Lesotho Mounted Police Service

O HLASELA MEK’HUK’HU E ‘MALOA HA LEJONE

Molefi Tomo-Leribe

Fusi Sootho (22) oa Malibamatšo Liphofung, Leribe o hlahile Lekhotleng la ’Maseterata Leribe, ka la 03 Phuptjane 2026; a qosoa ka letoto la ho qheketsa, ho utsoa likhoebong, le ho baleha matsohong a sepolesa.

Lekhotla le mo timme beile, o ka Setsing sa Tlhabollo ea Batšoaruoa. O tla boela a hlaha khotla hape ka la 16 Phuptjane 2026.

Sergeant (Sgt) ‘Maleeto Letšela oa Motebo oa Sepolesa sa Ha-Lejone, o re ho fihlile litlaleho tse ‘maloa ka matsatsi a fapaneng ofising ea habo, tsa ho qheketsoa le ho utsoa likhoebong tse ‘maloa.

Sgt Letšela o re ka la 29 Pherekhong 2026, ho fihlile monna (67), a tlaleha h**e ho choatluoe le ho kena ka fensetere khoebong ea hae ho na Ha-Lejone; hoa utsuoa lijo le liphahlo tse hakanyetsoang ho M21, 341.00, tse etsahetseng bosiung ba la 28 Pherekhong 2026.

A tsoela pele h**e ka la 08 Tlhakubele 2026, ho fihlile mohoebi (40) ofising ea habo, a re mok’huk’hung oa hae o setopong Ha-Lejone, ho seuoe lesenke hoa kenoa ,’me ho utsuoe thepa e hakanyetsoang ho M 8, 970.00.

A re ka letsatsi le tšoanang, ho fihlile e mong (35) hape, a tlaleha h**e mok’huk’hung oa hae sebakeng seo, ho entsoe se tšoanang, hoa utsuoa thepa e hakanyetsoang ho M8, 000.00.

Sgt Letšela o re ka la 07 Tlhakubele 2026, moqosuoa o ile a tšoaroa empa a baleha litlamong tsa sepolesa. A re ka la 30 Motšeanong 2026, mahokela a ile ba qhautsa moqosuoa, a nehelana ka eena ho sepolesa; ha babelaelloa ba bang, ba ntse ba le palehong.

Sub-Inspector (Sub-Insp) Lechesa Lefielo o ipilelitse ho bacha ho nena litlolo tsa molao. A re beng ba likhoebo, ba bone mekhoa e meng ea ho fokotsa tšenyo thepeng ea bona joaloka ho batla molebeli oa kopanelo.

BA AROHANA LE LIKETE TSE PELI KA LEBAKA LA JOALA

’Makhabasheane Masupha - Berea

Banna ba bahlano ba hlahile Lekhotleng la ’Maseterata Berea, ka la 04 Phuptjane 2026; ba qosoa ka ho qhoba ba bo khile ka likhopo.

Ba ahlotsoe ho itefella M2, 000.00 motho ka mong kapa ho hlola lilemo tse peli Setsing sa Tlhabollo ea Batšoaruoa.

Ba ile ba atleha ho itefella.

Woman Police Constable (W/P/C) Khahliso Monalana ho hlaha Ofising ea Taolo ea Sephethephethe Berea, o re ka la 29 Motšeanong 2026 ho isa la 03 Phuptjane 2026, ba kopane le baqosuoa tororpong ea Teyateyaneng, ba qhoba ba ipolaisitse khera.

A re ba ile ba ba tšoara le ho ba hlahisa ka pel’a lekhotla ka letsatsi le boletsoeng.

Bona ke Tšeliso Khelemethe, Tumisang Thibinyane, Retšelisitsoe Moabi, Thabiso Mahlaku le Katleho Leseteli.

Sub-Inspector (Sub-Insp) Tsotang Dongwane ho hlaha ofising e tšoanang, o ipilelitse ho baqhobi ho qoba ho qhoba makoloi ba le tlasa tšusumetso ea tai, molemong oa polokeho ea bophelo ba bona, thepa, ekasitana le basebelisi ba bang ba tsela.