Kasun Rajapaksha

එයා මට කොච්චර ගැහුවත් බැන්නත් අපහාස උපහාස කරත් මට එයාව අත්හරින්න බැහැ..

මමත් එක්ක රංඩු වෙලා උඹව මට එපා කියලා ආයේ ටික දවසකින් මාව හොයන් එනවා.. මමත් එයා ආවාම පිළිගන්නවා. ඒත් ටික වෙලාවයි අපි හොදින් ඉන්නෙ..

දවස් ගණන් ඉන්නවා මගේ call මැසේජ් වලට රිප්ලයි නොකර. මමත් අඩ අඩා පස්සෙන් යනවා වෙන වෙන නම්බර් වලින් කතා කරනවා.

අනේ මාව දාලා යන්න එපා කියලා බැගෑපත් වෙනවා. අපි ඉස්සර හිටපු වගේ ආදරෙන් ඉමු කියලා වැඩ වැටිලා ඉල්ලනවා.

හිතට සිය දහස් වර හිතිලා තියනවා මේ affair එක මට කරන්නේ මහා විනාශයක් මේකෙන් ගැලවෙන්න ඕන කියලා, නමුත් අපේ affair එකට දැන් වසර ගණනක් ඉතින් මම මෙයා නැතුව අනාගතයේ ජීවත් වෙන්නේ කොහොමද ? එයා නැති මගේ ජීවිතයේ අඩුව හිස් තැන පුරවන්නෙ කොහොමද..?

එයා නිතරම හොද වෙන්නෙත් නැහැ නිතරම නරක වෙන්නෙත් නැහැ. අපි හොදින් ඉන්න වෙලාවට හරිම සතු⁣ටින් ඉන්නවා. හොදින් ඉන්න වෙලාවට එයාට මම තරම් කෙනෙක් නැහැ, නමුත් නරකින් ඉන්න වෙලාවට මම තරම් නරක කෙනෙක් නැහැ.

මම අහනවා ඇයි මේ දෙවිදියක් එක වෙලාවකට මම හොදයි තවත් වෙලාවකට මම නරකයි කියලා.

තෝ හොදින් ඉන්න වෙලාවක් නැහැ තෝ හොදින් ඉන්නවා කියලා කරන්නේ කපටිකමෙන් මාව යට කරන එක.

මොකක්ද මේ කියන කතාව මම කවදාවත් කපටිකම් කරලා නැහැ. එහෙම කපටි නම් මට පුළුවන් නේ හැමදාම එයාව කපටිකමින් රවට්ටන්න..

😤Trauma Bonding (අපයෝජන බන්ධනය) යනු...

දරුණු හෝ පීඩාකාරී සබඳතාවයකදී, අතවරයට හෝ මානසික පීඩනයට ලක්වන්නා සහ පීඩකයා (Abuser) අතර ගොඩනැගෙන ඉතා ශක්තිමත්, විනාශකාරී මානසික බැඳීමයි.

මෙය බොහෝ විට වරදවා වටහා ගනු ලබන්නේ ආදරය ලෙසිනි, නමුත් ඇත්ත වශයෙන්ම එය සබදතාවය පවත්වා ගැනීමේ උපක්‍රමයක් (Survival mechanism) හෝ රසායනික ඇබ්බැහිවීමක් වැනි තත්ත්වයකි.

මෙය සිදුවන ආකාරය පිළිබඳ මනෝවිද්‍යාත්මක විග්‍රහය පහත දැක්වේ

🧠මෙය ක්‍රියාත්මක වන්නේ කෙසේද?
(Intermittent Reinforcement)

Trauma bonding හි ඇති ප්‍රධානතම සාධකය වන්නේ අක්‍රමවත් දිරිගැන්වීම' (Intermittent Reinforcement) යි.

🫣පීඩකයා නිතරම නරක ලෙස සලකන්නේ නැත. ඔහු යම් දිනක දරුණු ලෙස සලකන අතර, තවත් දිනක ආදරය පෙන්වයි.

🧠ඔබේ මොළය මෙම හොඳ අවස්ථා සොයා යෑමට හුරු වේ. කලින් දවසේ ඔහු මට බැන්නත්, අද ඔහු හරිම ආදරෙයි යන සිතුවිල්ල නිසා, පීඩකයා ලබා දෙන එම අල්ප මාත්‍රික ආදරය ලබා ගැනීමට ඔබ දැඩි උත්සාහයක් දරයි.

🫣මෙය ඇබ්බැහිවීමක් වන්නේ ඇයි?

ඔබේ මොළය මෙම චක්‍රයට සිර වූ විට, එය රසායනික ඇබ්බැහිවීමක් ලෙස ක්‍රියා කරයි..

😓පීඩනය (Abuse)

ශරීරයේ කෝටිසෝල් (Cortisol) සහ ඇඩ්‍රිනලින් (Adrenaline) මට්ටම ඉහළ නංවයි (ආතතිය).

😘සහනය (Relief/Affection)..

පීඩකයා පසුව සමාව ගත් විට හෝ ආදරය පෙන්වූ විට, මොළයෙන් ඩොපමයින් (Dopamine) නිදහස් වේ.

👨‍❤️‍💋‍👨ප්‍රතිඵලය..

මෙම දරුණු උච්චාවචනයන් නිසා, සබඳතාවය අතහැර යාම මත්ද්‍රව්‍යවලට ඇබ්බැහි වූවෙකුට මත්ද්‍රව්‍ය අතහැර යාම තරම් අපහසු කාර්යයක් වේ.

☠Trauma Bonding හි ලක්ෂණ

👨‍❤️‍💋‍👨ආරක්ෂා කිරීම..

පීඩකයා කරන්නේ වැරදි දේ බව දැන දැනත්, සමාජය ඉදිරියේ හෝ තමන්ගේ හෘද සාක්ෂිය ඉදිරියේ ඔහුව ආරක්ෂා කිරීමට උත්සාහ කිරීම.

🏃‍♀වගකීම භාරගැනීම..

ඔහු මට ගැහුවේ මම ඒ දේ කළ නිසා යැයි පවසමින් පීඩකයාගේ වරද තමන් වෙත පවරා ගැනීම.

😳අතහැර දැමීමට නොහැකි වීම..

සබඳතාවයෙන් මිදීමට කොපමණ අවශ්‍ය වුවත්, පීඩකයා නොමැති විට ඇතිවන හිස්තැන (Withdrawal symptoms) දරාගත නොහැකිව නැවත ඔහු වෙතම යාම.

😗බිය සහ බලාපොරොත්තුව..

පීඩකයා ගැන ඇති බිය සහ ඔහු කවදා හෝ වෙනස් වේවි යන මෝඩ බලාපොරොත්තුව එකට පැවතීම.

ඔබත් මෙවැනි විෂම චක්‍රයක සිරවී සිටිනවා නම්, එය ඔබේ වරදක් නොවන බව තේරුම් ගන්න. මෙයින් මිදීමට අවශ්‍ය මානසික ශක්තිය ගොඩනගා ගැනීමට වෘත්තීය උපදේශනයට යොමු වන්න.

Psy: Counselor
Kasun Rajapaksha
fans