Ravnalo

الانضباط هو السبيل لتحقيق النجاح في الحياة العملية و الشخصية

‏كيف تختار الموردين لشراء منتجاتك ؟
1_ لابد ان تعرف قوة المورد وما لديه من مخزون للمنتجات التي ترغبها
2_ قارن بين الموردين في جودة المنتجات المقدمة
3_قارن بين الموردين في سرعة تجهيز الطلبات
‏4_ تعامل مع المورد الذى يصنع المنتج وليس الذي يتاجر فيه للحصول على افضل سعر .
5_ اجعل مقارنة السعر إذا تحقق في الموردين كل المواصفات المطلوبة
6_ ابتعد عن الحكم على المورد من اجتماع واحد وابحث عن سمعته في السوق.

أجي تفهم السجل التجاري Registre de Commerce
فاش تبغي دير البيع و الشراء أو شي حرفة تديرها فشي محال ديالك اول حاجة خصك تفكر فيها هو السجل التجاري RC.
كاين زوج 2 انواع ديال السجل التجاري:
1 -الأشخاص الطبيعيين لي هوما تجار و صنايعية و منعشين عقاريين و نقل البضائع .....
2 -الأشخاص المعنويين لي هوما الشركات بالأنواع ديالها و فالغالب شركة ذات مسؤولية محدودة SARL لحقاش تتحتاج راسمال شوية كبير.
نتا حيت حالتك على قد الحال دير شخص طبيعي بلا ما دير شركة لاحقاش غالية و صعيبة باش تجمع دوسي وحدك
بالنسبة لأشخاص الطبيعيين (les personnes physiques ) خاصك تقلب على محل و دير عقد الكراء و تگاليزيه و تسجلو فدار التسجيل فين يخلصو la vignette ب 200 درهم و ومنبعد تمشي دار الضريبة يعطيوك شي ورق جمعهم ورجع عندهم يعطيوك واحد الشهادة سميتها Attestation d'inscription a la taxe professionnel ( la patente)
دابا عندك:
عقد الكراء وla patente غادي ديرهوم فشوميز و تمشي عند كاتب عمومي قل ليه عمرلي les imprimés ديال السجل التجاري يعطيك 3 ديال نماذج وقّع فيهم و ديهم مقاطعة گاليزيهم.
حتى لدابا مزيان عندك : la patente + عقد الكراء +les imprimés + زوج✌️نسخ من البطاقة الوطنية.
دابا سير المحكمة التجارية الى كانت فمدينتك أو قسم السجل التجاري فالمحكمة الابتدائية و خلص 150 درهم فالصندوق و دفع الدوسي فقسم السجل التجاري و ها نتَ عندك registre de commerce .
الله يوفق الجميع.