Jetmaster.maroc

مهارات القيادة المهنية :
مهارة الالهام: لكي تتمكن من ضمان ان العاملين في ورشتك سيوفرون لك جودة ممتازة، من المهم ان تكون لديك مهارة الالهام، بحيث يتوجب عليك ان تكون صورة ملهمة للشباب الذين يشتغلون معك، وان تجعلهم يرو فيك حب المهنة والاستمتاع بالتعلم والتطور المستمر، لان هذا في الغالب سيعطيهم حافزا لكي يقلدوك ويسيروا على خطاك، كما ان هذه المهارة تتطلب حرصك على امرين مهمين في تعاملك مع العاملين، اولهما هو التقدير، حيث يتوجب عليك ان تقدر كل عمل يقوم به احد الشباب وتثني عليه، هذا الامر يولد في نفس الشباب رغبة كبيرة للاتقان و العطاء رغبة في الحصول على الثناء والتقدير.
اما الامر الثاني فهو المكافأة: حاول ان تخصص مكافأة بسيطة للعامل الذي ادى عمله بشكل افضل او الذي يساهم اكثر في تطوير عمل الورشة، وكن على يقين هن هذا الامر سيشعل في نفس العاملين الحافزية للتعلم والتطور والعطاء في العمل.

سلسلة مهارات مقدمة من طرف jetmaster.maroc
#المعلم

------------فريق عمل jetmaster.maroc يتمنى لكم جمعة طيبة مباركة.------------

------------------------Suspension indépendante-------------------------

نظام التعليق المستقل هو نظام كيسمح لكل عجلة من عجلات السيارة انها تفاعل مع الحفر او العيوب لي كيكونو فالطريق بشكل مستقل وامتصاص الصدمات لي كيسببها عدم استواء الطريق ، وهذ النظام كيمكن العجلة انها تفاعل مع هذ المطبات بلا مايتاثرو باقي العجلات، وهذ النظام هو عكس نظام DeDion لي فيه اي حركة دارتها شي عجلة كتاثر على باقي العجلات.
اغلب السيارات الحديثة ولا فيهوم هذ النظام، منهم لي كيكون فيها غير فعجلات الامام، ومنهم لي كيكون فجميع العجلات، وهذ النظام كيوفر ظروف جيدة للقيادة والتحكم فالسيارة، وكيوفر نسبة اكثر من الراحة اثناء القيادة، وكيوفر المزيد من الامان، وكيخلي السيارة تكون اكثر استقرارا فالطريق.

سلسلة مواضيع مهنية مقدمة من طرف jetmaster.maroc
#المعلم

------------------المهارة لي غاتخليك تزيد بخدمتك لقدام.------------------
باش تعرف القيمة ديال هذ المهارة فتطوير الخدمة ديالك خليني نسولك واحد السؤال، شنو لي كايخليك تمشي عند واحد الحلاق بالضبط من غير باقي الحلاقين، ولا واحد المطعم بالضبط من غير باقي المطاعم، واخا كاملين كيقدمو نفس الخدمة ولا المنتوج لي نتا محتاجو؟
هنا بالضبط فيك كين السر لي بزاف دالمعلمية كيغفلو عليه وماكيعطيوهش اهتمام، ولي هو خدمة العملاء، المعلم لي كيهتم اكثر بخدمة العملاء ولي كانسميوها باللغة ديالنا ( المعاملة ) هو لي كتلقا الكليان ديالو كيتزادو فكل فترة حيتاش هو عارف مزيان ان كل كليان خرج من عندو فرحان غايديرلو اشهار مجاني وغاينصح الناس باش يجيو عندو، ولكن كيفاش نقدر ندير خدمة العملاء؟ وكيفاش نقدر نطور هذ المهارة الى ماكانتش عندي من قبل ؟
خصك تعرف واحد الحاجة ولي غاتريحك بزاف، هي ان هذ المهارة واخا عندها اهمية كبيرة فتطوير المشروع ديالك والسمعة ديالك، ولك هي ماكتطلبش شيحاجات صعاب ولا معقدين.
من السهل جدا انك تخلي الكليان ديالك يخرج من عندك ناشط وفرحان وتخلي التجربة ديالو معك تبقا لاصقة فعقلو وماينساهاش، يعني مثلا الى غير ستقبلتيه بابتساهم، وبكلمة طيبة غاتكون درتي واحد المجهود بسيط وهتميتي بخدمة العملاء بلا ماتبدل شي مجهود خرافي.
ولكن خليني نقولك بلي عندك مجال كبير للابداع فهذ المهارة الى بغيتي فعلا تشتغل على تطوير السمعة ديالك، بحال مثلا انك تقرر تعطي لكل كليان جا عندك معلومة ولا نصيحة يستافد منها، ولا مثلا تقدم للكليان ديالك خدمة اضافية على الخدمة المطلوبة منك، ولا انك تخلي البلاصة لي خدمتي فيها البريكول نقية.
شكرا حيت خصصتي وقتك باش تقرا المقال، خليلنا رأيك فالموضوع، او نصيحة يستافدو منها الشباب المبتدئين.
سلسلة نصائح مهنية مقدمة من طرف jetmaster.maroc

#المعلم

هذو اهم المهارات لي كيصنعو الفرق :
✅ مهارة التواصل والذكاء الاجتماعي:
الحرفة ديالك كاتخليك تلاقا مع اشخاص مختالفين فالشخصيات والافكار ديالهم، وعليها خص ضروري يكون عندك واحد الحس لي كيخليك تفهم شخصية الكليان ديالك وتعاملو معاملة خاصة، هذ الحس كين لي كيكون عندو بالفطرة، ولكن حتى الا ماكنتيش كاتمتع بهذ المهارة يمكنلك تنميها وتكتاسبها، وثق بيا هذ المهارة بالذات غاتاثر بزاف على المشروع ديالك، حيتاش اي شخص تعامل معك وخرج راضي غايعاود للناس عليك وغاينصحهوم يجيو عندك ، وهنا غاتكون كادير تسويق لراسك ولمشروعك بطريقة غير مباشرة.
✅ مهارة القيادة:
هذ المهارة بزاف ديال المعلمية ماواعيينش بيها، وكين منهم لي مافاهمش هذ المهارة، خصك تعرف بلي كين فرق كبير بين المدير وبين القائد، المدير كيعطي اوامر ونواهي ، كيقول للناس لي خدامين معه ديرو هذي وماديروش هذي، اما القائد فهو كيكون مثال وقدوة للناس لي خدامين معه، كيخليهوم يتاثرو بيه ويديرو بحالو، كيوريهوم شحال كتعجبو المهنة ديالو، وشحال كيحرص على اتقان العمل ديالو، وهوما تلقائيا كيتاثرو بيه.
✅ مهارة الادارة والتخطيط:
هذ المهارة هي لي كاتخلي واحد يبدا صغير وكيكبر باستمرار، حيتاش هنا كيكون المعلم حريص على الملاحظة والتحليل، كيفكر باستمرار كيفاش ممكن يطور خدمتو، يطور تعاملو مع الكليان، يطور المهارة ديالو، وكيفاش يطور حتى الدخل ديالو، وهذي مهارة اساسية حيتاش المعلمية لي كيبقاو خدامين بنفس الطريقة ماكيخدموش هذ المهارة مع الوقت كيختافيو من الساحة.
شكرا حيت خصصتي وقت باش تقرأ هذ المنشور، شارك معنا فالتعليقات الراي ديالك والى عندك نصيحة او مهارة اخرى ممكن تفيد بها الشباب المبتدئين.

سلسلة نصائح مهنية مقدمة من طرف jetmaster.maroc

#المعلم

كل واحد فينا عندو قصة خاصة مع المطرقة، ويمكن فبعض الحالات تكون هي الوسيلة لي قدرتي بيها تحل واحد المشكلة طحتي فيها نتا ولا واحد من الاقارب ديالك.
الى مزال عاقل على القصة ديالك مع المطرقة حكيهالنا فالتعليقات، حنا مهتمين باش نسمعو قصتك

#المعلم