Zofa Journal
Share
11/06/2026
Jet-Fighter Hmanga CDF-Zophei Headquarters An Bomb Avangin Secretary Van Dawr Chin A Boral
June 11th,2026 - Zofa Journal║Chinland ram Chin Hill Thantlang leh Matupi township a awm Zopheiram (region) chu tukin dar 8:00 AM vel khan Military council Min Aung Hlaing sipai ten Jet-Fighter hmangin an bomb ta chiama, Chinland Council zawmtu CDF-Zopheiram hruitu pakhat nula Van Dawt Chin a boral phah thu a thawhpui ten an puang.
Sayamah Sung Hluan fanu Van Dawt Chin@Chinchin chu CDF-Zopheiram Council ah nihna pawimawh tak chelhin secretary chelhmek tu a ni a, SSPC Min Aung Hlaing sipai ten an awmna CDF-Zophei Headquarters an Bomb a, Nula Chinchin chu ram leh hnam mipui zalenna tan Headquarters ah awm ve rengin a rammu ve meka, a hun pum leh a nunna hlu tak hlanralin tukin ah chatuanram a pan ta a ni.
Thantlang leh Zophei region vel chu Military council Min Aung Hlaing sipai ten Jet-Fighter hmangin an la bomb chhun zawm meka, felfai taka chanchin hriat theih a la ni lo; he mi chungchang ah CDF-Zopheiram Council chuan official taka thu chhuah erawh a la nei lo a mahse an mahni thawktu te zing atanga he chanchin lungchhiat thlak tak mai hi hriat a ni.
-------------------------------------------------
WhatsApp = https://whatsapp.com/channel/0029Vaa6QLbBqbr3l7fTek0J
Telegram = https://t.me/+6L1xcB9LJ_E1NDFl
Chin Hill Atanga Raltlan Mizoram University Kalmek Tlangval Salai Fu Far, Tui Tla Hlum
June 10th,2026 - Zofa Journal║Chinland ram Chin Hill Zotung unau Salai Fu Far chu a school kalpui thian te nen June ni 6 khan picnic sport turin, a awmna Aizawl atang Lungverh ah an kal ho a, tlai dar 4:00 PM velah Lungverh tuikhuahah tla sual palhin van duai thlak tak maiin a thi a, tlai dar 7:00 PM vel ah a ruang lak chhuah a ni thu a thian ten an sawi.
Zofa Journal atanga chanchin felfai kan dawn danin;
Boral ta tlangval Salai Fu Far chu (Kum-24) bawrvela upa a ni a, Myanmar Chin Hill, Matupi Township, Matupi Khawpui a cheng mek Pu Aung Htang Shwe (ဦး အောင်ထန်းရွှေ) fapa a ni a; India ram Mizoram State Capital Aizawl khawpui Mualpui vengah raltlan in a awma, Hostel atangin Mizoram University political science zirna a kal mêka, k*m in hi a zawhfel k*m (Last years) na a ni thu a thian ten an sawi.
Tui tla hlum University zirlai Salai Fu Far chu Zotung unau te zinga mi a ni a, a ruang chu Aizawl khawpui atangin an khua Chin Hill lamah June ni 8 khan a thleng fela, zahawm tak leh phal lo chungin a Chhungte leh thian rual ten June ni 8 ni la la chuan vui liamna an nei nghal a ni.
ASEAN One Championship Fight-a Tel Mizo Tv Nazareth Lalthazuala Lo Hawng
June 9th,2026 - Zofa Journal║ASEAN khawmual Thailand ram, Bangkok khawpui a ONE Championship in khelhnaah, Mizo zinga tel hmasa ber Tv Nazareth Lalthazuala’n chu June ni 5 Friday Fight 157 ah hnehna changa, vawiin ah India ram, Mizoram State Aizawl- Lengpui airport a thlenga ropui takin tawlhlopuan nen an lo hmuak.
Pu Lalhratthanga fapa tlangval Nazareth Lalthazuala chu India ram Mizoram State Aizawl khawpui, Zemabawk East venga cheng mek an ni a, an veng YMA ten chawimawina te neiin vawiin hun hlim awm an hmang za.
09/06/2026
Tamu Lam Inkahna Avangin Zofate Tahan Lam Raltlan An Tam
June 9th,2026 - Zofa Journal║Chinland ram Zophai Kabaw Tamu Township ah Military Council sipai leh Mipui sipai lam in ep na leh in kahna a nasat avangin, Zofate mi singtel Tahan (kalay) lam an raltan thu dawn a ni.
Thu dawn danin;
June ni 3 khan Tamu Township Kanan khua (Khampat bul) leh a chheh vel chu military council sipai ten Jet-Fighter leh Drone hmangin vawi tam Bomb a thlaka, hliam tuar te pawh an awm ngei nia hriat a ni a, nunna chan erawh an awm thu hriat tur a la awm lo.
June ni 7 ah Kalay Khawpui atangin SSPC sipai zatel chu Tamu Township lam nawr turin motor in an kala,Manipur (India) leh Tamu (Myanmar) in ramri na bul;Tamu khawpui atanga Zohmun khaw in kar mipui sipai thu nunna (venghimna) hmun Nahmunta khua ah in kahna thlenga, June ni 8 ah mipui sipai te hnung tawlhin SSPC sipai lamin an luah lum leh tawh thu dawn a ni.
A bikin Kabaw lam Zofate chenna Zohmun khua, Kanan khua, Khampat khua, Hmuntha khua leh a chheh vel chu Kalay khawpui Tahan khua leh a chheh vel bul (khua) hnaiah na men lo in mipui sangtel an raltlan khawm tawha; thlenna tur nei lo te chu a hranin (Kalay)Tahan Kohhran tin te leh khawtlang hmalakna&tangrualna angin mipui raltlan chhawm dawlna leh an mamawh ei in te buatsaih sakin awmna an pek thu hriat zui a ni, raltlan ve thei lo mi harsa te pawh motor in an va hruai thina harsatna karah mipui lawm leh fak an hlawh hle.
Military council sipai ten Kabaw lam an Camp pui an chan tak Khampat hmun chu luahlum tumin, ralthuam te nen sipai chakna in an nawr leh mek a, tangrual mipui sipai ten he hun tan in puah chahna tha tak tak an neihsa te nena, do let an tum avangin Khampat leh a chheh vel mipui an raltan phah ni in tualchhung upa ten an hmuh dan Zofa Journal a hrilh ve bawka, a ai fiahin kan la hre zel turah ngai i la: chanchin update tul awm chuan chhunzawm leh a ni ang.
-------------------------------------------------
WhatsApp = https://whatsapp.com/channel/0029Vaa6QLbBqbr3l7fTek0J
Telegram = https://t.me/+6L1xcB9LJ_E1NDFl
08/06/2026
CDF-Thantlang Basic Military Training Batch-12 Closing Ceremony Neih Fel A Ni
June 8th,2026 - Zofa Journal║Chinland ram Chin Hill Thantlang township a awm Chinland Council zawmtu mipui sipai, CDF-Thantlang chuan June ni 6 khan Basic Military Training Batch-12 Closing Ceremony chu, General Headquarters Camp lamah tluang taka an neih fel thu vawiin an puang.
Sipai training vawi-12 na tawp kharni ah chuan thu awi lawm man te, chhel lawm man te, silai kap thiam lawm man te siam sak an ni a; ram leh hnam tan rinawmna thu tiam te neiin, CDF-Thantlang hotu ten fuihna thu an sawi a chutichuan hunserh hman fel a ni.
-------------------------------------------------
WhatsApp = https://whatsapp.com/channel/0029Vaa6QLbBqbr3l7fTek0J
Telegram = https://t.me/+6L1xcB9LJ_E1NDFl
Click here to claim your Sponsored Listing.
Category
Telephone
Website
Address
Kalemyo
