Lashio Morning Post

ပြည်သူ့ပါတီဥက္ကဌ နှင့်တရုတ်သံအမတ်ကြီးတို့တွေ့ဆုံ

ပြည်သူ့ပါတီဥက္ကဌ ဦးကိုကိုကြီးနှင့် တရုတ်ပြည်သူ့သမ္မတနိုင်ငံ၏ မြန်မာနိုင်ငံဆိုင်ရာသံအမတ်ကြီး တို့ ယနေ့ မတ်လ၂၉ရက်မနက်ပိုင်းတွင် တွေ့ဆုံကြသည်။

တရုတ်ပြည်သူ့သမ္မတနိုင်ငံ၏ မြန်မာနိုင်ငံဆိုင်ရာ သံအမတ်ကြီး H.E. Mr.CHEN Hai က ပြည်ထောင်စုရိပ်သာလမ်းရှိ တရုတ်ပြည်သူ့သမ္မတနိုင်ငံ သံရုံးတွင် လက်ခံတွေ့ဆုံခဲ့ခြင်းဖြစ်သည်။

အဆိုပါ တွေ့ဆုံမှုနှင့်ပတ်သတ်ပြီး ပြည်သူ့ပါတီဘက်က လက်ရှိ မြန်မာနိုင်ငံရေးအခြေအနေများနှင့် ရှေ့ဆက်ဖြစ်ပေါ်လာနိုင်မည့် အနာဂတ်နိုင်ငံရေး အလားအလာ အခြေအနေများအပေါ် ရင်းရင်းနှီးနှီး တွေ့ဆုံဆွေးနွေးခဲ့ကြသည်ဟုသတင်းထုတ်ပြန်ခဲ့သည်။

ပြီးခဲ့သည့် မတ်လ၉ရက်နေ့ကလည်း ပြည်သူ့ပါတီ(ဗဟိုဌာနချုပ်) သို့ ချက်သမ္မတနိုင်ငံ သံအမတ်ကြီး နှင့် ပြင်သစ်သံအမတ်ကြီး H.E. Mr.Christian Lechervy တို့သည် ပြည်သူ့ပါတီ (ဗဟိုဌာနချုပ်) သို့ သီခြားစီလာရောက်တွေ့ဆုံခဲ့မှုများရှိခဲ့ကြသည်။

စတုတ္တကြိမ် NCA-S EAO ထိပ်သီးခေါင်းဆောင် ညီလာခံ (ဒုတိယပိုင်း) ကျင်းပပြုလုပ်

မတ် (၂၉) ရက် ၂၀၂၂

တစ်နိုင်ငံလုံး ပစ်ခတ်တိုက်ခိုက်မှု ရပ်စဲရေး သဘောတူစာချုပ် (NCA) လက်မှတ်ထိုးထားတဲ့ တိုင်းရင်းသားလက်နက်ကိုင်တပ်ဖွဲ့များ စတုတ္တအကြိမ် ထိပ်သီးခေါင်းဆောင်များ ညီလာခံ ကျင်းပ ပြုလုပ်ခဲ့ပါတယ်။

အဆိုပါ ညီလာခံသည် ထိုင်းနိုင်ငံ မြောက်ပိုင်း ချင်းမိုင်မြို့ မှာ ယနေ့ မတ် (၂၉) ရက်မှ ဧပြီ (၂) ရက်နေ့ထိ ၅ ရက် သာ ကျင်းပပြုလုပ်သွားမယ်လို့ သိရပါတယ်။

စတုတ္တအကြိမ် NCA-S EAO ထိပ်သီးခေါင်းဆောင်များ ညီလာခံ (ဒုတိယပိုင်း) မှာ စတုတ္တအကြိမ် NCA-S EAO ထိပ်သီးခေါင်းဆောင်များ ညီလာခံဖွင့်ပွဲအခမ်းအနားမှာ ငြိမ်းချမ်းရေး လုပ်ငန်းစဉ် ဦးဆောင်အဖွဲ့ (PPST) အဖွဲ့ဝင် ခေါင်းဆောင်များ၊ ညီလာခံဖွင့်ပွဲဦးဆောင်သဘာပတိများ၊ ငြိမ်းချမ်းရေးလုပ်ငန်းစဉ်မှာ အမျိုးသမီးများ၏ ဦးဆောင်မှု မြှင့်တင်ရေး အစီအစဉ် (WLPP) ၊ နိုင်ငံတကာ သံတမန်များ၊ နိုင်ငံတကာအဖွဲ့အစည်းမှ ကိုယ်စားလှယ်များ တက်ရောက်ခဲ့တယ်လို့ သိရပါတယ်။

ထိုညီလာခံသည် တိုင်းရင်းသားပေါင်းစုံပါတဲ့ ညီလာခံကျင်းပနိုင်ရေး ကိစ္စအပြင် နိုင်ငံရေးလမ်းပြမြေပုံ နဲ့ EAOs တွေရဲ့ စုဖွဲ့မှု ပုံစံအသစ်တွေကို ဆွေးနွေးဖို့ရှိနေတယ်လို့ သိရပါတယ်။

ဟားခါးမှာ စစ်ကောင်စီရဟတ်ယာဉ်တစီး ပျက်ကျ
ရာသီဥတုကြောင့်လို့ စစ်ကောင်စီ ပြော

Reference - BBC

ဒီကနေ့ မတ်လ (၂၉)ရက်၊ မနက် ၉နာရီခွဲဝန်းကျင်မှာ ချင်းပြည်နယ်၊ ဟားခါးရဟတ်ယာဉ်ကွင်းကို ဦးတည်မောင်းလာတဲ့ ရဟတ်ယာဉ်ပျက်ကျတဲ့ဖြစ်စဉ်ဖြစ်ခဲ့တယ်လို့ ဒေသခံတွေက ပြောပါတယ်။ အဲ့ဒီရဟတ်ယာဉ်ဟာမနက် (၈)နာရီ (၅၀)မိနစ်မှာ စစ်ကိုင်းတိုင်း၊ ကလေးမြို့ကနေ ချင်းပြည်နယ်၊ ဟားခါးမြို့ကို တက္ကသိုလ်ဝင်တန်းမေးခွန်းတွေ သွားပို့ခဲ့တာလို့ သိရပါတယ်။

အဲ့ဒီရဟတ်ယာဉ်ပေါ်မှာ စစ်ကောင်စီရဲ့လုံခြုံရေးတပ်ဖွဲ့ဝင်တွေနဲ့ ပညာရေးဝန်ထမ်းတချို့လိုက်ပါလာခဲ့တာလို့ ဆိုပါတယ်။

“လက်နက်နဲ့လှမ်းပစ်တာတော့မကြားဘူး။ မောင်းတဲ့သူက သေချာမမောင်းတတ်လို့ထင်တယ်။ ထင်းရှူးပင်နဲ့ တိုက်ပြီးတော့မှရဟတ်ယာဉ်ကပျက်ကျတာ။”လို့ မျက်မြင်ဒေသခံတဦးက ဘီဘီစီကိုပြောပါတယ်။

ဒါ့အပြင် စစ်ကောင်စီဘက်ကလည်း ဒီရဟတ်ယာဉ်ပျက်ကျတဲ့ဖြစ်စဉ်ဟာ ပစ်ချခံရတာမဟုတ်ဘူးလို့ စစ်ကောင်စီသတင်းပြန်ကြားရေးဝာာဝန်ခံ ဗိုလ်ချုပ်ဇော်မင်းထွန်းက ဘီဘီစီကိုဖြေကြားပါတယ်။

“ရဟတ်ယာဉ်အမြီးကျိုးတာကို ပြန်ဆွဲတင်ဖို့လုပ်နေတယ်။ တပ်ကနှစ်ဦးနဲ့ ပညာရေးဝန်ထမ်းသုံးယောက်က ထိခိုက်ဒဏ်ရာရလို့ ဆေးကုမှုခံယူနေရတာသေဆုံးမှုတော့မရှိဘူး။” လို့ ဗိုလ်ချုပ်ဇော်မင်းထွန်းက ပြောပါတယ်။

ဒီရဟတ်ယာဉ်ပျက်ကျပေမဲ့ စာမေးပွဲမေးခွန်းတွေတော့ ပျက်စီးမှုမရှိဘဲသက်ဆိုင်တဲ့နေရာကိုရောက်သွားပြီလို့ ဆိုပါတယ်။

ဓာတ်ပုံ - Getty Images
ပုံစာ - စစ်ကောင်စီပိုင်ရဟတ်ယာဉ်များ (ပုံ‌ဟောင်း)
ဒီသတင်းအပါအဝင် ဘီဘီစီရဲ့ နောက်ဆုံးရသတင်းစုစည်းချက်။
https://www.bbc.com/burmese/live/burma-60719839

❝ ဦးကိုကိုကြီး ဘာမှားလဲ ❞

ဆောင်းပါး

အခုအချိန်မှာ ဦးကိုကိုကြီးဟာ နိုင်ငံရေးအရ ဆွေးနွေးညှိနှိုင်းဖို့ အကျယ်လောင်ဆုံးရပ်တည်ပြောဆိုနေတဲ့ ပုဂ္ဂိုလ်လို့ ပြောနိုင်ပါ တယ်။ VOAက ဦးကျော်ကျော်သိန်းနဲ့ပြုလုပ်ခဲ့တဲ့ အင်တာဗျူးမှာ ဦးကိုကိုကြီးက “ နိုင်ငံရေးအရ ဆွေးနွေးတဲ့သူတွေကို ဒလံ၊ သစ္စာဖောက်လို့ ပြောဆိုနေတာဟာ ဆွေးနွေးရေးဖြစ်စဉ်တစ်ခုလုံးကိုပါ တိုက်ခိုက်ဖျက်ဆီးနေတဲ့သဘောသက်ရောက်တယ်” လို့ပြောကြားသွားပါတယ်။

ဦးကိုကိုကြီးအနေနဲ့ နိုင်ငံရေးအရ တွေ့ဆုံဆွေးနွေးလိုတာ မှားသလားလို့မေးရင် မမှားပါဘူး။နိုင်ငံရေးအရ ဆွေးနွေးလိုတာက မမှားပါဘူး။ နိုင်ငံရေးအရဆွေးနွေးတဲ့ကိစ္စ အပေါ်ထားတဲ့ ဦးကိုကိုကြီးရဲ့ ချဉ်းကပ်ပုံ ၊သဘောထား၊ခံယူချက်ကပဲ လွဲနေ မှားနေ တာပါ။

ဝေးဝေး ဥပမာ ပေးမနေပါဘူး။ ဦးကျော်ကျော်သိန်းနဲ့ လုပ်ခဲ့တဲ့ အင်တာဗျူးကိုပဲ ဥပမာပေးပါမယ်။ ဦးကျော်ကျော်သိန်းက “တွေ့ဆုံရမယ့် အင်အားစုအားလုံးဆိုတဲ့ အထဲမှာ အမျိုးသားညီညွတ်ရေးအစိုးရ NUG နဲ့ CRPH တို့ပါသလား” လို့ မေးတော့ ဦးကိုကိုကြီးက “NUG နဲ့ CRPH တို့လည်း ပါပါတယ်လို့ တည့် မဖြေနိုင်ပါဘူး။တွေ့ဆုံရမယ့် အင်အားစုအားလုံးဆိုတဲ့အထဲမှာ နိုင်ငံရေးပါတီတွေ၊ တိုင်းရင်းသား လက်နက်ကိုင်အဖွဲ့အစည်းတွေနဲ့ နွေဦးတော်လှန်ရေးကပေါက်ဖွားလာတဲ့ အဖွဲ့အစည်း တွေပါပါတယ်ဆိုပြီး ဝှေ့ ဖြေသွားပါတယ်။ ‌ဝှေ့ ဖြေတာကို အပြစ်တင်တာမဟုတ်ပါဘူး။ ဒီလိုဝှေ့ ဖြေနေရကတည်းက လက်တွေ့နိုင်ငံရေးအခြေအနေဟာ တွေ့ဆုံဆွေးနွေးရေး ဖြစ်ဖို့ အရိပ်အယောင်လမ်းစတောင်မရှိသေးဘူးလို့ပြောချင်တာပါ။ တွေ့ဆုံဆွေးနွေးရေးလမ်းစမရှိသေးလို့ မရှိဘူးပြောတာကို တွေ့ဆုံဆွေးနွေးရေးကို ငြင်းပယ်တယ်လို့ အဓိပ္ပါယ်ကောက်လို့မရပါဘူး။

တိုင်းပြည်ရဲ့ အကျပ်အတည်းကို အမှန်တကယ်ဖြေရှင်းနိုင်မယ့် နိုင်ငံရေးအရတွေ့ဆုံဆွေးနွေးရေး ဖြစ်ချင်တယ်ဆိုရင် ဒေါ်အောင်ဆန်းစုကြည်နဲ့ ဒေါ်အောင်ဆန်းစုကြည် ဦးဆောင်တဲ့ အမျိုးသားဒီမိုကရေစီအဖွဲ့ချုပ်ကို ဘေးဖယ်ထားလို့ လုံးဝ လုံးဝမရပါဘူး။ လွတ်လပ်မျှတပါတယ်လို့ ပြည်သူကလည်းလက်ခံ၊ ကမ္ဘာကလည်း အသိအမှတ်ပြုထားတဲ့ ၂၀၂၀ ရွေးကောက်ပွဲကနေ ပေါ်ပေါက် လာတဲ့ CRPH ၊ NUG ၊ NUCC မပါဘဲနဲ့ လက်တွေ့ကျကျ အဖြေရှာနိုင်မယ့် နိုင်ငံရေးဆွေးနွေးပွဲ ဘယ်လိုမှဖြစ်မလာနိုင်ပါဘူး။ဒီအချက်က ရှင်းစရာမလိုအောင်ရှင်းနေပြီးသားကိစ္စတွေပါ။ ဒီလောက်ရှင်းနေပြီးသားကိစ္စအပေါ် ဦးကိုကိုကြီးက နားမလည်သလို၊ မသိကျိုးကျွံလုပ်သလို၊ အရေးမကြီးသလို သဘောထားနေတဲ့အပေါ် ပြည်သူလူထုက ခံပြင်းတာပါ။ မကျေနပ်တာပါ။
ပြည်သူတိုင်းသိပြီးသားကိစ္စတွေဖြစ်လို့ အကျယ်တဝင့်တော့ ပြောမနေတော့ပါဘူး။ ဒီနေ့ဖမ်း၊ နောက်နေ့အလောင်းပို့၊ ရွာတွေမီးရှို့ ၊ ရဟတ်ယာဉ်နဲ့ပစ်၊လေယာဉ်ပျံနဲ့ ဗုံးကြဲ၊သူတို့ကိုဆန့်ကျင်တဲ့သူမှန်သမျှရဲ့ အိမ်တွေကိုချိတ်ပိတ်၊ လိုတိုရှင်းပြောရရင် လူစိတ်လုံးဝ ကင်းမဲ့နေတဲ့ မအလစစ်ကောင်စီရဲ့ သဘောထားဟာ မတူကွဲပြားမှုကို နှမ်းတစ်စေ့လောက်တောင်ခွင့်မပြုပါဘူး။ မအလစစ်ကောင်စီက နိုင်ငံရေးအရဆွေးနွေးလိုစိတ်ရှိတယ်လို့ ပြည်သူလူထုက လုံးဝလုံးဝမယုံကြည်ပါဘူး။ ယုံကြည်စရာအကြောင်းလည်း တစ်စက်ကလေးမှ မရှိပါဘူး။ ပြည်သူလူထုကနိုင်ငံရေးအရ တွေ့ဆုံဆွေးနွေးရေးနည်းလမ်းအပေါ် ဆန့်ကျင်နေတာမဟုတ် ပါဘူး။ နိုင်ငံရေးအရ သဘောထားကွဲလွဲမယ့် ပုဂ္ဂိုလ်၊အဖွဲ့အစည်းမှန်သမျှအပေါ် ရက်ရက်စက်စက်ဖိနှိပ်နင်းခြေပြီးနိုင်ငံရေးနည်းလမ်း မှန်သမျှပိတ်ဆို့ထားတဲ့ မအလစစ်ကောင်စီနဲ့ ဆွေးနွေးညှိနှိုင်းရမယ်လို့ပြောဆိုနေတာကို ခံပြင်းနေတာပါ၊ ဒေါသထွက်နေတာပါ။ သဘောမတူဖြစ်နေတာပါ။

ဦးကိုကိုကြီးက VOA က ဦးကျော်ကျော်သိန်းနဲ့လုပ်တဲ့ အင်တာဗျူးမှာ “ပြည်သူလူထုအကြားနိုင်ငံရေးအရ ဖြေရှင်းနိုင်တယ်ဆိုတဲ့ မျော်လင့်ချက် ပျောက်မသွားဖို့က အင်မတန်မှ အရေးကြီးတယ်” လို့ ဦးကိုကိုကြီးက ပြောပါတယ်။ ဒီပြောကြားချက်က တစ်ဝက် မှန် တစ်ဝက်ဖုံး ပြောကြားချက်ပါ။ ဟုတ်ပါတယ်၊ ပြည်သူလူထုကြား နိုင်ငံရေးအရဖြေရှင်းနိုင်တယ်ဆိုတဲ့ မျော်လင့်ချက် ပျောက်မသွားဖို့က အရေးကြီးတယ်။ ဒါပေမဲ့

ဒီလိုပျောက်သွားအောင် ကိုယ့်ပြည်သူတွေကို ကိုယ်တိုင်ပြန်သတ်ပြီး ရက်ရက်စက် စက် ဖိနှိပ်ချေမှုန်းနေတာက မအလစစ်ကောင်စီဆိုတာကို ဦးကိုကိုကြီးက ဝှေ့လို့တောင် ပြောမသွားပါဘူး။

မြန်မာ့အကြပ်အတည်းဖြေရှင်းရာမှာ အာဆီယံဘုံသဘောတူညီချက် (၅) ချက်ဟာ ကုလသမဂ္ဂအပါအဝင် တစ်ကမ္ဘာလုံးက တွန်းအားပေးထောက်ခံထားတဲ့ အချက် ၅ ချက်ပါ။ ပြောလိုတာက အာဆီယံဘုံသဘောတူညီချက် ၅ ချက်ရဲ့ နောက်မှာ တစ်မ္ဘာလုံးရဲ့ စုစည်း ထောက်ခံမှုရှိနေပါတယ်။ တစ်ကမ္ဘာလုံးရဲ့ စုစည်းထောက်ခံမှုရှိတဲ့ အာဆီယံဘုံသဘောတူညီချက် ၅ ချက်ကိုတောင် မအလ စစ်ကောင်စီက လက်မခံ၊ ပယ်ချထားတာပါ။ ဒီလိုအခြေအနေမှာ ဦးကိုကိုကြီးက သူတို့ဆွေးနွေးရင် မအလစစ်ကောင်စီက အမှန် တကယ်လက်ခံဆွေးနွေးမယ်လို့ ဘယ်လိုအထောက်အထား‌တွေကြည့်ပြီး မျော်လင့်နေရတာလဲ။

တွေ့ဆုံဆွေးနွေးရေးဆိုတာကို လုံးဝအယုံအကြည်မရှိ၊ လက်မခံတဲ့ မအလစစ်ကောင်စီနဲ့ တွေ့ဆုံဆွေးနွေးရမယ်လို့ ဦးကိုကိုကြီးပြောနေတာက ကျောက်ခဲကနေ ရေညှစ်ခိုင်းသလို ဖြစ်နေတာကြောင့် ပြည်သူလူထုကဒေါသထွက်နေတာပါ။ ခံပြင်းနေတာပါ။ ပြည်သူလူထုကတွေ့ဆုံဆွေးနွေး ရေးကိုဆန့်ကျင်နေတာမဟုတ်ပါဘူး။ တွေ့ဆုံဆွေးနွေးရေးကို လုံးဝလက်မခံတဲ့ မအလစစ်ကောင်စီနဲ့ မအလစစ်ကောင်စီနဲ့တွေ့ဆုံ ဆွေးနွေးဖို့ပြောဆိုနေတဲ့ အပေါ် ဆန့်ကျင်နေတာပါ၊ ခံပြင်းနေတာပါ။

ဦးကျော်ကျော်သိန်းနဲ့ပြုလုပ်ခဲ့တဲ့ VOA အင်တာဗျူးမှာပဲ ဦးကိုကိုကြီးက “အမေရိကန်အစိုးရဟာ NLD အစိုးရလက်ထက်မှာ Genocide မြောက်တယ်လို့မသတ်မှတ်ဘဲ၊ မအလစစ်ကောင်စီလက်ထက်မှာမှ ဘာကြောင့် Genocide မြောက်တယ်လို့ သတ်မှတ်ရသလဲ” ဆိုပြီးမေးခွန်းထုတ်သွားပါတယ်။ အာဏာသိမ်းပြီးနောက်ပိုင်း မအလစစ်ကောင်စီဟာ ပြည်တွင်းစစ် ကာလတစ်လျောက်လုံး တိုင်းရင်းသားနယ်မြေတွေမှာ သူတို့ကျူးလွန်ခဲ့တဲ့ ရာဇဝတ်မှုမျိုးတွေကို မြို့ကြီးတွေမှာတောင်မချန် တစ်နိုင်ငံလုံးမှာ ဗြောင်ကျူးလွန်နေတာပါ။ ပြည်သူတိုင်းကြားနေ၊ မြင်နေရတဲ့ ကိစ္စပါ။ ဒါကို ဦးကိုကိုကြီးက ဘာတွေများပြော င်းလဲသွားလို့လဲဆိုပြီး မေးခွန်းထုတ်တာကတော့ လက်မခံနိုင်စရာကိစ္စပါ။

ဦးကိုကိုကြီးရဲ့ ရပ်တည်ချက်ဟာ ပြည်သူလူထု အများစုရဲ့ ရပ်တည်ချက်နဲ့ ထိပ်တိုက်တိုး၊ ဆန့်ကျင်နေပါတယ်။ နိုင်ငံရေးဆိုတာ ပြည်သူလူထုရဲ့ ယုံကြည်ထောက်ခံမှုနဲ့ပဲ ပြီးမြောက်နိုင်တဲ့ ကိစ္စပါ။ သမိုင်းဆိုတာ ပြည်သူလူထုရဲ့ ထောက်ခံ၊ ပူးပေါင်းပါဝင်မှုနဲ့ပဲ ဖြစ်ပေါ်ပြောင်း လဲရတာပါ။

လေရိုင်း

မြေပေါ်ပြန်မရောက်တဲ့ ဗကပ၊ ဗမာပြည် ကွန်မြူနစ်ပါတီရဲ့ အနှစ် ၈ဝ
ဘိုဘို
ဘီဘီစီမြန်မာပိုင်း
၉ သြဂုတ် ၂၀၁၉

၁၉၇၉ က ဗကပ ခေါင်းဆောင်များ

ဗကပလို့ အတိုကောက်ခေါ်ကြတဲ့ ဗမာပြည်ကွန်မြူနစ်ပါတီဟာ ပြည်တွင်းမှာ အခြေမစိုက်နိုင်တာ နှစ် ၃ဝ ရှိပြီ ဖြစ်ပေမယ့် မြန်မာပြည် နိုင်ငံရေးလောကမှာတော့ တမျိုးတဖုံ ရိုက်ခတ်မှု ရှိနေဆဲ ဖြစ်ပါတယ်။

လွတ်လပ်ရေးခေါင်းဆောင် ဗိုလ်ချုပ်အောင်ဆန်း သခင်ဘဝက ပါခဲ့တဲ့ ဒီပါတီကို ၁၉၃၉ ခုနှစ် သြဂုတ်လ ၁၅ ရက်က ရန်ကုန်မြို့မှာ ဖွဲ့ခဲ့တယ် ဆိုပေမယ့် တရားဝင် ရပ်တည်နိုင်ခဲ့တဲ့ ကာလကတော့ ၁၉၄၅ ဒုတိယကမ္ဘာစစ်ပြီးစကနေ ၁၉၄၈ ခုနှစ် လွတ်လပ်ရေးရပြီး ပုန်ကန်မှု မဖြစ်ခင်ထိ သုံးနှစ်ပဲ ရှိခဲ့ပါတယ်။

ရှေးဦးလက်ဝဲများ
၁၉၂ဝ ကျော် ဂျာမနီမှာ ဂျီစီဘီအေသမ္မတဖြစ်လာမယ့် ဦးစုတို့ ပညာသင်ကတည်းက ဗြိတိန်က မြန်မာကျောင်းသားတချို့နဲ့ လက်ဝဲဝါဒ ဆွေးနွေးတာတွေ စာပေးစာယူတွေ ရှိခဲ့ပါတယ်။ တို့ဗမာအစည်းအရုံး ဥက္ကဋ္ဌ မီးတုတ်သခင်သိန်းမောင်ကြီး ဖြစ်လာမယ့် ကိုသိန်းမောင် လန်ဒန်မှာ စာအုပ်ပညာသင်စဉ်ကလည်း တိုးတက်တဲ့ ကျောင်းသားအုပ်စုတွေနဲ့ ပတ်သက်ခဲ့ဖူးပါတယ်။

ပြည်တွင်းမှာလည်း ဆရာစံအထိမ်းအမှတ် စာကြည့်တိုက်မှာ ထားတဲ့ လက်ဝဲစာအုပ်တွေကို သခင်စိုးနဲ့ လက်ဝဲခေါင်းဆောင် ဖြစ်လာ မယ့်သူတွေ လေ့လာခဲ့တာ ရှိသလို ရန်ကုန်တက္ကသိုလ်မှာ ဒေါက်တာ ဘဟန်လို ပညာတတ်တွေကလည်း ဆိုဗီယက်အကြောင်း ဟောပြောတာတွေ စစ်ကြီးမဖြစ်ခင်ကတည်းက ရှိခဲ့တယ်လို့ သခင်ကျော်စိန်စတဲ့ လက်ဝဲသမားတွေက ရေးသားခဲ့ကြပါတယ်။ ဒါပေမဲ့ မြန်မာပြည် မှာ ကွန်မြူနစ်နာမည်ခံပြီး စုစည်းထူထောင်နိုင်တာကတော့ ၁၉၃၉ ကမှ ဖြစ်ပါတယ်။

မြန်မာပြည်နဲ့ လက်ဝဲနှစ်တရာ
ဒီပါတီကို တို့ဗမာအစည်းအရုံးက သခင်ခေါင်းဆောင်တချို့နဲ့ အိန္ဒိယကွန်မြူနစ်ပါတီက ကိုယ်စားလှယ်တွေ စတင်တည်ထောင်ခဲ့ပေမယ့် ကလာပ်စည်းသာသာပဲ ရှိခဲ့ပါတယ်။ ဒါကြောင့် ဂျပန်ကို ရဲဘော်သုံးကျိပ် လွှတ်တဲ့ကိစ္စ စတာတွေမှာ ဆိုရှယ်လစ်ဖြစ်လာမယ့် အရေးတော်ပုံ ပါတီအုပ်စုက ပိုပြီး တွင်ကျယ်ခဲ့ပါတယ်။

စစ်ပြီးစက ကွန်မြူနစ်လယ်သမားချီတက်ပွဲ

တည်ထောင်သူ ခုနစ်ယောက်
သခင်စိုး၊ သခင်သန်းထွန်းစတဲ့ ကွန်မြူနစ် ခေါင်းဆောင်တချို့ စစ်မဖြစ်ခင် ထိန်းသိမ်း ခံရစဉ်မှာ ရေးတဲ့ အင်းစိန်စစ်တမ်းမှာတော့ ဗြိတိသျှ၊ ဆိုဗီယက်တို့ပါတဲ့ မဟာမိတ်ဖွဲ့ပြီး ဖက်ဆစ်စနစ်ကို တိုက်ဖို့ တောင်းဆို ထားပါတယ်။ စစ်အတွင်းမှာ သခင်စိုးက မြစ်ဝကျွန်းပေါ်မှာ တိမ်းရှောင်ပြီး ကွန်မြူနစ်သင်တန်းတွေပေးသလို တော်လှန်ရေးအတွက် လူစုခဲ့ပါတယ်။ သခင်သန်းထွန်းကတော့ ဂျပန်အောက်မှာ ဝန်ကြီး ဖြစ်ခဲ့ပြီး သခင်ဗဟိန်းက အတွင်းဝန်ဖြစ်လာပါတယ်။ နောက် ဖက်ဆစ်တော်လှန်ရေးမှာ သူတို့ ပါဝင်ခဲ့ကြပါ တယ်။

သခင်အောင်ဆန်းနဲ့ ဗိုလ်လက်ျာဖြစ်လာမယ့် သခင်လှဖေတို့ကတော့ ဂျပန်ကို စစ်ပညာသွားသင်ပြီး ပြန်လာပြီးနောက်မှာတော့ တပ်ဘက်ကို ရောက်သွားကြပါတယ်။ စစ်အတွင်း ဖက်ဆစ်တိုက်ဖျက်ရေးအဖွဲ့ ဖွဲ့ရာမှာ တပ်၊ ကွန်မြူနစ်နဲ့ ဆိုရှယ်လစ် သုံးဖွဲ့လုံးပါဖို့ သဘောတူခဲ့ကြပြီး စစ်ပြီးမှာ ဗြိတိသျှဆီက လွတ်လပ်ရေးဆက်တောင်းကြပါတယ်။ လွတ်လပ်ရေးရပြီးနောက် တောခိုသွားတဲ့ ကွန်မြူနစ်နဲ့ အစိုးရ စေ့စပ်ရေးမှာ ဗိုလ်လက်ျာ ကူညီခဲ့ပါတယ်။

အလံနီလက်ကျန် ဗိုလ်ထိန်လင်း ကွယ်လွန်
စဖွဲ့ကတည်းက ပါတဲ့ သခင်ဗိုလ်ကတော့ ဂျပန်အောက်ကနေ ခိုးထွက်ပြီး အိန္ဒိယမှာ လေထီးသင်တန်းတက်ခဲ့သလို သခင်သိန်းဖေခေါ် သိန်းဖေမြင့်ရဲ့ ဘုံရိပ်သာမှာ လက်ဝဲစာပေတွေ လေ့လာခဲ့ပါတယ်။ နောက် မြန်မာပြည် ပြန်အလာမှာ လေယာဉ်ပျက်ကျပြီး ကွယ်လွန် ပါတယ်။ ဂိုရှယ်နဲ့ ဒေါက်တာနတ်ဆိုတဲ့ ဘင်္ဂါလီရဲဘော်တွေကတော့ အိန္ဒိယကို တိမ်းရှောင်ခဲ့ကြပြီး စစ်ပြီးမှ ပြန်ရောက် လာပါတယ်။

ကျောင်းသားကနေ ကွန်မြူနစ်ဖြစ်လာတဲ့ သခင်ဗဟိန်း

အလံနီ အလံဖြူ
ဒီပါတီဟာ ဒုတိယကမ္ဘာစစ်အတွင်းကမှ ပါတီဝင်တိုးပွားလာပြီး စစ်တပ်အတွင်းမှာ သဘောတရားသင်တန်းပေးတာမျိုးထိ ရှိလာခဲ့ပါ တယ်။ စစ်အတွင်း ဂျပန်ဖိနှိပ်မှုကို မခံနိုင်တဲ့၊ ကျောင်းတွေပိတ်လို့ ပညာရေး ပျက်ပြားပြီး အလုပ်အကိုင်မရေမရာဖြစ်နေတဲ့ လူငယ် အမျိုးသား အမျိုးသမီးတွေကိုလည်း စည်းရုံးနိုင်ခဲ့ပါတယ်။ စစ်ပြီးခေတ် ဖဆပလအဖွဲ့ထဲမှာ လက်ဝဲမဟုတ်သူတွေနဲ့ ကွန်မြူနစ်တွေ ပြိုင်ဆိုင်မှုတွေ ဖြစ်လာပြီးနောက် ကွန်မြူနစ်ပါတီ ထုတ်ပယ်ခံရသလို ကွန်မြူနစ် နှစ်အုပ်စုကွဲပြီး အလံနီနဲ့ အလံဖြူလို့ ဖြစ်လာပါတယ်။ သခင်စိုး ခေါင်းဆောင်တဲ့ အလံနီနဲ့ ရခိုင်ကွန်မြူနစ်တွေရဲ့ ပုန်ကန်မှုတွေလည်း လွတ်လပ်ရေး မရခင်ကတည်းက ပေါ်ပေါက်ခဲ့ပါတယ်။

ကျောက်ဆည် ဒေါ်မြရီ ရာပြည့်
ဗိုလ်ချုပ်အောင်ဆန်း ကျဆုံးပြီးနောက် ကွန်မြူနစ်နဲ့ ဖဆပလ ပိုမိုကွာဟလာပြီး ၁၉၄၈ မတ်လမှာ အလံဖြူခေါ် မြေပေါ်မှာ ကျန်နေတဲ့ ကွန်မြူနစ်တွေကို ဖမ်းဖို့ ဖဆပလအစိုးရက ကြိုးစားခဲ့ပါတယ်။ ဖဆပလ ရထားတဲ့ ဂိုရှယ်ရေးတဲ့ စစ်တမ်းတစောင်အရ ကွန်မြူနစ် သူပုန်ထဖို့ စီစဉ်နေလို့ ဖမ်းတာလို့ ဖဆပလက အကြောင်းပြပေမယ့် ဒီစစ်တမ်း တကယ်မရှိဘူးလို့ ကွန်မြူနစ်ဘက်က ငြင်းဆိုပါတယ်။

ပါတီဌာနချုပ်ကို ဝင်ဖမ်းချိန်မှာ ခေါင်းဆောင်တွေ လွတ်သွားပြီးနောက် ၁၉၄၈ ခုနှစ် ဧပြီလ ၂ ရက်မှာ ပဲခူးခရိုင် ပေါက်ကုန်းကြီးမှာ တိုက်ပွဲစဖြစ်တယ်၊ ဒါဟာ ပြည်တွင်းစစ်ရဲ့အစလို့ ဘာတီးလ်လစ်တနာ က ရေးပါတယ်။

ပြည်တွင်းစစ်အစမှာ ဖမ်းထားတဲ့ ကွန်မြူနစ်တွေ

အဲဒီအချိန်က အရှေ့ဥရောပနဲ့ အာရှတွင်း နိုင်ငံတွေမှာ ကွန်မြူနစ်ပါတီတွေက လက်နက်နဲ့ အာဏာယူဖို့ ကြံစည်တဲ့လှုပ်ရှားမှုတွေ ဖြစ်ခဲ့ပြီး တရုတ်ကွန်မြူနစ်ပါတီနဲ့ ကူမင်တန်အစိုးရကြား ပြည်တွင်းစစ်ကြီး ဖြစ်နေချိန်ပါ။ မြန်မာကွန်မြူနစ်တွေရဲ့ ပုန်ကန်လှုပ်ရှားမှုဟာ စွပ်စွဲကြသလို ဆိုဗီယက်နဲ့ အိန္ဒိယကွန်မြူနစ်တွေရဲ့ ညွှန်ကြားချက်ကြောင့်ဖြစ်ဖြစ်၊ ဖဆပလရဲ့ ဖမ်းဆီးမှုကြောင့်ဖြစ်ဖြစ် ပုန်ကန်မှုက ကွန်မြူနစ် ပြိုကွဲချိန်အထိ အနှစ် ၄ဝ ကျော် သက်တမ်းရှိခဲ့ပါတယ်။ အဲဒီအချိန်က ဖာနီဗယ်နဲ့ တခြားအနောက်တိုင်းပညာရှင်တွေက ဒီပုန်ကန်မှုဟာ စစ်ပြီးစ အလုပ်အကိုင်ရှားပါးမှုကြောင့် ဖြစ်တယ်လို့ ယူဆခဲ့ကြပေမယ့် ဖဆပလခေတ်မှာ စီးပွားရေး တိုးတက်လာမှုကြောင့်လည်း ဒီပုန်ကန်မှုက ပြီးဆုံးသွားတာ မဟုတ်ပါဘူး။ မြို့ပေါ်က တက္ကသိုလ်ကျောင်းသားတွေအထိ ဒီပုန်ကန်မှုကို အားပေး ပါဝင်သူတွေ ရှိလာခဲ့ပါတယ်။

ကွန်မြူနစ်ပုန်ကန်မှုဟာ နိုင်ငံကို ထိန်းချုပ်နိုင်တဲ့အဆင့် မရောက်ခဲ့ပေမယ့် ဧရိယာတချို့မှာတော့ ခြေကုပ်ယူနိုင်ခဲ့ပါတယ်။ ဒီပုန်ကန်မှုကြောင့် ရဲဘော်ဖြူတွေနဲ့ တပ်မတော်တပ်ရင်းတချို့ တောခိုသလို ကရင်နဲ့ တခြား လူမျိုးစု ပုန်ကန်မှုတွေလည်း ပေါ်ပေါက်ခဲ့ပါ တယ်။ ဖဆပလအစိုးရထဲက ဆိုရှယ်လစ်တွေကို ထုတ်ပယ်ပြီး လက်ယာသမားအစိုးရ ဖွဲ့ဖို့ ကြံစည်မှု ဖြစ်ခဲ့ပေမယ့် ဒီအကြံပျက်ပြီး ကရင်ပုန်ကန်မှု ဖြစ်ခဲ့တာပါ။

စီအိုင်အေမှတ်တမ်း
၁၉၄၉ မှာ တရုတ်ပြည်သူ့သမ္မတနိုင်ငံ ပေါ်လာပြီးနောက် တရုတ်ဘက်က အကူအညီတွေ မြန်မာကွန်မြူနစ်တွေဆီ ရောက်မှာကို အမေရိကန်နဲ့ အနောက်အုပ်စုအပြင် ဖဆပလအစိုးရကပါ စိုးရိမ်ခဲ့ပါတယ်။ စီအိုင်အေ အမေရိကန် ထောက်လှမ်းရေး မှတ်တမ်းတွေအရ လားရှိုးနဲ့ တန့်ယန်းမှာ ရှိတဲ့ ဘုံကျောင်းတချို့ဟာ တရုတ်ကွန်မြူနစ်စုရပ်တွေ ဖြစ်ပြီး ရန်ကုန်နဲ့ နယ်တွေမှာ ရှိတဲ့ အလုပ်သမား သမဂ္ဂဝင်တွေ၊ ကျောင်းသားလှုပ်ရှားသူတွေနဲ့ ဘုန်းတော်ကြီးတချို့ပါ မြန်မာကွန်မြူနစ်တွေရဲ့ ဆက်သားတွေ ဖြစ်နေတယ်ဆိုပြီး အမည်တွေနဲ့တကွ ဖော်ပြတာတွေ ရှိခဲ့ပါတယ်။

ဗြိတိသျှသံရုံးရှေ့ ဆန္ဒပြတဲ့ ငြိမ်းချမ်းရေးအဖွဲ့တွေ

ဒိုမီနိုသီအိုရီခေါ် တနိုင်ငံကွန်မြူနစ်ဖြစ်ရင် ဘေးကနိုင်ငံတွေပါ ကွန်မြူနစ်ဖြစ်ကုန်တယ် ဆိုတဲ့ အမေရိကန်မှာ ကွန်မြူနစ် တစ်ဆေခြောက်ချိန်မို့ လာအိုနဲ့ ဗီယက်နမ်မှာ ကွန်မြူနစ်တွေနဲ့ ပြင်သစ်တပ်တွေ တိုက်နေချိန်မှာ အဲဒီစစ်မီးက မြန်မာပြည်က ပြည်တွင်းစစ်နဲ့ပါ ပေါင်းမိမှာကို မြန်မာအစိုးရကော အမေရိကန်ကပါ စိုးရိမ်ပါတယ်။ ပြီးတော့ မြန်မာပြည်က ကွန်မြူနစ်တွေ တရုတ်ပြည်မှာ သင်တန်း တက်တာ၊ ဆေးကုတာတွေ လုပ်နေတာကိုလည်း အမေရိကန်က သိပါတယ်။ ဒါကြောင့် ဆိုရှယ်လစ်တွေ ကြီးစိုးတဲ့ ဖဆပလအစိုးရကို အမေရိကန်က ကွန်မြူနစ်အန္တရာယ်ပြပြီး စည်းရုံးပေမယ့် တရုတ်နဲ့ အိမ်နီးချင်းဖြစ်နေတဲ့ မြန်မာပြည်အတွက် အမေရိကန်နဲ့ ပေါင်းလို့မရ ဖြစ်ခဲ့ပါတယ်။

အနီးခေတ် တရုတ်- မြန်မာဆက်ဆံရေး ( ၂ )
နောက် တရုတ်ကနေ စစ်ရှုံးပြီး ထွက်ပြေးလာတဲ့ ကူမင်တန်တပ်တွေကို လာအိုနဲ့ ထိုင်းဘက်ကနေ အမေရိကန်ထောက်ပံ့နေတယ်လို့လည်း မြန်မာအစိုးရက စွပ်စွဲပါတယ်။ ဒီတပ်တွေကို တရုတ်ပြည်က ဝင်တိုက်တာတွေ ရှိလာတဲ့အတွက်လည်း ကူမင်တန်တွေ အမြန်ဆုတ်ခွာဖို့ ကုလသမဂ္ဂမှာ တိုင်ကြားခဲ့ရပါတယ်။ မြန်မာပြည်ရဲ့ နိုင်ငံခြားရေးဝါဒကိုလည်း ကြားနေရေးဝါဒအဖြစ် ကြေညာခဲ့ရသလို ဆိုရှယ်လစ်ဆန်တဲ့ စီးပွားရေး ပြုပြင်မှုတွေလုပ်ဖို့ ဖဆပလအစိုးရက ကြိုးစားခဲ့ပါတယ်။ တပ်မတော်ထဲမှာလည်း ဆိုရှယ်လစ်ဝါဒကို မြန်မာပြည်နဲ့ ကိုက်ညီအောင် လက်ခံဖို့ ကြိုးစားတာတွေ ရှိခဲ့ပြီး ၁၉၆၂ မှာ အာဏာသိမ်းဖို့ထိ ဖန်လာခဲ့ပါတယ်။

အာဏာသိမ်းပြီးနောက် တောထဲက လက်နက်ချလာတဲ့ ကွန်မြူနစ်နဲ့ ရဲဘော်ဖြူတချို့ လမ်းစဉ်ပါတီမှာ ပါဝင်ခဲ့ကြပေမယ့် ကွန်မြူနစ်နဲ့ တပ်မတော် သင့်မြတ်ရေးက မအောင်မမြင် ဖြစ်ခဲ့ပါတယ်။ ၁၉၆၇ တရုတ် ဗမာ အရေးအခင်းနောက်ပိုင်း တရုတ်ပြည်ရဲ့ လက်နက် ထောက်ပံ့မှုကြောင့် မြန်မာကွန်မြူနစ်တွေ အင်အားအင်မတန်ကြီးလာခဲ့ပြီး သံလွင်မြစ်အရှေ့ခြမ်းကို အနှစ် ၂ဝ လောက် ကြီးစိုးခဲ့ပါတယ်။ ပဲခူးရိုးမက ကွန်မြူနစ်ဌာနချုပ်ကိုတော့ တပ်ရဲ့ဖြတ်လေးဖြတ် ချေမှုန်းမှုကြောင့် လက်လွတ်ခဲ့ရသလို ပါတီဥက္ကဋ္ဌ နှစ်ယောက်လည်း ကျဆုံးခဲ့ရပါတယ်။

ရှစ်လေးလုံးနဲ့ ၄၈၂၈
၁၉၇ဝ ကျော်မှာပဲ အလံနီကွန်မြူနစ်ပါတီနဲ့ ၁၉၈ဝ မှာ ရခိုင်က ဗိုလ်သက်ထွန်းရဲ့ ကွန်မြူနစ်အဖွဲ့တွေ လက်နက်ချခဲ့ပါတယ်။ ဗကပနဲ့ မဆလတို့ ပြန်လည်စေ့စပ်ဖို့ တရုတ်အစိုးရက ကြိုးစားခဲ့ပေမယ့် မအောင်မမြင်ဖြစ်ခဲ့ပါတယ်။ ၁၉၈၅ ပါတီကွန်ဂရက်မှာတော့ ပြည်တွင်းမှာ ပါတီစုံစနစ် ပေါ်လာဖို့ ဗကပက စီမံချက်ချခဲ့ပါတယ်။ ၄၈၂၈ လှုပ်ရှားမှုကြောင့် ရှစ်လေးလုံးအရေးအခင်းဖြစ်တယ်လို့ ၁၉၈၈ နောက်ပိုင်းမှာ အာဏာသိမ်း နဝတအစိုးရက စွပ်စွဲခဲ့ပါတယ်။

ဗကပအောက်က ခွဲထွက်ခဲ့တဲ့ ဝတပ်သားတွေ

တကယ်ကတော့ မြို့ပေါ်မှာ ရှိတဲ့ ကွန်မြူနစ်လိုလားတဲ့ တက်ကြွသူတွေနဲ့ နိုင်ငံရေးသမားအများအပြား စစ်အစိုးရရဲ့ ဖမ်းဆီးမှုကို ခံခဲ့ရပါတယ်။ တဘက်မှာတော့ ကိုးကန့်နဲ့ ဝပုန်ကန်မှုကြောင့် ဗကပ ပြိုကွဲပြီး လက်နက်ကိုင် လှုပ်ရှားမှု အဆုံးသတ်ခဲ့ပါတယ်။ ဒါပေမဲ့ ကွန်မြူနစ်ဝါဒနဲ့ စာပေတွေ ဖတ်ရှုထုတ်ဝေမှုတွေကို မြန်မာပြည်တွင်းမှာ စစ်အစိုးရခေတ်တလျှောက် ပိတ်ပင်ထားခဲ့ပါတယ်။

ဝ တကယ်ကိုယ်ပိုင်အုပ်ချုပ်ခွင့်ရတဲ့နယ်မြေ
၂ဝ၁၆ ဒေါ်အောင်ဆန်းစုကြည်အစိုးရတက်လာပြီးနောက်ပိုင်းမှာလည်း ကွန်မြူနစ်ပါတီ ပြည်တွင်းအခြေချဖို့နဲ့ စေ့စပ်ဖို့ လမ်းစမရှိဖြစ်နေခဲ့ ပါတယ်။ ဒါကလည်း တပ်မတော် လွှမ်းမိုးမှု မကင်းတဲ့ မြန်မာ့ နိုင်ငံရေးမှာ ကွန်မြူနစ်ဆန့်ကျင်ရေးက ၁၉၅ဝ ကျော်ကလို ဆက်ပြီး ရှိနေ သေးတဲ့အကျိုးဆက်လို့လည်း ဆိုပါတယ်။ စတာလင်ပုံစံ ဗကပရဲ့ နိုင်ငံရေးကဏ္ဍက မြန်မာပြည်မှာ ပြန်ခေါင်းထူလာမလား ဆိုတာ ကလည်း မှန်းရခက်တဲ့အနေမှာ ရှိနေပါတယ်။

ပြည်တွင်းမှာ အလုပ်သမား လယ်သမားနဲ့ ကျောင်းသား ဆန္ဒပြတာတွေမှာ ကွန်မြူနစ် လွှမ်းမိုးမှုတွေရှိတယ်ဆိုတဲ့ စွပ်စွဲမှုတွေကလည်း လွတ်လပ်ရေးရပြီးစကနေ ခုထိရှိနေတာကို တွေ့ရပါတယ်။

burma
ဓာတ်ပုံ ရင်းမြစ်,KAUNG THAR
ဓာတ်ပုံ ပုံစာ,
ကွန်မြူနစ်ဆန့်ကျင်ရေး စာတပုဒ်

စစ်ကောင်စီ လက်အောက်ရှိ အမျိုးသားစည်းလုံးညီညွတ်ရေးနဲ့ ငြိမ်းချမ်းရေးဖော်ဆောင်မှု ကော်မတီ (NSPNC)နဲ့ NCA လက်မှတ် ရေးထိုးထားတဲ့ တိုင်းရင်းသားလက်နက်ကိုင် အဖွဲ့အစည်းတွေ တွေ့ဆုံဆွေးနွေးပွဲအတွင်း သျှမ်းပြည်ပြန်လည် ထူထောင်ရေးကောင်စီ (RCSS/SSA)ရဲ့ အတွင်းရေးမှူး(၁) ဗိုလ်မှူးကြီး စိုင်းငင်း
ဆွေးနွေးချက်

မတ်လ ၂၈ ရက်