Torchan.RIAD

كتاب عليا نعيش بنصف دماغ.
سلام مي طاتي نعرفكوم براسي،أنا رضيع عمري شهرين التجربة لي عشت و مزال كنعيش كثر من عمري ، عشت تحت أسوار المستشفى كثر ما عشت فدارنا فالحضن دالأم ديالي.
تزايدت 25/09/25 فالوقت لي كانت الأم ديالي فرحانة و كلها أمل نكون بيخير و نفرحها، القدر كان عندو رأي آخر بحيث تزايدت بمرض عصبي نادر في الدماغ و لي هو تضخم نصف الدماغ بسبب تشوه ، المشكل ماشي هنا المشكل هو الأعراض ديال هاد التشوه من بينهم الصرع المقاوم لالدواء ، يوميا كيجيوني نوبات صرع كثيرة كل ساعتاين يالاه كنفيق من نوبة كتزورني التانية لدرجة ما بقيتش كانفيق ، لدرجة نعست فالإنعاش و لكن بدون فائدة حيت المشكل ديالي صعيب بزاف و الصرع مقاوم لالدوا، الأطباء عمرهم صادفو الحالة ديالي فأرض الواقع ، جميع الأطباء لي شافوني قالو مكينش حل حاليا و لكن ماكاينش حل غير فالمغرب البلد السعيد ، ما خلينا تحاليل ما خلينا سكانيرات، ليريم ،حتى من الأدوية جبناهم من فرنسا لعل و عسى تستقر حالتي و لكن بدون جدوى وصلنا لطريق مسدود .
دبا شنو أنبقا معذب بهاد النوبات الصرعية لي مكتفارقنيش النهار كامل و الأم ديالي كتعدب و هي كتشوفني فهاد الحالة و لكن مقدراش تخفف عليا .
أجي نقولكم شنو الحل و لي حتى هو سيف دو حدين : كائنا عملية كاتسمى فصل نصف الدماغ باش النوبات يحبسو و ما يزيدوش يأترو على الجانب الآخر من الدماغ ( كل نوبة كتنقص من صحة الدماغ الغير مريض ) هذا الهدف الإيجابي من العملية ،أما الجانب السلبي هو أن نصف الدماغ المتضرر لي غنفصلوه أو نحبسوه حيت كيضرني كثر ما كينفعني عندو أدوار من بينها الحركة في الجانب المعاكس ، الكلام ، الإدراك ، إذن هاد القدرات غيضعافو و نقد نفقدهوم بصفة نهائية . و لكن مكاين حل خاصني نضحي باش نعيش فسلام و لاهما نصف دماغ صحيح أو الدماغ كامل مريض .
دبا المشكل هو أن العملية برا المغرب و مكلفة جدا كيفاش غانقدر نستافد منها و نتنقد من الإعاقة الكاملة ، واش ما عنديش الحق نتعالج؟ 😞.
#كلنا رياض #لدي الحق في العلاج #