Pathian thu
Share
👉Engang pawn sual tawh mah ila, Isua chuan min ngaidam in, min pawm duh reng a ni.
👉Mihring hmuh ah misual ber pawh ni ila, A lam kan hawi hun apiangah hmangaihna in min pawm duh reng a ni.
👉ISUA ngaihdam theih tawh loh tur khawp sual iti thei lo.
👉I la dam chhung chu a ngaidamna i chang thei reng a ni .
INPEIH RAWH
Isua Krista chu niminah nen, vawiinah nen, k*mkhua pawhin a pangngaiin a awm fo vang (Hebrai 13:8).
Aw, Israel, i Pathian tawk turin inpeih rawh (Amosa 4:12).
Hun te, ni te, k*m te, thla te second tin minute tin an ral zel a, kan chatuan hmun tur nitinin kan hnaih hret hret zel a. Hunin tuiluang angin tumah min nghah theih tlat si loh avangin, kan duh emaw duh lo emaw kan hmaah hian hun thalo leh buaina, manganna natna leh thihna kan la tawng vek dawn si. Chu hun atan chuan kan lo inpeih; inrin reng chu thil tul ber a ni ta.
Chu hun atan chuan lei mihring mi thlahtute sualna kan kai vanga hremhmun kal mai tawh tur, Lal Isuan kraws-ah thihna tuara vanram kan kai theihna tura chhandamna kawng a rawn hawn chu tun atanga thih thlenga ring tlat a; chumi zarah Lal Isua Thlarau Thianghlim neia, sual sima awmte chu vanram kai tur eng pawh tawk tura inpeih reng mite an lo ni.
Mihringte kan rilru leh ngaihtuahna te a inthlakin a danglam fo thin. Mahse, Lal Isua chu hun kal tawhah, hun lo kal turah; tun atanga k*mkhuain a la pangngai renga, a pangngai zel ang; tin, a thutiamah a dingnghet a, a dingnghet zel bawk ang. Chuvangin, kan rin Lal Isua hi a rinawm em avangin a thatna leh theihna leh a rintlakna ah hian i innghat tlat zel ang u.
Click here to claim your Sponsored Listing.
Address
Magway
