Shop Rabat

شنو المشاكل اللي كاتعانيو منها ؟

السﻻم البنات ♥كيف نتوما؟ ؟
موضوع اليوم كيفاش تحصلي على شعر طويل بسرعة؟ ؟
بززاف ديال البنات شعرهوم متيطواالش ، وﻻ قطعوه ومبقاش تيطواال هادو 8 ديال النصائح لي غيساعدو شعركوم باش اطوال ♥
1-اختاري شامبوان مناسب لنوعية شعرك ولي إيجي معاه ومشي أي حاجة لقيتوها تغسلو بها شعركوم ومشي بالضرورة الشامبو ديالكوم يكون غالي المهم انهو يناسب نوعية شعركم ومتنساوش تبدلوه كل 3اشهر
2-قطعي أطراف شعرك مرة كل 3 أشهر باش تساعديه اطوال هاد الخطوة ضروري تقومي بيها كل 3 أشهر حيث هاد اﻻطراف كتوقف نمو الشعر
3-اغسلي شعرك بماء دافي حيث الماء السخون أو البارد كيقصف الشعر وتيهرسو ادن غسلو شعركم بماء دافي ميكون بارد وميكونش سخون
4-ابتاعدي على أدوات الحرارة براكااا من السيشوار والبابيلييز والبوكلور. ...رآه غير تيهرسو الشعر وتيحرقوه ديرو باتشا باش تسرحو شعركوم وﻻ فزكوه وضفروه ايﻻ بغيتوه بوكلي. ..
5-ديري حمام زيت لشعرك مرة كل أسبوع ويكون مكون من زيوت مغدية♥فحال زيت الخروع وزيت الزيتون وأركان واﻻفوكادو واللوز المر هد الزيوت خلطوهوم مع بعضياتهوم وديروهوم فقريعة ودهنو بهوم شعركم مرة في اﻻسبوع وديرو مساج لفروتكم بداك الزيت باطراف اﻻصابع حيث هاد الخطوة غتغدي شعركوم وغتطولو وغترطبو وغتقويه وغتحميه من التلف ♥
6-ديري ماساج 5 دقائق لشعرك مرة ف الصباح ومرة فالعشية هاد الماساج كيحرك الدورة الدموية فالراس وبالتالي كيطوال الشعر ♥
7-ديري ماسك مغدي لشعرك مرة كل أسبوع باش تقويه وتغديه وغيولي كثييف ورطب، المااسكات الطبيعية ضرورية بزااف للشعر♥
8-ماتمشطيش شعرك وهو مبلل حيث ملي تيكون الشعر مبلل تيكون ضعيف بزااف وبالتالي دغياا الشعر كيتهرس ادن نشفووه عاد تمشطوه ♥
بيزوااات كبار بزااف

Promo de fin d'année juste 199 dh 😍
Proooofites 💞