https://www.facebook.com/1310402212396826/

Oi - Be Ultra, Public Figure

04/04/2026

وليدات النورط وليدات الحايحا
توقف البطولة مكيعنيش رانا حابسين اسلوب حياتنا، زناقي وحيوط الشمال مزال فيهم بصمتنا وريحت صباغتنا.
ثقافتنا هاد المرة داتنا نديرو صلة الرحم مع الوحدة الهبوية، روحنا الترا وتعشق المزيكا، عقليتنا متعصبة لهويتنا، والسيطرة للعرق ديالنا.

بيهي والموسيقى..

19/02/2026

من أجل الانخراط، المرجو ملء الاستمارة عبر الموقع الإلكتروني المخصص لهذا الغرض قبل اغلاق الفترة المحددة.

‏www.ultrasimazighen.com

17/02/2026

عاشت الحسنية الاتحاد الرياضي
عاشت التراس إيمازيغن حرّةً مستقلّة

12/02/2026

كون حسني عاد كون أولترا ..

09/02/2026

7 غشت 1964... كازا كتفيق على آخر فصل من أسطورة حمّاد أكوليز فمنطقة سكنية فدرب ميلان، إستفاق الجيران على إطلاق نار كثيف, عربات، وجيش كيغلقو الحي باش يتوقوا منزل محدد، و رجل محدد.
رجل أسطوري... كان محكوم عليه غيابيا بالإعدام، لكن الدولة لن تستطيع اعتقاله ، رغم أن صوروا كانت كتلصق فالحيطان، وكتم إذاعتها كل يوم بصوت مصطفى العلوي فالتلفزة المغربية.

الحكايات حولوا لي أوردها محمد لومة فكتابوا كانت كاتقول أنه كان كايدور كازا و ف يديه رشاش مخبي تحت جلبابو، وكيوقفوه البوليس فالحواجز وكيخليوه يدوز... بعضهم متواطئ، والبعض الآخر كان خايف.
و كان كيدخل حتى للسجون باش يزور رفاقو، مع أنه حتى هو كان مطلوب. و حتى لا يكذب الأساطير حولوا، مشا بات شي أيام فالقصر الملكي فالرباط، عند الطباخ اللي القرية ديالو باش يفلت من المطاردة.
لكن فالأخير تبرگيگة هيا لي حسمت كلشي.
مخبر دلّ الشرطة على الدار اللي كايتخبّى فيها. دار ظاهرها مِلك مخزني بسيط اسمه النجّار، وباطنها كايتخبىّ الرجل اللي طالما دوخ السلطة، وقبلها سلطات الحماية…
الرجل اللي سماوه فالأرشيف: "شيخ العرب" أو بلغة أحرى "شيخ المستعربين".
القوات تحرّكات تحت إشراف مباشر من الرجل المرعب فديك الوقت: محمد أوفقير.

بدات المعركة… الرصاص غطّى الحي كامل.
السلطات حاصروا الدار، وداخلها كان حمّاد ورفاقو كيقامو للنهاية.
البلاغ لي وزعاتوا الدولة من بعد على الصحافة و أذيع فالتلفزة: “تم قتل حماد أكوليز واثنين من رفاقه.”
لكن الحقيقة… الحقيقة اللي رواها مومن الديوري فـكتابوا حقائق مغربية، كانت حاجة أخرى. حمّاد ما ماتش بسهولة. و موتوا كان أسطوري كيفما كانت حياتوا. أوفقير كان باغيه حي، وأمر جنوده باش ما يطلقوش النار عليه. ملي سالا الرصاص عند حمّاد، ولقى راسو محاصر بمئات الجنود، خرج من المنزل، و مسدسو فـ يده…تخايل معايا المشهد: الدبابات، الرشاشات، القناصة، مشا ببطء نحو صوت يأمره بالإستسلام، صوت : محمد أوفقير

وقف حمّاد،رفع راسو، وشد المسدس…
قرطاسة وحدة طلقها فـ راسو.
كان آخر اختيار ديالو:
يموت حر… وما يعيش أسير.

منهيا بذالك حياة حماد أكوليز . الرجل اللي عرفناه بأسماء كثيرة:
حمّاد بن محمد بن براهيم بوشاكن ، أحمد لوديي، الحاج .
كل هاد الأسماء كانت ديال نفس الأمازيغي الحر اللي تزاد فدوار أكوليز.

هادي كانت النهاية.
أو… كانت البداية ديال الحكاية اللي غادي نعاودوها من الأول:
حكاية حمّاد السوسي الحر اللي ما عرف يخضع حتى لواحد من غير لي خلقوا.

Oi - Be Ultra

Share

Category

Website

Address