HMCenter

نصيحة كي تجيب ماصو يبنيلك ولا يخدملك السكن تاعك قبل ما يبدى الخدمة جيب معاك شاهد يشهد على المفاهمة بيناتكم في سعر العمل حتى ولو الماصو صاحبك وتعرفو مليح بيسك كاين لي جيعان في كرشو وساقط وما يخافش ربي انا شخصيا جبت انسان ثيقة ويبان محترم تفاهنا على السومة قبل ما يبدى في الخدمة ويوميا نجيبلو لفطور ولغدى ولقهاوي تاعو ونعطيه مصروف وما نحسبوش ومن بعد كي كمل دار عليا وزلاني وقالي ماتفاهمناش بالسومة هاذي تفاهمنا على اكثر علما انو يخدم عند الناس كامل بنفس السعر لي تفاهمنا عليه على كل حال عطيتو حقو على آخر دورو بصح وكلت عليه ربي ومانيش مسامحو علما اني كنت قادر مانخلصوش وماعندو ما يقضيلي بصح تجيلي في لخصارة تاع دراهم وما تجيليش في خصارة تاع لاخرة على جال إنسان ساقط وما يسواش كي خلصتو بعد سمانة مرضلو ولدو مانيش نشمت فيه وربي يشافيه ويعافيه بصح صرف عليه أضعاف الدراهم لي داهم من عندي بالباطل
الإنسان هذا معروف وخدمتو مليحة ومتقونة وكامل يعرفوه بصح ماعندوش ضمير وما عندوش شرف المهنة