Delight Engineering Co.,Ltd

" သန္ဓေ ၊ တောထွက် ၊ ဓမ္မစက်
ဟောမြွက်သံချို လဝါဆို "

ဝါဆိုလပြည့် ဓမ္မစကြာအခါတော် နေ့မှာ
အားလုံး #စိတ်ချမ်းသာ၊ #ကိုယ်ကျန်းမာ နဲ့ #ကုသိုလ်တရား ပွါးများနိုင်ကြပါစေ ကြောင်း
Delight Engineering Co.,Ltd မှ
ဆုတောင်းမေတ္တာပိုသအပ်ပါသည် 🙏😊

“ဝါဆိုလပြည့် ဓမ္မစကြာအခါတော်နေ့”

🙏🙏🙏🙏🙏🙏🙏🙏🙏🙏🙏🙏

ဗုဒ္ဓဘာသာ၀င်များအတွက် ဝါဆိုလပြည့်နေ့သည် နေ့ထူးနေ့မြတ် ဖြစ်သည်။
ဝါဆိုလပြည့်နေ့တွင် ဂေါတမမြတ်စွာဘုရား အလောင်းတော်သည် တုသိတာနတ်ပြည်မှ သက်ဆင်း၍ လူ့ပြည်၌ ပဋိသန္ဓေတည်ခဲ့သည်။
ဝါဆိုလပြည့်နေ့မှာပင် ဘုရားအလောင်းတော် သိဒ္ဓတ္ထမင်းသားသည် တောထွက်တော်မူခဲ့သည်။
ထို့ပြင် ဝါဆိုလပြည့်နေ့မှာပင် ဘုရားရှင်သည် ပဉ္စ၀ဂ္ဂီ ၅-ဦးကို ဓမ္မစကြာတရားဦး ဟောတော်မူခဲ့သည်။
ထိုမျှမက ဝါဆိုလပြည့်နေ့မှာပင် ဘုရားရှင်သည် သာ၀တ္ထိပြည် သရက်ဖြူပင်ရင်း၌ တိတ္ထိများကို နှိမ်နင်း၍ တန်ခိုးပြာဋိဟာ ပြတော်မူခဲ့သည်။
“သန္ဓေ ၊ တောထွက် ၊ ဓမ္မစက်၊ ဟောမြွက်သံချို လ-ဝါဆို”
ထိုထိုအကြောင်းများကြောင့် ဝါဆိုလပြည့်နေ့ကို ဗုဒ္ဓဘာသာ၀င်တို့က နေ့ထူးနေ့မြတ်အဖြစ်သတ်မှတ်ခဲ့ခြင်း ဖြစ်သည်။

ဤနေ့ထူးနေ့မြတ်တွင် ပါ၀င်သော ဓမ္မစကြာတရား ဟောတော်မူသည့် “ဝါဆိုလပြည့်နေ့”ကို “ဓမ္မစကြာအခါတော်နေ့”ဟူ၍ သတ်မှတ်ထားသည်။
ဘုရားရှင်သည် ဓမ္မစကြာတရားတော်ကို မိဂဒါဝုန်တောရှိ

ပဉ္စ၀ဂ္ဂီ ၅-ဦးကို ဟောပြောတော်မူခဲ့သည်။
ယင်းသို့ဟောပြောရာတွင် ပဉ္စ၀ဂ္ဂီ ၅-ဦးနှင့်အတူ နတ်ဗြဟ္မာ ၁၈-ကုဋေတို့ နာယူကြသည်ဟူ၍ ကျမ်းဂန်၌ ဆိုထားသည်။

ဓမ္မစကြာတရားခေါ် ဓမ္မစကြာသုတ္တန်သည် အလွန်ထူးမြတ်သည်။
ဘုရားရှင်သည် ဘုရားအဖြစ်သို့ ရောက်တော်မူပြီးနောက် ဦးဦးဖြားဖြား ဟောကြားတော်မူသော တရားဒေသနာတော် ဖြစ်သည်။
ဤဓမ္မစကြာသုတ္တန်ကို ပိဋကတ်ကျမ်းဂန်များ၌ ဓမ္မစက္က ပ၀တ္တန သုတ္တန်ဟူ၍ ခေါ်ဆိုထားသည်။

ဓမ္မစကြာတရားတော်တွင် ရှေးဦးစွာ ဝဲယာအစွန်း နှစ်ပါးကို ရှောင်ကြဉ်ရန် ဟောပြောထားသည်။ ဝဲယာအစွန်းနှစ်ပါး ဟူသည် ကာမသုခလ္လိကာနုယောဂ တည်းဟူသော ကာမဂုဏ်ချမ်းသာတို့ကို ခံစားပျော်ပါးခြင်း၊ အတ္တကိလမထာနုယောဂ တည်းဟူသော မိမိကိုယ်ကို ဒုက္ခပေး၍ ကျင့်ကြံအားထုတ်ခြင်း၊
ယင်း ၂-ပါးတို့ကို ရှောင်ကြဉ်၍ နိဗ္ဗာန်ချမ်းသာ ရရှိရေးအတွက်ကို
“မဇ္ဈိမာပဋိပဒါ အလယ်လမ်းစဉ် ဖြစ်သော မဂ္ဂင်ရှစ်ပါး”ကို ကျင့်ကြံအားထုတ်ရန် ညွှန်ပြတော်မူသည်။

မဂ္ဂင်ရှစ်ပါး ဟူသည်-
•••••••••••••••••••••••••••••
(၁) သမ္မာ ဒိဋ္ဌိ=ကောင်းမြတ်စင်ကြယ်သော သိမြင်မှု။
(၂) သမ္မာ သင်္ကပ္ပ=ကောင်းမြတ်စင်ကြယ်သော ကြံစည်မှု။
(၃) သမ္မာ ဝါစာ=ကောင်းမြတ်စင်ကြယ်သော ၀စီကံမှု။
(၄) သမ္မာ ကမ္မန္တ=ကောင်းမြတ်စင်ကြယ်သော ကာယကံမှု။
(၅) သမ္မာ အာဇီ၀=ကောင်းမြတ်စင်ကြယ်သော အသက်မွေးမှု။
(၆) သမ္မာ ဝါယာမ=ကောင်းမြတ်စင်ကြယ်သော အားထုတ်မှု။
(၇) သမ္မာ သတိ=ကောင်းမြတ်စင်ကြယ်သော အောက်မေ့မှု။
(၈) သမ္မာ သမာဓိ=ကောင်းမြတ်စင်ကြယ်သော တည်ကြည်မှု-တို့ ဖြစ်သည်။

ထို့နောက် ဆက်လက်၍ သစ္စာလေးပါးကို ဟောတော်မူသည်။

သစ္စာလေးပါးကား-
(၁) ဆင်းရဲအမှန်ဟူသော ဒုက္ခသစ္စာ။
(၂) ဆင်းရဲဖြစ်ကြောင်းအမှန်ဟူသော သမုဒယသစ္စာ။
(၃) ဆင်းရဲချုပ်ငြိမ်းရာအမှန်ဟူသော နိရောဓသစ္စာ။
(၄) ဆင်းရဲချုပ်ငြိမ်းရာသို့ ရောက်ကြောင်းအမှန်ဟူသော
မဂ္ဂသစ္စာ- ဟူ၍ ဖြစ်ပါသည်။

ဘုရားရှင်က ဤတရားတို့ကို ပူဇော်မှု၊ ယုံကြည်မှု သက်သက်မျိုး မဟုတ်ဘဲ ကိုယ်တိုင် ကျင့်ကြံပွားများ အားထုတ်ရမည်ဟူ၍လည်း ညွှန်ပြထားတော်မူသည်။

ထို့ကြောင့် ကျွန်ုပ်တို့သည် ဤနေ့ထူးနေ့မြတ်ဖြစ်သော ဝါဆိုလပြည့် ဓမ္မစကြာအခါတော်နေ့တွင် ဓမ္မစကြာတရားတော်ကို ဆင်ခြင်သုံးသပ်၍ ကိုယ်တိုင် တတ်စွမ်းသမျှ ကျင့်ကြံပွားများ အားထုတ်သင့်ပေသည်။

အထူးသဖြင့် သစ္စာလေးပါးတွင်

ဒုက္ခသစ္စာကို ပိုင်းခြား၍ သိရမည်။
သမုဒယသစ္စာကို ပယ်ရမည်။
နိရောဓသစ္စာကို မျက်မှောက်ပြု(ဆိုက်ရောက်)ရမည်။
မဂ္ဂသစ္စာကို ပွားများရမည်- ဟူသော အချက် ၄-ချက်ကို
ခန္ဓာဉာဏ်ရောက် နှလုံးသွင်း၍ လေ့လာမှတ်သား ပြုကျင့်သင့်ပေသည်။

🙏🙏🙏🙏🙏🙏🙏🙏🙏🙏🙏🙏

ယောနသံ မှ pageကူယူမျှဝေပါသည်။

ရောဂါပိုး အများစုက လက်နဲ့ နှာခေါင်း၊ ပါးစပ်တို့ကို
ကိုင်မိရာကနေပြီး အကူးများတာပါ။
Mask တပ်ထားရင် မတပ်တာထက် ရောဂါကူးစက်နိုင်ခြေ အင်မတန်နည်းပါတယ်။
#လက်ဆေးပါ။
်ပါ။
အသုံးပြုပြီးသား Mask များကို အမှိုက်ပုံးထဲသို့ စနစ်တကျစွန့်ပစ်ပါ။
ကျေးဇူးပြုပြီး ဤပိုစ့်ကို Share ပေးပါ။

ရောဂါပိုး အများစုက လက်နဲ့ နှာခေါင်း၊ ပါးစပ်တို့ကို
ကိုင်မိရာကနေပြီး အကူးများတာပါ။

Mask တပ်ထားရင် မတပ်တာထက် ရောဂါကူးစက်နိုင်ခြေ အင်မတန်နည်းပါတယ်။

#လက်ဆေးပါ။
်ပါ။

အသုံးပြုပြီးသား Mask များကို အမှိုက်ပုံးထဲသို့ စနစ်တကျစွန့်ပစ်ပါ။
ကျေးဇူးပြုပြီး ဤပိုစ့်ကို Share ပေးပါ။