GWA CBT

ကျနော်တို့နေထိုင်တဲ့ ဝန်းကျင်မှာ သိသယောင်ယောင် မသိသယောင်ယောင်ရှိတဲ့ အကောင်ပလောင်လေးတွေ၊ ပန်းမန်တွေ ၊ သစ်ပင်တွေရှိနေပါတယ်။

ဆိုလိုတာက ဥပမာ.. မြွေ ၁ကောင် တွေ့တယ်ဆိုပါတော့။ မြွေမှန်းတော့သိတယ်။ ဘာမြွေအမျိုးအစားလဲ? ဘယ်မျိုးရင်းလဲ? အဆိပ်ရှိသလား /မရှိဘူးလား? အတိအကျ သိမနေတာကို ဆိုလိုတာပါ။

ဒါဆိုရင်တော့ သိနိုင်တဲ့လူကို မေးကြည့်ရမှာပေါ့။

မနေ့က မိတ်ဆွေတယောက်က Messenger ကနေ လိပ်ကလေး ၁ ကောင် ရထားကြောင်း ပုံပို့လာပါတယ်။

Native Species Conservation and Identification in Myanmar ဂရုထဲ သွားပြီး မေးတော့ ရှားပါးမျိုးစိတ် လိပ်ဝါလေး ဖြစ်နေတယ်။

အခုတော့ သူ့ကို အေးချမ်းပြီးဘေးကင်းမယ့် ဆရာဒေါက်တာ မောင်မောင်ကြည်ရဲ့ " ကျောက်တောယောင်" သဘာဝဥယျာဥ်ကို ပို့ဖို့ စီစဥ်နေပါတယ်။ ယခင်က ၁ ကောင်ပို့ပေးဖူးပါတယ်။

ယခင်ပို့ဖူးတဲ့ ကောင်လေးက ကမ္ဘာပေါ်မှာ ရခိုင်တောင်ရိုးတခုတည်းမှာသာ တွေ့ရတဲ့ "ရခိုင်တောင်လိပ်"ပါ။ အခုလို အကောင်လေးတွေ တွေ့ရင် ကိုယ်တိုင်အိပ်စိုက်ပြီးဝယ်။ တကူးတက တယုတယနဲ့ ဆရာ့ဆီ ရောက်အောင် ပို့ပေးတာပါ။

အခု လိပ်ဝါလေးကိုလည်း အိပ်စိုက်ကယ်တင်လိုက်ပါဦးမယ်။ ကမ္ဘာမြေအတွက် ကုသိုလ်ပေါ့ ခင်ဗျာ။