Postcards from Burma
Share
07/09/2020
#အလွမ်းပြေ (၄)
ထားဝယ်ကို ကျနော် အကြွေးရှိနေတယ်။ ထားဝယ်အကြောင်းရေးဖို့ဆိုပြီး ၂ ခေါက်တိတိလာတယ်။ ပြီးတော့ ဘာမှဆက်မဖြစ်ဘူး။လူတွေက တချို့အကြောင်းအရာတွေကို ချက်ချင်းထလုပ်ဖို့ ဘာကြောင့်တွန့်ဆုတ်နေပါလိမ့်...😈 ။
ဒီပုံထဲကနေရာလေးက ဖိုးဖိုးကျောက် ကမ်းခြေမှာပါ။ အမှန်ဆို သိပ်လှ၊ ရေသိပ်ကြည်တဲ့ ကမ်းခြေပေါ့ ။ ကျနော် ရောက်တော့ အဲ့နေ့က မိုးရွာတာနဲ့တိုးပြီး ရေကလည်းနောက်နေတယ်။ ခရီးထွက်တဲ့အခါ ခရီးသွားLuck ဆိုတာလဲ တခါခါ လိုသေးတယ်။ ဘယ်လောက်ပဲပြင်ဆင်သွားသွား ရာသီဥတုက နှောက်ရင် သွားတာပဲ။ အဲ့တော့ နောက်ပိုင်းခရီးသွားတဲ့အခါ စိတ်ကိုပါ ပြင်ဆင်ပြီး သွားတတ်လာတယ်။
06/09/2020
#အလွမ်းပြေ (၃)
ပြည်ရောက်တော့ ...
သရေခေတ္တရာမြို့ဟောင်းကို ဘယ်သွားရမှန်းမသိလို့သာ ဝင်လိုက်တာ။ ယူနက်စကိုဝင်ထားတဲ့ မြို့ဟောင်းတခုပေါ့ ၊ မြို့ရိုးဘာညာ လေးတွေရှိမယ်ပေါ့။ ဒီလောက်ပဲ။ ရောက်သွားတော့မှ သပ်သပ်ရပ်ရပ်၊ စိမ်းစိမ်းစိုစို၊ လှလှပပ နဲ့ သေချာပြင်ဆင်ထားတဲ့ လေ့လာစရာအပြည့် ၊ ယူနက်စကို အသိမှတ်ပြု ပျူမြို့ဟောင်းတစ်ခုအဖြစ် မြင်လိုက်ရတယ်။ သမိုင်းလေ့လာသူရော၊ ဓါတ်ဆင်/ဓါတ်ရိုက် ဝါသနာပါသူတွေအတွက်ပါ လည်ပတ်စရာနေရာတခုဆိုလည်း မမှားပါဘူး။ ကားနဲ့သွားတာထက် သုံးဘီး၊ စက်ဘီး ၊ဆိုင်ကယ် တခုခု နဲ့ စိမ်ပြေနပြေ လေ့လာသင့်တဲ့ နေရာလေးတခုပါ။
ပုံထဲက ဘောဘောကြီးစေတီဆို မြင်နေကြမဟုတ်တဲ့ ထူပါစေတီအမျိုးအစားလည်းဖြစ် ၊စေတီနားမရောက်ခင် အဝင်လမ်းကတည်းက အတန်းလိုက်ရှိနေတဲ့ အပင်တွေနဲ့ ဘောဘောကြီးစေတီဟာ အတော်သပ္ပါယ်လှတယ်။
စကားမစပ် ပြည်မြို့ဟာ ထင်မထားလောက်အောင် လေ့လာစရာတွေများတဲ့အပြင် အစားအသောက်လည်း အတော့်ကိုကောင်းတဲ့ မြို့လည်းဖြစ်ပါတယ်။
04/09/2020
#အလွမ်းပြေ (၁)
မှတ်မိသေးတယ် ...
ပြီးခဲ့တဲ့ ဆောင်းတွင်းတုန်းက ကိုယ်ရဲ့ ကားပိစိနဲ့ တောင်အထပ်ထပ် ကွေ့အသွယ်သွယ်ကို ဖြတ်ပြီး ပင်လောင်းမြို့ကိုသွားဖြစ်ခဲ့တယ်။ ပထမဆုံး ရှမ်းပြည်ဘက် ကားမောင်းဘူးတဲ့ အတွေ့အကြုံပါပဲ။ ပထမဆုံး ရန်ကုန်ကနေ ၆ နာရီအထက် ခရီးရှည်မောင်းဘူးတာဆိုလဲ ဟုတ်တယ်။ နေပြည်တော်ကနေ ၁ နာရီလောက် တောင်တက် ၊ ၁၅ ထပ်ကွေ့ဆိုတာကို အသက်ဖွဖွလေးရှုပြီးမောင်း၊ ပေါင်းလောင်းမြို့ရောက် ၊ ပြီးတာနဲ့ ဗြုန်းဆို ဒီ လိန်းလီတံတားကြီး ပေါ်လာတော့ာပဲ။ နေပြည်တော်ဘက်ကနေ ပင်လောင်းသွားချင်တာဖြစ်ဖြစ် ၊ ကလောက်ဘက်ဆက်သွားချင်တာပဲဖြစ်ဖြစ် ၊ ကယားဘက် ထပ်သွားချင်တာပဲဖြစ်ဖြစ် ဒီတံတားကိုဖြတ်သွားရမှာပါ။ မြေပြင်ကကြည့်ရင်လည်း တံတားကြီးကမိုက်သလို ကျနော်ကတော့ အပေါ်စီးကနေ တံတားကိုမြင်ရတာ တံတားရယ် ဆည်ရယ် တောင်တန်းတွေရယ်နဲ့ အတော် ကြည့်ကောင်းတယ် ထင်မိတယ်။ တံတားအကျော်လေးမှာ နန်းမွန်ကြီးရေတံခွန်ကို ပို့ပေးတဲ့ လှေဆိပ်တွေရှိတယ်။ ခဏတဖြုတ် ကားလည်းနားရင်း ဆိုင်လေး ဘာလေး ထိုင်လို့ရတာပေါ့။
Click here to claim your Sponsored Listing.
Category
Contact the business
Telephone
Website
Address
Dawei
