CRROA

On this special day, CRROA proudly joins the nation in celebrating the birthday of His Majesty King Letsie III. We wish Your Majesty a joyful birthday filled with God’s blessings, good health, and continued strength to serve the nation. Happy Birthday! 🎂👑🇱🇸

KHUTLISETSO SECHABENG EA BATSO'ARUOA BA MEHLENG E ETSAHETSE KAJENO MOTIMPOSO

Mesong ea letsatsi la kajeno (04 July 2026) ho tlelella lih**eng tsa mots'eare o moholo, ho utloahetse litlatse le lipuo le ho boha menyakoe motseng oa Motimposo.

CRROA, Boemeli ba sepolesa sa Ha Mabote, LCS, Mocanselara le Mokhethoa 'moho le Morena ba fane lipuo tse rutang le ho fana ts'epo le tse lebohang li bile li khothatsa Sechaba, moo ho neng ho khutlisetsoa Monghali Bongani Khetha le monghali Bose Mphile sechabeng.

Monghali Bongani Khetha, oa hona Motimposo moo, e mong oa bats'oaruoa ba mehleng o ile a ema kapela sechaba a kopa ts'oarelo ka ho se siteloa nakong e fetileng.

Monghali Khetha o kenelletse ka matla mananeong a mang a kholiso ea sechaba, ebile e se ele lehokela. Ehlile o eme ka matla a maholo ho bona h**e litlolo tsa molao li moriting.

Benghali bana ba babeli ba bile bana le letlapa la 'mino oa selumeli leo ba qalileng ho sebetsana le Lona ba sa le ka setsing sa tlhabollo.

Sechaba se ananetse kopo ea benghali bana ba babeli ka lipelo tse thabileng 'me se bonahetse ruri se ba bats'oaretse e le kannete.

Mosebetsi ona oa CRROA o motle oa ho khutlisetsa bats'oaruoa ba mehleng (Reintegration) ha se oa ho qala ebile ha se oa qetella kaha e le o mong oa ts'iea tse kholo tse bopang mokhatlo. CRROA e ipiletsa ho sechaba ho amohela bats'oaruoa ba mehleng ka ha taba eo e ba thusa h**e le bona ba ikamohele ba be ba khone ho boela sechabeng ba hlabolohile.

By: Tefo Joseph Makhakhe

LIPUISANO TSA KHANG EA MONNA LI TSOELA-PELE.

Kajeno (03 JULY 2026) ho tloha h**eng ea leshome (10am), lenaneo/sethala sa lipuisano se reretsoeng ho thusa banna ho buoa maikutlo a bona ho nena tlhekefetso 'Khang ea Monna' le tsoetse pele.

Tsela eo lefats'e le shebang banna/bontate ka eona e lokela ho fetoha. Ts'epo esale teng h**e tlhekefetso ea b**g (GBV) ekaba pale ea maobane.

Lipalo-palo tsena tsa banna/bontate ba tletseng litsing tsa tlhabollo haholo ka litaba tsa tlhekefetso ea b**g GBV li lokela ho theoha ka ha e le eona tlolo ea molao e ka holimo e lateloe ke Lipolao.

Hona ke linyane, likholo li sa tla. Banna buang le tsebe ho fola.

By: Tefo Joseph Makhakhe

E ntse e le ho pharalatsa thuto ka litaba tsa thibelo le toants'o ea tlhekefetso ea b**g, mokhatlo oa bats'oaruoa ba mehleng CRROA, o bile pitsong le sechaba sa metse e fapakaneng ea tikoloho ea Kolo Mafeteng ha morena Khosi Bereng, ka letsatsi la pele la khoeli ea Phupu, ho rialo ofisiri Mahali Raliile.

Mahali o re, ho hlahelletse h**e ha Se basali fela ba hlekefetsoang empa le banna ka ho ts'oana, ba mpa ba sa tlalehe. O re ho ba boetse ba fana ka thuto ka litaba tsa bophelo bo botle ba kelello, ts'ebeliso ea lithethefatsi le litaba tsa Toka ea Poelano, hona pitsong eo.

Pitso ena e ne e tlotlisitsoe ka boteng ba Sepolesa sa moo, Se eteletsoe-pele ke Inspector Hlapalimane Leluma, morena oa motse Mphole Lephatsi, motsoka sephali oa mokhatlo monghali Nkalimeng Mothobi le liofisiri tsa mokhatlo.

By: Mpinane Thulo