PILLARS

நூலக நிறுவனத்தினரின் (NOOLAHAM FOUNDATION) புத்தளம் விஜயம்

இலங்கையில் தமிழ் பேசும் சமூகங்களின் அறிவுத் தொகுதிகள், மரபுரிமைகள் போன்றவற்றை எண்ணிமப்படுத்தி அவற்றை அனைவரும் இலவசமாகப் பெற்றுக்கொள்ளக்கூடிய வகையில் வழியேற்படுத்திக்கொடுக்கும் ஒரு இலாப நோக்கற்ற அமைப்பான நூலக நிறுவனத்தின் பணியாளர் குழுவொன்று புத்தளம் பிரதேசத்துக்கு விஜயம் செய்தது.

திருமதி றஞ்சுதமலர் நந்தகுமார் - பிரதம நிறைவேற்று அலுவலர், அவர்களின் தலைமையில் வந்த இக்குழுவில் திருமதி மியூரி கஜேந்திரன்- எண்ணிமப்படுத்தல் மற்றும் பாதுகாப்புத் துறைத் தலைவர், திருமதி தினுஷா கோகழிநாதன் - எண்ணிம நூலக அலுவலகர் மற்றும் திரு அரசரத்தினம் முகுந்தவாசன் - கள ஆய்வாளர் ஆகியோர் அடங்கியிருந்தனர். https://noolaham.foundation/wiki/index.php/Staff

புத்தளம் மாவட்டத்தில் இதுவரை காலமும் வெளிவந்த அனைத்து வெளியீடுகள் உட்பட நம்முன்னோர் பாவித்த ஏடுகள், புத்தகங்கள் போன்றவற்றுடன் வாய்மொழிவரலாற்றுப் பதிவுகள் போன்றவற்றையும் சேகரித்து எண்ணிமப்படுத்தி (Digitalize) அடுத்த தலைமுறையினருக்குக் கையளிக்கும் நோக்குடன் PILLARS அமைப்பினால் விடுக்கப்பட்ட வேண்டுகோளை ஏற்று இருநாள் (19, 20 )விஜயம் ஒன்றை நூலக நிறுவனம் மேற்கொண்டமை குறிப்பிடத்தக்கது.

தமது விஜயத்தின்போது, புத்தளம் பிரதேசத்தில் உள்ள நூல் சேகரிப்பாளர்களை சந்தித்துடன் கல்பிட்டி, உடப்பு போன்ற பிரதேச சமூக ஆர்வலர்களுடனான கலந்துரையாடல்களையும் மேற்கொண்டனர்.

புத்தளத்தில் PILLARS அமைப்பினருடனும் சமூக ஆர்வலகளுடனும் கலந்துரையாடலை நிகழ்த்தியதுடன் புத்தளம் பிரதேசத்தில் இச்செயற்பாடுகளுக்கான ஆர்வலர் குழு ஒன்றினை (Puttalam Chapter) உருவாக்குவது தொடர்பாகவும் கலந்துரையாடினர்.

அவர்களின் விஜயத்தின்போது, இப்பிரதேச ஆவணங்களை நூலக வலைத்தளத்தில் தனியாக ஆவணப்படுத்துவதற்கான முயற்சிகளை மேற்கொள்வதற்குக் கொள்கையளவில் இணங்கியமை குறிப்பிடத்தக்கது.

Noolaham Digital Library | www.noolaham.org
Noolaham Multimedia| www.noolaham.media
Noolaham School | www.noolaham.school

13. 11. 2025

petang yang indah

Under the LOI between Puttalam Islahiya Ladies College and Malaysia’s UniSZA university, a group of students from the UniSZA visited Islahiya.

A three-month internship program was designed and offered to them, focusing on learning and teaching experience sharing, interfaith and intercultural harmony, and resource sharing. As part of this program, they visited schools and institutions such as Puttalam Zahira Primary School, Andimunai T.M.V., Ulukkappallam M.M.V., Navatkadu R.C.T.M.V., MH School of Excellence, Mawanalla Aysha Siddiqua Women's Arabic College, Rawlathul Athfal Pre Scshool and the University of Peradeniya.

These students, together with their supervisor, Prof. Rahimah Embong of Malaysia’s Zainal Abidin University, met yesterday evening (01) with members of PILLARS (Puttalam Intellectuals Lobby for Literacy Advancement and Reforms). During this cordial meeting, discussions were held on the region’s educational activities and development initiatives.

புத்தளம் இஸ்லாஹிய்யா அறபுக் கல்லூரிக்கும் மலேஷிய UniSZA பல்கலைக்கழகத்துக்கும் இடையில் இடம்பெற்றுள்ள புரிந்துணர்வு உடன்படிக்கையின் கீழ், அப்பல்கலைக்கழகத்திலிருந்து ஒரு தொகுதி மாணவிகள் இஸ்லாஹிய்யாவுக்கு வருகைதந்திருந்தனர்.

கற்றல், கற்பித்தல் அனுபவப் பகிர்வு, சமய, சமூகங்களுக்கிடையிலான நல்லிணக்கம், வளப்பகிர்வு போன்றவற்றை அடிப்படியாக்காகக்கொண்ட மூன்றுமாதகாலப் பயிற்சிநெறியொன்று அவர்களுக்கு வடிவமைக்கப்பட்டு வழங்கப்பட்டது. இதன் ஒரு அம்சமாக, அவர்கள் புத்தளம் ஸாஹிறா ஆரம்பப் பாடசாலை, ஆண்டிமுனை த. ம. வி., உலுக்காப்பள்ளம் மு. ம. வி., நாவற்காடு றோ. க. த. வி., MH School.of Excellence, மாவனல்லை ஆயிஷா ஸித்தீக்கா பெண்கள் அறபுக் கல்லூரி, Rawlathul Athfal முன்பள்ளிக்கூடம், பேராதனைப் பல்கலைக்கழகம் போன்றவற்றுக்கும் விஜயம் செய்தனர்.

இம் மாணவிகள் தமது மேற்பார்வையாளரான, மலேஷிய Zainal Abdin பல்கலைக்கழகப் பேராசிரியை Rahimah Embong அவர்களுடன், புத்தளத்தில் இயங்கும் கல்வி மேம்பாட்டுக்கும் சீர்திருத்தத்துக்குமான அமைப்பின் (PILLARS) உறுப்பினர்களைநேற்று மாலை (01) சந்தித்தனர். இப்பிரதேசத்தின் கல்விச் செயற்பாடுகள், கல்வி அபிவிருத்தி நடவடிக்கைகள் போன்றன இச்சினேகபூர்வ சந்திப்பின்போது கலந்துரையாடப்பட்டன.

02. 10. 2025