Ninja Van, Royal Express Delivery Service တွေနဲ့ ပို့ပေးပါတယ်။
ပို့ခ ဝယ်သူဘက်က ကျခံရပါမယ်ဗျ။ ကားဂိတ်တင်ပေးရမယ်ဆိုလည်း တင်ပေးပါတယ်။ ဂိတ်တင်ခတော့ ယူပါတယ်။
_ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _

🟣 အဆုံးမရှိသော အလင်းအင်အား

မမြင်ရလည်း
ရင်မှ လှိုင်းက ... သိနေသည်။

မကြားရလည်း
နားမှ မျက်လုံး ဖွင့်ထားသည်။

ဪ ... အမြင် အကြား
နားနှင့်မျက်စိ၊ မရှိကြစေ
လေထုသိပ်သည်း၊ ကလာပ်စည်းဖွဲ့
လှိုင်းရဲ့မာယာ၊ ကွန်ပျူတာမလို
ရင်မှာအလင်္ကာ၊ မြစ်မဟာ၏
ညင်သာစီးဆင်း၊ နှလုံးတွင်း၌
အလင်းဖြတ်သန်း၊ ရောင်စဉ်တန်းတို့
သိန်းသန်းကုဋေ၊ ရွှန်းလက်ဝေရ
ရူပဗေဒ၊ ဇီဝပညာရှင်
ကောင်းကင်ပင်လယ်၊ အကျယ်အဝန်း
အစွန်းနှစ်ဖက်၊ သက်တံလက်မှာ
လက်ဖြန့်လျက်သာ ...
တောင်းခံပါလည်း
ပညာဆုံးစ မရှိပြီ။ ။

#ဒေါင်းနွယ်ဆွေ
[‌ ဆေးရုံပေါ်တွင် ရေးခဲ့သော နောက်ဆုံးကဗျာစုမှ တစ်ပုဒ်ဖြစ်သည်။]
#ရူမဝရုပ်စုံမဂ္ဂဇင်း၊ စက်တင်ဘာ ၁၉၈၅