Said Jabouri

- تخايل معايا بزاف ديال الناس كيعرفوك، كيتيقوا فيك ومستعدين يشريو عندك ولايخدموا معاك … ( هاد الحاجة بالضبط هي لي غتخليك تنجح فداكشي لي بباغي دير.
الفرصة لي عندك اليوم تقدر متبقاش غدا… ورأس المال ديالك دابا هو انك تعرف تبني علامة شخصية ديالك لي توصلك للأهداف ديالك.
انا غنقوليك كيفاش تبدا…
اول حاجة :
- حدد مجال الخبرة ديالك وشكون الناس لي بغيتي توصل ليهم.
- حاول تفهم هاد الناس وتعرف شنو محتاجين وفين باغين يوصلوا بالضبط.
( حدد المشاكل ونقط الألم لي كيعانيو منها ).
الحاجة الثانية :
بدل بروفيل ديالك public وبدل bio وخليها تقول شكون انت وشنو المشكل لي كتحل للناس ديالك.
- حدد برنامج ديال المحتوى لي غتشارك مع الناس ولي عندو علاقة بالمجال ديالك وبيك حتى انت.
مثال :
جمع كل المشاكل لي كيعانيو منها الناس لي بغيتي توصل ليهم وحاول تعطي حلول على حساب الخبرة ديالك.
- خلي المحتوى ديالك يكون فيه لمسة انسانية ومشاعر حقيقية. متشاركش غير الخدمة وداكسي لي كدير. هدر على حياتك، الاخطاء لي درتي وشنو تعلمتي فيها الخ……
الحاجة التالتة :
حاول تقسم المحتوى ديالك ل 3 د الانواع.
- محتوى كيبين الخبرة والعمل ديالك.
- محتوى كيبين الجانب الانساني ديالك ( شكون انت بالضبط ).
- محتوى لي كيحل مشاكل الجمهور ديالك.
————————-.
الحاجة الرابعة :
ركز على انك تبارطاحي بزاف وتخلي L’algorithme تعرفك وتعرف الجمهور ديالك.
- تعلم ل Viral Formula وكيفاش تخلي الفيديوهات ديالك يوصلوا لأكبر عدد ديال الناس.
————————————-
اذا جاتك صعيبة البداية:
شوف 5 دالناس فالمجال ديالك خود منهم افكار لي خدامة مزيان ولكن ديرها بالطريقة ديالك ( متنقلش )
- بني ارتباط عاطفي مع الناس وخيك طبيعي وهادشي غيعاونك تطلع بسرعة….. يتبع

Ahssen conseil n9der n3tik hiya anak tmchi b principe dyal marathon, li kayrbeh f la vie w la f ay haja en geneal howa li amdo souffle w nafess tawil.