Easy Referral Service

နှလုံးသွေးကြောပိတ်ရောဂါအကြောင်း သိကောင်းစရာ အပိုင်း(၁)

နှလုံးသွေးကြောပိတ်ရောဂါသည် နှလုံးအတွင်းရှိသွေးလွတ်ကြောများပိတ်သွားသောအခါတွင်ဖြစ်သည်။ လက္ခဏာများမှာ ရင်ဘတ်အောင့်ခြင်း(သို့)နာခြင်း နှင့် တစ်ခါတစ်ရံ လက်မောင်း၊ပခုံး၊လည်ပင်းနှင့်မေးရိုးအထိပြန့်ကာအောင့်ခြင်း(သို့)နာခြင်း ဖြစ်တတ်သည်။ တစ်ခါတစ်ရံရင်ပူသလိုမျိုး ခံစားရတတ်သည်။ အခြား လက္ခဏာများမှာ မောခြင်း၊ရင်တုန်ခြင်းနှင့် နှလုံးခုန်မမှန်ခြင်းတို့ခံစားရတတ်သည်။ စိတ်ပင်ပန်းချိန်၊ ခန္ဓာကိုယ်ပင်ပန်းချိန်များတွင် ဖြစ်သည်။

ယခင်အခါတွင် အသက်ကြီးပိုင်းလူများသာဖြစ်ကြပြီး ယခုအခါတွင် လူငယ်များပါဖြစ်လာတတ်ကြပါသည်။

ထိုရောဂါဖြစ်ရခြင်းအကြောင်းရင်းများမှာ-
၁။သွေးတိုး
၂။ဆီးချို
၃။ဆေးလိပ်သောက်ခြင်း
၄။အဝလွန်ခြင်း
၅။သွေးတွင်းအဆီဓါတ်များခြင်း
၆။အရက်အလွန်အကျွံ့သောက်ခြင်းများကြောင့်ဖြစ်ပါသည်။

ရောဂါကိုအကောင်းဆုံးကုသခြင်းမှာ ရောဂါမဖြစ်ခင်ကြိုတင်တာဆီးခြင်းသာဖြစ်သည်။ဥပမာ-
၁။သွေးမတိုးအောင်နေထိုင်ခြင်း
၂။ဆေးလိပ်မသောက်ခြင်း
၃။လေ့ကျင့်ခန်းပုံမှန်လုပ်ခြင်း
၄။အစားအသောက်ကို လိုသလောက်သာစားခြင်း၊ အဆီရှောင်ခြင်း၊ အငံလျှော့စားခြင်း
၅။အရက်ကိုသတ်မှတ်ထားသော အတိုင်းအတာသာ သောက်သုံးခြင်း

ထိုအကြောင်းအရာများသည် နေ့စဥ်ပုံမှန်ပြုလုပ်သွားရုံဖြင့် သက်သာလွယ်ကူသော ရောဂါကာကွယ်ခြင်းဖြစ်ပါသည်။

ရောဂါကြိုတင်ကာကွယ်ခြင်းနည်းလမ်းများကိုနောင်နေ့များတွင် အသေးစိတ်ဖော်ပြပေးသွားပါမည်။

ကျန်းမာရေးစောင့်ရှောက်မှုဆိုတာ မိသားစုတိုင်းအတွက်မရှိမဖြစ်လိုအပ်တဲ့အရာတစ်ခုပါပဲ။ ဆေးရုံ ဆေးခန်းနဲ့ ဆေးဝါးအသုံးအဆောင်တွေဟာလည်း ယနေ့ခေါတ်အချိန်အခါမှာ များစွာတိုးတက်လို့နေပါပြီ။

ကျန်းမာရေးဆွေးနွေးတိုင်ပင်ခြင်းနှင့်ကုသခြင်းများကိုဝန်ဆောင်မှု​ပေးတဲ့အဖွဲ့အစည်းများစွာထဲကမှ ကျွန်တော်တို့ ERS ဟာလည်းတစ်ခုအပါအဝင်ဖြစ်ပါတယ်။

ERS ဟာ မှန်ကန်ထိရောက်တဲ့လမ်းညွှန်မှုနဲ့အကြံပေးဆွေးနွေးခြင်း၊ အသုံးစာရိတ်ကုန်ကျမှုလျှော့ချခြင်းနှင့် မိမိခံစားနေရသောရောဂါဝေဒနာများအတွက် မိမိတတ်နိုင်တဲ့ငွေကြေးသုံးစွဲပြီးဆေးရုံဆေးခန်းပြဖို့နဲ့ကုသဖို့အပိုင်းမှာ အဓိကထားဝန်ဆောင်မှုပေးနေတာဖြစ်တာနဲ့အညီ မိမိတို့မိသားစုပတ်ဝန်းကျင်အတွက် ERS ကအမြဲအသင့်ရှိနေပြီဖြစ်တဲ့အကြောင်း မိတ်ဆက်ပြောကြားလိုက်ပါတယ်။

များမကြာခင်အချိန်အတွင်းမှာ အသုံးပြုရလွယ်ကူတဲ့ ဆော့ဝဲစနစ်တစ်ခုကိုလည်း မိဘပြည်သူများလက်ထဲသို့အရောက်ပို့ဆောင်နိုင်ဖို့ စီစဥ်လျှက်ရှိပါတယ်။

မိမိသိလိုသောအကြောင်းအရာများနဲ့ အကြံပေးဆွေးနွေးခြင်းများကိုရရှိဖို့ Page messenger ကတဆင့် ဆက်သွယ်နိုင်ပါပြီ။